kavidhaikku kavidhai matrum Pattuku pattu-2

**chinnakkannan** · 10th October 2011, 01:16 PM

பாக்கியம் செய்திருக்கிறேன் ஸ்வாமி
என்ன பணி புரிய வேண்டும்..

இவளே கொஞ்சம் காப்பி கொடு
இதோ தர்றேங்க..என்ன முகம் ஒருமாதிரி இருக்கு
கொஞ்சம் தலைவலி
அச்சச்சோ.. இதோ பிடிச்சு விடட்டுமா..
இல்லை வேண்டாம்..

ஹாய்
ஹாய்..
என்னப்பா ஒரே வேலையா ஃபோனைக் காணோம்..
ஆஃபீஸ்ல ஒரே மீட்டிங்..ஒனக்கு..
எனக்கும் தான்..இப்ப தான் வந்தேன்..
கொஞ்சம் காப்பி கிடைக்குமா.
ஒய் நாட்.. கொஞ்சம்வெய்ட் பண்ணு..
உடை மாற்றிக்கிட்டு
போட்டு த் தாரேன்..

என்ன முன்னாடியே வந்துட்டியாடா..
ஆமாம்.. டிராஃபிக் கொஞ்சம் கம்மி
அது சரி..ஒரே தலைவலி..
அச்சச்சோ பெனடால் போட்டுக்கற்து தானே கண்ணம்மா.
ஒண்ணும் வேண்டாம்..ஆமா..சீக்கிரமா வந்தேல்ல
டிகாக்*ஷன் போட்டியோ..
இல்லைம்மா.. பைக் நிறுத்தறச்சே
கொஞ்சம் எசகுபிசகா கால்ல ஸ்ப்ரெய்ன்..
கொஞ்சம் நீ போட்டுக் கொடேன்..
அதானே பார்த்தேன். ஒரு துரும்பு எடுத்து
போட மாட்டியே.. எல்லாம் நான் தான் செய்யணும்..
எல்லாம் ஆணாதிக்கம்..
நான் என்னசொல்லிட்டேன்னு குதிக்கறே..
ஆமாய்யா ஆமா குதிக்கறது நானா.. நீயா..
சரி..போ.. நான் சரவணபவன் போய் குடிச்சுட்டு
ஒனக்கும் வாங்கி வர்றேன்..
இத முதல்லயே யோசிச்சிருக்கலாமில்ல...

கால்ம் மாற மாற
மாறிவிட்டன கோல மயில்கள்

**Google Adsense** · 10th October 2011 01:16 PM

**pavalamani pragasam** · 10th October 2011, 06:34 PM

மயில்கள் ஆடும் அழகிய வனத்திலே
மலர்ந்த மங்கை பெயரும் சகுந்தலை
மகிழ்ந்தாடிய கலாப காதலன் மன்னன்
விளைந்தது பாரத விருட்சத்தின் விதை
மறந்துவிட்டான் கொடுத்த கணையாழியை
மீனின் வயிற்றில் மறைந்திருந்ததந்த சாட்சி
மறதி விலகும் காலம் வந்ததும் மங்களம்
காளிதாசன் வரைந்திட்ட காவியக் கதை

**chinnakkannan** · 20th October 2011, 12:07 AM

கதை தானே வேண்டும்
நான் இவர்களைப் பற்றிச்
சொல்கிறேன்
என்ற் ப்டி
அப்பா
த்ன் மகனிட்ம் சொல்வதை
புன்சிரிப்புடன்
கேட்டுக்கொண்டிருந்தார்கள்
தாத்தா பாட்டி
புகைப் பட்த்தில்

