-
8th April 2011, 11:01 AM
#131
Senior Member
Senior Hubber
பணிவில்; அவளது பார்வை வீச்சில்..
..பிணிகள் எல்லாம் பறந்து போகும்..
துணிவாய் வாயைத் திறக்கச் சொல்லித்
..திணிப்பாள் கசப்பு ம்ருந்தை நன்றாய்..
இனிதாய் அழகாய்க் கேட்பாள் தினமும்....
..இப்போ வலிதான் எப்படி இருக்கு..
மனித னாகப் பிறந்தே விட்டோம்..
..மறக்குமா வலிகள் என்றால் சிரிப்பாள்..
காலப் போக்கில் குணமாய் ஆகி
.மருத்துவ மனையை விட்டே சென்று
மறுபடி வேலை மறுபடி குடும்பம்
என்றே நாட்கள் சென்ற போதில்
ஒருநாள் சென்றே பார்த்தேன் அவளை..
சிரித்தால் ஒன்றும் பதிலும் வரலை..
அழகிய பெண்ணே.மறந்து விட்டாயா..
இங்கே இருக்கும் நாட்களில் எல்லாம்
ஈன்ற தாயாய்; இனிய தோழியாய்
இருந்தவள் தானே நீயும் என்றால்..
ஐயா நோய்கள் தாக்கும் பொழுதில்
தீர்க்க நடக்கும் மருந்தாய் நாங்கள்..
அதுவே எம்தொழில் அதற்கு மேலும்
பெரிதாய் எதுவும் செய்யவு மில்லை..
பிணியுடன் வந்தால் மருந்தாய் இருப்போம்.
நோய்கள் மறைந்து நீவிர் சென்றால்..
நீங்கள் வேறு நாங்களும் வேறு...
மன்னிக்க வேண்டும் வேலை நிறைய..
பிறிதொரு பொழுதில் முடிந்தால் பார்ப்போம்..
வெள்ளை மன்ந்தான் உடையில் தெரிய
சிரித்தே மறைந்த்து அழகிய தேவதை..
-
8th April 2011 11:01 AM
# ADS
Circuit advertisement
-
8th April 2011, 04:36 PM
#132
Senior Member
Platinum Hubber
தேவதைகள் பெரியவர்க்கு பரிச்சயமில்லை
சிறுமிகளுக்கோ நெருங்கிய தோழிகளன்றோ
மாற்றாந்தாயும் அவள் மகள்களும் தடுக்க
அதைத்தாண்டி மன்னர் அளித்த விருந்துக்கு
எலிகள் பரிகளாகி பூசணி சாரட்டை இழுக்க
அழகிய பதுமையாய் அதிலமர்ந்து சென்று
சின்டிரல்லா இளவரசன் மனம் கவர்ந்தாடி
கண்ணாடி செருப்பின் துப்பிலே இறுதியில்
மணம் முடித்து அரண்மனை புகுந்த கதை
அறியாத சின்னச் செல்லங்கள் உண்டோ
Eager to watch the trends of the world & to nurture in the youth who carry the future world on their shoulders a right sense of values.
-
9th April 2011, 06:10 PM
#133
Senior Member
Senior Hubber
உண்டோ இலையோ என்றே தோன்றும்
உடுக்கை போன்றே குறுகிய இடையும்..
கண்டால் உள்ளம் களிவெறி கொள்ளும்
கனிச்சுவை கொண்ட கொவ்வை இதழும்
வண்டைப் போல குறுகுறு வென்றே
விழிகள் சுழலும் பார்வையும் கொண்டே
திண்டைப் பற்றிச் சிரித்தாள் அவளும்..
திகைத்தவன் மனமும் விழுந்த்து அங்கே..
மதுரை அழகைத் தெரிந்தவந்தான்..
மனதைத் தொடுமெனப் புரிந்தவன் தான்
வதுவை கொண்ட கண்ணகியை
வீட்டில் இருத்தி வந்தவன் தான்..
மதுரச் சிரிப்பைக் கேட்ட தனால்
மதியில் மயக்கம் கொண்டுவிட்டான்..
புதுமைச் சிரிப்பா அதுஇல்லை..
பாழும் விதியின் சிரிப்பன்றோ..
-
9th April 2011, 07:30 PM
#134
Senior Member
Platinum Hubber
சிரிப்பன்றோ விதை போட்டது
திரௌபதி சிரித்தாள் முன்னம்
பாரதப் போரில் அது முடிந்தது
ஏளனம் எள்ளல் பரிகாசமில்லாமல்
கள்ளம் கலக்காமல் சிரித்தால்
பிள்ளைகள் போல் குதூகலந்தான்
Eager to watch the trends of the world & to nurture in the youth who carry the future world on their shoulders a right sense of values.
-
9th April 2011, 10:46 PM
#135
Senior Member
Senior Hubber
குதூகலம்தான் கொண்டாட்டந்தேன்..
எல்லாமே இங்கே எலவசந்தேன்..
பையனுக்குக் கேர்ள்பெரண்ட் இலவசம்..
பொண்ணுக்கு புருஷன் இலவசம்..
புருஷனுக்குத் தொப்பை இலவசம்..
மாமியாருக்கு மாட்டுப் பொண் எலவசம்..
மாட்டுப்பொண்ணுக்கு சீரியல் எலவசம்..
சீரியலுக்கு நாயகி இலவசம்..
நாயகிக்கு வில்லி இலவசம்..!
வில்லிக்கு விளம்பரம் இலவசம்..
விளம்பரத்துக்கு விற்பனை இலவசம்..
