-
3rd February 2013, 09:39 PM
#611
Senior Member
Senior Hubber
ஞானம் பெறுவேனே..
கொஞ்சம் சேர்த்துக் கொள்ளும் எம்மை...
குருவின் கண்களில் மின்னல்
சின்ன ஆமோதிப்பு..
சேர்ந்தாயிற்று..
எதுவும் உரைகளா...
இல்லை..
எப்பொழுதும் பூஜை..
ஏதேனும் குருவைக் கேட்டால்
மெல்லிய புன்சிரிப்பு..
எப்பொழுதும் மெளனம் தான்..
அவ்வப்போது தனியாக
காட்டினுள் சென்று ஆசை தீர ஓ
எனக் கத்தல்..
பின்னர் குருவிடம் குருவடியிடம்..
நாட்கள் செல்லச் செல்ல
வாய் பேச்சை இழக்க
மனமோ ஒலிக்க ஆரம்பிக்க
கண்களில் மெருகேற
சீடனிடம் மெல்ல வாய்திறந்தார் குரு..
ஞானம் உனக்கு வந்துவிட்டதப்பா...
-
3rd February 2013 09:39 PM
# ADS
Circuit advertisement
-
4th February 2013, 08:34 AM
#612
Senior Member
Platinum Hubber
வந்துவிட்டதப்பா பொற்காலம்
சரித்திரத்தைத் தூசி தட்டி
வீர சின்னங்கள் ஊரில் நிறுவி
புராதன சிறப்பிடங்களுக்கு உலாவாக
பள்ளிச் சிறார்களைக் கூட்டிச் சென்று
மராத்தான் ஓட்டம் ஒன்றும் நடத்தி
தெரிந்த தெரியாத பெருமைகள் பேசி
எங்கெங்கும் விளம்பரப்படுத்தி
குப்பை கூளம் அகற்றி முடிக்க
தன்னார்வ அமைப்புகள் முனைய
போட்டிகளும் பரிசுகளும் குவிய
சுங்குடி சேலையும் அகல் விளக்குமாய்
வைகையில் வஞ்சியர் வந்து களிக்கும்
ஒரு திருவிழா நடக்கிறது இங்கே
மாமதுரை போற்றுவோம் என்கிறோம்
ஆண்டாண்டிதை நாங்கள் தொடருவோம்
Eager to watch the trends of the world & to nurture in the youth who carry the future world on their shoulders a right sense of values.
-
4th February 2013, 12:22 PM
#613
Senior Member
Senior Hubber
”தொடருவோம்..தெரியுமா”
தெரியுமே..
விழிகளில் தெறித்த மின்னல்
இதழ்களிலும்..
சமர்த்தாய் என் வீட்டில் இருந்து
நான்கோவில் சென்று
பின் திரும்பும் வரை காத்திருந்து
வந்ததும்
எதிர்க் கடையிலிருந்து விலகி
வீடுவரை விடுவீர்கள்..
எல்லாம் இத்தனை வருஷம்
கழித்த்தும் நினைவு வைத்திருக்கிறாயே
கணவர் குழந்தைகள் நலமா..
நலம்...
கண்களில் மின்னல் போய்
கொஞ்சம் மேகம்..
ஆமாம்ப்பா
ஒங்கிட்ட ஒண்ணு கேக்கணும்னு
ரொம்ப நாளா எண்ணம்..
நாலு பேரும் நல்லாத் தான் இருந்தீங்க..
ஏன் என்னிடம்
வந்து பேசவில்லை..
யாருக்குமே பிடிக்கலையா..
சேச்சே..
எனக்கு உன்னை ஸாரி உங்களை
ரொம்பப் பிடிக்கும்..எனினும்
ஏதோ ஒரு சாலைத் தடை மனசுள்..
நான் சொல்லியிருந்தா..
உனக்கு உங்களுக்குப் பிடிச்சுருக்குமா..
பட படவென
பக்கத்தில் வந்து நின்ற
ஸ்கூட்டியில் இருந்த அவளது
குட்டி ஜெராக்ஸ் பெண்
ஏறும்மா என
படக்கென ஏறி
கண்களில் சிரித்து
அதான் சொல்லலைல்ல..
சொல்லியிருந்தா உன் வீட்டுக்கு வந்திருப்பேன்..
இப்ப நான் போறேன் என் வீட்டுக்கு..
பை..
போன பிறகும்கூட
விழுந்த வார்த்தைகள்
சுற்றிக் கொண்டிருந்தன நெடு நேரம்
மனதில் புகையாக..
-
4th February 2013, 06:47 PM
#614
Senior Member
Platinum Hubber
புகையாக பனி சூழும் காலை
போர்வைக்குள் கிடக்கும் வேளை
காத்திருக்கும் காப்பியின் நினைப்பு
கண் திறவாமல் ரசிக்கும் பாட்டு
இரவின் குழப்பங்கள் விலகியிருக்க
திடீரென அரிய தீர்வுகள் பளீரிட
அடடா அது தானே ஆனந்தம்
அழகான ஓர் நாளின் ஆரம்பம்
Eager to watch the trends of the world & to nurture in the youth who carry the future world on their shoulders a right sense of values.
-
5th February 2013, 10:27 AM
#615
Senior Member
Senior Hubber
ஆரம்பம் அழகாய்த் தான் இருந்தது..
வணக்கம்
உங்களுடைய இந்த நண்பர்..
ஓ தெரியுமே
அவரும் உங்களுக்குத் தெரிந்தவரா..
புன்முறுவல்கள்..
காப்பி உபசரிப்புகள்...
