Current Screenings of Nadigar Thilagam Films

[pammalar]

மதுரை அருகே திருப்பரங்குன்றத்தில் உள்ள 'லட்சுமி' திரையரங்கில், 17.12.2010 வெள்ளி வைகுண்ட ஏகாதசி முதல் நேற்று 22.12.2010 புதன் வரை ஆறு நாட்களுக்கு, கலையுலக சொக்கநாதரின் "திருவிளையாடல்" திரைக்காவியம் வெளியாகி வெற்றி நடை போட்டுள்ளது. வைகுண்ட ஏகாதசி அன்று சிறப்பு நள்ளிரவுக் காட்சியும் நடைபெற்றுள்ளது.

நாளை 24.12.2010 வெள்ளி முதல், சென்னை மண்ணடி 'பாட்சா' திரையரங்கில் (பழைய 'மினர்வா'), தினசரி பகல் 11:30 மணிக் காட்சியாக, வாழ்வியல் திலகத்தின் "எங்க மாமா" திரைக்காவியம் திரையிடப்படுகிறது.

இனிக்கும் இந்த இரு தகவல்களை வழங்கிய ரசிக நல்லிதயம் திரு.எஸ்.ராமஜெயம் அவர்களுக்கு நன்றிகள் பற்பல!

அன்புடன்,
பம்மலார்.

[pammalar]

சேலம் 'ஸ்ரீசரஸ்வதி' திரையரங்கில், 25.12.2010 சனிக்கிழமை முதல், தினசரி 4 காட்சிகளாக, கலைக்கடவுளின் "ஆலயமணி" திரைக்காவியம் திரையிடப்பட்டு வெற்றி நடைபோட்டு வருகின்றது. இன்று 27.12.2010 திங்கட்கிழமையும் தொடர்ந்து மூன்றாவது நாளாக நடைபெற்று வருகின்றது.

இத்தகவலை எமக்கு வழங்கிய அன்புள்ளம் திரு.எஸ்.ராமஜெயம் அவர்களுக்கு கனிவான நன்றிகள்!

அன்புடன்,
பம்மலார்.

[pammalar]

மதுரை கீரைத்துறை பகுதியில் உள்ள 'நியூடீலக்ஸ்' திரையரங்கில், சனி(25.12.2010), ஞாயிறு(26.12.2010) இரண்டு நாட்கள் மட்டும், தினசரி 3 காட்சிகளாக, நமது நடிகர் திலகத்தின்
"இருவர் உள்ளம்" திரைக்காவியம் வெளியாகி நல்ல வரவேற்பைப் பெற்றிருக்கிறது.

இத்தகவலை வழங்கிய அன்புள்ளம் திரு.எஸ்.ராமஜெயம் அவர்களுக்கு மனமார்ந்த நன்றிகள்!

அன்புடன்,
பம்மலார்.

[pammalar]

தற்பொழுது, திண்டுக்கல் 'என்விஜிபி' திரையரங்கில், தினசரி 4 காட்சிகளாக, நமது நடிகர் திலகத்தின் "இருவர் உள்ளம்" திரைக்காவியம் திரையிடப்பட்டு வெற்றிகரமாக நடைபெற்று வருகிறது.

இத்தகவலை எமக்கு வழங்கிய சிவாஜி மன்ற பேச்சாளர் திரு.தி.அய்யம்பெருமாள் அவர்களுக்கு கனிவான நன்றிகள் !

அன்புடன்,
பம்மலார்.

[pammalar]

மதுரை ஸ்ரீமீனாக்ஷி திரையரங்கில், நமது இதயதெய்வத்தின் "அவன் தான் மனிதன்", இன்று 7.1.2011 வெள்ளி முதல், தினசரி 4 காட்சிகளாக திரையிடப்படுகின்றது.

தித்திக்கும் இத்தகவலை வழங்கிய மதுரை நல்லிதயம் திரு.வேலாயுதம் அவர்களுக்கு நன்றிகள் பற்பல !

அன்புடன்,
பம்மலார்.

[pammalar]

மதுரை கீரைத்துறை 'நியூடீலக்ஸ்' திரையரங்கில், கடந்த புதன்(12.1.2011) மற்றும் வியாழன்(13.1.2011) ஆகிய இரு தினங்கள் மட்டும், வாழ்வியல் திலகத்தின் "விளையாட்டுப் பிள்ளை" திரைக்காவியம் தினசரி 3 காட்சிகளாக வெளியாகி நல்லதொரு வரவேற்பைப் பெற்றிருக்கிறது.

