'Kalai Nilavu' RAVICHANDRAN

[veegopalji]

நண்பர்களே :
ரவிச்சந்திரனின் லட்சக்கணக்கான ரசிகர்களில் நானும் ஒருவன்.அவரை கல்லூரி நாட்களிலேயே அவர் வீட்டில் என் நண்பர்களுடன்
சந்தித்திருக்கிறேன். இங்கு நண்பர்கள் எழுதும் செய்திகள் மிகவும் பிரம்மாண்டமாகவும், அருமையாகவும் இருக்கின்றன. ரவியின்
பல படங்களைபப் பற்றி விரிவான செய்திகளைக் கொடுத்திருந்தது மிக்க வியப்பை ஏற்படுத்தியது. "எங்களுக்கும் காலம் வரும்" அவர்
நடித்த படம்தானே, அதைப் பற்றி எந்தக் குறிப்பும் இல்லையே ? அதைப் பற்றியும் கொஞ்சம் எழுதுங்கள்.

சாரதா, பம்மலார், வாசுதேவன் போன்ற நண்பர்கள் மிகவும் சிறப்பாக பல புள்ளி விபரங்களுடன் எழுதுவது, அதுவும் நாற்பது ஆண்டுகளுக்குப்
பிறகு எழுதுவது என்பது பிரமிக்கத்தக்க நினைவாற்றலை வெளிப்படுத்துகிறது. ரவியின் மீதுள்ள அன்பின் காரணமாக அவர் ரசிகர்கள் எப்படியெல்லாம்
அவரை ரசித்திருக்கிறார்கள் என்பதை இதன் மூலம் அறிய முடிகிறது. தொடரட்டும் உங்கள் தொய்வில்லாத பணி.

நன்றியும், வாழுதுக்களுடன்,
வாஞ்சி.

[mahendra raj]

oh ! i haven't actually seen it though ! not surprised either
same old movies( +tunes ) being recycled year in year out
guys use every trick in the book


Regards

Actually the original film is 'Professor', a Hindi film starring Shammi,Kapor and Kalpana released in 1963. It has beautiful songs with music by Shankar Jaikishen. 'Nadigan' is almost a carbon copy of 'Professor' whereas 'Naalum Therinthavan' is not so. Even P. Vasu, director of Nadigan only recently acknowledged that he got the 'inspiration' from 'Professor' although every inch it is an exact replica! When I saw 'Nadigan' in 1990 I was looking out for the credit title of the origin of the story but no where it was mentioned of Professor or its story writer. Just see the film 'Professor' online so that you can surmise for yourself.

[Gopal.s]

நான் ஒரு ரவிச்சந்திரன் ரசிகன்(ஜெய்சங்கர் அறவே பிடிக்காது) அவரை எல்லோரும் ஷம்மி கபூருடன் ஒப்பிட்டாலும் , ஷம்மி கபூரை விட handsome ஆனவர். சிவாஜிக்கு பிறகு கேமரா பார்வையில் handsome ஆக தெரிந்த நடிகர். பொழுது போக்கு படங்களில் சிவாஜி style படி நடித்தவர்.
நேற்று இதய கமலம் என்ற அருமையான படம்(கலைஞர் TV ) ரவி-கே.ஆர்.விஜயா ஜோடி படு cute .
நீ போகுமிடமெல்லாம் பாட்டில் side ways ஆக துள்ளி ஒரு step எடுப்பார் பாருங்கள் அடடா.!!
மலர்கள் நனைந்தன பாட்டில், பட்ட காயத்தை சொன்னது கண்ணாடி என்ற வரிகளில் ஒரு விஷம வெட்க சிரிப்பு. ரவி, ரவிதான்.
கே.எஸ். பிரசாத் படப் பிடிப்பு, மாமா மியூசிக் என்று heavy dinner நேற்று .
அவர் நடித்த இரண்டாவது படம் இதய கமலம் என்று நினைத்திருந்தேன். ஆனால் நல்வரவு என்ற படம்தான் இரண்டாவதாமே?யாருக்காவது விவரம் தெரியுமா?

[Gopal.s]

ரவி நடித்த ஒரு படம் கூட விட்டதில்லை.(சிங்கப்பூர் சீமான் உட்பட) . ஜெய்சங்கரை விட உயரமான நட்சத்திரமாக இருந்தும், சில பல பழக்கங்களால் தன் உயரங்களை இழந்தவர்.1964 இலிருந்து 1968 வரை இவரளவு வெள்ளி விழா படங்களையும், பிரம்மாண்ட வண்ண படங்களையும் அன்றைக்கு உச்ச பட்ச superstar நடிகர்திலகம் கூட அந்த 5 வருட காலகட்டத்தில் கொடுத்ததில்லை.

