kavidhaikku kavidhai matrum Pattuku pattu-2

**chinnakkannan** · 19th September 2011, 12:17 AM

மாயை தானா எல்லாம்

பெற்றவளின் மிச்சங்களைக்
கடலில் கரைத்துவிட்டு
வீடு வந்து குளித்து
கண்ணோரம் ஈரத்துடன்
திண்ணையில்
வெறித்து அமர்ந்தவனின்
வெற்று முதுகில்
ஒரு பிஞ்சுக் கரம் தொட

திரும்பினால் சிரிக்க
யார் வீட்டுக் குழந்தை..
தெரியவில்லை
வா வென்றால்
பயந்து பலத்து அழ..

ஒரு நொடியில் சிரிப்பு அழுகையாய்
மாறியது என்ன விந்தை..
இல்லை
இது தான் இயல்பு..
இது தான் வாழ்க்கை..
எல்லாம் நாட்பட மாறும்
மெல்லமெல்ல
கொஞ்சம்
நிலைக்கு வந்தது.. தேர்

**Google Adsense** · 19th September 2011 12:17 AM

**pavalamani pragasam** · 19th September 2011, 08:49 AM

தேர் கொடுத்தான் பாரி முல்லைக்கு
போர்வை தந்தான் பேகன் மயிலுக்கு
எச்சில் கையால் காகம் ஓட்டாதவனும் உண்டு
இரவும் பகலும் சேர்ந்து இயங்குவது உலகு

**kirukan** · 19th September 2011, 09:59 AM

உலகு உறங்குவது போல கிறங்கினும்
ஒருபாதி விழித்து கறங்கும்.

**pavalamani pragasam** · 19th September 2011, 03:37 PM

கறங்கும் காகிதப் பட்டம்
மனதில் கொண்டாட்டம்
நூலை பிடித்தவன் நாட்டம்
இருக்கும் வரைதான் ஆட்டம்

**chinnakkannan** · 19th September 2011, 08:49 PM

ஆட்டம் முடியவில்லை இன்னும்..

அழகிய கயிறு...நல்ல முரட்டுத் தனத்துடன்..
ஒரு முனையில் அவன்
மறுமுனையில் அவள்..

விடாப்பிடியாக இழுக்க..
ஒரு கணத்தில்
அவள் கை விலக
கயிறு கைக்கு வந்த மகிழ்ச்சியில்
வென்றவன் நான்’
என்றவன் கூத்தாட

‘தோற்றவன் நீ என் அன்பில்’
என நினைத்த
அவள் முகத்தில் குறு நகை

வாழ்க்கையில் விட்டுக் கொடுப்பதும்
ஒரு சுவாரஸ்யம் தான்..

**pavalamani pragasam** · 20th September 2011, 08:50 AM

சுவாரஸ்யம்தான் இருக்குமோ
சுலபமான வெற்றிகளில்
செக்குமாட்டுத் தடத்தில்
தெரிந்த கதை முடிவுகளில்
தெளிவாய் விரியும் பாதையில்
வேண்டும் சவால் எதிலும்

**chinnakkannan** · 22nd September 2011, 08:20 PM

எதிலும் அதீத நிதானம்
சோம்பல் தான் வெங்கடேஷிற்கு
எதற்கும் ஒரு சிரிப்பு சிரிப்பான்..
ஒரு நாளைக்குள் இந்த வேலை முடி
என்றால்
இரண்டரை நாளெடுத்து
எழுபது சதவிகிதம் முடித்து..
கொஞ்சம் தாமதம் என்று சிரிப்பான்
திட்ட்டினாலும்
முகம் மாறமாட்டான்..
கோபம் வந்தாலும் அவன் சிரிப்பில்
மறந்து
மற்றவர்களிடம் வேலை வாங்கி விடுவேன்..
அசடு அடிமுட்டாள் சோம்பேறி
என்ன பண்ண பணிவு ஜாஸ்தி..

காலப் போக்கில்
வேறு நிறுவனத்திற்கு நான் மாறி
சில வருடங்களுக்குப் பிறகு
பழைய முதலாளியைப்பார்த்தேன்..

கம்பெனி நன்றாய் இருக்கிறதாம்..
பரவாயில்லை ஓய்
உன் சகாக்களுக்கு நன்றாகப்
பயிற்சி கொடுத்திருக்கிறீர்..
நன்றாகவே வேலை செய்கிறார்கள்..

என் இட்த்தில் யார்.. கருணாகரனா.
இல்லையப்பா.. வெங்கடேஷ் தான்..
என்ன ஒருசுறுசுறுப்பு
உங்க ட்ரெய்னிங்க் தானே..
நீங்கள் இருக்கும் போதே
நீங்கள் சொல்லித் தானே
அலுவல்கத்தில் நடப்பதை
எனக்குச் சொல்வார் வெங்கடேஷ்..

பழைய முதலாளி சொல்லிக் கொண்டே போக
ஒன்று தெளிவாய் புரிந்த்து
வெங்கடேஷின் ப்ணிவுக்குப் பின்னால்
இருந்த்து அசட்டுத் தனமல்ல..
ராஜ தந்திரம்..

**pavalamani pragasam** · 23rd September 2011, 08:24 AM

தந்திரம் போல் சிறந்த ஆயுதம் உண்டோ
மிருக பலமா மூளை பலமா வெல்வதெது
காட்டில் நரியும் நாட்டில் சாணக்கியருமறியும்
சமயோசிதம்தனை சிறு குழந்தையுமறியும்
சாகசமான பெண்மணிகளும் கடைபிடிக்கும்
சத்தியமான சாத்தியமான உதவியன்றோ

**raathai** · 24th September 2011, 02:06 AM

உதவியன்றோ உதவிடுவீர் உன்னத பணிக்காக
பதவிக்காக படித்து பட்டங்கள் பெற்றிடுனும்
கதவுகள் அனாதை இல்லங்களில் திறந்தநிலையில்
உதவிகள் வழங்குவதோ உன்னத கரங்களில்