திரையரங்கில் இக்காவியத்தைக் கண்டு களித்து முடித்து விட்டு வெளியே வந்த ஒருவர், "இப்பெல்லாம் நூறு ரூபாய்க்கு டிக்கெட் வாங்கி படம் பாத்தாக் கூட இந்த மாதிரி நல்ல படங்கள பாக்க முடியலையே" என்று தனது ஏக்கத்தை வெளிப்படுத்தியிருக்கிறார்.

இத்தகவல்களை அளித்த மதுரை அன்புள்ளம் திரு.வேலாயுதம் அவர்களுக்கு கனிவான நன்றிகள்!

அன்புடன்,
பம்மலார்.

[pammalar]

Murali Srinivas wrote:
ராஜா படத்தைப் பற்றி இங்கே பலமுறை பேசும் போது, அந்த படம் 1972 ஜனவரி 26 அன்று வெளியானது என்று சொல்லியிருக்கிறோம். மதுரையில் சென்ட்ரலில் வெளியானது என்று சொல்லியிருக்கிறோம். 39 வருடங்களுக்கு பிறகு அதே ஜனவரி 26, அதே சென்ட்ரலில் விழா கொண்டாட நடிகர் திலகம் வருகை புரிகிறார். ஆம், நாளை முதல் மதுரை சென்ட்ரலில் ராஜா வெளியிடப்படுகிறது. அரங்கம் மீண்டும் விழாக்கோலம் காண விழைவோம்.

அன்புடன்


இன்று 21.1.2011 வெள்ளி முதல், மதுரை சென்ட்ரல் சினிமாவில் தினசரி 4 காட்சிகளாக, ஸ்டைல் சக்கரவர்த்தியின் "ராஜா".

அன்புடன்,
பம்மலார்.

[pammalar]

HOT FLASH : "ராஜா ராஜா தான்"

"ராஜா"வின் ரசிக ரோஜாக்கள் இன்று 23.1.2011 ஞாயிறு மாலைக் காட்சியில் கோயில் மாநகரின் சென்ட்ரல் சினிமாவில் திருவிழாக் கொண்டாடி தூள் கிளப்பி விட்டார்கள். படம் தொடங்குவதற்கு முன்பு அரங்க வாயில் முகப்பில் உள்ள போஸ்டர் கட்-அவுட்டுக்கு மாலை அலங்காரங்களும், கற்பூர ஆராதனைகளும் விமரிசையாக நடந்தேறின. பின்னர் படம் தொடங்கியதும், திலகத்தின் ஒவ்வொரு அசைவுக்கும், ஸ்டைலுக்கும், பாட்டுக்கும், Fightக்கும் அரங்கம் அதிர்ந்திருக்கிறது.

"வித்தை ஒன்றை கற்றுக் கொள்ள வாத்தியாரம்மா... நீ கற்றுக் கொள்ள என்னை விட்டால் வேறு யாரம்மா" பாடல் வரிகள் லேசாகத் தான் காதில் விழுந்ததாம். அந்த அளவுக்கு விசில் ஒலிகள் அந்த வரிகளுக்கு விண்ணைப் பிளந்திருக்கிறது.

"கல்யாண பொண்ணு கடைப்பக்கம் போனா" பாடல் அளப்பரையின் உச்சம். அரங்கத்தின் கூரைக்கு மட்டும் பேசும் சக்தி இருந்தால்
"தப்பித்தேன்...பிழைத்தேன்..." என்று கூறுமாம்.

மொத்தத்தில், மாலை 5:30 மணி முதல் இரவு 9:30 மணி வரை, சென்ட்ரல் சினிமா அரங்கத்தையே ஒரு கலக்கு கலக்கியிருக்கிறார்கள் நம்மவர்கள்.

Gross Collection Report (approx.)

