-
14th June 2014, 06:44 AM
#1321
Senior Member
Platinum Hubber
“சொல்லுங்க” என்று ஒரு முனையில்
"அப்புறம்" என்று மறுமுனையில்
எத்தனை தரம் அதையே சொல்லிட
செல்லிடைப் பேசியில் கடலை போட
வெட்டியாய் வறுபடும் ஓர் தலைமுறை
விரயம் காலம் பொருள் வாலிப சக்தி
Eager to watch the trends of the world & to nurture in the youth who carry the future world on their shoulders a right sense of values.
-
14th June 2014 06:44 AM
# ADS
Circuit advertisement
-
15th June 2014, 10:20 PM
#1322
Senior Member
Senior Hubber
சக்தி ஆகினை; சாந்தம் கொடுத்தனை;
..சலனம் தீர்த்தனை; சிரித்தே மகிழ்ந்தனை
பக்தி கொடுத்தனை; பாசம் காட்டினை
..பாழும் உளமதன் பிணியைப் போக்கினை
முத்தி நெகிழ்ந்தனை; மூர்க்கம் தகர்த்தனை
…மெல்லப் பேசினை; மேன்மை காட்டினை
நித்தம் வாழ்விலே ஒளிதான் கூட்டிய
..நீள்கண் பாவையே நீதான் நான் இனி....
-
Post Thanks / Like - 1 Thanks, 1 Likes
-
16th June 2014, 08:01 AM
#1323
Senior Member
Platinum Hubber
இனி ஒரு விதி செய்ய
மனிதனின் மதி ஒளிர
இனிதாயவன் கதி மாற
கனிய வேண்டும் காலம்
Eager to watch the trends of the world & to nurture in the youth who carry the future world on their shoulders a right sense of values.
-
17th June 2014, 10:48 AM
#1324
Senior Member
Senior Hubber
காலம் களிகொள்ளும் கற்றவர்கள் இட்டவிதி
ஞாலம் செழித்தால் நலம்..
-
18th June 2014, 08:13 AM
#1325
Senior Member
Platinum Hubber
நலம் அறிய ஆவல்
அந்தக்கால மடல்
அவசரமான காதல்
அறிவது புது மாடல்
Eager to watch the trends of the world & to nurture in the youth who carry the future world on their shoulders a right sense of values.
-
18th June 2014, 06:12 PM
#1326
Senior Member
Senior Hubber
மாடல் தான் அம்மா..
அதிர்ந்து பேச்மாட்டாள்
படித்திருக்கிறாள்
பேசுவாள் மென்மையாக
நன்றாகச் சமைப்பாள்
கற்றும் கொடுப்பாள் தங்கைக்கு
உடையெல்லாம் சுரிதார்
அல்லது லெக்கின்ஸ் டாப்ஸ்..
ஆஃபீஸிற்குப் போட்டு வருவாள்..
இன்னும் எதுவும் லோன் எல்லாம் வாங்கவில்லை..
ம்ஹீம் வீட்டிற்குத் தான் தருவேன்
என்றெல்லாம் சொல்லவில்லை
சின்னப் புன்சிரிப்பு
சின்னச் சின்ன வாக்கியம்
குட்டி குட்டி மின்னஞ்சல்
ரொம்பக் குட்டியாய் எஸ் எம் எஸ்
இதான் அவளிடம் பிடிக்கும்..
அவளுக்கு ஒரே தம்பி
அவனும் படிப்பில் விளையாட்டில் சுட்டியாம்
பார்த்ததிலலை
பாசம் உண்டு..ஆனால் திட்டவெல்லாம்
செய்யமாட்டாள்
எப்படி த் தெரியுமா
சிலசமயங்களில் போனில் பேசுவாள்..
அதில் தெரியும்..
அனாவசியச் செலவெல்லாம்
நானும் செய்ததில்லை அவளும்..
சாதாரண ஹோட்டல் தான் காஃபி
சரவண பவன் கூட கிடையாது
உனக்குப் பிடிக்கும்..
மாடல்ங்கறயேடா
மாடல் என்றால் முன்னோடி
என்ற அர்த்தம் அம்மா..
