சினிமா
ஜாக்பாட்டில் நதியா

First Published : 04 Jun 2010 05:47:55 AM IST

Last Updated :

நடிகை குஷ்பூ தொகுத்து வழங்கி வந்த ஜெயா டி.வி.யின் "ஜாக்பாட்' நிகழ்ச்சியை இனி நடிகை நதியா தொகுத்து வழங்குகிறார். இந்நிகழ்ச்சியை கடந்த 8 ஆண்டுகளாக நடத்தி வந்த குஷ்பூ, தி.மு.க.வில் இணைந்ததால் ஜாக்பாட் நிகழ்ச்சி கடந்த மாதம் நிறுத்தப்பட்டது.

இப்போது "ஜாக்பாட் சீசன் -2' என்ற பெயரில் வரும் 13-ம் தேதி முதல் இந்நிகழ்ச்சி தன் ஒளிபரப்பைத் தொடங்குகிறது. பழைய ஜாக்பாட் நிகழ்ச்சியைத் தயாரித்து வழங்கிய அதே டெலி ஜூம் நிறுவனம், இந்த நிகழ்ச்சியையும் தயாரித்து வழங்குகிறது.

திருமணத்துக்குப் பின் சினிமாவில் நடிக்காமல் இருந்த நதியா, கடந்த சில வருடங்களுக்கு முன் வெளிவந்த "எம் குமரன் சன் ஆஃப் மகாலட்சுமி' படத்தின் மூலம் மீண்டும் சினிமாவில் நடிக்க ஆரம்பித்தார். தொடர்ந்து "பட்டாளம்', "சண்டை' உள்ளிட்ட சில படங்களில் நடித்தார். இப்போது முதன் முதலாக தொலைக்காட்சி நிகழ்ச்சிக்கு நதியா வந்திருக்கிறார்.

http://dinamani.com/edition/story.as...41&SEO=&Title=