kavidhaikku kavidhai matrum Pattuku pattu-2

**pavalamani pragasam** · 20th January 2015, 09:27 AM

நெனப்புமட்டும் குமரின்னு கும்மாளமா
குத்துது குடையுது குறுக்கும் மூட்டும்
பத்து நாள் மகன்கள் வீட்டில் கூடியாடி
இப்பாடு என்றால் அக்கரை போவதெப்படி
அமெரிக்க மகளுடன் குலவுவதெப்படி
மனம் குதித்தாலும் கடுப்பு என்னுடம்பு

**Google Adsense** · 20th January 2015 09:27 AM

**chinnakkannan** · 21st January 2015, 06:09 PM

என்னுடம்பு என்னழகு என்றெல்லாம் தான்நினைத்து
..மென்னுடம்பை புண்ணாக்கல் நியாயமா - அடி
என்கனவை நீகரைக்க லாகுமா

வெண்ணிலவு மிகவளர்ந்து முழுநிலவாய் ஆவதுவும்
.வேகமாகத் தேய்வதுவும் இயற்கையே - சகி
பெண்ணிலவு நீமறக்க லாகுமா

சொன்னதுயார் செயற்கையிலே அழகெல்லாம் மிளிருமென
..சொல்லிவிடு என்னினிய பைங்கிளி - பின்
மின்னலெனக் கேட்டிடுவேன் அவரையே..

வண்ணமிகு இதழைவிட மழைத்துளியாய் தாமரையில்
..வக்கணைகள் செய்யுமிதழ் பிடிக்குமே - சகி
அன்னநடைப் பெண்ணுனக்குத் தெரியுமே!

**pavalamani pragasam** · 21st January 2015, 08:13 PM

தெரியுமே தெள்ளத்தெளிவாய்
சமுதாயத்தின் மேடுபள்ளங்கள்
அலமாரி நிறைக்கும் சேலைகள்
இரண்டாம் முறை உடுத்த அலுப்பவை
மாற்றுத் துணியில்லா அபலைகள்
ஜனநாயகத்தின் கொடிய அவலங்கள்

**chinnakkannan** · 21st January 2015, 10:59 PM

அவலங்கள் எல்லாமே அடியோடுதான்
..அவனியிலே எப்போதும் ஒழிந்திட வேண்டும்
புவனமிது பூலோகம் சொர்க்க மென்றே
…புவியதுவும் சீக்கிரமாய் மாறவேண்டும்
அவதிமிகும் கொடியநோய்ப் பேய்களெல்லாம்
…ஆர்ப்பட்ட மிட்டலறி ஓட வேண்டும்
நவதான்யம் மற்றுபல செல்வமெல்லாம்
..நரருக்கு அருள்புரிவாய் சக்தி யம்மா

**pavalamani pragasam** · 22nd January 2015, 08:11 AM

சக்தியம்மா ஊறுதம்மா
உச்சி முதல் பாதம் வரை
பிடித்த வேலைகள் இப்போது
பிடித்த சந்திப்புக்கள் இன்று
சவாலான சாதனைகள் பல
இருக்க தினமும் நல்ல நாள்

**chinnakkannan** · 22nd January 2015, 08:33 AM

நல்லநாள் பார்த்திடவா என்று கேட்டால்
…நானென்ன சொல்லிடுவேன் அப்பா உங்கள்
வல்லமை நானறிவேன் வெளியு லகத்தில்
…வாகான தொடர்புகளும் தெரியு மென்றால்
பலமென நீர்நினைக்கும் விஷய மெல்லாம்
…பணத்தோடு சேர்ந்திருக்கும் படிப்பு என்றும்
அழகுடன் இருக்கின்ற மனமும் சேர்ந்த
..அற்புதமாம் நண்பனெனப் பார்ப்பீர் நீரே..

**pavalamani pragasam** · 22nd January 2015, 07:00 PM

நீரே பகுத்தறிய வேண்டும்
நேரே மேலே கீழே உள்ளே
பரந்த மனதுடன் பார்ப்பீர்
யானை தடவிய குருடன்
ஓர் அரைகுறை அறிவாளி
தேவை நமக்கு முழுமதி

**chinnakkannan** · 22nd January 2015, 08:34 PM

முழுமதி சிரிக்கும் நேரம்
…மூக்கிலே நகையும் மின்ன
சிலுசிலுக் காற்றும் மேனி
;...சிலிர்த்திட வைத்து உன்னைத்
தழுவிட நீயும் கொஞ்சம்
..தள்ளியே நின்று கொண்டே
குலுங்கிடச் சிரிப்ப தென்ன
..கூறிடு உண்மை தன்னை

காற்றினில் கலையும் கேசம்
..காரணம் தெரியும் அன்பே
கூற்றுவன் போலக் கண்கள்
.குட்டியாய் முகத்தில் தாடி
தீற்றலாய் நெற்றி வேர்வை
..திரிந்துதான் கன்னம் வீழ
சீற்றமும் கொண்ட வில்லன்
…சீரிய தோற்றம் கண்டேன்..

**pavalamani pragasam** · 23rd January 2015, 08:52 AM

கண்டேன் மோடி மஸ்தான் வேலையென
அமெரிக்காவில் என் சுற்றம் நகைப்பதிலே
ஐபோன் ஐபாட் லாப்டாப் ஏதேனும் வேணுமா
ஒபாமாகிட்ட குடுத்தனுப்புறேன் என்கிறாள்
என் மகள் அங்கிருக்கும் தங்கை மகளிடம்
அவரிடம் பக்கோடா முறுக்கு வாங்கிவர
சொல்லியிருக்கேன் உனக்கென்ன வேணும்
என வினவ கோகோ மிட்டாய் தேன் மிட்டாய்
அவள் பதில் வருகிறது சும்மா பேசிவிட்டு
போகிறவர் செய்யட்டும் இதை என வாதம்
பிளேன் காலியாய் இருக்கும் நானும் போறேன்
அவருக்கு ஆலோசகராய் என்கிறார் மாப்பிள்ளை

**chinnakkannan** · 24th January 2015, 02:39 AM

மாப்பிள்ளை இவரென்று தந்தை சொல்ல
.மணப்பெண்ணும் தலையாட்டும் காலம் போச்சு
வாய்ப்பில்லை இன்றிருக்கும் சூழல் முன்னர்
..வஞ்சியர்கள் தானெழுப்பும் கேள்வி முன்னே
ஆய்ந்தீரா யாரென்று அப்பா பின்னும்
..அவருடைய படிப்பென்ன மாதம் என்ன
ஏய்ப்பாரா என்றெல்லாம் பல்வி தமாக
..ஏந்திழையர் கேட்கின்றார் இக்கா லத்தில்.