kavidhaikku kavidhai matrum Pattuku pattu-2

[chinnakkannan]

தன்கையால் செய்து தரும்போது
தான்
உணவு ஒட்டும்
என
எவ்வளவு வேலை பார்த்தபோதிலும்
அம்மா
அவனுக்காகக் காத்திருப்பாள் சாப்பிடாமல்..
அவன் வந்தபிறகுதான்
அவனுக்குப் போட்டு பின் உண்ணுவாள்..

காலங்கள் மாற
அவனுக்கென்று ஒரு அவள் வர..
அம்மாவுக்குக் கட்டாய ஓய்வு..

என்ன புதுசாவா நடக்குது
திண்ணையில் படுத்தபடி
கொசுக்களிடம் பேசிக் கொண்டிருப்பாள்..

அவனுக்கும் அவனுடைய அவளிடம்
குறையொன்றுமில்லை..
அம்மா இருக்கும்போது எப்படியோ
அப்படியே நடக்கிறது என..

ஒரு நாள்
அம்மா கண்விழிக்கவேயில்லை..
அழுகையில்
“அம்மா யார்மா அன்பு கலந்து
தருவா எனக்கு” என
அவன் வெடித்துக் கதற..
அவளுக்கோ வியப்பு, அதிர்ச்சி..

[pavalamani pragasam]

அதிர்ச்சி அடைந்தது ஆழ்கடல்
நகர்ந்து கொடுத்தததன் அடி மடி
அம்மாடி குலுங்கியது பூலோகம்
பொங்கியெழுந்தது மலையாய் அலை
கொன்று குவித்தது கடற்கரையை
சுத்தம் செய்ய தேவையா சுனாமி

[chinnakkannan]

சுனாமி போலத் தான்
இருந்ததடா உன் வருகை..

விமான நிலையத்தில்
ஓ..ரொம்ப வெயில்லில்லை
எனச் சொல்லி
குளிர்கண்ணாடியைக் கழட்டி
என்னைப் பார்த்த உன் கண்கள்..

பின் கேட்ட கேள்வி..
ஏன் இளைச்சுப் போய்ட்ட..
உன் டாட் வந்திருக்காரா..

பின் காரில்
உடமைகளை ஏற்றி
வீடு செல்லும் வரை
உன் வேலை முதல்
உன் குடியிருப்பில் இருக்கும்
ஓமானியக் கன்னிகை வரை
வாய் வலிக்க வலிக்கச் சொன்னது...

அப்பாவிடம்
ஹாய் டாட் என நமஸ்காரம் பண்ணி
அம்மாவிடமும் கை குவித்து
பாவ் சூ பண்ணட்டுமா ஆண்ட்டி..
எனச் சொல்லிக் கால் தொட
அம்மா கூச்சப் பட்டது..

மாடியில் உன்னறை எனக் காட்டிய போது
ஷ் என்னடா இது கழுத்தில..
என்னவெனத் தெரியாமல் நான் திகைக்க
பட்டென அணைத்துக் கொண்டது..

நான் திமிறி
ப்ளீஸ் விடுப்பா..
எனக்கு லீவ் நாள் எனச் சும்மாச் சொல்ல
ஸாரிடா ஸாரிடா என நீ கொண்ட பதற்றம்..

பொய் எனச் சொல்லலாமா எனத் தவித்து
நான் இறங்கி என்னறைக்குச் சென்றது..

பின் கழிந்த இரு நாட்கள்..
பேல் பூரின்னா மும்பை தான் டாட்
ஆண்ட்டி வெங்காய சாம்பார் பிரமாதம்..
சென்னை வாங்க
கச்சேரி ரோட்ல ஒரு ஹோட்டல்
கூட்டிப் போறேன்..
அப்புறம் நீங்க பாடுவீங்களாமே
எனக்கு மலய மாருதம் பிடிக்கும்
கண்ணனே நீவர்க்காத்திருந்தேன்..
டாட்..நீங்க அந்த ஷேர்ஸ் வாங்குங்க
கண்டிப்பா கூடும்..
என
திறந்துவிட்ட குழாயாய் சளசளவெனப் பேச

அம்மா என்னிடம்
என்னடி இது என்னை ஆண்ட்டிங்கறான்
உங்கப்பாவை டாட்ங்கறான்
எனத் திகைத்தது..

