ராதிகா, தேவயானிக்கு தமிழக அரசின் சின்னத்திரை விருதுகள்
சென்னை, ஜன. 25: தமிழக அரசின் சின்னத்திரை விருதுகள் செவ்வாய்க்கிழமை அறிவிக்கப்பட்டன. நடிகைகள் ராதிகா, தேவயானி, பழம்பெரும் நடிகர் வி.எஸ். ராகவன் உள்ளிட்டோருக்கு சிறந்த நடிகை-நடிகர்களுக்கான விருதுகள் அறிவிக்கப்பட்டன.
தமிழ்நாடு அரசு வழங்கும் சின்னத்திரை விருதுகள் வழங்கும் திட்டத்தின்கீழ் 2007 மற்றும் 2008ஆம் ஆண்டுகளுக்குரிய தொடர்கள், நடிகர் நடிகையர், மற்றும் தொழில் நுட்பக் கலைஞர்களுக்கான விருதுகளை தேர்வு செய்ய நீதிபதி மு. மருதமுத்து தலைமையில் தேர்வுக்குழு அமைக்கப்பட்டது.
தேர்வுக்குழுவின் ஆய்வுக்கு 2007ஆம் ஆண்டுக்கான 7 விண்ணப்பங்களும், 2008 ஆம் ஆண்டுக்கான 12 விண்ணப்பங்களும் வரப்பெற்றன. மொத்தம் 19 சின்னத்திரைத் தொடர்களைக் குழு பார்வையிட்டு விருதுக்கு உரியவர்களைத் தேர்வு செய்து அரசுக்குப் பரிந்துரை செய்துள்ளது.
அந்தப் பரிந்துரைகளை முதல்வர் கருணாநிதி ஏற்றுக் கொண்டு விருதுக்குரிய தொடர்கள், மற்றும் கலைஞர்களின் பெயர்களை அறிவித்துள்ளார். விவரங்கள் வருமாறு:-
2007 ஆம் ஆண்டுக்கான விருதுகள்:
சிறந்த நெடுந்தொடர்
முதல் பரிசு: கோலங்கள் (விகடன் டெலிவிஸ்டாஸ்) ரூ. 2 லட்சம் ரொக்கம், நினைவுப்பரிசு மற்றும் சான்றிதழ்.
இரண்டாம் பரிசு: லட்சுமி (ஹோம் மூவி மேக்கர்ஸ்) ரூ. 1 லட்சம் ரொக்கம், நினைவுப்பரிசு, சான்றிதழ்.
சிறந்த சாதனையாளர் விருது: ராதிகா. ரூ. 1 லட்சம் ரொக்கம், நினைவுப்பரிசு, சான்றிதழ்.
வாழ்நாள் சாதனையாளர்: வி.எஸ். ராகவன். ரூ. 1 லட்சம் ரொக்கம், நினைவுப்பரிசு, சான்றிதழ்.
சிறந்த நடிகர்கள், நடிகையர் மற்றும் தொழில்நுட்ப கலைஞர்களுக்கான விருதுகள்:
சிறந்த கதாநாயகன்: விஜய் ஆதிராஜ் (லட்சுமி). 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த கதாநாயகி: தேவயானி. (கோலங்கள்) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த குணச்சித்திர நடிகர்: பிருத்விராஜ். (அரசி) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த குணச்சித்திர நடிகை: சத்யபிரியா (கோலங்கள்) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த வில்லன் நடிகர்: ராஜ்காந்த் (மேகலா) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த வில்லி நடிகை: நளினி (பந்தம்) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த குழந்தை நட்சத்திரம்: நிவேதா (அரசி) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த இயக்குநர்: சுந்தர் கே. விஜயன் (லட்சுமி) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த கதையாசிரியர்: அறிவானந்தம் (அகமும் புறமும்) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த திரைக்கதை ஆசிரியர்: முத்துசெல்வம் (மேகலா) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த உரையாடல் ஆசிரியர்: பாஸ்கர் சக்தி (மேகலா) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த ஒளிப்பதிவாளர்: வசீகரன் (அரசி) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த படத் தொகுப்பாளர்: ரமேஷ் (அரசி) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த பின்னணி இசையமைப்பாளர்: ரேகான் (பந்தம்) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த பின்னணி குரல் கொடுப்பவர்: (ஆண்) மதி (லட்சுமி) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த பின்னணி குரல் கொடுப்பவர்: (பெண்) நித்யா (பாசம்) 3 பவுன் தங்கப் பதக்கம், நினைவுப் பரிசு, சான்றிதழ்.
