-
26th February 2013, 12:41 AM
#711
Senior Member
Senior Hubber
சாட்சி தானே..
மேல இருக்கு பாரு..
வாசலுக்குத் தூக்கிக் கொண்டு போய்
காட்டுவாள் பாட்டி..
நிலா சிரிக்கும்..
பாரு.. என் தோசையை
அது மாதிரி இல்லை..
பிய்த்து மிளகாய்ப்பொடியில்
தொட்டு ஊட்டி விடுவாள்..
அரை டஜன்
வாய் பேசாமல் உள் செல்லும்..
ம்ம்
பாட்டி நினைவு நாளான இன்று
அவள் நினைவலைகளில்
மூழ்கியபடி தோசை வார்த்து
சற்றே மறந்து விட்டேன்
தீய்ந்த வாசனை வர
சற்றே பதறி
சமையலறையில் பார்த்ததில்
நல்லவேளை
முக்கால் வாசி சிவந்தே இருக்க
கீழ்வட்டப் பகுதி மட்டும்
பாட்டியின் தாடை மச்சம் போல
இருந்தது
சற்றே கறுத்து..
-
26th February 2013 12:41 AM
# ADS
Circuit advertisement
-
26th February 2013, 02:01 PM
#712
Senior Member
Platinum Hubber
கறுத்துப் போன உதடுகள் சொன்னது
புகைப்பிடிக்கும் பழக்கம் உள்ளதென்று
கன்னக்கதுப்பும் தொந்தியும் காட்டியது
குடிப்பழக்கம் உறுதியாய் இருக்கிறதென்று
கண்களின் விகார கீழ் பார்வைகள் கூறியது
கண்டிப்பாய் இவன் ஒரு காமுகனென்று
பெண் பார்க்கும் படலம் ஒன்று முடிந்தது
கன்னி நிராகரித்தாள் மாப்பிள்ளையை
Eager to watch the trends of the world & to nurture in the youth who carry the future world on their shoulders a right sense of values.
-
26th February 2013, 02:51 PM
#713
Senior Member
Senior Hubber
மாப்பிள்ளையைப் பார்த்துக்கடி
மைனாக்குட்டி..
அப்போது பிரபலமான்பாடலை
அடிக்கடி பாடுவான் அவன்.. ரங்கன்
ஒவ்வொரு முறையும்
பள்ளிக்கு பச்சை மஞ்சள் சீருடையில்
செல்லும் போது..
கோபம் வரும்
கடங்காரா
என பலவிதமாய்
கொடுப்பேன் சாபம்..
பள்ளி முடிந்து
கல்லுரி சென்ற போது
என் வீடும் மாறியதால்
அவனைப் பார்க்கவில்லை..
ஒரு நாள்
கோவிலில் பார்த்த போது
அவனுடன் ஒருத்தி
கட்டை குட்டையாய்
கொஞ்சம் கிளிமூக்காய்
ஏகப் பட்ட நகைகளுடன்
அவன் பணிவாய்..
என்னை ஒரு கணம் பார்த்துவிட்டு
பார்க்காதது போல் இருக்க..
எனக்கு
வந்தது சிரிப்பு பீறிட்டு..
-
26th February 2013, 10:58 PM
#714
Senior Member
Platinum Hubber
பீறிட்டு வருவது அழுகையா சிரிப்பா
எதுவானால் என்ன மறைக்க வேண்டாமா
கைக்குக் கிடைத்தது உன் முந்தானையா
கழுத்தை சுற்றிக் கிடக்கும் துப்பட்டாவா
எதுவானால் என்ன எடுத்து வாயை மூடு
அந்தரங்கம் பிறர் அறியாமல் திரை போடு
Eager to watch the trends of the world & to nurture in the youth who carry the future world on their shoulders a right sense of values.
-
27th February 2013, 12:39 PM
#715
Senior Member
Senior Hubber
திரை போடு
பெரிய குருக்கள் சொல்ல
சின்னவர் திரையை மூட..
ஓடி வந்த அவன் நின்றான்..
அச்சச்சோ மூடிடுத்தா..
கண்ணை மூடி கொஞ்சம் தியானித்து
பெருமாளே காப்பாத்து..சொல்லி
பின் விரைய
சென்றவனின் பின்னால்
தொடர்ந்தார் பெருமாள்..