என்னுடைய ரவி பட்டியல்.
காதலிக்க நேரமில்லை,இதயகமலம், குமரி பெண், வாலிப விருந்து,நாம் மூவர்,நிமிர்ந்து நில், நான், மூன்றெழுத்து, அதே கண்கள்,பணக்கார பிள்ளை,மீண்டும் வாழ்வேன்,பாக்தாத் பேரழகி, அக்கரை பச்சை,மெட்ராஸ் டு பாண்டிச்சேரி,நினைவில் நின்றவள்,காதல் ஜோதி,சபதம்,உத்தரவின்றி உள்ளே வா,புகுந்த வீடு..

திருச்சியில் பிஷப் ஹீபர் கல்லூரியில் படிக்கும் போது , என் பெரியப்பா வீடிருந்த ஆனைகட்டி மைதானம் என்ற இடத்தில் இவர் மனைவி விமலா, விமலா தங்கை வத்சலா, மகன்பாலாஜி, மகள் லாவண்யா,மைத்துனர் கிருஷ்ணன் என்ற குட்டி பையா அருகாமையில் வசித்த நண்பர்கள். ரவி ,இவர்களை சந்திக்க வருவார்.(முழுவதும் மீளவில்லை அப்போது)என் பெரியப்பா வீட்டில் வந்துதான் போன் பேசுவார்.(அப்போது போன் அபூர்வம்)பொதுவாக நிலம்,விவசாயம் சம்பந்தமானது. பெரியப்பாவிற்கு இவர் மனைவி,பிள்ளைகளுக்கு இழைத்த துரோகம் உவப்பில்லாததால்,வாடா ஒன்னோட favourite வந்துட்டான்,நீயே வந்து நில்லு ,நான் போறேன் என்பார்.(1974-75). என்னுடன் சகஜமாக பேசுவார் ரவி. பிறகு 1982 இல் ஒரு முறை பார்த்தேன். மையமாக ஒரு புரிந்த சிரிப்பு. பிறகு தொடர்பிலில்லை.

ரவி படங்களை இன்று பார்க்கும் போதும் மனதில் அதே குதூகலம்.

[RAGHAVENDRA]

கோபால் சாரின் தயவால் ரவிச்சந்திரன் திரி சிறிது சூடு பிடித்து விட்டது. நாம் சும்மா இருக்கலாமா..

இதயக் கமலம் படத்திலிருந்து சில நிழற்படங்கள்

[RAGHAVENDRA]

மொள்ள மாரி கேப் மாரி ...

ஐயையோ.. காலைலே என்ன இந்த மாதிரின்னு பாக்கிறீங்களா...

கோபால் சாரின் விருப்பமான சிங்கப்பூர் சீமான் படத்தில் மனோரமா பாடிய பாடல் இது

நீங்களும் தான் இந்த இணைப்பில் கேட்டுப் பாருங்களேன்

http://www.inbaminge.com/t/s/Singapore%20Seeman/

[mr_karthik]

அன்புள்ள கோபால் சார்,

உங்கள் பதிவிலிருந்து நீங்கள் தீவிர ரவிச்சந்திரன் ரசிகரும் கூட என்று தெரிகிறது. (உங்களுக்குப் பிடிக்காதவர்கள் வரிசையில் எம்.எஸ்.வி.யைத் தொடர்ந்து ஜெய்சங்கரும் இருப்பதாக தெரிகிறது).

நீங்கள் குறிப்பிட்டிருக்கும் ரவியின் பேவரைட் படப் பட்டியலிலுள்ள பல படங்கள் முந்தைய பக்கங்களில் ஆய்வு செய்யப்பட்டுள்ளன. அவைகளைப்படித்து ஒவ்வொரு படத்துக்கும் உங்கள் மேலதிக விவரங்களையும் கருத்துக்களையும் தரலாமே.

திரி இன்னும் சூடு பிடிக்கும்.

[Gopal.s]

ஐயையோ ,தலைவரே எனக்கு மிக மிக பிடித்த இசையமைப்பாளர் எம்.எஸ்.வீ.(எனக்கு எம்.எஸ்.வீ. இசை கடவுளுக்கு சமம்.) என் குடும்ப நண்பரும் கூட. எனக்கு அவரிடம் பிடிக்காதது Politics & Assumed false humility .

