Nadigar Thilagam Sivaji Ganesan Part 8

[vasudevan31355]

அன்பு பம்மலார் சார்,

சுதந்திர தின வாழ்த்துக்கள். உங்களை எப்படிப் பாராட்டுவது என்றே தெரியவில்லை. என்ன அசத்தலான உழைப்பு! ஹப்-இன் பக்கங்கள் உங்களாலும், திரு.ராகவேந்திரன் சாராலும் வைரப் பக்கங்களாய் ஜொலிக்கின்றன.கோடானு கோடி நன்றிகள் எனும் வார்த்தைகளை உள்ளத்தின் அடித்தளத்திலிருந்து தெரிவித்துக் கொள்கிறேன்.

"முதல் குரல்" பற்றிய 'பொம்மை' யில் v.c. குகநாதன் அவர்களின் பேட்டி,
கிடைத்தற்கரிய அண்ணலின் "அக்னிபுத்ருடு" நிழற்படம்,
'சாரங்கதாரா' வின் முதல் வெள்யீட்டு விளம்பரம்,
"ராமன் எத்தனை ராமனடி" யின் 50 மற்றும் 100-ஆவது நாள் விளம்பரங்கள்,
'எழுதாத சட்டங்கள்" மற்றும் "யாத்ரா மொழி காவியங்களின் விளம்பரங்கள்,
"முதல் மரியாதை" நிழற் படங்கள்,
என புகுந்து விளையாடி விட்டீர்கள்.

நன்றி! நன்றி! நன்றி!

நண்பர்கள் அனைவருக்கும் என் இனிய சுதந்திர தின நல்வாழ்த்துக்கள்!

அன்புடன்,

நெய்வேலி வாசுதேவன்.

[vasudevan31355]

டியர் ராகவேந்திரன் சார்,

என் இனிய சுதந்திர தின நல்வாழ்த்துக்கள்!

'வண்ண மரியாதை' யில் உங்கள் அபார உழைப்பும், திறமையும் பளிச்சிடுகிறது.
சூப்பரோ சூப்பர்! இதுவரையில் நான் காணாத அக்னிபுத்திரரின் "அக்னிபுத்ருடு" படக் காட்சிகள் வெகு பிரமாதம். அதற்காக உங்களுக்கு என் 'ஸ்பெஷல்' நன்றிகள்.

சுதந்திரத் திருநாளுக்காக தாங்கள் பதிவிட்டிருக்கும் அழகிய மல்டிமீடியா நிழற்படம் நெஞ்சை அள்ளுகிறது. எப்படி சார் இப்படியெல்லாம்?.....

நன்றி! நன்றி!

அன்பு வாழ்த்துக்களுடன்,

நெய்வேலி வாசுதேவன்.

[vasudevan31355]

அன்பு நண்பர்களே,

இனிய சுதந்திர தின வாழ்த்துக்கள். சுதந்திரத்திற்க்காக பாடுபட்ட அரும்பெரும் தலைவர்களை நம் கண் முன் நிறுத்திய தன்னிகரில்லா உயர்ந்த மனிதர், நடிக மாமேதை, நடிப்புப் பல்கலைகழகம், புகழ் விரும்பா புண்ணியபுருஷர், எங்கெங்கோ இருந்த நம்மையெல்லாம் தன் சீர்மிகு நடிப்பால் ஒன்றிணைத்து சகோதரர்களாக்கி, பாசத்தையும், நேசத்தையும் ஊட்டி வளர்த்த பாசமலர், 'அன்னை இல்லம்' கண்ட, கருணை உள்ளம் கொண்ட நம் தங்க ராஜா, கலைக்குரிசில் அவர்களின் நினைவாக இதோ உங்களுக்காக,

வாஞ்சி நாதன்.



அன்புடன்,

நெய்வேலி வாசுதேவன்.

[RAGHAVENDRA]

அன்புமிக்க வாசுதேவன், பம்மலார் மற்றும் நண்பர்களுக்கு,
தங்கள் பாராட்டுக்களுக்கு என் உளமார்ந்த நன்றிகள்.
நம் நாட்டுக் கொடியின் மல்டி மீடியா படம் வேறொரு இணைய தளத்தில் பதியப்பட்டு இங்கு இணைப்புக் கொடுக்கப் பட்டுள்ளது. அவ்வளவுதான். எனவே தங்கள் பாராட்டுக்களை அந்த நிழற்படத்தை உருவாக்கியவருக்கே சமர்ப்பணம்.

அன்புடன்

[RAGHAVENDRA]

உலகம் போற்றும் உத்தமக் கலைஞனின் முதல் மரியாதை நிழற்படங்களே பார்க்கப் பார்க்க புதுப்புது பரிணாமங்களை அளித்துக் கொண்டே போகும் என்றால் படம் - கேட்கவா வேண்டும். நிழற்படங்களுக்காக சம்பந்தப் பட்ட இணையதளங்களுக்கு நமது நன்றிகள்.







