-
20th December 2013, 01:15 PM
#1131
Senior Member
Platinum Hubber
அம்மா அம்மம்மா
பற்றி எரியுதம்மா
புயலின் நடுவினில்
தேவேந்திரன் மகள்
கேட்கக் கூசும் சோதனை
வேலைக்காரியால் வேதனை
முட்டி மோதும் அரசியல்
நடந்ததுதான் என்னவோ
Eager to watch the trends of the world & to nurture in the youth who carry the future world on their shoulders a right sense of values.
-
20th December 2013 01:15 PM
# ADS
Circuit advertisement
-
20th December 2013, 11:43 PM
#1132
Senior Member
Senior Hubber
என்னவோ என்றே நெஞ்சில்..
..ஏதோவோர் அச்சம் கூட்ட
மின்னலைப் போலத் தாவி
...மென்மையாம் எந்த்ன் பெண்ணின்
கண்ணிலே உற்றுப் பார்த்தால்
..கரித்துளி இல்லை என்றால்
வண்ணமாய்க் குவித்து வாயால்
..வக்கணம் காட்டு றாளே..!
-
21st December 2013, 09:34 AM
#1133
Senior Member
Platinum Hubber
காட்டுறாளே குருட்டுப் பாசம்
ஒன்றிரண்டு பெத்த தாயின்று
கண்டிப்புக்கு அடங்காதவை
அவள் வளர்த்த செல்லங்கள்
பிஞ்சில் பழுத்து வெடித்த
மீசை அரும்பிய விடலைகள்
மிகப்பெரியதோர் வாகனத்தில்
பயங்கர வேகத்தில் மின்னலாய்
விதிமுறைகள் மீறி பறந்து
சாலையோரம் சிவனே என்று
நடந்து சென்ற நல்லவரை
முதியவரை மோதி நொறுக்கி
மருத்துவமனையில் சேர்த்து
நினைவு திரும்பாமலே அவர்
சில நாள் பாவமாய் கிடந்தது
பல லட்சங்கள் வீணே கரைத்து
யந்திரத்தில் மூச்சு விட்டு
இறுதியில் உலகை விட்டு
பயணிக்க யார் காரணம்
Eager to watch the trends of the world & to nurture in the youth who carry the future world on their shoulders a right sense of values.
-
23rd December 2013, 08:23 PM
#1134
Senior Member
Senior Hubber
காரணம் கேட்க லாமா
...காரிகை கண்ணின் ஓரம்
ஆரமாய்க் கோலம் கண்டு
...அவனுமே சொன்னான் மெல்ல
பாரமாய் இருந்த நெஞ்சம்
..பகிர்வதால் இளகு மன்றோ
ஈரமாய்ச் சொல்ல அங்கே
..எந்திழை முறுவல் செய்தாள்..
சொல்ல நினைத்தால் முடிந்திடுமோ
...சோகம் என்னை மறந்திடுமோ
அள்ளி முடிக்கும் வார்த்தைகளை
...அழகாய் அளவாய்த் தான்போட்டு
மெல்லக் கேட்கும் சகநடிகா
...மேவிச் சொல்வேன் கேள் கதையை
வல்ல விதியின் விளையாட்டா
...வாட்டும் வினையாய் ஜாதகமா...
நடிகை என்றே எனை அறிவாய்..
.. நட்பாய் பழகத் தான் துடிக்கும்
விடியல் அறியா பறவையென
..வஞ்சி எனைநீ அறியாயே
கடிதாய் வந்த ஓர்காதல்
..காரிகை என்னை அள்ளீயதே
துடிக்கும் இளமை இன்னபிற
..தோழன் பிரிவும் காரணமே..
மெல்லச் சிரித்தான் சகநடிகன்
...மேகம் போலத் தான்கருமை
கொள்ளா இருந்தால் அதுநடிப்பு
...கோதை உனக்குத் தெரியாதா
விள்ளீச் செல்லும் மேகம்போல்
..வேகமாய் துயரும் மாறிவிடும்
அள்ளிச் சிரிப்பை முகத்தினிலே
...அழகாய் அணிவாய் எனச்சொன்னான்
Last edited by chinnakkannan; 23rd December 2013 at 08:38 PM.