[mr_karthik]

ரவிச்சந்திரன் மறைந்தபோது அவரது வாழ்க்கைக்குறிப்பைப் பற்றி எழுதிய பத்திரிகைகள், ரவிச்சந்திரன் முதலில் நடிகை ஷீலாவை திருமணம் செய்து வாழ்க்கை நடத்தியதாகவும் பின்னர் அவரைப்பிரிந்து விமலாவை திருமணம் செய்து கொண்டார் எனவும் தவறாக எழுதியுள்ளனர். அது உண்மை அல்ல.

அவர் 1967-லேயே திருமதி விமலாவை திருமணம் செய்து, விமலாவும் ரவிச்சந்திரனும் தம்பதிகளாக காட்சி தரும் புகைப்படம் 67 இந்தியன் மூவி நியூஸ் பத்திரிகையில் வந்திருந்ததை பிற்காலத்தில் காண நேர்ந்தது. அதன் பின்னர்தான் ஷீலாவின் வலையில் விழுந்து, விமலாவையும் குழந்தைகளையும் ஒதுக்கி வைத்துவிட்டு ஷீலாவுடன் வாழ்க்கை நடத்தினார்.

'மஞ்சள் குங்குமம்', 'அப்பா அம்மா' போன்ற சில படங்களை இருவரும் சேர்ந்து தயாரித்து நடித்தனர். அனைத்தும் 'ப்ளாப்' . 'காதலிக்க 90 நாள்' என்ற படத்தை எடுத்தபோது ரவிச்சந்திரன் மிகவும் நொடித்துப்போனார். கடனாளியானார். அவ்வளவுதான், ஷீலா ரவியை உதறிவிட்டு வேறு பசையுள்ள இடம் நோக்கி பறந்துவிட்டார். தன தவறை உணர்ந்த ரவி, மீண்டும் திருச்சியில் பிள்ளைகளை வைத்துக் கொண்டு கஷ்ட ஜீவனம் நடத்தி வந்த தன மனைவி விமலாவிடம் சரணடைந்தார். அவர் நடிகை அல்ல, குடும்பத்தலைவியான குத்துவிளக்கு. திரும்பி வந்த / திருந்தி வந்த கணவரை ஏற்றுக்கொண்டதோடு தான் வேலைக்குப்போய் அவரையும் காப்பாற்றினார்.

அதன்பின்னர் ரவிச்சந்திரன் ஷீலாவைப்பற்றியோ, அல்லது ஷீலா ரவியைப்பற்றியோ எந்த பேட்டிகளிலும் குறிப்பிடுவதில்லை.

[Gopal.s]

விமலா ,ரவியின் சொந்த அத்தை மகள். காதலிக்க நேரமில்லை வந்த போதே கல்யாணம்.(கிட்டத்தட்ட சிவாஜி போலவே முதல் படம் வந்த சூட்டோடு). ஷீலா -ரவி தொடர்பு இதய கமலம்,கௌரி கல்யாண நேரத்தில் ஆரம்பம். முற்றி ,அவர் குடும்பத்தை ஒதுக்கி மது பிரியர் ஆனது 1967 இல் இருந்து. பிறகு ஷூட்டிங் நேரத்தில் தன்னிலை மறந்து குடிப்பது, நேரம் அனுசரிக்காமை, சரியான நிர்வாகியை கூட வைத்து கொள்ளாதது, Public Relation ,அனாவசிய தி.மு.க சார்பு எல்லாமே அவரை உயரத்தில் இருந்து ,இறக்கியதோடு அல்லாமல் குழியிலும் தள்ளின.
சிகரெட் தூக்கி போட்டு பிடிக்கும் style அவர் நான்கு சுவர்கள் படத்தில் பண்ண வேண்டியது.
அது படத்துக்கு பொருந்தாது என்று சொல்லி, கே.பீ பிறகு மூன்று முடிச்சில் அதை உபயோகித்து ரஜினியை தூக்கி விட்டார்.
விமலா, வத்சலா, கிருஷ்ணன் எனது நெருங்கிய நண்பர்கள். அப்போது பாலாஜி,லாவண்யா சிறுவர்கள்.
ஷீலா-ரவிக்கு ஒரு பையன் உண்டு