2008 ஆம் ஆண்டுக்கான விருதுகள்
சிறந்த நெடுந்தொடர்
முதல் பரிசு-ஆனந்தம் (சத்யஜோதி பிலிம்ஸ்) ரூ. 2 லட்சம் ரொக்கம், நினைவுப்பரிசு, சான்றிதழ்.
இரண்டாம் பரிசு-நம்ம குடும்பம் (எவர் ஸ்மைல் எண்டர்பிரைசஸ்) ரூ. 1 லட்சம் ரொக்கம், நினைவுப்பரிசு, சான்றிதழ்.
சிறந்த சாதனையாளர் விருது-ஆண்டின் சிறந்த சாதனையாளர் வ.கெüதமன் ரூ. 1 லட்சம் ரொக்கம், நினைவுப்பரிசு, சான்றிதழ்.
ஆண்டின் வாழ்நாள் சாதனையாளர்-ஒய்.ஜி.மகேந்திரா, ரூ. 1 லட்சம் ரொக்கம், நினைவுப்பரிசு, சான்றிதழ்.
சிறந்த நடிகர்கள், நடிகையர் மற்றும் தொழில்நுட்ப கலைஞர்களுக்கான விருதுகள்.
சிறந்த கதாநாயகன்-சஞ்சீவ் (திருமதி செல்வம்) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த கதாநாயகி-சுகன்யா (ஆனந்தம்) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த குணச்சித்திர நடிகர் மோகன் வி.ராமன் (வைர நெஞ்சம்) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த குணச்சித்திர நடிகை அனுராதா கிருஷ்ணமூர்த்தி (அரசி) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த வில்லன் நடிகர்-சாக்ஷி சிவா (நம்ம குடும்பம்) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த வில்லி நடிகை- மாளவிகா (அரசி) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த குழந்தை நட்சத்திரம்-மோனிகா (ஆனந்தம்) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த இயக்குநர்-செய்யாறு ரவி (ஆனந்தம்) 3 பவுன் தங்கப் பதக்கம்,
நினைவுப் பரிசு, சான்றிதழ்.
சிறந்த கதாசிரியர்-குமரன் (திருமதி செல்வம்) 3 பவுன் தங்கப் பதக்கம்,
நினைவுப் பரிசு, சான்றிதழ்.
சிறந்த திரைக்கதை ஆசிரியர்- அமிர்தராஜ் மற்றும் அமல்ராஜ் (திருமதி செல்வம்) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த உரையாடல் ஆசிரியர் - லியாகத் அலிகான் (அரசி) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த ஒளிப்பதிவாளர் - அசோக்ராஜன் (சிவசக்தி) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த படத் தொகுப்பாளர்-ராஜீ (மேகலா) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த பின்னணி இசையமைப்பாளர்-ஆதித்யன் (சந்தனக்காடு) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த பின்னணி குரல் கொடுப்பவர் (ஆண்) சங்கர் (பந்தம்) 3 பவுன் தங்கப் பதக்கம், நினைவுப் பரிசு, சான்றிதழ்.
சிறந்த பின்னணி குரல் கொடுப்பவர் (பெண்) அனுராதா (தவம்) 3 பவுன் தங்கப் பதக்கம், நினைவுப் பரிசு, சான்றிதழ்.
தேர்ந்தெடுக்கப்பட்டவர்களுக்கு, தமிழக அரசு சார்பில் முதல்வர் கருணாநிதி பரிசுகளையும், விருதுகளையும் வழங்குவார். நிகழ்ச்சி நடைபெறும் தேதி பின்னர் அறிவிக்கப்படும்.
Bookmarks