kavidhaikku kavidhai matrum Pattuku pattu-2

**chinnakkannan** · 6th May 2011, 12:29 PM

”தர்ம்ம் வென்றது!”
ஜெயித்தவர் கூறினார்..
“தர்ம்ம் தோற்றது”
தோற்றவர் கூறினார்
வழக்கம் போலவே
மக்கள் முழித்தனர்..
பின்னர் சிரித்தே
செய்யப் போயினர்
அவரவர் வேலையை....

**Google Adsense** · 6th May 2011 12:29 PM

**pavalamani pragasam** · 6th May 2011, 01:09 PM

வேலையை மட்டும் செய் என்று விரட்டுகிறார்
ஆயக்கலை அறுபத்தி நான்கும் கற்றவளிடம்
சகலகலாவல்லியாய் சுடராய் திகழ்பவளிடம்
விரல் சொடுக்கி ஏவிடும் காட்டுமிராண்டிகள்

**kirukan** · 6th May 2011, 09:15 PM

காட்டுமிராண்டிகள் கூட கருணை கொள்வர்
நாட்டுமிராண்டிகளால் குமுறும் குடிகண்டு.

-
கிறுக்கன்

**chinnakkannan** · 6th May 2011, 11:38 PM

கண்டும் உணர்ந்தும் குடிப்போர் உடலில்தான்
உண்டியும் ஒன்றாய்க் கெடும்

**pavalamani pragasam** · 7th May 2011, 07:32 AM

கெடும் வாடிக்கைப் பணி
பயணம் செய்யும் போது
கூடும் இன்பம் வெகுவாய்
பேரன்களுடன் விடுமுறை
கொண்டாடத் துவங்கியதும்
விழாக்கால குதூகலம் இது

**kirukan** · 7th May 2011, 11:19 AM

இது இப்படிதான் அது அப்படிதான்
என்பார் எதுவும் புரியாதார்.

-
கிறுக்கன்

**chinnakkannan** · 7th May 2011, 03:37 PM

புரியாதார் என்று இருக்கும்
சில மாணவர்களுக்குச்
சொல்லித் தருவேன் அவசியம்..
என்றார் ஆசிரியர்.
’புரிகிறதோ புரியவில்லையோ..
பிற்காலத்தில்
அவர்கள் மாறலாம்
அரசியல்வாதியாக..”

**pavalamani pragasam** · 7th May 2011, 08:27 PM

அரசியல்வாதியாக மாறினாள்
அன்று போரில் துணை நின்று
தேர் சக்கரத்தில் விரல் கொடுத்து
வென்று சாதித்து வரமிரண்டு பெற்று
பல்லாண்டு சென்றபின் தக்க சமயத்தில்
மகனுக்கு அரியணை கேட்ட கைகேயி
பல தாரம் பல மக்கள் என்றால் இங்கு
என்றும் தொல்லை திருகும் தலைவலி

**chinnakkannan** · 7th May 2011, 10:29 PM

தலைவலி
இட்து காதின் நேர்க்கோட்டில்
ஆரம்பித்து
உள்சென்று வியாபித்து
வலது காதுவரை வலிக்க
கைப்பையைத் திறந்து
எப்போதும் நண்பனான
மஞ்சள் மருந்தைத் தடவினால்...
கெக்கெக்கெக்கே என
வில்லத்தனமாய் சிரித்த வலி
கூடிக்கொண்டே செல்ல
‘இதைச்சாப்பிடு.. வாயுத்தொல்லைவராது’
எனத் தோழி கொடுத்த
எக்ஸ்ட்ரா மாத்திரையை
முழுங்க
ம்ஹீம்
கல்லுளிமங்கத்தனமாய்
போகாமல் படுத்தப் படுத்த
முகம் சற்றே வெளிற
காகி தத் துணி கொண்டு
அழுந் தத் துடைக்கும் போது
க்யூபில் எட்டிப் பார்த்தமேலாளர்
என்னம்மா முகம் வாடியிருக்கு..
நெத்திப் பொட்டு விலகியிருக்கு
எனக் கேட்ட கேள்விக்கு
சோகையாய் சிரித்துக்
கணிணியைப் பார்த்தால்
ம்ஹீம் மனம் ஒன்றாமல் போகையில்
கைப்பையிலிருந்து ஒலிவர
எடுத்து செல்லிடைப் பேசியைக் காதில் வைக்க...
”என்ன..ரொம்ப நேரமா அடிச்சேன்..
நிறைய வேலையா.. தொந்தரவு பண்ணிட்டேனா..
கொஞ்சம் சீக்கிரமா வ ந்துட்டேன்...
ஒண்ணுமில்லை..சின்னத் தலைவலி தான்..
காஃபி போட்டுக் குடிச்சுட்டேன்..
முடிஞ்சா சீக்கிரம் வா..
சேச்சே...கவலைப் படாதே..”
செல் அமைதியாக
‘அச்ச்ச்சோ.. இவருக்கு வலி தாங்காதே..
சுக்கு அரைச்சு தலையில்
மெலிசாத் தடவலாம்...
பக்கத்து பங்கஜம் மாமி
ஏதோ திப்பிலியோ மொளகோ
கஷாயம் சொன்னாளே..
அதப்போட்டுப்பார்க்கலாம்...
இப்போதைக்கு மேலாளருக்குச்
சொல்லிச் செல்ல்லாம்’
என நினைத்துக் கைப்பையை எடுக்கையில்
வாட்டிய வலி
போன இடம் தெரியவில்லை...
ஆச்சர்யமாய்...!

++

**pavalamani pragasam** · 8th May 2011, 06:44 AM

ஆச்சர்யமாய் பார்
அழகான சூரியோதத்தை
அன்றலர்ந்த பூவை
ஆகாயத்து மேகத்தை
அதில் பறக்கும் காகத்தை
அடுத்த விட்டு குழந்தையை
அன்றாடம் பார்த்தாலும்
அதிசயமாய் தோன்றும்
அலுக்காத நிகழ்வுகள்
ஆனந்தத்தின் கதவுகள்