-
13th October 2015, 12:34 PM
#11
Senior Member
Veteran Hubber
கைவிடப்பட்டது 'கான்'?- தனுஷை இயக்கும் செல்வராகவன்! - Tamil Hindu
செல்வராகவன் இயக்கத்தில் சிம்பு நடித்து வரும் 'கான்' திரைப்படம் கைவிடப்பட்டதாக தகவல் வெளியாகியுள்ளது. செல்வராகவன் இயக்கத்தில் சிம்பு, கத்ரீன் தெரசா, டாப்ஸி, ஜெகபதி பாபு உள்ளிட்ட பலர் நடிப்பில் தொடங்கப்பட்ட படம் 'கான்'. யுவன் இசையமைத்து வந்த இப்படத்தை கீதாஞ்சலி செல்வராகவன் மற்றும் சித்தார்த் இருவரும் இணைந்து தயாரித்து வந்தார்கள்.
சென்னையில் தொடங்கப்பட்ட இப்படத்தின் படப்பிடிப்பு சில நாட்கள் நடைபெற்றது. அதனைத் தொடர்ந்து 'அச்சம் என்பது மடமையடா' படத்தை முடித்துவிட்டு இப்படத்துக்கு தேதிகள் ஒதுக்கி இருந்தார் சிம்பு.
இந்நிலையில், 'கான்' திரைப்படத்துக்கு பணம் அளிக்க எந்த ஒரு பைனான்சியரும் முன்வரவில்லை. எப்போதுமே ஒரு படம் தொடங்கிய உடன் தான் பைனான்சியர் பணம் அளிக்க முன்வருவார்கள். இப்படம் தொடங்கப்பட்டு படப்பிடிப்பு நடத்தப்பட்ட போதும், யாருமே பணம் அளிக்க முன்வரவில்லை. இதனைத் தொடர்ந்து இப்படம் தற்காலிகமாக நிறுத்தி வைக்கப்பட்டுள்ளது.
மேலும், செல்வராகவன் தன் அடுத்த படத்தை தனுஷை வைத்து இயக்க முடிவு செய்திருக்கிறார். இப்படத்தில் தனுஷ் நடிப்பது மட்டுமன்றி, தயாரிப்பார் என்று முடிவு செய்திருப்பதாக தகவல் வெளியாகியிருக்கிறது.
'கான்' கைவிடப்பட்ட செய்தியால், சிம்பு ரசிகர்கள் பெரும் அதிர்ச்சியடைந்திருக்கிறார்கள். இப்படத்தின் பர்ஸ்ட் லுக் வெளியான போது உலகளவில் ட்ரெண்ட் செய்து கொண்டாடி தீர்த்தார்கள் சிம்பு ரசிகர்கள் என்பது குறிப்பிடத்தக்கது.
-
13th October 2015 12:34 PM
# ADS
Circuit advertisement
Bookmarks