-
23rd June 2014, 08:14 AM
#1331
Senior Member
Platinum Hubber
போடா நீங்களும் உங்கள் அறிவுரையும்
புறந்தள்ளினேன் பல் பராமரிப்பு முறையை
மூன்று நாளாய் உண்ணமுடியவில்லை
உறங்கமுடியவில்லை போகும் நேரம்தான்
வந்துவிட்டது என்றெண்ணும் போதினிலே
வலியோடு ஏன் போக வேண்டும் என்றே
தள்ளிப்போட முடியாதினியும் சோதனை
தைரியமாய் சந்திப்பேன் பல் மருத்துவரை
Eager to watch the trends of the world & to nurture in the youth who carry the future world on their shoulders a right sense of values.
-
23rd June 2014 08:14 AM
# ADS
Circuit advertisement
-
23rd June 2014, 11:54 PM
#1332
Senior Member
Senior Hubber
மருத்துவரைப் பார்ப்பதற்குச் சென்றிருந்த நேரம்
..மங்கையவள் வந்தமர்ந்தாள் என்னிருக்கை ஓரம்
வருத்தமான முகத்தினிலே வாட்டமுற்ற கண்கள்
..வஞ்சியவள் நெஞ்சகத்து வேதனையின் பண்கள்
துருதுருப்பாய்த் தானலைந்த தாதியிடம் சொல்லி
..தூதுவிட அவளுக்கோ சீக்கிரமே அழைப்பு
சுறுசுறுப்பாய்க் கீற்றுமின்னல் புன்சிரிப்பைச் சிந்தித்
..துள்ளிசெல கண்டவெந்தன் உடல்வலியோ காணோம்..
-
24th June 2014, 07:35 AM
#1333
Senior Member
Platinum Hubber
காணோம் பண்பாட்டை
பழகும் பாங்கை
பொதுநல பொறுப்பை
பணிவான நாகரிகத்தை
பெண்மை போற்றும்
பெருமையான ஆண்மையை
பொருள் வேட்டையில்
மாக்களாய் மாறுபவர்க்கு
மேன்மையில்லா மூடர்க்கு
புத்தி புகட்டுவார் யாரோ
Eager to watch the trends of the world & to nurture in the youth who carry the future world on their shoulders a right sense of values.
-
22nd July 2014, 10:21 AM
#1334
Senior Member
Senior Hubber
யாரோ பார்க்கக் கூடும்
...ஏதும் பேசக் கூடும்
ஊரோ ஏச்சு தந்தால்
..உளத்தில் கலக்கம் கூடும்
தேரோ என்றே இழுத்து
..திகைக்க முத்தம் தந்தாய்..
வேறாய் ஆன தெந்தன்
..விந்தை கொண்ட நெஞ்சம்..
-
22nd July 2014, 06:54 PM
#1335
Senior Member
Platinum Hubber
நெஞ்சம் நிறைந்தது இன்பத்தில்
கொஞ்சம் சொர்க்கம் அருகினில்
வெறுமையில் வாடிய என் கூடு
பிருந்தாவனமாய் மாறியதின்று
மக்களும் அவர் தம் மக்களும்
வந்திட்ட களிப்பதனால் உலகம்
உல்லாசமாய் தோன்றிடுதோ
உவகையில் ஊஞ்சல் ஆடுதோ
Eager to watch the trends of the world & to nurture in the youth who carry the future world on their shoulders a right sense of values.
-
22nd July 2014, 10:11 PM
#1336
Senior Member
Senior Hubber
ஆடுதோ நெஞ்சில் இன்னும்
..அழகிய வீட்டின் எண்ணம்
ஊடியே முகத்தில் வாட்டம்
..உண்மையாய்த் தெரியு தென்றால்
மூடியே கண்சி மிட்டி
..முகமதில் சிரிப்பைக் கூட்டி
ஊடியே உள்ளே செல்வாள்
..உளமதைச் சொல்ல மாட்டாள்..
மெல்லவே அறையில் சென்று
..மேனியைத் தொட்டுச் சற்றே
வெல்லமாய் இதழில் கொஞ்சம்
..விரலினால் தீண்டப் பார்த்தால்
தள்ளியே விட்டு தூரம்
..தாண்டியே நின்று கண்ணில்
விள்ளலாய் ஈரம் காட்ட
..விழுமியே அணைத்துச் சொல்வேன்..
வஞ்சிநீ வாட வேண்டா
.வாய்மொழி சொல்ல வேண்டா
விஞ்சிடும் உன்னு ணர்வு
..விழியதும் காட்ட லாச்சே
துஞ்சியே எழுந்தால் நாளை
..செல்லலாம் என்று சொன்னால்
கொஞ்சலாய் மடிமேல் வீழ்வாள்..
..கோதையும் அதுஓர் காலம்!!!
..
-
23rd July 2014, 07:23 AM
#1337
Senior Member
Platinum Hubber
காலம் செய்யும் தாமதம்
ஆனியில் சாரலில்லை
ஆடியில் காற்றில்லை
அக்கினி வெயில் தொடர
வாட்டம் சற்றே குறைய
வானிலை இன்று மாறிட
வருத்தம் கொஞ்சம் தேய
வசந்தம் போலொரு சுகமே
Eager to watch the trends of the world & to nurture in the youth who carry the future world on their shoulders a right sense of values.
-
23rd July 2014, 01:43 PM
#1338
Senior Member
Senior Hubber
சுகமே என்றே இருந்துவிட்டேன்
..சூழல் தந்த மாற்ற்த்தால்
மிகவும் மனத்தில் உற்சாகம்
..மீண்டும் மீண்டும் உல்லாசம்
துகளாய் மாறிப் போகத்தான்
..துயரம் வந்து சேர்ந்திடவும்
அகத்தில் ஈசா உனைஅழைத்தால்
..அழகாய் சிரிக்கிறாய் தப்பில்லை..
-
24th July 2014, 09:04 AM
#1339
Senior Member
Platinum Hubber
தப்பில்லை வயதை மறப்பது
பேரப்பிள்ளைகளுடன் மகிழ்ந்து
ஊரை சுற்றி கண்டதை தின்பது
சர்ரென ஸ்ட்ராவில் உறிஞ்சுவது
காற்றுள்ள போது தூற்றுவது
மறு வசந்தம் வரை வாடுவது
Eager to watch the trends of the world & to nurture in the youth who carry the future world on their shoulders a right sense of values.
-
4th August 2014, 03:40 PM
#1340
Senior Member
Senior Hubber
வாடுவது எனுமுணர்வு வஞ்சியர்க்கு இளமை
..ஊக்கியதால் எழுந்துவிட்ட காதலினை எண்ணி
ஊடிடுமே அவர்தம்மின் உடலினையே சற்றே
...ஒவ்வாத மாற்றமதைக் கொண்டுவரும் அன்றோ
ஆடுவதும் பாடுவதும் துள்ளியோடி எங்கும்
..அங்கமெலாம் சிலிர்த்திடவும் இருக்கின்ற குணமோ
ஓடிவிட்ட காரணம்தான் என்னவென்று சொல்ல
..ஒளிந்திருந்து மலரம்பு பாய்ந்ததனால் தானே..
Bookmarks