kavidhaikku kavidhai matrum Pattuku pattu-2

**pavalamani pragasam** · 17th August 2013, 08:14 AM

நீரே அன்றோ நேற்று
விதிகள் வகுத்தது
வேதம் எழுதியது
வினைகள் ஆற்றியது
வியாபித்து நின்றது
விலங்கை பூட்டியது
எங்கும் எதிலும் காண்
ஆணாதிக்க சிந்தனை

**Google Adsense** · 17th August 2013 08:14 AM

**chinnakkannan** · 17th August 2013, 11:45 AM

சிந்தனை செய்து பாருங்கள்
நாட்டில் பணத்தின் மதிப்பு குறைகிறது
தங்கம் விலை ஏறுகிறது
அக்கிரமங்கள் நிதம் அரங்கேறுகின்றன
நிலையான ஆட்சி...

அம்மா சமையலறையில்
வெண்டைக்காய் நறுக்க
தங்கை பூகோளப் பாடத்தை
உருப்போட்டுக் கொண்டிருக்க
அப்பா ஆங்கிலப் பேப்பரில்
ப்ரிட்ஜ் விளையாடிக்கொண்டிருக்க்
நான்
என்னறையில் மறு நாளுக்கு
உடை எடுத்து வைத்துக் கொண்டிருக்க

வியர்க்க விறுவிறுக்கப் பேசிய
அரசியல்வாதியின் பேச்சை
கேட்டுக் கொண்டிருந்தன
வரவேற்பறையில் இருந்த்
காலி சோஃபாக்கள்..

**pavalamani pragasam** · 17th August 2013, 12:05 PM

சோஃபாக்கள் அழகானவை
தேக்கில் செதுக்கியவை
பயன்படுத்த சுகமானவை
உயர்ரக பஞ்சடைத்தவை
வீட்டை அலங்கரிப்பவை
அந்தஸ்தை காட்டுபவை
பளிச்சென்று இருப்பவை
உற்சாகம் ஊட்டுபவை
சேவையில் சிறந்தவை
அவை பெண்களொத்தவை

**chinnakkannan** · 17th August 2013, 03:56 PM

பெண்களொத்தவை என்றால்…
ஸாரி டியர்..தமிழில் நான் கொஞ்சம் வீக்”

“பெண்களைப் போல் என்று அர்த்தம்..
சரி.. என்னைப் போல் ஒன்று சொல்லேன்”

“பூ”

“அப்புறம்..”

“ம்ம் தோணமாட்டேங்குது..
என் உணர்வுகளைத் தமிழில் சொல்லத் தெரியவில்லை”

“உங்களைப் போல் நான்
ஒன்று சொல்லட்டா”

ம்ம்

“தத்தி.!.!”

**pavalamani pragasam** · 17th August 2013, 07:06 PM

தத்திகள்தான் அதில் ஐயமென்ன
கோடு கிழிக்கும் லட்சுமணன்கள்
கதி கலக்கும் அல்லிராணிகள்
இவர்கள் இடைவிடா மோதல்கள்
பார்த்தயரா தலைமுறைகள்
பாடம் படிக்காத ஆண்மகன்கள்

**venkkiram** · 17th August 2013, 07:18 PM

ஆண்மகன்கள் பாவம்
அம்மாவின் பாசத்திற்கும்
காதலியின் கட்டாயத்திற்கும்
துணையின் கடிவாளத்திற்கும்
வாழ்நாளை விலை கொடுக்கும்
ஏழைகள்.

**chinnakkannan** · 18th August 2013, 12:07 AM

ஏழைகள் இல்லாத நாடாய்
நம் தலைவர் மாற்றுவார் என
மேடையில் ஒருவர் முழங்கிக் கொண்டிருக்க
சுடச் சுட பஜ்ஜி சுட்டபடி இருந்த
பாட்டி மய்ங்கிவிழ
இரண்டு ரூபாய்க்குத் தண்ணீர் வாங்கி தெளித்து
:”வாங்க பாட்டி பக்கத்துல தெரிஞ்ச டாக்டர்
இருககார் போகலாம்” என வேர்க்கடலைப் பையுடன்
ஆட்டோவில் ஏறி வேர்க்கடலைக்காரன் செல்ல
பாட்டி சுட்ட பஜ்ஜிகள்
கவனிப்பாரின்றி இருந்ததால் மாயமாக

முழங்கிக்கொண்டிருந்தார் மேடைப் பேச்சாளர்..
எமது ஆட்சியில் திருட்டு கொள்ளை
,குறைந்திருக்கின்றது் தெரியுமா..

**pavalamani pragasam** · 18th August 2013, 07:28 AM

தெரியுமா அர்த்தம்
நடந்ததும் நடப்பதும்
நடக்கப்போவதும் நன்று
கீதையில் கண்ணன் அன்று
சொன்னது போரில் நின்று
புதிராய் தோன்றும் இன்று

**chinnakkannan** · 18th August 2013, 10:19 AM

இன்று புதிதாய்ப் பிறந்தோம் எனநினைத்தால்
வென்று வரலாம் உலகு

**pavalamani pragasam** · 18th August 2013, 01:29 PM

உலகு உருண்டை
சுத்துது சுழது
சான்றோர் கற்றோர்
ஆராய்ந்து சொன்னது
சுலபமாய் புரியுது
நடுரோட்டில் நாறுது
தலைமுறைகள் தடுமாறுது
கல்லூரி மாணவியரும்
அவர்தம் நண்பர்களும்
நடைபாதையில் போதையில்
தலை சுற்றி நிற்கையில்
உலகு மட்டுமா சுத்துது
வாழ்க்கைப்படகு ஆடுது
அழிவின் விளிம்பிலினிலே