Last edited by chinnakkannan; 18th June 2014 at 06:15 PM.
-
19th June 2014, 09:00 AM
#1327
Senior Member
Platinum Hubber
அம்மா அம்மம்மா இப்படியுமா
வியந்து மாளவில்லை இன்னும்
பாசப்போர்வையில் பணத்துக்கு
அளவில்லா சொத்துக்கு வைத்த குறி
தப்பியதே விலகி வாழ்ந்த மனைவி
பல்லாண்டு பிரிந்திருந்த (அப்)பாவி
படுத்திய பதியை சிதையில் வைத்ததும்
கணக்காய் சொத்துக்கு சொந்தமாகிட
கனாக்கண்ட சகோதரிகள் விடும் கண்ணீர்
இப்போது உண்மையானது நடிப்பில்லை
Eager to watch the trends of the world & to nurture in the youth who carry the future world on their shoulders a right sense of values.
-
22nd June 2014, 10:51 AM
#1328
Senior Member
Senior Hubber
நடிப்பில்லை வயசாளி கண்ணின் ஓரம்
..நன்றாகத் துளிர்விட்ட ஈரச் சின்னம்
துடிப்புடனே ஓய்விற்காய்ப் பெற்ற காசை
..தெளிவாகப் பையினுள்ளே வைத்த பின்பு
படித்தாரே கம்பெனியில் தானும் நின்று
..பக்குவமாய் உழைத்திட்ட வருடம் தன்னை
விடியுமட்டும் பேசலாந்தான் ஆனால் வேண்டாம்
..விடைகொடுங்கள் எனச்சொல்லி முடித்தார் பேச்சை
-
22nd June 2014, 02:17 PM
#1329
Senior Member
Platinum Hubber
பேச்சை மந்திரக்கோலாய் மாற்றி
வசியம் செய்யும் அரசியல்வாதி
சரித்திரம் நெடுக காணலாமே
வல்லவனுக்கு வல்லவனாய்
புரூடசும் ஆன்டனியும் பேச
மக்கள் மனத் தராசில் மாறிய
சீசரின் மதிப்பை மறப்போமோ
பேச்சுக்கலையை ரசிப்போமோ
Eager to watch the trends of the world & to nurture in the youth who carry the future world on their shoulders a right sense of values.
-
22nd June 2014, 05:32 PM
#1330
Senior Member
Senior Hubber
ரசிப்போமா இவளே
வானத்தில் பெளர்ணமி நிலவின் ஒளி
மொட்டை மாடியில் வைத்திருக்கும்
டிஷ் ஆண்ட்டென்னாக்களைப் புறந்தள்ளி
மெல்ல மெல்ல
தண்ணீர்த் தோட்டிக்கு இந்தப்பக்கம்
சற்றே கொஞ்சூண்டு இருட்டிருக்கும்
அங்கே நின்று கொண்டு..
ஆமாம் குளிர் காற்று கொஞ்சம்
வீசத்தான் செய்யும்
வானிலை மையத்தில்
சொல்லியிருக்கிறார்கள்
எனில்
வருகிறாயா ஒன்பதரை வாக்கில்
மேலே துணி உலர்த்துகிறேன்
அல்லது
எதிர் ஃப்ளாட் ஹேமா கூப்பிட்டாள்
என ஏதாவது சொல்லி
நாம் சேர்ந்து ரசிப்போமா
தென்றலையும்
தெளி நிலவையும்
நீ ரசிக்க
அந்த வெளிச்சத்தில் நிழலாய்
அசைந்தாடும் உன் முன்னுச்சி முடியின் அழகையும்
உன் சிறு மின்னல் கண்களையும்
உன் உதட்டு நீரோட்டத்தையும் நான்
ரசிப்பேனே..
வருகிறாயா..
என
வரிந்து வரிந்து மின்னஞ்சல்
எழுதினால்
வந்தது பதில்
போரடிக்காதே..ச்சீ போடா..
Last edited by chinnakkannan; 22nd June 2014 at 06:26 PM.
Bookmarks