kavidhaikku kavidhai matrum Pattuku pattu-2

**pavalamani pragasam** · 8th December 2014, 07:15 PM

காளி தாஸே மனம் கசந்து போவான்
இன்றவன் கவிதையும் கதையும் எழுதி
இலக்கிய ரசனையற்ற "மேதைகள்"தான்
மதிப்பெண் வழங்கும் நீதிபதிகளாய் இங்கு
அழைக்கப்படும் அவலம் நிலவுதல் கண்டு
கழுதைக்கு தெரிவதில்லை கற்பூர வாசனை

**Google Adsense** · 8th December 2014 07:15 PM

**chinnakkannan** · 5th January 2015, 03:10 PM

வாசனை தூக்கத் தூக்க
செண்ட் போட்டு க் கொண்டு
வருவாள் எதிர் ப்ளாட் ஆண்ட்டி..
ஆனால்
மிகப்பெரிய பீரோ
கட்டில்
மற்றும் பல பொருட்கள்
சுமந்து இறக்கி வைத்த
கூலியாட்கள்
கொஞ்சம் காப்பிச் செலவுக்குக்
கொடுங்க என்ற போது
முடியாது போப்பா கூலி மட்டும் தான்
என்ற போது
அவளது செண்ட்டின் மணம்
மறைந்திருந்தது..

**pavalamani pragasam** · 5th January 2015, 07:37 PM

மறைந்திருந்தது என்ன
அறிவாயா ஆண்மகனே
பிறந்த வீட்டை மாற்றி
பின்னுள்ள பெயரை மாற்றி
வாரிசுகளை பெற்றெடுத்து
கொடியுடை தொலைத்து
சுய விருப்பங்கள் மறந்து
பழைய நட்புகள் துறந்து
பம்பரமாய் என்றும் சுழன்று
பளிச்சென பொழுதும் நின்று
நட்ட இடத்தில் தழைத்து
அல்லும் பகலும் உழைத்து
அலுப்பும் களைப்பும் மறைத்து
பழகிய பல செலவை குறைத்து
உன் வீட்டை துலங்க வைக்கும்
உன்னவளின் உள்ளத்தின் உள்ளே
உள்ளது வெறும் சின்ன ஆசைகள்
அன்பான ஒரு வார்த்தை போதும்
ஆதரவாய் அரவணைப்பே தேவை
அறிவாய் பெண்ணின் பெருமை
போற்றுவாய் அவள் அருமை

**chinnakkannan** · 5th January 2015, 10:09 PM

அருமை என்றெல்லாம்
சட்டென்று
சொல்லமாட்டார் தாத்தா..

மைசூர்பாகென்றால் ஒரு விள்ளல்
லட்டு என்றால்
பிடிப்பதற்கு முற்பட்ட பூந்தி
காராசேவ், ஓமப் பொடி எல்லாம்
ஒரு குட்டி ஸ்பூன்
தட்டை பாதி மட்டும்

எது செய்தாலும்
சுவை தெரிய முதலில்
தந்தாக வேண்டும்

கொடுத்துப் பயத்துடன்
பார்க்கும் பாட்டிக்கு ஒரு
அலட்சியப் பார்வை
பின்
வரும் பலவிதமாய்..
உப்புக் கம்மி
உரைப்பு அதிகம்
இப்படியா கடக்குன்னு பண்ணுவா
பல் என்னாறது..
ஒரே நெய் திகட்டுது
சர்க்கரை கம்மி
என..

ஒரு நாளும் பாராட்டியதில்லை
பாட்டியை..

பாட்டிக்கு அதுவே போதும்
பிர்ம்மானந்தம்..

ஒரு நாள்
திடீர் நெஞ்சுவலியில்
சோபாவில் சாய்ந்தவர்
அருகில் வந்த பாட்டியிடம்
கொஞ்சம் கண்கள் குழறிப்பார்க்க
பேச்சு மட்டும் திடமாய்
“பாத்துண்டியேடி என்னை அருமையாய்..”
சொன்னார்…
போய்விட்டார் …

**pavalamani pragasam** · 6th January 2015, 06:41 PM

போய்விட்டார் பயந்து பணிந்த பாவையர்
தொழுவில் கட்டிய பசுக்கள் இங்கில்லை
வெருட்டி விழித்து விவாகரதத்தென்று
வீராப்பாய் மீசை முறுக்கினால் இன்று
ஆஹா எவ்வளவு எனக்கு ஜீவனாம்சம்
விட்டு விடுதலையாகி பறப்பாளே பூவை

**chinnakkannan** · 6th January 2015, 09:57 PM

பூவை அவள்விழியில் பொங்கிவிட்ட எண்ணமென்ன
..புதிதாய்த் துளிக்கின்ற நீர்த்துளியின் சாரல்கள்
பாவை கன்னத்தில் மெளனித்து இறங்குவதும்
..பார்வை வெகுதூரம் வானொட்டிப் பார்ப்பதுவும்
தேவை என்னவெனக் கேட்டாலும் கூறாமல்
..தென்னை மரமெனவே நிற்கின்ற நிலையதுவும்
நாவைத் திறந்துமொழி சொன்னால்தான் தெரியுமெனில்
.. நங்கை நிற்கின்றாள் நாயகனை உள்ளிருத்தி..

**pavalamani pragasam** · 7th January 2015, 08:48 AM

உள்ளிருத்தி பத்திரமாய்
திரையிட்டு பாதுகாத்து
பூஜிக்கும் தெய்வமே
என் செல்ல சுய கர்வமே

**chinnakkannan** · 7th January 2015, 11:45 AM

கர்வமே கொண்ட ராவண்
..கண்களால் விழித்து அந்த
அர்த்தமும் பொருளும் பூண்ட
..அகத்திய முனியை வீணை
முற்றிலும் இசைக்க வைத்து
..முடிவுடன் தானும் செய்ய
வெற்றியாய் மலையும் உருக
..வீழ்ந்ததே ஆண வம்தான்

**pavalamani pragasam** · 7th January 2015, 09:11 PM

ஆணவம்தான் வேறென்ன
உண்மை உரைக்க பயமென்ன
செவிட்டு பாவனை காட்டி
தன் பாதையில் பிசகாது
அப்பாவியாய் ஒரு முகம்
அமுக்கமாய் தன் குறியில்
குவித்த முழு முனைப்பு
மௌனமாய் சாதனை
ஆணுக்கு வெறும் சத்தம்
பெண்ணுக்கு பல ஆயுதம்

**chinnakkannan** · 8th January 2015, 10:06 PM

ஆயுத மென்று வில்லை
..அழகுறப் பின்னால் வைத்து
தேயுதே பொழுது என்று
..தேம்பியே கதிரோன் நிற்கும்
சாய்ந்திடும் மாலை ராமன்
..சட்டென விழியு யர்த்த
பாய்ந்ததே சீதை பார்வை
…பற்றினான் அவளை நெஞ்சில்