விற்பனைக்கு ஹீரோஇலவசம்
ஹீரோவிற்குக் கோடிகள் இலவசம்
கோடிகளுக்கு வேட்பாளர் இலவசம்
வேட்பாளருக்குத் தொகுதி இலவசம்
தொகுதிக்குக் கட்சி இலவசம்
கட்சிக்கு ஆட்சி இலவசம்
ஆட்சிக்கு இலவசமே இலவசம்
ஆகக் கூடி
வாழ்க்கையே எலவசமாப் போச்சு...!
**
Last edited by chinnakkannan; 10th April 2011 at 12:05 AM.
-
10th April 2011, 08:01 AM
#136
Senior Member
Platinum Hubber
போச்சு போயே போச்சு
பூவும் பொட்டும் புருவமும்
பட்டு பாவாடை புடவையும்
கருநாகம் போல் சடையும்
நளினமான நடை அழகும்
பெண் அடையாளமத்தனையும்
Eager to watch the trends of the world & to nurture in the youth who carry the future world on their shoulders a right sense of values.
-
10th April 2011, 11:35 AM
#137
Senior Member
Senior Hubber
அத்தனையும் உனக்கு அப்புறம் தர்றேன்
அம்மா சொல்வாள் ஆனால் மறுபடி
அழகாய் வைத்தே இருப்பதைப் பார்க்க
ஆவல் தோன்றும்; நாவில் ஊறும்
மெல்ல நைசாய் அருகில் சென்று
வெல்லச் சீடை எடுத்தால் வந்தே
வள்ளென விழுவாள் படவா ராஸ்கல்
பொறுமை என்பது கொஞ்சமும் இல்லை
எல்லாம் அந்த கண்ண ஒம்மாச்சிக்கு
அப்பா வந்து ஆரா திப்பார்
அப்புறம் தருவேன் கொஞ்சம் பொறேண்டா..
**
அவளைச் சொல்லிக் குற்றமும் இல்லை..
காலை வெள்ளென எழுந்து குளித்து
பக்தியுடனே எல்லாம் எடுத்து
முதல்நாள் ஊறப் போட்ட்தை உரலில்
இட்டு அரைத்து, பின்னர் எல்லாம்
பரபரவென்றே பலப்பலவாக
சீடை முறுக்கு, தட்டை மிக்சர்,
அதிரசம் மற்றும் பலவித பட்சணம்
ஒண்டி ஆளாய்ச் செய்து முடிக்க
மாலை ஆறு மணிதான் ஆகும்
இதனின் நடுவே அம்மா அழகாய்
வீடுமுழுக்கக் குட்டிக் காலகள்
இட்டு முடித்துக் காய்ந்தும் இருக்கும்
பின்னர் அப்பா கடையை மூடி
வந்தே குளித்து ஒருமணி நேரம்
கிருஷ்ணா என்றே பூஜைகள் செய்வார்
அதற்குப் பிறகு தீர்த்தம் திருத்துழாய்
சுக்கு வெல்லம் வெண்ணெய்; சீடை
மற்றும் அனைத்தும் உண்ணத் தந்தால்
அப்பா செய்த பூஜையின் அழகில்
அம்மா செய்த பட்சண வரிசையில்
பசிதான் எங்கோ மறைந்தே போகும்....
**
கடிக்க முடியா உப்புச் சீடை
கன்ன்ங்கரேலென வெல்லச் சீடை..
எண்ணெய் கொட்டும் அதிரசம் மற்றும்
எல்லாம் பக்கக் கடையில் வாங்கி
பூஜை செய்து மருமகள் தந்த தில்
வந்த்து நெஞ்சில் அந்தநாள் நினைவு..!
**
-
10th April 2011, 07:43 PM
#138
Senior Member
Platinum Hubber
நினைவுத் திரையில் நிழலாடிய உருவமோ
தவழும் அழகிய கொழுக் மொழுக் குழந்தை
நேரில் நிற்கிறான் மீசையுடன் ஆறடியில்
நம்ப முடியவில்லை நான் கிழவியானதை
Eager to watch the trends of the world & to nurture in the youth who carry the future world on their shoulders a right sense of values.
-
10th April 2011, 08:28 PM
#139
Senior Member
Senior Hubber
கிழவியானாதையோ குமரியானதையோ
சொன்னால் மறுப்பார்கள் இந்தப் பெண்கள்
வேகாத வெயில்ல வயசான காலத்தில
இப்படி உழைக்கணுமா என்றால்
என்ன இப்படிக் கேட்டுட்ட
வைகாசி வந்தால் அம்பத்தெட்டுதான் ஆகுது..
எனக்கொண்ணும் வயசாகலை
என்கிறாள் பக்கத்து வீட்டுப் பாட்டி..
அதையே என் பெண்ணிடம்
ஏண்டி வயசுப் பொண்ணா லட்சணமா
வீட்டுவேலை கத்துக்கயேன் என்றால்
அதுக்கின்னும் எனக்கு வயசாகலை
நா சின்னப் பொண்ணுதான்..
என வருகிறது பதில்..
ம்ம்..பெண்ணே உன் மறு பெயர் புதிரா..
-
10th April 2011, 11:22 PM
#140
Senior Member
Platinum Hubber
புதிரா இருக்கேன்னு
புத்திசாலி நினைச்சான்
பழம் ஏன் கீழே விழுது
புவி ஈர்ப்புன்னு புரிநது
பார்வையின் கோணம் தருது
பதிலை பொருளை பூரணத்தை
Eager to watch the trends of the world & to nurture in the youth who carry the future world on their shoulders a right sense of values.
Bookmarks