kavidhaikku kavidhai matrum Pattuku pattu-2

**chinnakkannan** · 8th April 2011, 11:01 AM

பணிவில்; அவளது பார்வை வீச்சில்..
..பிணிகள் எல்லாம் பறந்து போகும்..
துணிவாய் வாயைத் திறக்கச் சொல்லித்
..திணிப்பாள் கசப்பு ம்ருந்தை நன்றாய்..
இனிதாய் அழகாய்க் கேட்பாள் தினமும்....
..இப்போ வலிதான் எப்படி இருக்கு..
மனித னாகப் பிறந்தே விட்டோம்..
..மறக்குமா வலிகள் என்றால் சிரிப்பாள்..

காலப் போக்கில் குணமாய் ஆகி
.மருத்துவ மனையை விட்டே சென்று
மறுபடி வேலை மறுபடி குடும்பம்
என்றே நாட்கள் சென்ற போதில்
ஒருநாள் சென்றே பார்த்தேன் அவளை..
சிரித்தால் ஒன்றும் பதிலும் வரலை..
அழகிய பெண்ணே.மறந்து விட்டாயா..
இங்கே இருக்கும் நாட்களில் எல்லாம்
ஈன்ற தாயாய்; இனிய தோழியாய்
இருந்தவள் தானே நீயும் என்றால்..
ஐயா நோய்கள் தாக்கும் பொழுதில்
தீர்க்க நடக்கும் மருந்தாய் நாங்கள்..
அதுவே எம்தொழில் அதற்கு மேலும்
பெரிதாய் எதுவும் செய்யவு மில்லை..
பிணியுடன் வந்தால் மருந்தாய் இருப்போம்.
நோய்கள் மறைந்து நீவிர் சென்றால்..
நீங்கள் வேறு நாங்களும் வேறு...
மன்னிக்க வேண்டும் வேலை நிறைய..
பிறிதொரு பொழுதில் முடிந்தால் பார்ப்போம்..
வெள்ளை மன்ந்தான் உடையில் தெரிய
சிரித்தே மறைந்த்து அழகிய தேவதை..

**Google Adsense** · 8th April 2011 11:01 AM

**pavalamani pragasam** · 8th April 2011, 04:36 PM

தேவதைகள் பெரியவர்க்கு பரிச்சயமில்லை
சிறுமிகளுக்கோ நெருங்கிய தோழிகளன்றோ
மாற்றாந்தாயும் அவள் மகள்களும் தடுக்க
அதைத்தாண்டி மன்னர் அளித்த விருந்துக்கு
எலிகள் பரிகளாகி பூசணி சாரட்டை இழுக்க
அழகிய பதுமையாய் அதிலமர்ந்து சென்று
சின்டிரல்லா இளவரசன் மனம் கவர்ந்தாடி
கண்ணாடி செருப்பின் துப்பிலே இறுதியில்
மணம் முடித்து அரண்மனை புகுந்த கதை
அறியாத சின்னச் செல்லங்கள் உண்டோ

**chinnakkannan** · 9th April 2011, 06:10 PM

உண்டோ இலையோ என்றே தோன்றும்
உடுக்கை போன்றே குறுகிய இடையும்..
கண்டால் உள்ளம் களிவெறி கொள்ளும்
கனிச்சுவை கொண்ட கொவ்வை இதழும்
வண்டைப் போல குறுகுறு வென்றே
விழிகள் சுழலும் பார்வையும் கொண்டே
திண்டைப் பற்றிச் சிரித்தாள் அவளும்..
திகைத்தவன் மனமும் விழுந்த்து அங்கே..

மதுரை அழகைத் தெரிந்தவந்தான்..
மனதைத் தொடுமெனப் புரிந்தவன் தான்
வதுவை கொண்ட கண்ணகியை
வீட்டில் இருத்தி வந்தவன் தான்..
மதுரச் சிரிப்பைக் கேட்ட தனால்
மதியில் மயக்கம் கொண்டுவிட்டான்..
புதுமைச் சிரிப்பா அதுஇல்லை..
பாழும் விதியின் சிரிப்பன்றோ..

**pavalamani pragasam** · 9th April 2011, 07:30 PM

சிரிப்பன்றோ விதை போட்டது
திரௌபதி சிரித்தாள் முன்னம்
பாரதப் போரில் அது முடிந்தது
ஏளனம் எள்ளல் பரிகாசமில்லாமல்
கள்ளம் கலக்காமல் சிரித்தால்
பிள்ளைகள் போல் குதூகலந்தான்

