kavidhaikku kavidhai matrum Pattuku pattu-2

**chinnakkannan** · 2nd August 2011, 05:01 PM

வாக்குத் தவறாதவர் அப்பா..
சொன்னால் சொன்னபடி செய்வார்..
அது மட்டுமல்ல..
வார்த்தைகளும் கூட..
அவர் குளிர்ந்திருந்தால்
பனி அருவியாய்க் கொட்டும்..
கோப்ப்பட வைத்திருந்தால்
எரிமலைக் குழம்பாய் வரும்..

என்ன காரணமோ..
அம்மா வழிப் பெரியப்பாவிடம்
பயங்கரமாக்க் கோபம் அவருக்கு..
எவ்வளவு உதவி பண்ணினேன்..
துரோகம் பண்ணிட்டாம்மா...
அவ்வப்போது உறுமுவார்..
ம்ம்
என் முகமுழி அவனுக்குக் கெடைக்கும்கற...
கை பிடித்து சமாதானம் செய்வேன்..

காலப் போக்கில்
அப்பாவும் பெரியப்பாவும்
சமாதானமாக...
ஒரு மாலைப் பொழுதில்
திடீரென வந்த மாரடைப்பில்
அப்பாவின் உயிர் பிரிய...
அதிசயமாக
அருகிலிருந்த உறவுகள் எல்லாம் வந்து
வேகவேகமாய்க் காரியங்கள் நடந்து
இரவு ஒன்பது மணியளவில்
எல்லாம் முடிய..
வீட்டுக்குவந்தால் பெரியப்பா..
விருதுநகரிலிருந்து அரக்கப் பரக்க
வந்திருக்க..
வாசலிலேயே அண்ணனுடன் சண்டை..
பார்க்க விடாமப் பண்ணிட்டயேப்பா..
மற்றவர்கள் சமாதானம் கூற..
ஒருசிலர் என்னிடம்
‘என்னவோடியம்மா..
ஆனாலும் உங்கப்பாக்கு கரி நாக்கு.
சொன்னது போல் நடந்துடுத்தே.” என
அது கரி நாக்கா..
அல்லது
சுடும் நாக்கா ’எனப் புரியவில்லை..
இன்றுவரை..

**Google Adsense** · 2nd August 2011 05:01 PM

**pavalamani pragasam** · 2nd August 2011, 10:36 PM

இன்று வரை குறையில்லை
தூங்காமல் ஏங்கவில்லை
பிடிபடாமல் பறக்கவில்லை
வலிகள் கொல்ல முடிந்ததில்லை
சில கனவாவது பொய்க்கவில்லை
பேராசை என்றும் இருந்ததில்லை
விதியுடன் சண்டை போடவில்லை
வீணாய் மண்டை உடையவில்லை
எனக்கென வகுத்த ஓர் எல்லை
அதற்குள் நான் தோற்கவில்லை

**chinnakkannan** · 3rd August 2011, 11:24 PM

தோற்கவில்லையாம் சாதாரணமாக..
தோற்க வைத்து விட்டேனாம்..
ப்ணம் நிறைய வாங்கிக் கொண்டேனாம்..
குற்ற்ம் சாட்டுகிறார்கள்..
ஏன் வாங்கினால் என்ன..
இவர்களுக்காக
எவ்வளவு போட்டிகள் ஜெயித்திருக்கிறேன்..
எவ்வளவு தடவை
சொப்பு மாதிரியான கப்புகள்
வாங்கியிருக்கிறேன்..
ஹீம்.. அவற்றில்
ஒரு காப்பி குடிக்க முடியுமா...
ரசிகைகள் எல்லாம்
சூழ்ந்து கொள்வார்கள் தான்..
வாஸ்தவம்
நெரிசலில்
சிரித்தபடி
கையெழுத்துப் போட்டதில்
எனக்கு
கை வலியும் சென் ட் ம்ணமும் தான்
மிச்சம்..!
அது யார்..
ஒரு திரைப்பட நடிகை..
லட்சணமானவள் தான்..
அழகாய் உடனிருப்பாள்
என நினைத்தால்
ஐந்து நட்சத்திர ஹோட்டலில்
இரவு விருந்து முடித்து
ச்சோ ஸ்வீட் யார்...
ஸீ யூ லேட்டர் எனச்
சொல்லிச் சென்றவள் தான்..
அந்த லேட்டர் தான் இன்னும்
வந்த பாடில்லை..
ம்ம்..
ஏய் கண்ணாடி
நீயே சொல்
நான் செய்வது சரிதானே
எனக்கெனச் சேர்த்துக் கொள்ளக்
கூடாதா என்ன...

