kavidhaikku kavidhai matrum Pattuku pattu-2

**chinnakkannan** · 7th March 2013, 10:10 AM

தூங்கி விடும் கண்கள்
பொய்யாய்..

மெதுவாய் வந்து
உடை மாற்றி
கிசுகிசுத்து
என்னை எழுப்பப்பார்த்து
பின் படுத்துக் கொள்வாய்

ஹேய்
தூங்கிட்டேங்க்..
ஆஃபீஸ்லவேலை
தெரியுமே
ஸாரிம்மா
தெனசரி இதானே..
ஓகே குட் நைட்

நான் பேசாமல் இருந்தாலும்
நீ பார்த்துக்கொண்டிருக்கிறாய்
எனத் தெரியும்..
கொஞ்சம் பீறிட்ட கோபத்தில்
திரும்பி இரண்டு மூன்று
செல்லக்குத்துக்கள் விட
ஏய் என்ன இது என நீயும்
பொய்யாய் அலறிச் சிரிக்க
நானும் சிரிக்க..

போடா..
இது தினமும் தொடராமல்
ஆக்கி விடேன் சிறுகதையாய்...

**Google Adsense** · 7th March 2013 10:10 AM

**pavalamani pragasam** · 7th March 2013, 11:18 AM

சிறுகதையாய் முடிந்தால் அழகு
சின்ன அத்தியாயமே தேன் துளி
மகாபாரதமாயதை இழுக்கையிலே
சின்னத்திரையில் நெடுந்தொடராய்
காணவும் கேட்கவும் சகியாததாய்
பாவம் வேறு கதியற்ற முதியோர்

**kaveri kannan** · 8th March 2013, 02:09 AM

முதியோர்...
யானைக்கூட்டத்தில் பெருந்தலைவி (matriarch)
பட்டறிவால் வழிநடத்தும் அருந்தலைவி..

அடுத்த தலைமுறைக்கு அறிவூட்டும் சுரபி..

முதியோர்...
மனிதக்கூட்டத்தில் கிழவன் - கிழவி..
இடத்தை அடைக்கும் உயிர்ப்பொதி

எதுக்களித்த இத்தலைமுறை அருந்தாமல் காய்ந்த அறிவு மடி!

**venkkiram** · 8th March 2013, 06:33 AM

மடிமீது சாய்த்து
மகனின் தலையை கோதி
முற்றம் வழியே
ஒற்றை நிலா பார்த்து
கணவரை நினைக்கையில்
கண்ணசந்தவன் தூங்கிப் போனதால்
கொலுசுக் கால்களை மௌனமாக்கி
தாழ்வாரம் கடந்தாள் மருமகள்

**pavalamani pragasam** · 8th March 2013, 07:57 AM

மருமகள் மற்றொரு மகள்
பாரம் சுமக்க இன்னொரு தோள்
பகிர்ந்து கொள்ள நல்ல தோழி
ஆலோசனைக்கு அரிய மந்திரி
ஆள வந்த அடுத்த சின்ன ராணி
நடைமுறைக்ள் பழகும் மாணவி
அகமகிழ்வாள் இல்லத்துக் கிழவி
இளந்தலைவியை செதுக்கும் சிற்பி

**chinnakkannan** · 8th March 2013, 09:50 AM

சிற்பியின்
கை விரல்க்ளின் வலி
அறியாமல்
காலங்கள் பல கடந்தும்
சிரித்துக் கொண்டிருக்கிரது
அந்தப் பெண் சிற்பம்...

**pavalamani pragasam** · 8th March 2013, 06:52 PM

சிற்பம் போல் அழகியென்றாலன்று
சிற்றிடை சுற்றிய சிற்றாடையில்
சிலுப்பிய கூந்தல் ஜீன்ஸில் இன்று
சீசன் மாறுவது ஆண்கள் கண்ணில்

**chinnakkannan** · 8th March 2013, 08:01 PM

கண்ணில் எப்போது தட்டுப் படும்
பொருள்
தேவைப்படும் போது
காணவில்லை என
கத்துவார் அப்பா..

நாட்கள் செல்லச் செல்ல
பேச்சைக் குறைத்துக் கொண்டு
தேவைப் படுவ்தை
கொஞ்சம் ஒழுங்காக இன்ன இடம்
என்று வைத்து விடுவார்..

எங்களுக்கும் சொல்லித்தந்தார்..

இப்போது
அப்பா மேலே போய்
கண்ணில் தட்டுப்படுவதில்லை என்றாலும்
எங்க்ள் வழக்கங்க்ளில்
இருந்து
புரிகிறார் அவர் புன்னகை..

**pavalamani pragasam** · 9th March 2013, 07:53 AM

புன்னகையின் பொருள் மாறும்
பூக்கக்காணும் முகத்திற்கேற்ப
சம்பவித்த சூழ்நிலைக்கேற்ப
ஆதரவு ஒப்புதல் ரசனையோடு
ஏளனம் எக்காளம் வஞ்சமென
உணர்த்தும் சேதிகள் ஏராளம்

**venkkiram** · 9th March 2013, 08:41 AM

ஏராளம் எண்ணிக்கையில் தொகுதி வேட்பாளர்கள்
சுறுசுறுப்பாக களத்தில் திரியும் பிரமுகர்கள்
ஓட்டு பிரியுமென்ற அதிர்ச்சியில் பெரிய கட்சிகள்
எல்லா திசையிலும் பணம் பொருள் இலவசம்
காற்றில் கலந்து விட்டிருந்த லஞ்ச வாசம்
பரப்பரப்பான வாக்குப் பதிவின் முந்தைய இரவு
பரலோகம் சென்றார் சுயேட்சை ஒருவர் மாரடைப்பில்
வாங்கியவற்றை ஏப்பமிட்டு வரவிருக்கும் இடைத்தேர்தலை
வரவேற்கத் தயார் நிலையில் ஊர் மக்கள்