**pavalamani pragasam** · 20th October 2011, 08:30 AM

புகைப்படத்தில் பார்த்த பின்பு
ஜாதக பொருத்தமும் அறிந்து
சொஜ்ஜி பஜ்ஜி சாப்பிடச் சென்று
பாடச்சொல்லி கேட்டு பலருமாய்
சிலபல லௌகீக பேரங்கள் நடத்தி
மண்டபமும் தேதியும் முடிவாகும்
காலம் கடந்துவிட்டதோ இனி
பெரியவர் வேலை முடிந்துவிட்டதோ
இணையமும் கல்லூரிசாலைகளும்
இணைந்து இயங்கும் பணியிடங்களும்
மாலும் காபிஷாப்பும் டிஸ்கோவும்
மாலை சூட பொருத்தம் காட்டுமோ

**chinnakkannan** · 20th October 2011, 03:37 PM

காட்டுமா என்றால் அப்படித் தான் இருக்கும்..
முகம் வெளிறும்
நடை தளரும்..
அதான் டாக்டர்
தீபாவளிக்கு முன்னால
ஆய்டும்னுட்டாரே
நா படாத கஷ்டமா
இவ சமாளிச்சுக்குவா.
ரொம்பக் கவலைப்படாதே.
பெரிய்ய்ய பிரகாஷ் ராஜ்னு நினப்பு’

என்னவள் ஆயிரம் கூறினாலும்
மகளிடம் கேட்டால்.
வெளிறச் சிரித்து..
ஷ் பாரேன் உன் பேரனை
இப்போதே படுத்தறான்... எனச் சொல்கிறாள்...

அவர்களுக்கு எப்படிப் புரியும்
ஆணின் வேதனை, பதட்டம்..
இவர்களை விடப் பெரிது என்பது...

**pavalamani pragasam** · 20th October 2011, 09:09 PM

பெரிது என்பது எது
சிறிது என்பது எது
பெரிதென நினைத்த கோடு
சிறிதாகும் அதை விட
பெரிய கோடு அருகில் வர
பெரிதும் சிறிதும் மாறும்
சூழ்நிலைக்கு தக்கபடி ஆயினும்
தலைவலி தலைவலிதானே

**chinnakkannan** · 20th October 2011, 10:50 PM

தானே மெல்லத் தவழ்ந்து
சுவர் பற்றி மெல்ல நடந்து
பின்
எதையும் பற்றாமல்
த்த்தித் தந்தி நடந்து
வேகமெடுத்து
ஓடி
பின் பறக்கும்
கற்பனையால்
சந்தோஷம் கொள்ளும் மனம்
அது தூங்கும் போது
வலிக்கிறது மிகவும்.

**pavalamani pragasam** · 23rd October 2011, 03:46 PM

மிகவும் யோசித்து
மிகவும் தயங்கி
மிகவும் மென்மையாய்
மீட்டேன் என் இடத்தை

**chinnakkannan** · 26th October 2011, 12:07 AM

இடத்தைப் பிடிக்க
சில மணி நேரம் முன்னால் நின்று
அடிபிடி நடத்தி
ஆ ஊ எனக் கூச்சலிட்டு
வரிசையில் சென்று
சீட்டுக் கொடுக்கும் இடம் வந்ததும்
சீட்டில்லை எனச் சொல்ல
பொறுமையாய் இருந்து
அந்தக் காட்சி முடிந்து
சீட்டு வாங்கி
உள்ளே முட்டி மோதி
பின்னால் இடம் பிடித்து
மேலே சுழலும் அறைகுறை மின்விசிறிக்
காற்றினால் ஆசுவாசம் அடைந்து
பின்
ஆவலுடன் வெள்ளையை நோக்கி
டபக்கென இருளாகி
ஓட ஆரம்பித்ததும் சே விளம்பரம் எனச் சலித்து
மறுபடி
படம் ஆரம்பித்து
நாயகன் வர விசிலடித்து
கலர்காகிதங்களை எறிந்து
பார்க்கும் கூட்டம்..நிறைய இருந்தது.அந்தக் காலம்.

வலை என்பது இருக்கு
அல்லது
ப்ளாக் தானே மெல்லப் போனாப் போதும்
ஒரு ஐநூறு தான் செலவாவும்
பரவால்ல பாத்துடலாம்..
என இருப்பது இந்தக் காலம்...