kavidhaikku kavidhai matrum Pattuku pattu-2

**chinnakkannan** · 24th May 2013, 09:45 PM

உறவைக் காணோம் பேச்சினிலே
..உணர்வுகள் இல்லை கண்களிலே
அறத்தினை அகத்தில் தான்வைத்து
..அழகினை மனையைப் புறந்தள்ளி
புறத்தினில் காவி ஆடையினை
..புதிதென அணிந்தே நெடுந்தூரம்
துறவியாம் புத்தன் நடக்கின்றான்
..துன்பமும் நெஞ்சில் ஏதுமின்றி..

**Google Adsense** · 24th May 2013 09:45 PM

**pavalamani pragasam** · 25th May 2013, 08:01 AM

ஏதுமின்றி எது சாத்தியம்
நெருப்பின்றி புகையா
நீரின்றி நிலமா
கடலின்றி கரையா
வேரின்றி மரமா
பூவின்றி காயா
உடலின்றி உயிரா
ஊடலின்றி காதலா
நிஜமின்றி நிழலா
ஐயமின்றி தெளிவா

**chinnakkannan** · 25th May 2013, 09:21 PM

தெளிவாய் இருக்கும் அவள்முகத்தில்
...தெறிக்கும் விழிகள் சிரிப்பினிலே
வலிவாய் சின்னப் பார்வையதை
..வாகாய் கொஞ்சம் தொடுத்தாலும்
நெளியும் கூந்தல் சரிசெய்து
..நேராய்ப் பார்ப்பாள் பொய்யில்லை
களிக்கும் மனம்தான் அவளழகில்
..கரைந்தே செல்லும் தினம்தினம்தான்..

**pavalamani pragasam** · 29th May 2013, 07:54 PM

தினம்தினம்தான் சூரியன் உதிக்கிறது
உலகினில் இறப்பும் பிறப்பும் நடக்கிறது
பூவாய் மலர்ந்து பொலிவாய் திகழ்ந்து
காற்றெங்கும் நறுமணத்தை நிறைத்து
நோகாமல் நொறுங்காமல் வதங்காமல்
உதிர்கின்ற பேர் ஆசீர்வதிக்கப்பட்டவரன்றோ
காந்தியத்தில் ஊறி கதருடுத்தி உழைத்து
நேர்மையும் நன்னெறியும் உயிர்மூச்சாகி
அடக்கமும் அமைதியும் அணிகலனாகி
பேரவா பொறாமை வன்முறையறியா
நோயென்றும் நொடியென்றும் என்றும்
படாமல் படுத்தாமல் பாசமலர்கள்
முகம் பார்த்து உறவாடிப் படுத்து
விடியும் நேரம் துயில் கலையாமல்
பெருவெளியில் பறந்து சென்றுவிட்டார்
பெரியவர் தொன்னூற்றியொன்று வயதினர்
என் துணைவரை ஈன்றவர் பாக்கியவான்
அந்த வரம் வாரிசெங்களுக்கும் வாய்க்கட்டும்

**chinnakkannan** · 30th May 2013, 03:00 PM

வாய்க்கட்டும்
சகல செளபாக்கியங்களும் உனக்கு
ஆசி செய்த அப்பாவும்
ஆசி பெற்ற மகளும் கண்கலங்க
உடனிருந்த மாப்பிள்ளையும் கலங்கினான்..
என்ன ஆச்சு..
ஒண்ணுமில்லை புகை..

**Ravi Krishnan** · 31st May 2013, 10:22 AM

Pugai Pidikaathey, Athu
Udal nalathirku kaedu endru
Vilambara palagai eluthubavan
Vaai pugainthu kondirunthathu.

**pavalamani pragasam** · 1st June 2013, 09:01 AM

புகைந்து கொண்டிருந்தது
பல நாளாய் வஞ்சமொன்று
பனிப்போராய் நடந்தது
பங்காளிகளின் வெறுப்பு
பத்தி எரியுமிந்த நெருப்பு
பிறக்கட்டும் சாம்பலிலிருந்து
பரிசுத்தமான புதிய உறவு
புதைந்து மறையும் பழையது

**Iunffx** · 10th June 2013, 11:52 AM

பழையது என்ன பழையது
வறுமையில் பழையதும் புதியது..
இரவும் பகலும் அல்லலே
இங்கே தரையும் இலையாய் மாறுதே..

அசந்தால் விழுங்கும் காலத்தில்,
கந்தல் துணியில் தேடினால்
உதையே வேளையாய் கிடைக்குது..
உதவச் சென்றால் சாலையில்
என் தோற்றம் பலரை விரட்டுது..

எவரை என்ன சொல்வது
இப்பிறப்பில் இவைதான் என் தோழனா?

காடும் மலையும் திரிகிறேன்
கனிகளை உணவாய் மாற்றினேன்
விலங்குகள் உறவாய் செய்கிறேன்
ஞானிகளோடு பழகினேன்
உடலில் பாம்பை உயர்த்தினேன்
சித்திகள் பல அடக்கினேன்
இறைவனின் வரத்தை உணர்கிறேன்
சித்தனாக அமர்கிறேன்!

**pavalamani pragasam** · 10th June 2013, 01:27 PM

அமர்கிறேன் கணினி முன்
அது போதி மரத்தடி தவம்
ஒரு குட்டிச்சுவர் கழுதைக்கு
கிட்டுமா புத்தனின் ஞானம்

**chinnakkannan** · 11th June 2013, 12:34 AM

ஞானம் பெறுவதற்காகக் கை நீட்டினால்
இல்லை என்கிறது மெளனச் சாமி..
க்ண்ணால் பேசுது
ஒண்ணும் புரியலை..

அது பேசாது
வாய் விட்டு க் கேளுங்க தரும்..

பின்னாலிருந்தவர் கூற
பேசாமல் மறுபடி கை நீட்ட
தள்ளி விட்டது..

சாமிக்கு சாமி வந்துடுச்சு
மற்றவர்கள் கன்னதில் போட்டுக்கொள்ள
மெல்ல தீப்பார்வை பார்த்து
வா எனக் கூப்பிட்டது..

தயங்கி எழுந்து அருகில்
சென்றால்

நெஞ்சில் நெஞ்சில் அடித்து
கண்ணால் சிறிது முறைத்து
மறுபடி கீழே தள்ள..

ஞானம் எட்டியது மனதுக்கு