**chinnakkannan** · 9th April 2011, 10:46 PM

குதூகலம்தான் கொண்டாட்டந்தேன்..
எல்லாமே இங்கே எலவசந்தேன்..
பையனுக்குக் கேர்ள்பெரண்ட் இலவசம்..
பொண்ணுக்கு புருஷன் இலவசம்..
புருஷனுக்குத் தொப்பை இலவசம்..
மாமியாருக்கு மாட்டுப் பொண் எலவசம்..
மாட்டுப்பொண்ணுக்கு சீரியல் எலவசம்..
சீரியலுக்கு நாயகி இலவசம்..
நாயகிக்கு வில்லி இலவசம்..!
வில்லிக்கு விளம்பரம் இலவசம்..
விளம்பரத்துக்கு விற்பனை இலவசம்..
விற்பனைக்கு ஹீரோஇலவசம்
ஹீரோவிற்குக் கோடிகள் இலவசம்
கோடிகளுக்கு வேட்பாளர் இலவசம்
வேட்பாளருக்குத் தொகுதி இலவசம்
தொகுதிக்குக் கட்சி இலவசம்
கட்சிக்கு ஆட்சி இலவசம்
ஆட்சிக்கு இலவசமே இலவசம்
ஆகக் கூடி
வாழ்க்கையே எலவசமாப் போச்சு...!
**

**pavalamani pragasam** · 10th April 2011, 08:01 AM

போச்சு போயே போச்சு
பூவும் பொட்டும் புருவமும்
பட்டு பாவாடை புடவையும்
கருநாகம் போல் சடையும்
நளினமான நடை அழகும்
பெண் அடையாளமத்தனையும்

**chinnakkannan** · 10th April 2011, 11:35 AM

அத்தனையும் உனக்கு அப்புறம் தர்றேன்
அம்மா சொல்வாள் ஆனால் மறுபடி
அழகாய் வைத்தே இருப்பதைப் பார்க்க
ஆவல் தோன்றும்; நாவில் ஊறும்
மெல்ல நைசாய் அருகில் சென்று
வெல்லச் சீடை எடுத்தால் வந்தே
வள்ளென விழுவாள் படவா ராஸ்கல்
பொறுமை என்பது கொஞ்சமும் இல்லை
எல்லாம் அந்த கண்ண ஒம்மாச்சிக்கு
அப்பா வந்து ஆரா திப்பார்
அப்புறம் தருவேன் கொஞ்சம் பொறேண்டா..
**
அவளைச் சொல்லிக் குற்றமும் இல்லை..
காலை வெள்ளென எழுந்து குளித்து
பக்தியுடனே எல்லாம் எடுத்து
முதல்நாள் ஊறப் போட்ட்தை உரலில்
இட்டு அரைத்து, பின்னர் எல்லாம்
பரபரவென்றே பலப்பலவாக
சீடை முறுக்கு, தட்டை மிக்சர்,
அதிரசம் மற்றும் பலவித பட்சணம்
ஒண்டி ஆளாய்ச் செய்து முடிக்க
மாலை ஆறு மணிதான் ஆகும்
இதனின் நடுவே அம்மா அழகாய்
வீடுமுழுக்கக் குட்டிக் காலகள்
இட்டு முடித்துக் காய்ந்தும் இருக்கும்
பின்னர் அப்பா கடையை மூடி
வந்தே குளித்து ஒருமணி நேரம்
கிருஷ்ணா என்றே பூஜைகள் செய்வார்
அதற்குப் பிறகு தீர்த்தம் திருத்துழாய்
சுக்கு வெல்லம் வெண்ணெய்; சீடை
மற்றும் அனைத்தும் உண்ணத் தந்தால்
அப்பா செய்த பூஜையின் அழகில்
அம்மா செய்த பட்சண வரிசையில்
பசிதான் எங்கோ மறைந்தே போகும்....
**
கடிக்க முடியா உப்புச் சீடை
கன்ன்ங்கரேலென வெல்லச் சீடை..
எண்ணெய் கொட்டும் அதிரசம் மற்றும்
எல்லாம் பக்கக் கடையில் வாங்கி
பூஜை செய்து மருமகள் தந்த தில்
வந்த்து நெஞ்சில் அந்தநாள் நினைவு..!
**

**pavalamani pragasam** · 10th April 2011, 07:43 PM

நினைவுத் திரையில் நிழலாடிய உருவமோ
தவழும் அழகிய கொழுக் மொழுக் குழந்தை
நேரில் நிற்கிறான் மீசையுடன் ஆறடியில்
நம்ப முடியவில்லை நான் கிழவியானதை

**chinnakkannan** · 10th April 2011, 08:28 PM

கிழவியானாதையோ குமரியானதையோ
சொன்னால் மறுப்பார்கள் இந்தப் பெண்கள்
வேகாத வெயில்ல வயசான காலத்தில
இப்படி உழைக்கணுமா என்றால்
என்ன இப்படிக் கேட்டுட்ட
வைகாசி வந்தால் அம்பத்தெட்டுதான் ஆகுது..
எனக்கொண்ணும் வயசாகலை
என்கிறாள் பக்கத்து வீட்டுப் பாட்டி..
அதையே என் பெண்ணிடம்
ஏண்டி வயசுப் பொண்ணா லட்சணமா
வீட்டுவேலை கத்துக்கயேன் என்றால்
அதுக்கின்னும் எனக்கு வயசாகலை
நா சின்னப் பொண்ணுதான்..
என வருகிறது பதில்..
ம்ம்..பெண்ணே உன் மறு பெயர் புதிரா..