வியாபாரம் என வந்த போது
முகம் மெல்ல மெல்ல வேறொரு முகமாக..
புன்சிரிப்பெல்லாம் ஓடி ஒளிய
இறுதியில்
முகம் இறுகி
வியாபாரம் படியாத நிலையில்...
மீண்டும் உங்க்ளைத் தொடர்பு கொள்கிறோம்
மகிழ்ச்சி..
இறுக்கமான கை குலுக்கல்..
வெளிவந்த போது
செகரட்டரி கேட்டாள்
இதுஇப்படித் தானா..
ஆம்..வியாபாரம் செய்தால்
நீ நண்பன்
இல்லையேல் நீ
எதிரியிலலை.. ஆனால்
நீ யாரோ..
-
5th February 2013, 12:57 PM
#616
Senior Member
Platinum Hubber
யாரோ வந்து யாரையோ
அபகரிக்க அமைந்ததா
ஆயிரங்காலத்து பயிர்
வெறும் கற்பனையை வளர்த்து
வீணாய் வேதனையில் வெந்து
வம்பை வளர்க்காத மாமியார்
தன் மகனை இழக்க மாட்டாள்
இன்னொறு மகளைப் பெறுவாள்
Eager to watch the trends of the world & to nurture in the youth who carry the future world on their shoulders a right sense of values.
-
5th February 2013, 02:27 PM
#617
Senior Member
Senior Hubber
பெறுவாள் அதிக மதிப்பெண்கள்
ஏனெனில் அவளிடம் அறிவும்
அதற்கேற்ற உழைப்பும் இருக்கிறது..
பக்கத்து வீட்டுப் பெண் பற்றிச்
சொன்னதைக் கேட்ட பையனின்
கண்களில் மின்னல்,வெறி..
படித்தான்
படித்து உயர்ந்து
வேலையில் சேர்ந்த போது
அந்தப் பெண்ணிற்கோ திருமணம்..
பத்திரிகை கொடுக்க வந்த போது
சிரித்தாள்..
உன் நிலைக்கு உழைப்பு..
என் நிலைக்கும் தான்..
ஆனால்
உனக்கும் எனக்கும் வித்யாசம்..
படித்ததால் உனக்கு உபயோகம்
படித்ததால் உபயோகம்
என் குழந்தைகளுக்கு..
-
5th February 2013, 06:46 PM
#618
Senior Member
Platinum Hubber
குழந்தைகளுக்கு எளிய மனது
குதூகலிக்கத் தெரிந்த வயது
ஆயிரம் ரூபாய் பொம்மையும்
ஐந்து ரூபாய் பொம்மையும்
ஒன்றுதான் அவர் மகிழ்வதற்கு
எத்தனை விதமாய் ஒரு பொருள்
மாற்று அவதாரம் எடுக்கிறது
வட்டத்துக்குள் சுற்றும் காந்த மீன்களை
வாளிக்குள் நீந்தவிட்டு தூண்டிலடவும்
வடிவமைத்த அழகிய பூங்காவில்
வரிசையில் நிற்க வைக்கவும் முடிகிறது
வகுத்த கட்டத்துள் அடங்கா கூர்மதி
ஊகிக்க முடியா அற்புத கற்பனைகள்
உயிர்ப்புடன் நடமாடும் பாத்திரங்கள்
அவர்கள் உலகம் பெரியது சிறந்தது
சொர்க்கத்தின் சாயலை கொண்டிருப்பது
அதிலே ஐக்கியமாய்விட முயல்வது
எனக்குப் பிடித்த பொழுதுபோக்கு
Eager to watch the trends of the world & to nurture in the youth who carry the future world on their shoulders a right sense of values.
-
6th February 2013, 10:33 AM
#619
Senior Member
Senior Hubber
பொழுது போக்காய்த் தான் இருக்கும்
முன்பெல்லாம்
வாசல் கதவைத் திறந்து
அப்பா படியில் உட்காருவார்
பக்கத்து வீட்டுக்
கம்பவுண்டர் மாமாவும்...
ஊரின், உலக நடப்பு
எல்லாம்
அலசிக் காயப் போடுவார்கள்..
ரொம்ப நாளைய சினேகம்
திண்ணையில் படிப்பது போல
உட்கார்ந்திருப்பேன்..
ஏனெனில் கேட்க சுவாரஸ்யமாய் இருக்கும்
பத்துபத்தரைக்கு டப்பென்று எழுந்து
அப்பா உள்ளேவர
மாமா அவர் வீட்டினுள் செல்ல..
தடாலென ஒரு அமைதி பரவும்..
ம்ம்..
இப்போதெல்லாம்
பக்கத்து எதிர் வீடுகளில்
இருப்பவரின் முகத்தைக் கூட
யோசிக்க வேண்டியிருக்கிறது..
புன் முறுவல் கூட தேவையைப் பொறுத்து..
காலங்கள் மனிதர்கள் மாறும் போது
எல்லாம் மாறும் சரிதான்
நேயமும் நட்பும் கூடவா..
-
6th February 2013, 02:09 PM
#620
Senior Member
Platinum Hubber
நட்பும் கூடவா மலிந்து போகும்
முக நூலை பார்த்தால் போதும்
நட்பு வேண்டி எத்தனை கோரிக்கை
யாரென்றே தெரியாது ஆயினும்
பொது நண்பர்கள் மூலம் அறிமுகம்
முன்பின் அறியாமல் ஏன் நெருக்கம்
Eager to watch the trends of the world & to nurture in the youth who carry the future world on their shoulders a right sense of values.
Bookmarks