kavidhaikku kavidhai matrum Pattuku pattu-2

**chinnakkannan** · 7th February 2015, 09:43 PM

அதிகமா பேசாதே
அதிகமா சாப்பிடாதே
அதிகமா விளையாடாதே
அதிகமா படம் பார்க்காதே
அதிகமா படி
என்றெல்லாம் சொன்ன அம்மாவின் வார்த்தைகள்
பிற்காலத்தில் தான் புரிந்தது
வேலைகிடைத்த பிறகு..
ம்ம்
எக்காலத்திலும்
மூத்தோர் சொல்லும் வார்த்தை அமிர்தம்..

**Google Adsense** · 7th February 2015 09:43 PM

**pavalamani pragasam** · 7th February 2015, 11:27 PM

அமிர்தம் கடைந்தெடுக்க
அசுரர் உதவிடவேண்டும்
அதில் பங்கு மட்டுமில்லை
அநீதியின் அமரத்துவம்

**chinnakkannan** · 8th February 2015, 12:40 AM

அமரத்துவம் அடைந்தார் என வரும்
அபிச்சுவரி எனத் தமிழில் வரும்
நீத்தார் நினைவுகள் விளம்பரங்களில் வரும்
புகைப்படத்தில் இருக்கும் சிரிப்பு
மட்டும்
பல சேதிகள் சொல்வதாக
எனக்குப் படுகிறது

**pavalamani pragasam** · 8th February 2015, 08:44 AM

எனக்குப் படுகிறது இதெல்லாம் தவறென்று
ஒத்துக்கொள்ளவில்லையே இவ்வுலகம்
தின்னக்கூடாததை தினம் தின்கிறார்கள்
செய்யக்கூடாத பலவும் செய்கிறார்கள்
இத்தலைமுறையின் அறிவில் மயக்கம்
இதை சொல்லிட எனக்கில்லை தயக்கம்

**kalnayak** · 9th February 2015, 11:16 AM

தயக்கம் கொள்ளுகின்றேன் எனக்கு தெரிந்தததையும் பேசிடவே
வியப்பும் அடைகின்றேன் சிலர் தமக்கு தெரியாததையும் பேசிடவே!!!
சாத்தியம் ஆனது இவரால் எவ்வாறு, என்னால் முடியாதபோது
பாத்தியம் கொண்டாடிட முடியாது எவரும் இத்திறமைக்கே.

**pavalamani pragasam** · 9th February 2015, 07:20 PM

இத்திறமைக்கே ஆசைப்பட்டேன்
கை வரத்தான் அது மறுக்கிறதே
செடியில்லை நீர் விட்டு வளர்க்க
ஆடில்லை இலை தழை கொடுக்க
எப்படித்தான் நான் வளர்ப்பேன்
வக்கணையாய் கவிதை வடிப்பேன்

**chinnakkannan** · 10th February 2015, 12:32 AM

கவிதை வடிப்பேன் என்றேதான்
…காகி தத்தைப் பிடித்தாலும்
நவில மறுக்கும் குழந்தையென
… நன்றாய் ஏதும் வாராமல்
தவித்துத் துடித்து யோசித்தே
..சற்றே நேரம் கண்மூட
குவிந்த மலராய்க் கற்பனைகள்
…கூட்டித் தொடுத்தேன் நெஞ்சத்தில்..

**pavalamani pragasam** · 10th February 2015, 07:11 AM

நெஞ்சத்தில் பக் பக்
துடிக்குது திக் திக்
பிள்ளைகள் நச் நச்
தாங்காமல் செக் செக்
காய்ந்த வயிறுடன் செல்
என்ன தெரியுமோ சொல்

**Russellhni** · 10th February 2015, 11:00 AM

அறிவுரையும் ட்விட்டரும்

சொல்லத்தான் துடிக்குது மனம் அனு தினம்
சொல்லியே ஆகவேண்டும் அது என் குணம்
நல்லதாய் சொன்னால் தரும் அது நறு மணம்
அல்லதாய் சொன்னாலோ தர்ம அடி என்றும் ரணம்

* முதல் கவிதை. குற்றம் குறை பொறுத்துக் கொள்ள வேண்டும் !

**kalnayak** · 10th February 2015, 11:19 AM

ரணம் ஆறாவிட்டால் நெஞ்சில் வலிமிகும்
பணம் செலவழித்து தேடு நீ மருத்துவம்
குணம் ஆகாவிட்டால் உடலையது வருத்தும்
பிணம் ஆகும்வரை உன்னிடம் வடு இருக்கும.

***முரளிதரன், முதல் கவிதையே மிக அருமை. இதற்கு போய் ஏன் மன்னிப்பு?