முதல் நாள் வெள்ளிக்கிழமை(21.1.2011) : ரூ.11,600/- [ரூபாய் பதினொன்றாயிரத்து அறுநூறு]

இரண்டாம் நாள் சனிக்கிழமை(22.1.2011) : ரூ.10,900/- [ரூபாய் பத்தாயிரத்து தொள்ளாயிரம்]

இன்று மூன்றாம் நாள் ஞாயிற்றுக்கிழமை(23.1.2011) : ரூ.11,500/- [ரூபாய் பதினொன்றாயிரத்து ஐநூறு] (மாலைக் காட்சி வரை)

ஞாயிறு மாலைக் காட்சி வரை, மூன்று நாள் மொத்த வசூல் சற்றேறக்குறைய ரூ.34,000/- என்பது விண்ணை அளக்கும் சாதனை.

நமது நடிகர் திலகம், நடிப்புச் சக்கரவர்த்தி, ஸ்டைல் சக்கரவர்த்தி, சாதனைச் சக்கரவர்த்தி, வசூல் சக்கரவர்த்தி !!!

சுவையான இத்தகவல்களை சுடச்சுட வழங்கிய அன்புள்ளம், மதுரை அரசமரம் செவாலியே டாக்டர் சிவாஜி குரூப்ஸ் நிர்வாகி திரு.ஏ.என்.குப்புசாமி அவர்களுக்கு உளப்பூர்வமான நன்றிகள் !

பெருமிதத்துடன்,
பம்மலார்.

[pammalar]

HAPPY 40th BIRTHDAY TO THE RAJA OF BOX-OFFICE Mr. RAJA : [26.1.1972 - 26.1.2011]

MANY MANY MORE HAPPY RETURNS OF THE DAY !!!

[26.1.1972 : புதன்கிழமை, இன்று 26.1.2011 : புதன்கிழமை, என்னே ஒரு மகத்தான கிழமை ஒற்றுமை !]

இன்று 26.1.2011 குடியரசுத் திருநாளன்று, தனது 40வது பிறந்த நாளை மதுரை சென்ட்ரல் சினிமாவில் ரசிக ரோஜாக்கள் புடைசூழ மங்களகரமாகக் கொண்டாடினார் ராஜா ! இன்றைய வசூல் விவரங்கள் சில தினங்களில் !

ஞாயிறு (23.1.2011) மாலைக்காட்சி வரை மொத்த வசூல் சற்றேறக்குறைய ரூ.34,000/-. ஞாயிறு இரவுக்காட்சி அளித்த மொத்த வசூல் சற்றேறக்குறைய ரூ,2,000/-. ஆக, ஞாயிறு (23.1.2011) வரை "ராஜா" ஈட்டிய மொத்த வசூல் சற்றேறக்குறைய ரூ.36,000/-.

நேற்று(25.1.2011) மற்றும் முந்தைய நாள்(24.1.2011) மொத்த வசூல் விவரங்கள்: (சற்றேறக்குறைய)

24.1.2011 : திங்கள் : ரூ.7,200/- [ரூபாய் ஏழாயிரத்து இருநூறு]

25.1.2011 : செவ்வாய் : ரூ.7,000/- [ரூபாய் ஏழாயிரம்]

ஆக மொத்தம், முதல் ஐந்து நாட்களில் மட்டும் "ராஜா" அள்ளி அளித்துள்ள மொத்த வசூல் சற்றேறக்குறைய ரூ.50,200/-.

பழைய பட வசூல் வரலாற்றில், இது ஒரு அசுர சாதனை.

சாதனைகள் எனும் சாம்ராஜ்யத்திற்கு நிரந்தர சக்கரவர்த்தி சிங்கத்தமிழன் சிவாஜி ஒருவரே !

விவரங்களை வழங்கிய மதுரை நல்லிதயம் திரு.ஏ.என்.குப்புசாமி அவர்களுக்கு வளமான நன்றிகள் !

பெருமிதத்துடன்,
பம்மலார்.

[pammalar]

புதுமைச் சக்கரவர்த்தியின் "புதிய பறவை" திரைக்காவியம், கடந்த வெள்ளி(21.1.2011), சனி(22.1.2011), ஞாயிறு(23.1.2011) ஆகிய 3 நாட்களுக்கு மட்டும் சேலம் மாநகரின் 'அலங்கார்' திரையரங்கில் தினசரி 4 காட்சிகளாக திரையிடப்பட்டு நல்ல வரவேற்பைப் பெற்றிருக்கிறது.

இத்தகவலை அளித்த ரசிக அன்பு நெஞ்சம் திரு.எஸ்.ராமஜெயம் அவர்களுக்கு நயமிகு நன்றிகள் !

அன்புடன்,
பம்மலார்.