kavidhaikku kavidhai matrum Pattuku pattu-2

**chinnakkannan** · 4th April 2011, 10:42 AM

வியாதி வர்றதுக்குக் காரணமே
இந்த திருஷ்டி தான்’
மடியில் தம்பியை வைத்து
சூட்த்தை மூன்றுமுறை சுற்றுவதற்கு முன்
அம்மா சொன்னதும்;
வளர்ந்த பின்
‘எட்டு மிளகாய் போட்டு
சுத்திப் போட்டு அடுப்பில போட்டேங்க..
கமறவே இல்லை..
பாருங்க பசங்களுக்கு..ரொம்ப திருஷ்டி’
என்று பதறிச் சொன்னதும்;
காதலித்துக் கடிமணம் புரிந்த
வடக்கத்திய மனைவி என்னிடம்
‘நஸர் உத்தார்னேகேலியே
இந்த கட் பண்ணின நிம்புவை
மூணு டைம் சுத்தி பாஹர் போடு’
என்று மழலைத் தமிழில் சொன்னதும்;
எனக்கு திருஷ்டிக்கு
முற்றுப் புள்ளி வைப்பதை விட.
அவர்களது அன்பின்
’கமா’ வாகத்தான் தோன்றியது...

**Google Adsense** · 4th April 2011 10:42 AM

**pavalamani pragasam** · 4th April 2011, 03:56 PM

தோன்றியது மனதில் துணிவு
மறைந்தது மருகும் தயக்கம்
நடை பழக அருகில் இடமில்லை
சாலையில் போக்குவரத்துத் தொல்லை
கொழுப்பை குறைத்தே ஆக வேண்டும்
கை நீட்டி வரவேற்றது அருகிருக்கும்
மகளிர் உடற்பயிற்சி மையம் ஆகா
இனி அழகும் ஆரோக்கியமும் எனதே

**kirukan** · 4th April 2011, 05:34 PM

எனதே என்றிராது நமதே என்றிருப்பின்
எளிதே பிறக்கும் நன்மை.
-
கிறுக்கன்

**pavalamani pragasam** · 4th April 2011, 07:34 PM

நன்மை -குவியும் கோடிகள்
உலகளாவிய ஒளிக்குளியல்
நீல நிறம் வெல்ல வேண்டி
விரதம் இருக்காத குறை
முட்டாள் பெட்டி முன்னமர்ந்து
முழு முனைப்போடு ஆதரித்து
நடுநிசியில் இனிப்பு வழங்கி
தீபாவளி கொண்டாடி வெடித்து
மதுவை பீச்சியடித்து மகிழும்
முகங்களைக் கண்டு பசி மறக்கும்
பாமரப் பக்குவம் வாய்க்கலையே

**chinnakkannan** · 6th April 2011, 10:38 AM

"வாய்க்கலையே..
ஒனக்கு வாச்ச மாதிரி புருஷன்,
புள்ளைங்க, மாட்டுப் பொண் எனக்கு...’
அம்மாவிடம் அவ்வப்போது புலம்புவாள்
பக்கத்துவீட்டு ’பபுள்கம்’ ரங்கம் மாமி..
என்னம்மா இது எனக் கேட்டால்
அம்மா புன்னகைப்பாள்..
சும்மா இருடீ.. ஏதோ சொல்லிட்டுப் போறாள்..
வாழ்க்கைல ரொம்ப கஷ்டப் ப்ட்டுட்டாள்.. என்பாள்..
காலப் போக்கில்
கம் மாமியின் கணவர் மறைய
தொடர்ந்த சில வருடங்களில்
அம்மா மரித்த சமயத்தில்
கேட்டது குரல்..
‘வாய்க்கலையே..
ஒன்னமாதிரி எனக்கு
சுமங்கலியாப் போறதுக்கு..”
**
திருத்தவே முடியாது
சில ஜென்மங்களை..

**pavalamani pragasam** · 6th April 2011, 02:02 PM

ஜென்மங்களைத் தாண்டிய பந்தமிது
சலீம் அனார்கலியாய் பிறந்தோம்
அம்பிகாபதி அமராவதியானோம்
ரோமியோ ஜூலியட் நாம்தானே
பெயர் பொறிக்காமல் போனாலும்
காவிய காதலர்களாய் நாமென
அழகான கற்பனையுடன் தீட்டிய
காவியங்களுக்கு முடிவேயில்லை
முதுகைக் காட்டி படுத்துறங்கும்
முகத்தைப் பார்க்க வெறுக்கும்
பட்டாசாய் பொறியும் பகைவராய்
வீட்டுக்கு வீடு காண்பது நிதர்சனம்

**chinnakkannan** · 6th April 2011, 10:15 PM

நிதர்சனம் என்றால்..’
‘தெளிவு, உண்மை எனலாம்..”
‘அதாவது நம் காதல் நிதர்சனம்..”
இல்லை.. நம்காதல் உண்மை என்பது நிதர்சனம்..
வேகமாக வந்த பையன்
அம்மா புரியவே இல்லம்மா..
ஏன் திடீர்னு வேற பாஷைல்ல பேசறாங்க என்றபடி
தொலைக்காட்சியில் விளையாட்டிற்கு மாற்றியபோது
நிதர்சனமாய்ப் புரிந்த்து
விளையாட்டில் அவனுடைய ஆர்வம்..

**pavalamani pragasam** · 7th April 2011, 01:39 PM

ஆர்வம் அடிக்கடி கோளாறாகுது
அத்து மீறிப் போக துடிக்குது
மூடிய அறைக்குள் எட்டிப்பாக்குது
தடை செய்யப்பட்டதை நோங்குது
ஆப்பிளைக் கடித்த ஆரம்பமே
விபரீதமாய் இன்றும் தொடருது

**kirukan** · 7th April 2011, 01:52 PM

இன்றும் தொடருது போராட்டம்
இன்னும் சேறுது பெருங்கூட்டம்
இன்னல் நீக்கும் தொடராட்டம்
இனியேனும் வீழுமா லஞ்ச வெறியாட்டம்.....

-
கிறுக்கன்

**pavalamani pragasam** · 7th April 2011, 05:46 PM

வெறியாட்டம் போடும் சூறாவளி காற்று
வேரோடு மரங்களை பிடுங்கும் மதயானை
ஊவென ஊளையிடும் ராட்சத ஓநாய்
வெட்டும் மின்னலோடு கொட்டும் மழை
இயற்கையின் ஊர்த்தவ தாண்டவமோ
அழித்து கழித்து துடைக்கும் பணியோ