பின் மறுபடி ஏர்போர்ட் செல்லும் வரை
என்னுடன் தனிமையைத் தவிர்த்தது..

நான் தான் உன்னை வம்படியாகத்
தனிமையில் இழுத்தேன்..
ஏய்..என்னது இது..
போடா..சும்மா சொன்னேன்..
சும்மாவா சொன்னே சும்மாவா சொன்னே
.
பின் வலித்த கன்னம்..

சென்னைல ரெண்டு நாள் ஆபீஸ்வேலை
முடிச்சுட்டு ஸ்டெரெயிட் மஸ்கட்..
எனிவே மூணுமாசம் கழிச்சு வரணும்ல
கல்யாணத்துக்கு..
இருக்கவே இருக்குவெப்காமரா..
காண்டாக்ட் பண்றேன்..
ச்சீ சீ..என்னது இது..
பச்சப் புள்ளயாட்டமா..
டாட் ஆண்ட்டி சொல்லப்படாதா
எனச் சொல்லிக் காட்டிய டாட்டா..

சுனாமி தாண்டா நீ..
போய்விட்டாய்..
என் நினைவுகளில் தடங்களைப்
பதித்து விட்டு

[pavalamani pragasam]

பதித்து விட்டுப் பார்
பொன்னிலே வைரத்தை
பொருத்தமான சேர்க்கை
பொறுமையோடு நம்பிக்கை

[venkkiram]

நம்பிக்கை விதைகளை ஊன்று
உரிமை மறுக்கப் பட்டாலும்
உழைப்பு சுரண்டப் பட்டாலும்
உதிரம் உறிஞ்சப் பட்டாலும்
உணர்வு நசுக்கப் பட்டாலும்
நம்பிக்கை விதைகளை ஊன்று
பட்ட மரம் பாலூறும்
பட்ட துன்பம் விட்டகலும்

[chinnakkannan]

துன்பம் விட்டகலும்
என மொழிந்தார் ஜோசியர்..
எப்போங்க..கேட்டான் அவன்..
எல்லாம் இந்த மாசம் முப்பத்தொன்றாம் தேதி..

மாசக்கடைசியில் சென்றால்
அவரில்லை..
போய்விட்டாராம் வானுலகு..

பலன் சொன்னது அவனுக்கா
அல்லது அவருக்கேவா..
தெரிய்வில்லை..

[pavalamani pragasam]

தெரியவில்லை பாம்பா கயிறா என்று
பாலா கள்ளா வெள்ளை திரவமிது
வலமா இடமா திசைகாட்டியில்லை
இது போல் குழப்பங்கள் ஏராளம்
எப்படித் தீர்மானிப்பதோ முடிவாக
ஏழாம் அறிவொன்று இருக்கிறதே

[chinnakkannan]

இருக்கிறதே ஏற்கெனவே
என்றெல்லாம்
யோசிக்கவே மாட்டாள்
கீழ் ஃப்ளாட் சிந்திப் பெண் சிந்துஜா..
பாத்திரம், நகை இன்ன பிற
எதுவானாலும்
இரண்டு தான் வாங்குவாள்..

அவள் கணவனும்
பெரிய உத்யோகம்
எனில் கவலை இல்லை..

நல்லதொரு நன்னாளில்
அவளுக்கு
தன்கணவனுக்கும் தன்
வழக்கம் வேறு வித்மாய்
இருப்பது தெரிய வந்தது..

இப்போது
ஒரு வக்கீல் தேடுவதகவும்
மேட்ரிமோனியலில்
இளம் விவாகரத்தான பெண்ணிற்குக்
கணவன் தேவை என்றும்
விளம்பரம் போட்டிருப்பதாகக்
கேள்வி!!

[pavalamani pragasam]

கேள்வி இருந்தால்
இருக்கும் பதில்
பூட்டுக்கு சாவி
ஆணுக்குப் பெண்
உடலுக்கு உயிர்
இயற்கை நியதி

[chinnakkannan]

இயற்கை நியதி இது
எனச் சொல்ல முடியும்..
அதில்
சீற்றங்களும் அடங்கும்..
காரணமும் சொல்லலாம்..
ஆனால் புரிவதில்லை
எப்போது ஏற்படுமென்று..

ஒருவேளை அது
காலத்தின் கணக்கோ..