Jayalalitha - legend in Tamil Cinema

[RAGHAVENDRA]

டி.பி. ராஜலட்சுமி காலந் தொட்டு இன்றைய தமன்னா வரை, தமிழ்த்திரையுலகம் எண்ணற்ற நடிகையரைக் கண்டிருக்கிறது. இவர்களில் பல்லாண்டுகள் கோலோச்சியவர்கள் உண்டு. இதில் டி.ஆர். ராஜகுமாரி, பி.பானுமதி, ராஜ சுலோச்சனா, அஞ்சலி தேவி, ஜமுனா சாவித்திரி, சரோஜா தேவி, பின்னர் கே.ஆர். விஜயா, மஞ்சுளா, லதா, வாணிஸ்ரீ, என ஏராளமானோர் உள்ளனர்.

ஆனால் இவர்கள் அனைவரையும் தாண்டி தமிழ்த்திரையுலகில் ஒரு நடிகை நிலைத்து நின்று அரசியலிலும் வெற்றி கண்டிருக்கிறார் என்றால் அவர் ஜெயலலிதா அவர்கள் தான். அவருடைய அரசியல் ஒரு புறமிருக்க அவருடைய திரையுலக சாதனைகள் பிரமிக்கத் தக்கவை. அவருடைய திரைப்படங்களைப் பற்றியும் அவர் பாடியுள்ள பாடல்கள் உள்பட தமிழ்ததிரையுலகிற்கு அவருடைய பங்களிப்பு பற்றி அலசுவதே இத்திரியின் நோக்கம். ஏற்கெனவே அவருக்கு நம்முடைய ஹப்பில் திரி இருந்தால் தொகுப்பாளர்கள் அதைச் சுட்டினால் அங்கேயே தொடரலாம். அப்படி இல்லையென்றால் இதில் தொடரலாம்.

கன்னடப் படம் மூலம் திரையலகில் நுழைந்த ஜெயலலிதா அவர்களின் நடிப்பில் வெளிவந்த படங்களில் என் மனம் கவர்ந்த பல படங்களை நான் குறிப்பிட வேண்டும். அவருடைய உன்னத நடிப்பில் வெளிவந்த திருமாங்கல்யம், தங்க கோபுரம் உள்பட பல படங்களைப் பற்றி இங்கே விவாதிக்கலாம்.

ராகவேந்திரன்