-
27th February 2013, 07:21 PM
#716
Senior Member
Platinum Hubber
பெருமாள் பிச்சை எடுப்பாராம்
பிடுங்கித் தின்பாராம் அனுமார்
பெரியோர் கட்டிக் காப்பார் தர்மத்தை
பலனை அனுபவிப்பர் பின் சந்ததிகள்
Eager to watch the trends of the world & to nurture in the youth who carry the future world on their shoulders a right sense of values.
-
28th February 2013, 12:48 PM
#717
Senior Member
Senior Hubber
சந்ததிக்ளின் நன்மைக்காகத்
தான்
இந்த தான தர்மங்களெல்லாம்..
புன்சிரிப்புடன் சொன்னார் வள்ளல்..
அப்போது
நீங்கள் செய்த பாவங்களெல்லாம்..
பதில் சொன்னார் வள்ளல்..
என் சொத்துக்களான புண்ணியம்
அவர்களை போய்ச்சேரும் நேரிடையாக..
பாவங்கள் எனது கடன் போல..
என்போன்ற மானிடரால் பிரிக்க இயலாது..
அவற்றைப் பிரித்து வழங்குவான்
மேலே உள்ளவன்..
-
28th February 2013, 01:33 PM
#718
Senior Member
Platinum Hubber
மேலே உள்ளவனை என்ன செய்யலாம்
அவனுக்கு திமிர் அலட்சியம் அதிகம்
கொட்டுகிறான் குப்பையை ஜன்னல் வழியே
வருந்துது என் தோட்டத்து கண்மணிகள்
Eager to watch the trends of the world & to nurture in the youth who carry the future world on their shoulders a right sense of values.
-
1st March 2013, 03:24 PM
#719
Senior Member
Senior Hubber
கண்மணிகளுடன் இமை
ஒட்டிக் கொண்டாற்போல் பிரமை..
மருந்து விட்டுச் சென்று
அரை மணி இருக்குமா
என்னவெல்லாம் குரல்கள் வெளியே..
எனக்குப் பதினொரு மணி அப்பாய்ண்ட்மெண்ட்
உறுதியாவா.
கொஞசம் இருங்கள்
கம்ப்யூட்டரில் செக் பண்ணுகிறேன்
ரிசப்ஷனிஸ்டின் குரல்..
அந்த ஆர்தோபீடிஸ்ட் எந்த அறை..
நீங்கள் முதல் மாடி செல்லவேண்டும்
மீண்டும் அவள் குரலே..
நான் கண்ணைத் திறக்கலாமா நர்ஸ்
பக்கத்தில் எனக்கு முன்னமேயே
கண்ணை மூடியிருந்தவரின் குரல்...
கொஞசம் இன்னும் ஐந்து நிமிடம்..
மெல்லிய பதில்..
வெளியில்
ர்ரென்று சப்தம்
ஆட்டோவா பைக்கா..
செல்வேறு சத்தம் போடுகிறது
என்னால் எடுக்க இயலாது
யாராய் இருக்கும்
அவள் தான்
இன்னும் எவ்வளவு நேரம் ஆகும்
எனக் கேட்பாள்..
என்னால் எடுக்கமுடியும்
பார்க்க முடியாதே..
அப்பாடி நின்று விட்டது..
மறுபடியும் கொய்ங்க்
இதுஎஸ் எம் எஸ்
அவளாகத் தான் இருக்கும்..
காத்திருக்கட்டும்..
ஒருவழியாய்
கண்ணைத் திறங்க சார்..
குரல் வர
பிசுபிசுத்த கண்களை
சற்றே சிரமப்பட்டுத் திறந்தால்
முதலில் மசமசப்பாக
பின் தெளிவாக..
ஆஹா உலகம் எவ்வளவு
பிரகாசமாய்..
ம்ம்
இருட்டில் தான் தெரிகிறது
வெளிச்சத்தின் அருமை..
-
1st March 2013, 07:02 PM
#720
Senior Member
Platinum Hubber
அருமையாய் போற்றி
வளர்த்தார் அப்பா
அதை இவரிடம் நான்
எதிர்பார்த்தால் தப்பா
அவர் மகளை பொத்தி
வளர்க்கிறார் அருமையாய்
அவள் அதையே நினைப்பாள்
பின்னாளில் ஒரு தாரமாய்
என் தாய் இன்றும் ஓயாமல்
போற்றுகிறார் தந்தையை
பேத்தியும் செய்வாள் இதை
என்னென்பது இவ்விந்தையை
Eager to watch the trends of the world & to nurture in the youth who carry the future world on their shoulders a right sense of values.
Bookmarks