நிகரில்லா இனிமையுடனும் மண்ணின் மணத்துடனும் வைரமுத்து, இளையராஜா கூட்டணியில் தமிழ்த்திரையுலகின் வரலாற்றில் தனக்கெனத் தனி இடம் பிடித்த பாடல்களில் ஒன்று நம் பார்வைக்காக. வெட்டி வேரு வாசம் - எங்கள் திலகத்தின் வேசம்



அன்புடன்

[RAGHAVENDRA]

வீரன் வாஞ்சிநாதனை நமக்குரைத்த காட்சிக்கு நன்றி வாசுதேவன் சார்.

இதே போல் நமக்கு நடிகர் திலகம் எடுத்துரைத்த மற்றொரு விடுதலைப் போராட்ட வீரரை நினைவு கூர்வோம்.

பாஞ்சாலங்குறிச்சியிலுள்ள வீரபாண்டிய கட்டபொம்மன் நினைவு கோட்டை



நடிகர் திலகம் அமைத்துக் கொடுத்த கட்டபொம்மன் திருவுருவச் சிலை. இவ்வளவு பெரிய பீடம் தமிழ்நாட்டில் வேறு எந்த சிலைக்கும் உள்ளதா என்று அறிய வேண்டும்.



கட்டபொம்மன் நினைவிடத்தின் உட்புறத் தோற்றம்



வீரபாண்டிய கட்டபொம்மனாக நடிகர் திலகம்

[vasudevan31355]

வ.உ.சி- ஆக வாழ்ந்து காட்டிய நடிப்புலக வேந்தர்.



'செக்கிழுத்த செம்மல்' வ.உ,சி அவர்களை சுதந்திர தினத்தில் நினைவு கூர்வோம்.

வ.உ.சி அவர்கள் விடுதலைப் போராட்டத்தில் ஈடுபட்டு, ஆயுள் தண்டனை விதிக்கப்பட்டு கோயம்புத்தூர் மத்திய சிறைச் சாலையில் சிறை வைக்கப்பட்ட இடம்.



வ.உ.சி அவர்கள் உடல் வருத்தி இழுத்த செக்கு.



அன்புடன்,

நெய்வேலி வாசுதேவன்.

[pammalar]

டியர் ராகவேந்திரன் சார்,

வண்ண மரியாதைக்கு வளமான நன்றி !

"அக்னி புத்ருடு" மற்றும் "முதல் மரியாதை" ஸ்டில்ஸ் அசத்தல் !

'வெட்டி வேரு வாசம்' மனதைக் கட்டிப் போட்டு விட்டது !

வீரபாண்டிய கட்டபொம்மனின் நினைவுக்கோட்டை, நினைவிடத்தின் உட்புறம், தேசிய திலகம் அமைத்துக் கொடுத்த கட்டபொம்மனின் திருவுருவச்சிலை, கட்டபொம்மனாக தேசிய திலகம் முதலியவை உள்ளிட்ட நிழற்பட ஆல்பம் உள்ளத்தை ஈர்த்துக் கண்களைக் குளமாக்கின. சுதந்திரத் திருநாளன்று இந்த அரிய தேசிய பொக்கிஷங்களை இங்கே பதிவிட்டமைக்கு தங்களுக்கு எனது பொன்னான நன்றிகள் !

அன்புடன்,
பம்மலார்.

[pammalar]

டியர் நெய்வேலி வாசுதேவன் சார்,

இதயத்தின் அடித்தளத்திலிருந்து தாங்கள் அளித்திருக்கும் உணர்ச்சிமயமான பாராட்டுக்களுக்கு எனது இதயபூர்வமான நன்றிகள் !

வீரவாஞ்சி வீடியோவை விடுதலைத் திருநாளன்று வெளியிட்ட தங்களுக்கு வீர வணக்கங்கள் !

செக்கிழுக்கும் செம்மல் வ.உ.சி.யாக தேசிய செம்மல், கப்பலோட்டிய தமிழர் இருந்த சிறை அறை, அவர் இழுத்த செக்கு ஆகியவை கொண்ட ஆல்பப்பதிவு உடலுக்குள் புகுந்து, உயிருடன் கலந்து ஆன்மாவைத் தொட்டது. விடுதலைத் திருநாளன்று இந்த இந்தியப் பொக்கிஷங்களை இடுகை செய்த தங்களுக்கு இனிய நன்றிகள் !

"பெற்ற சுதந்திரத்தை பேணிக் காப்போம்" என்று சூளுரைப்போம் !

பக்தியுடன்,
பம்மலார்.

[pammalar]

அனைவருக்கும் இனிய சுதந்திரத் திருநாள் நல்வாழ்த்துக்கள் !

அண்ணலின் ஆகஸ்ட் அற்புதங்கள்

முதல் மரியாதை

[15.8.1985 - 15.8.2011] : 27வது உதயதினம்

சாதனை வசந்தங்கள்

முதல் வெளியீட்டு விளம்பரம் : தினமணி : 15.8.1985


90வது நாள் : தினத்தந்தி : 11.11.1985
[தீபாவளித் திருநாளான 11.11.1985 திங்கள் [89வது நாள்] அன்று அளிக்கப்பட்ட விளம்பரம்]



தொடரும்.....

அன்புடன்,
பம்மலார்.