kavidhaikku kavidhai matrum Pattuku pattu-2

**pavalamani pragasam** · 27th April 2014, 08:43 AM

மூச்சே தானே ஆனதின்று
அருமையான இணையம்
உடல் இயக்கம் குறைத்து
உயிர் ஊக்கம் பெருக்குதே

**Google Adsense** · 27th April 2014 08:43 AM

**chinnakkannan** · 27th April 2014, 11:24 AM

பெருக்குதே என நினைத்துப்
போட்ட வைப்பு நிதியின்
வட்டி சதவிகிதம்
குறைந்து விட்டது..

எதற்கும் இருக்கட்டும் என்று
பலவருடங்கள் முன்
வாங்கிய
புதராய்க் கிடந்த நிலத்தின் மதிப்போ
வெகு உயரத்தில்..

முதலீடுகளின் மதிப்பு
முன்னோக்கி ஊகிப்பது
என்றும்
எப்போதும்
எக்காலத்திலும் கஷ்டம் தான்..

அது பணமானாலும் சரி
அன்பானாலும்....

**pavalamani pragasam** · 27th April 2014, 12:00 PM

அன்பானாலும் அளந்துதான் கொட்டவோ
அமுதும் அளவுக்கு மிஞ்சினால் நஞ்சோ
அழகாய் அன்றே சொன்ன பழமொழியே
அனுபவிக்கத் திகட்டாத நல்ல வழியே

**chinnakkannan** · 27th April 2014, 01:58 PM

வழியே இல்லை எனக்
கைவிடப் பட்டவை
சமயத்தில் சரியாகி விடும்

சரியான வழி தான்
என நினைத்தால் மாறுகின்றன..

காரணம் தான் புரியாமல்
சொல்கிறோம்
காரணம் விதி..

**pavalamani pragasam** · 28th April 2014, 08:14 AM

விதி ஒன்று சமைக்கிறாள்
புதிய உலகின் நம் கிழவி
வேலையில்லா மாமியா
வேலிக்காட்டுக்கு நீர் இறைக்க
விரிந்து கிடக்கு பண்ணைகள்
கணிணித் திரையினிலே

**chinnakkannan** · 28th April 2014, 02:40 PM

திரையினிலே கண்டுவந்த காட்சியினைக் கண்டே
..சிறுவனவன் நடிப்பதையும் ரசித்திருந்து பார்த்தே
வரைமுறைகள் ஏதுமின்றி வாய்விட்டே சிரித்தே
..வாகாக வாழ்த்திவிட்டு இருக்கின்ற பெரியீர்
கரைகடந்து அலையெழும்பித் தரையினிலே வந்தால்
..காணாமல் போய்விடுமே சிறுகுடிசை எல்லாம்
வரைகடந்து அச்சிறுவர் வீட்டினிலே பேச
..வகையாக அறிவுரையும் சொல்லத்தான் வேண்டும்..

**pavalamani pragasam** · 29th April 2014, 08:06 AM

சொல்லத்தான் வேண்டும்
சொக்கிப்போன விதத்தை
தேனாய் பேச ஒரு தத்தை
தினமும் காலை மாலை
கொல்லை மரக்கிளையில்
தவறாது வந்தமர்கிறதே

**chinnakkannan** · 29th April 2014, 02:14 PM

வந்தமர்கிறதே
நினைவுக் குயில்
அவ்வப்போது..
மாறுபடும்
சோகம், சந்தோஷம் என
ராகங்கள்..

**pavalamani pragasam** · 30th April 2014, 08:25 AM

ராகங்கள் காதுக்கு குளிர்ச்சி
வண்ணங்கள் கண்ணுக்கு விருந்து
வாசங்கள் நாசிக்கு மருந்து
போவோமா காட்டுக்குள்ளே

**chinnakkannan** · 30th April 2014, 07:22 PM

காட்டுக் குள்ளே கட்டெடுக்க
…காலையிலே போற புள்ள
கூட்டிவர யாரு மில்ல
..கூட வாரேன் ஒம்மாமன்
நோட்ட மிட்டுப் பாக்காதீர்
...நோவு தய்யா என்னுசுரு
ஆட்ட பாட்டம் போட்டுப்புட்டு
..அந்தி வந்தா போய்விடுவீர்..

இப்ப என்ன வேணுமின்னு
..சொல்லுபுள்ள செஞ்சுடலாம்
தப்பு ஒண்ணும் இல்லபுள்ள
..தாலி ஒண்ணு கட்டிடவா
கப்புன்னு கண்ணுக் குள்ற
…காந்தம் வச்சு ஈர்க்காதே
சொப்புவாய் திறந்து கொஞ்சம்
…சிரிச்சுபுடு என்றபுள்ள..