kavidhaikku kavidhai matrum Pattuku pattu-2

**chinnakkannan** · 14th March 2013, 09:05 AM

அனைவரும் வருக
என்ற
பொதுக்கூட்ட அழைப்பிதழ் பழைய சுவரொட்டி
கிழிந்து தொங்க
உள்ளேயும்
பழைய போஸ்ட்ர்
யாரோ தொண்டனின்
கண்ணீர் அஞ்சலி...

**Google Adsense** · 14th March 2013 09:05 AM

**pavalamani pragasam** · 14th March 2013, 03:30 PM

அஞ்சலி அஞ்சலி
எங்கும் அஞ்சலி
எல்லாம் அஞ்சலி
அழகான அஞ்சலி
கரையை வருடும்
கடலின் காதல்
மண்ணை மூடும்
மலர்கள் மோகம்
வானில் தவழும்
மேகம் மோகம்
நதியின் சங்கமம்
ஒப்பிலா ஆராதனை
உலகில் உன்னதம்
அன்பின் சமர்ப்பணம்

**chinnakkannan** · 14th March 2013, 10:11 PM

சமர்ப்பணம் கிருஷ்ணா
உனக்கே அர்ப்பணம்
சொல்லி
அம்மா
ஒவ்வொருமுறையும்
உணவு உண்ணும் போதும்
ஹால் கிருஷ்ணர் படத்துக்கு
கண்கள் செல்லும்.

கிச்சாவின்
வாய் முழுக்கச் சிரிப்பு தெரியும்
வயிறு நிரம்பிய தொப்பையுடன்..

**venkkiram** · 15th March 2013, 12:06 AM

தொப்பையுடன் ஓடி துரத்திப் பிடிக்க
ரொம்பவும் கடினமாகப் பட்டது
மொட்டைச் சுவரை தாண்ட முடியவில்லை
பார்வையிலிருந்து மறைந்தே விட்டான் திருடன்
கால்தட்டி கண்ணடைத்து மூச்சு வாங்கியதால்
அருகேயிருந்த பொட்டிக்கடையில்
ஆற அமர ஓய்வெடுத்து ஓசியில் சோடா குடித்து
ஸ்டேஷன் திரும்புகையில்
வேகமாக வந்த வாகனங்கள் இரண்டை
நின்றபடியே பிடித்து பாக்கட் நிரப்பி வந்தார் ஏட்டையா
திருட்டுத் தொழில் பலரைப் பாதிக்கிறது என்பது
திருடனுக்குத் தெரியவேயில்லை

**pavalamani pragasam** · 15th March 2013, 08:23 AM

தெரியவேயில்லை
எண்ணவோட்டங்கள்
ஒப்பனை பூச்சும்
பதறாத பாங்கும்
பணிவான தொனியும்
குலையாத துணிவும்
அபார பொறுமையும்
சலைக்காத பதில்களும்
விலகாத புன்னகையும்
சமயோசித சமாளிப்பும்
வரவேற்புப் பணி பெண்கள்
அதிசயமான பதுமைகள்

**chinnakkannan** · 15th March 2013, 10:21 AM

ப்துமைகள்
தங்களுக்குள் சிரித்துக் கொண்டன..

...சிறுவனாக இருந்த போது
விளையாட்டாய் ஓடி வந்து தொட்டுப் பார்த்த அவன்..
வாலிபத்தில்
தங்களருகே வந்து வியந்து நோக்கியதும்
பின் இன்று
புது மனைவியுடன் அருகில் வருகையில்
திரும்பிக் கூடப் பார்க்காமல்
அவளிடமே பேசியபடி போவதும்..

ஒரு ப்துமை சொன்னது..
பாரேன்.. நாம் நிற்கிறோம்
அவன் நடக்கிறான்..

அங்கு
சிரிப்பு எழுந்தது பொங்கி...

**pavalamani pragasam** · 15th March 2013, 01:01 PM

பொங்கி வரும் பால் அடங்கும் நீர் தெளித்து
கடலும் மனமும் அடங்குமா கட்டுப்பட்டு
தேசிங்கு ராஜன் கையிலென்ன மாயமிருக்கு
கடுந்தவ முனிவரிடம் எவ்வளவு பலமிருக்கு
கடிவாளம் போட சித்துகள் செய்ய எடு முயற்சி
குவிந்த முனைப்புடன் சாதிக்க உதவும் பயிற்சி

**chinnakkannan** · 15th March 2013, 01:33 PM

பயிற்சி முடித்து
வியர்வைத் துளிகளை
துண்டினால் ஒற்றியெடுத்தாள்..
துண்டு மேலும் ஈரமானது
ஆனந்த்க் கண்ணீரால்..

**pavalamani pragasam** · 15th March 2013, 08:58 PM

கண்ணீரால் மாற்றி எழுதப்படும் சரித்திரம்
வயிறு காய்ந்தவர் பொங்கியெழுந்தால் புரட்சி
வேசமான அழுகையும் பாசத்தை அசைக்கும்
அழுத பிள்ளைதான் பால் குடிக்குமென்றறிவர்
கள்ளமில்லா குழந்தையும் கபடமான மாந்தரும்
முதலைக் கண்ணீரை அறிந்திட வேணும் ஞானம்