கண்ணாடியில் தெரிந்த
பிம்பம்
சற்றே மாறி
ஒரு
ராட் ஷச உருவமாய்
ஒருகணம் தெரிந்து
மறுபடியும்
வழக்கமான பிம்பம் வர
கண்ணைக் கசக்கிக் கொண்ட
விளையாட்டு வீரர்
தனக்குள் சொல்லிக் கொண்டார்
‘சே.. எல்லாம் பிரமை..”

**pavalamani pragasam** · 4th August 2011, 08:41 AM

பிரமை பிடித்து சும்மா உட்கார்ந்திருக்காதே
உன்னை நம்பி இங்கே பல பணிகளிருக்கே
எடு சவக்காரத்தை கிளம்பு வான் மேலே
முதல் வேலை சந்திரனை சலவை செய்வதே

**chinnakkannan** · 7th August 2011, 12:12 PM

சலவை செய்வதே என் வாழ்க்கை..
எவ்வளவு துணிகள்..
எவ்வளவு அழுக்கு..
இவ்வளவு வருடங்களிலும்
கொஞ்சம் கூட முகம் கோணாமல்
துவைத்திருக்கிறேன்..
போன வாரம் இவள் சொன்னாள்..
இது சரியில்லை..
பதினெட்டு வருஷமாச்சு..
வேற வாங்கலாம்..
ஆயிற்று..
இப்பொழுது என் இட்த்தில்
வேறொன்று..
என் இடம் பால்கனி..
நான் துவைத்த துணிகள்
காய்வதை வேடிக்கை பார்த்தபடி..
மெல்ல மெல்ல
என் மேல் படிகிறது அழுக்கு..

**pavalamani pragasam** · 7th August 2011, 08:17 PM

அழுக்கு இவ்வளவு அழுத்தமாய் பதிந்துள்ளதா
பதறுது பாவி மனம் பத்திரிக்கை படிக்கையில்
எத்தனை வக்கிரம் விசித்திரம் விகாரம் வன்மம்
அறுபது வயதில் பிள்ளைப் பெற்று பூரிக்கும் பாட்டி
அரசு தொட்டிலில் அநாதையாய் பிஞ்சு சிரிக்கும் படம்
பதவி நாற்காலியை உடும்பாய் பற்றிய ஊழல் மந்திரி
காதலனுடன் சேர்ந்து பெண் கணவனை செய்த கொலை
சிறுமியை கெடுத்த சாமியார்- உளதோ வேறு நரகம்

**chinnakkannan** · 9th August 2011, 12:46 AM

நரகத்திற்குச் சென்றால்
கதவு பூட்டியிருந்தது..
குழம்பியபடி வந்து
எதிர்ப்பட்ட தேவனிடம் கேட்டால்..
‘அடடா..நீங்கள் வந்திருப்பது
டெர்மின்ல் ஒன்று..
இங்கு நிரம்பி விட்டது..
டெர்மினல் இரண்டுக்குச் செல்லவும்..

**pavalamani pragasam** · 9th August 2011, 09:11 AM

செல்லவும் முடியாமல்
நிற்கவும் முடியாமல்
என்ன ஒரு அவதி இது
அவரோ என் மேலதிகாரி
தொலைபேசிக்கொண்டேயிருக்கும்
ரொம்ப முக்கிய பொறுப்பு
கொட்டாவியை அடக்கிவிட்டு
கற்பனை குதிரையை தட்டி
அவர் நாற்காலியிலெனை இருத்தி-
ரொம்ப சுகமாய்த்தான் இருக்கு

**chinnakkannan** · 9th August 2011, 04:50 PM

இருக்கும் பொழுது
எதுவும் பேச மாட்டேன் என்கிறாய்.
நான் சொல்வதை
தலையசைத்துக் கேட்கிறாய்..
கண்ணிமைகள் படபடக்க
நீ
ஒருபக்கம் தலையைச் சாய்த்து
கூர்மையாய்ப் பார்க்கிறாய்..
இவையெல்லாமும்
நீ இல்லாத பொழுது
எனக்குத் துணையாய் இருக்கிறது
நான் அசைபோட...

**pavalamani pragasam** · 9th August 2011, 08:25 PM

அசைபோட அவகாசமிருக்கு
வெள்ளி முடி வந்த பிறகு
அவசரமாய் உணவை உண்ணும் பசு
பின்னர் நான்கு அறை வயிற்றிலிருந்து
மீண்டும் அதை வாய்க்கு கொணர்ந்து
மெதுவாய் மென்று அதை விழுங்கி
செரித்து நலம் பெறுவது போலவே
அவசரமாய் உண்ட இளமையை
வசந்தகால தேன் உணவை
பனிகாலத்தில் அசைபோடும்
சுகத்தை ஆங்கில கவி கீட்ஸ்
அழகாய் சொன்னான் மனித வாழ்வை
இயற்கையின் நான்கு பருவமாக்கி
மறக்க முடியா ஓர் கவிதையில்