kavidhaikku kavidhai matrum Pattuku pattu-2

[chinnakkannan]

இவ்விந்தையை என்னென்று
சொல்வது
வியந்தார் தமிழாசிரியர்..

வழக்கமாய்
முத்து முத்தாய் எழுதும் முத்து
கொஞ்சம் கோழிக் கிறுக்கலாய்..

என்னடா ஆச்சு..

ட்ராயரைத்தூக்கி விட்ட படி
வழக்கமா எதிர் வீட்டு அக்கா
சொல்லிக் கொடுக்கும்
ஸ்கூல் முடிச்சுப் போனதும்..
போனவாரம் அக்கா போய்டுச்சு..”

“ஓ கல்யாணம் ஆய்டுச்சா..”

“இல்லை சார்”
தலையை அசைத்தான் தீர்மானமாக..
“செத்துப்போச்சு
ஏதோ காதலாம்”
கண்ணில் முட்டியது அழுகை..

சரி..போ..என்னிடம் வா
ஸ்கூல் முடிந்ததும்..
சொல்லித் தருகிறேன் என்றவருக்கு
பையனின் எதிர் வீட்டு அக்காவின் முகம்
நிழலாய்..

[pavalamani pragasam]

நிழலாய்
தொடர்வது
வினை
விதி
பாவம்
புண்ணியம்
சாவு
கிரகம்
நட்பு
மனசாட்சி

[chinnakkannan]

மனசாட்சி
சற்றேனும் சிலருக்கு இருப்பதனால்
அவ்வப்போது
பெய்கிறது மழை..

[pavalamani pragasam]

மழையின் சத்தம்
மனதிற்கு இதம்
தாலாட்டும் கீதம்
கிடைக்குமா நிதம்

[venkkiram]

நிதம் நினைக்கணும்
நிழலாய் தொடரணும்
சதா கொஞ்சனும்
சகஜமாய் பழகணும்
விடாமல் துரத்தனும்
விழாமல் தாங்கனும்
இமைக்காமல் பார்க்கணும்
மலைக்காமல் ரசிக்கணும்

[pavalamani pragasam]

ரசிக்கணும் என்றுதானே ஒப்பனை
அலங்கார சாதனங்களின் விற்பனை
என்னைப் பார் என் அழகைப் பார் என்று
மூடியும் மூடாமலும் தெரியும் அங்கங்கள்
கண்ணைக் கவரும் கவர்ச்சி விளம்பரங்கள்
கருத்தை மயக்கும் மாய வலைகள்
விரிப்பவவை வர்த்தக நிறுவனங்கள்
மழுங்குதுதே மெல்லிய உணர்வுகள்

[kaveri kannan]

உணர்வுகள் அனிச்சமலராய்...
உரசல்படாமல் காத்துக்கொள்ள
கவசமிட்டால் வந்தது
கல்நெஞ்சக்காரி பட்டம்!

[RAGHAVENDRA]

மனம் கொண்ட மணங்கள் -
தருமாம் மனோரஞ்சிதம்
மனம் கொண்ட உணர்வுகள் ....
வருமா அவள் சம்மதம் ?

[kaveri kannan]

சம்மதம்..
துரட்டியைத் தொட்டெடுக்கவும் சம்மதம்
பொதுப்பாதையில் சிதறப்பட்ட
நரகலைப் பெருக்கி அகற்ற..

சம்மதம்..
முள்ளைக் கையாளவும் சம்மதம்
மென்நெஞ்சில் தைத்த வேறோர்
முள்ளைக் கீறி எறிய

[pavalamani pragasam]

எறிய எடுத்த அம்பு கையில்
தயக்கம் பார்த்தன் நெஞ்சில்
ரத்த சொந்தங்களன்றோ எதிரில்
பிறந்தது கீதை சாரதி வாயில்