-
6th February 2013, 03:33 PM
#621
Senior Member
Senior Hubber
நெருக்கமாய் இருந்த
தருணங்களில்
முன்பிருந்த ஆர்வம்
இப்போது
அவ்வளாய் இல்லை..
பருவம் மாறுவது
ஒரு காரணம்..
சொன்னால் சொல்வார்கள்
அடப்பாவி
வயசாகிவிட்டதுடா உனக்கு..
அப்படியில்லை
முன்பு துணையுடன்
உடல் நெருங்கியிருந்தது..
இப்போது மனம்..
நெருக்கம் தெரியும்
ஒரு பார்வையில்..
-
6th February 2013 03:33 PM
# ADS
Circuit advertisement
-
6th February 2013, 08:42 PM
#622
Senior Member
Platinum Hubber
பார்வையில் அழைப்பு
வார்த்தையில் தவிர்ப்பு
சாய்ந்து சாய்ந்து பார்த்து
காய்ந்து காய்ந்து போகவிட்டு
நெருங்கவும் விடாமல்
விலகவும் விடாமல்
அலைக்கழிக்கும் கலை
கன்னி விரிக்கும் வலை
காளை தவிக்கும் நிலை
களிப்பூட்டும் காம லீலை
Eager to watch the trends of the world & to nurture in the youth who carry the future world on their shoulders a right sense of values.
-
7th February 2013, 08:34 AM
#623
Senior Member
Senior Hubber
காம லிலை தொடர்கிறதா..
பேப்பரை
நழுவும் மூக்குக்கண்ணாடி பொருத்தி
கொஞ்சம் உற்று நோக்கி
தாத்தா வாய்விட்டு உரக்கப் படிப்பார்..
பாட்டி தலையில் அடித்துக்கொள்வாள்..
ம்ம்
கொஞ்சம் மனசுக்குள்ள நியூஸ்லாம்
படிக்கப் படாதோ
குழந்தைகள்லாம் இருக்குல்ல..
அப்பா சிரித்தவண்ணம் நகர்வார்..
அம்மா அப்பா
செய்திகள் அலசுவதை
நான் பார்த்ததில்லை..
ஆனால் ஊர் வம்பு வரும்..
என்னடீ அந்த
வக்கீல் வீட்டு மாட்டுப் பொண்
என்ன சொன்னா..
அதுவா... எனத் தொடரும்...
இன்றைய காலைகள்
அலுவலகம் செல்வதற்கான ஆயத்தம்
பள்ளிக்குக் குழந்தைகளைக் கிளப்ப
கொஞ்சம் ச்மைக்க என இயந்திரமாய்..
பின்னணியில்
தொலைக்காட்சிச் செய்திக் குரல்..
காதில் விழும்...ஆனால் விழாது
க்ண் பார்க்கும்.. ஆனால் பார்க்காது!!
எல்லாம் காலம்..!
-
7th February 2013, 09:12 AM
#624
Senior Member
Platinum Hubber
காலம் நின்றுவிட்டதா ஏன் இப்படி நடக்குது
பலூன்காரனை பார்த்தால் கால்கள் நிற்கிறது
மிட்டாய் கடையைப் பார்த்தால் இனிக்கிறது
காக்கா குருவியை பட்டாம்பூச்சியை கண் தொடருது
கேட்டது உடனே வேண்டுமென அழுகத் தோணுது
ஓ என்னுள் இருக்கும் குழந்தை வளர மறுக்குது
Eager to watch the trends of the world & to nurture in the youth who carry the future world on their shoulders a right sense of values.
-
7th February 2013, 11:08 AM
#625
Senior Member
Diamond Hubber
மறுக்குது வானம் பருவ மழை பெய்ய
சிரிக்குது தரிசு நிலம் குறுக்கு நெடுக்க
உறுத்துது மனம் கூறு போட்டு விற்க
சொல்லிச் சொல்லி ஆறாது சொன்னா துயர் தீராது...
-
7th February 2013, 11:42 AM
#626
Senior Member
Senior Hubber
விற்க முடியாது..
ஓவியன் கண்டிப்பாய்
தலையசைத்து மறுக்க்
வியப்பாய்த் தான் இருந்தது..
கண்காட்சியில்
அவனது மற்ற ஓவியங்கள் எல்லாம்
அழகு.. மிக அழகு..
இது கொஞ்சம் சுமார் தான்..