-
24th December 2013, 08:34 AM
#1135
Senior Member
Platinum Hubber
சொன்னான் முடிவாக உறுதியாக
போகாதே அங்கே இங்கே என
நிற்காதே கண்ட இடத்திலென
கண்கொத்திப் பாம்பானான்
வெடித்தது பூகம்பம் அங்கு
ஆணாதிக்க முழு உருவே
கொடுங்கோலனே உன்னடிமை
நானல்ல புது யுக பெண்ணடா
உன் பிடிக்குள் அடங்குவேனா
என் நகர்வை கண்காணிக்கும் நீசனே
என் அசைவை கவனிக்கும் அற்பனே
பிரிந்து செல்கிறேன் இப்பொழுதே
சுதந்திரமாய் பறந்து திரிவேன்
பிழைத்துக்கொல்வேன் நீயின்றி
செத்துவிட மாட்டேன் பட்டினியில்
பிரவாகம் நிற்கவில்லை
பரிதாபமாய் தவித்தான்
தன்னிலை விளக்கினான்
அன்பே ஆருயிரே கண்மணியே
கொலைகார மனித எதிரிகள்
தீவிரவாதிகள் பலசாலிகள்
கொடிய நவீன போர்முறைகள்
பயங்கர உயிகொல்லி கருவிகள்
நச்சுப்புகையும் மின்சார ஆயுதமும்
இன்னும் பிற வியூகமும் அமைக்க
பதறாமல் இருப்பேனோ சொல்லம்மா
ஆபத்தை நான் கண்ட இடமெங்கும்
நீ போகாதிருக்க வேண்டினேன்
பொல்லாத பேச்செல்லாம் ஏனம்மா
போகாதே என்னைவிட்டு நில்லம்மா
பதியின் பாசமறிந்தாள் சின்னவள்
பாகாய் உருகினாள் சரணடைந்தாள்
Last edited by pavalamani pragasam; 24th December 2013 at 08:37 AM.
Eager to watch the trends of the world & to nurture in the youth who carry the future world on their shoulders a right sense of values.
-
25th December 2013, 06:32 PM
#1136
Senior Member
Senior Hubber
சரணடைந்தாள் ஏந்திழையும் கணவனவன் பாதம்
..சங்கடந்தான் இருந்தாலும் நின்றானே ஆங்கே
வரமெனவே மனையாளாய் வாய்த்திட்ட வஞ்சி
..வனவாழ்க்கை என்றாலும் மயங்காமல் அங்கே
துறவுக்காய் பதிசெல்ல பின்னாலே சென்று
..தூய்மைமிகு வாழ்க்கையினை வாழ்ந்தவளும் அன்றோ
உறவினிலே பழிவந்தால் உலகின்முன் நீக்க
..உணர்ச்சியினை மட்டாக்கி நின்றானே அண்ணல்
-
26th December 2013, 02:54 PM
#1137
Senior Member
Platinum Hubber
அண்ணல் காந்தி சிரிக்கிறார்
ரூபாய் நோட்டுக்களில் தினம்
அறியாத அப்பாவியாய்தானே
ஆசை முகம் மறக்கலானதே
அன்றாட பணப் பரிமாற்றம்
அட்டையிலும் எங்கேயும்
அல்லது கணினி பெட்டியிலுமென
ஆகிவிட்ட கலிகாலமிதிலே
Eager to watch the trends of the world & to nurture in the youth who carry the future world on their shoulders a right sense of values.
-
28th December 2013, 09:16 PM
#1138
Senior Member
Senior Hubber
கலிகால மிதிலேபல கனமாய்வரும் விஷயம்
பலிகொள்ளுதே பலவாண்டுகள் பகிர்ந்தேவரும் நடத்தை
வழியாய்தினம் வரமாய்ப்பலர் மனத்தேயுள மனிதம்
வழிமாறுதே குறைந்தேயினி மறைந்தேயது விடுமோ
-
29th December 2013, 10:02 AM
#1139
Senior Member
Platinum Hubber
மறைந்தேயது விடுமோ
மாயமோ மந்திரமோ
தினம் தினம் தேயுதே
காணாமலே போனதே
இரு வாரத்தில் இருளானதே
கலங்கிய கணத்தில்
கீற்றாய் முளைத்தது
சிறிது சிறிதாய் வளர
மனமதுவும் குளிர
முழுதாய் கண்ட நிலவு
வாழ்வதின் ஏற்ற இறக்கம்
காட்டியதோ தெளிவாகவே
Eager to watch the trends of the world & to nurture in the youth who carry the future world on their shoulders a right sense of values.
-
1st January 2014, 12:37 PM
#1140
Senior Member
Senior Hubber
தெளிவாகவே தான் பிறக்கிறது
புதுவருடம்
நல்ல எண்ணங்கள்
நல் வாழ்க்கை
நல்ல விஷயங்கள்
இன்னும் பல நல்லவை தருவதற்கு..
எல்லாம்
எப்படி நாம் இருக்கிறோம் என்பதை வைத்து
Bookmarks