New faces in TFM

[R.Latha]

This thread discussed new singers/MD's/lyricists in TFM.. Go to last post for latest ones.

-----
இசையமைப்பாளர் ஆகிறார் நடிகர் கருணாஸ்

லாரன்ஸ் ராகவேந்திரா நடிக்கும் ‘ராஜாதிராஜா' படத்தின் மூலம் நடிகர் கருணாஸ் இசையமைப்பாளர் ஆகிறார். இந்தப் படத்துக்கு இசையமைப்பாளர் பால்ஜேயுடன் இணைந்து இசையமைக்கிறார் கருணாஸ்.

இதுகுறித்து கருணாஸிடம் கேட்டபோது...

‘‘இசையமைப்பாளராக வேண்டும் என்ற லட்சியத்தோடுதான் நான் சென்னைக்கு வந்தேன். 1987-ம் ஆண்டு முதல் நூற்றுக்கணக்கான இன்னிசை நிகழ்ச்சிகளை நடத்தியுள்ளேன். ரீமீக்ஸ் பாடல்கள், இசை ஆல்பங்கள், கானா பாடல்கள் போன்றவற்றை சொந்தமாகத் தயாரித்து கேசட்டுகளாகவும் சி.டி.க்களாகவும் வெளியிட்டுள்ளேன். ஆனால் இயக்குநர் பாலா மூலம் ‘நந்தா' படத்தில் திடீரென நடிகனாக அறிமுகமானேன். அதன்பிறகு 50-க்கும் மேற்பட்ட படங்களில் நடித்து தற்போது பிஸியாகவுள்ளேன். இருந்தாலும் இசையமைப்பாளர் ஆக வேண்டும் என்ற எண்ணம் மாறவில்லை. ‘ராஜாதிராஜா' படத்திற்கு ஆரம்பத்தில் தினாதான் இசையமைப்பதாக இருந்தது. ஆனால் அவர் பல படங்களில் தொடர்ந்து பிஸியாக இருந்தார். இதற்கிடையில் படப்பிடிப்பின்போது நான் பாடிக் காட்டுவதைப் பார்த்த நடிகர் லாரன்ஸும் இயக்குநர் ஷக்தி சிதம்பரமும் என்னையே இசையமைக்கக் கூறினர். அதனால் தினாவின் ஒப்புதலோடு இந்தப் படத்தில் நானும் இசையமைப்பாளர் பால்ஜேவும் இணைந்து இசையமைக்கிறோம்.

பால்ஜே ஏற்கெனவே பல இசை ஆல்பங்களை வெளியிட்டவர்; ‘தலைமகன்', ‘கிழக்கு கடற்கரை சாலை' போன்ற படங்களுக்கு இசையமைத்தவர். எங்கள் இருவருக்கும் நீண்ட கால இசை அனுபவம் இருப்பதால் இசையமைப்பதில் எந்த சிரமமும் ஏற்படவில்லை. இந்தப் படத்தில் இயக்குநர் பேரரசு எழுதிய அனைத்துப் பாடல்களும் எங்களுடைய இசையில் சூப்பர் ஹிட் ஆகும்'' என்றார் கருணாஸ்.

http://www.dinamani.com/Cinema/CineI...n%A7Ls&Topic=0[/tscii]