சின்னக் கிறுக்கலாய்
ந்திக்கரையில் இருக்கும் ஒரு
பெண்பற்றிக் கோட்டோவியமாய்....
ஒரு வேளை காதலியோ
மெல்லிய புன்முறுவல்..
இன்னும் கொஞ்ச்ம்
உற்று நோக்குகையில்...
ஒரு வேளை அந்த
ஓவியனின் பையன் வரைந்ததாய் இருக்குமோ..
அல்பாயுசில் அவன் இறக்க
இவன் தர மறுக்கிறானோ..
மறுபடியும் ஓவியனை நோக்க
அவன் முகத்தில் மாற்றமேதும் இல்லை..
நானும் எதுவும் கேட்கவில்லை..
வந்துவிட்டேன்..
எதற்காகக் கலைத்துக் கொள்ள வேண்டும்
என் கற்பனையை..
-
7th February 2013, 08:01 PM
#627
Senior Member
Platinum Hubber
கற்பனையை உசுப்பிப் பார்க்கிறேன்
எழ மறுக்கிறது சண்டிக்குதிரை
தட்டித் தடவிக் கெஞ்சிக் கொஞ்சியும்
வெறுப்பில் அக்கழுதையை திட்டியும்
ஒன்றும் நடக்கவில்லை நினைத்தபடி
உலுக்கினாலும் உதிரவில்லை நெல்லிக்கனி
மழையோ அருவியோ வந்து கொட்டவில்லை
பாலையாய் மாறியதோ பாழும் புலமை
வற்றிய ஊற்றாய் கிடப்பது கொடுமை
மீனில்லை அதை கவ்வும் கொக்கில்லை
நானென்ன செய்வேன் ஊடல் தணிக்க
தெரியும் எனக்கும் தவிப்பை மறைக்க
இனி நான் கெஞ்சமாட்டேன் மிஞ்சுவேன்
தானாய் வந்து கொஞ்சுவாய் தெரியாதா
Eager to watch the trends of the world & to nurture in the youth who carry the future world on their shoulders a right sense of values.
-
7th February 2013, 09:30 PM
#628
Senior Member
Senior Hubber
தெரியாதா என்றால்
ஆம் என்றாய்...
எனக்குத் தெரிந்ததை
மிளகு உப்பெல்லாம் போட்டு
கொஞ்சம் நீட்டி முழக்கிச்
சொன்னால் கேட்டு விட்டு..
அதைப் பற்றியே
இன்னும் நிறையச் சொல்கிறாய்..
ஏன் முதலில் தெரியுமெனச் சொல்லவில்லை என்றால்
ஏதாவது சொல்கையில்
என் காதின் ஜிமிக்கியின் அசைவுகள்
உன் மனதை அசைக்கிறது என்கிறாய்..
ச்சீ போ
எனக்கு வெட்கமாய் இருக்கிறது
கிட்டே வா படவா..
-
7th February 2013, 11:15 PM
#629
Senior Member
Platinum Hubber
படவா எவ்வளவு குசும்பு உனக்கு
முளைத்து மூணு இலை விடலை
அதற்குள் இத்தனை விவரம் விஷமம்
என் பேச்சை ரசிக்கிறாய் தெரியுமெனக்கு
அதை கைபேசியில் இப்படி பதிவு செய்து
கீச் கீச் என மாற்றி பேச வைத்து மகிழ்ந்து
கெக் கெக் என சிரிக்கிறாய் செல்லப் பேரனே
உன் பிரியமான தோழியாய் நான் இருப்பேனே
Eager to watch the trends of the world & to nurture in the youth who carry the future world on their shoulders a right sense of values.
-
8th February 2013, 11:33 AM
#630
Senior Member
Senior Hubber
நான் இருப்பேனே
கண்டிப்பாய் வருவேன்
அழைப்பு அனுப்பு...
எண்பத்தைந்து வயது
தூரத்து உறவுப் பாட்டியை
வணங்கி ஆசிர்வாதம் விழைந்ததில்
எனது பத்தாம் வகுப்புப் படிக்கும் மகளின்
ஏழெட்டு வருட்ம் பின்னால் இருக்கும்
திருமணத்திற்கு
அழைப்பு தரச் சொல்லி
முதலில் சொன்னவாறு பேசினாள்
வெகு நம்பிக்கையாக..
எனக்குத் தான்
கொஞ்சம் பயமாய்...
Bookmarks