TV tid bits

**P_R** · 18th July 2009, 01:11 PM

Originally Posted by Plum

Indh case-ai ellam school-laye adichu thiruthiduvaingaLE namma pasanga usual-A? IppollAm ilaignargaL avLO social conscious illamalA irukkAng

England-la padichchu escape aayittaaple. naama dhaan paaththu yEdhAvadhu seyyaNum

**Google Adsense** · 18th July 2009 01:11 PM

**R.Latha** · 24th July 2009, 12:08 PM

டெலிசிப்ஸ்: கடற்கரை சாலையில் குஷ்பு...

First Published : 24 Jul 2009 01:26:49 AM IST
Last Updated :

* ஆடித் தள்ளுபடியை முன்னிட்டு துணிக் கடைகள், நகைக் கடைகள், பெரிய ஷோ ரூம்கள் போன்றவற்றின் விளம்பரங்களுக்கு சின்னத்திரை நடிகைகளைப் பயன்படுத்துவது வழக்கம். அப்போதெல்லாம் சின்னத்திரை நாயகிகளுக்கு மவுசு கூடி விடும். விளம்பரத்திற்காக வெளி மாவட்டங்களுக்குச் செல்லும் நடிகைகள் அதிக சம்பளம் வாங்கி, அந்த வாய்ப்பை சரியாக பயன்படுத்திக் கொள்கிறார்கள். இதனால் சில சீரியல்களின் படப்பிடிப்பு பாதிக்கப்பட்டிருக்கிறது.

* "மானாட மயிலாட' நிகழ்ச்சியில் பங்கேற்ற பாலா, தர்ஷினி உள்ளிட்ட சிலர் சினிமாவுக்கு வந்து விட்டனர். இதனால் மீதம் இருப்பவர்களும் சினிமா வாய்ப்புகளை தேட ஆரம்பித்து இருக்கின்றனர். "மானாடா மயிலாட' நிகழ்ச்சியில் பங்கேற்றால் சினிமா வாய்ப்பு கிடைத்து விடும் என்ற சென்டிமெண்ட், இப்போது அந்த நிகழ்ச்சியைப் பிடித்து ஆட்டுகிறதாம்.

* சின்னத்திரையில் பிஸியாக இருக்கும் நடிகை குஷ்பு அண்மை காலமாக படப்பிடிப்பு முடிந்தவுடன், சென்னை சாந்தோம் கடற்கரை சாலையில் நடைப்பயிற்சி மேற்கொள்வதை வழக்கமாக வைத்திருக்கிறார். குஷ்புவின் சின்னத்திரைக்கான பெரிய திட்டங்கள் உருவாகும் இடம் அதுதானாம்.

* சின்னத்திரை ரியாலிட்டி ஷோக்களில் இருந்து விலகி இருக்கும் நடிகை லட்சுமி, மீண்டும் சின்னத்திரைக்கு வருகிறார். தமிழில் அல்ல. கன்னடத்தின் பிரபல சேனல் "கதையல்ல நிஜம்' பாணியில் ஒரு நிகழ்ச்சியை தொகுத்து வழங்க லட்சுமியை அனுகியிருக்கிறது. லட்சுமியும் அதற்கு ஓ.கே. சொல்லியிருக்கிறாராம்.

* ஆறாம் வகுப்பிலிருந்தே நிகழ்ச்சிகளைத் தொகுத்து வழங்கி வந்தவர் சன் டி.வி.யின் உஷா. இரண்டு வருடங்களுக்கு முன் விஷ்ணு என்ற கம்ப்யூட்டர் என்ஜினீயரை திருமணம் செய்து லண்டனில் செட்டிலாகி விட்டார். விடுமுறைக்காக வந்த போதுதான் அவருக்கு "அசத்த போவது யாரு' வாய்ப்பு கிடைத்தது. அதன்பிறகு சென்னையிலேயே செட்டில் ஆகி விட்டாராம்.

சன் மியூசிக்கின் "பட பட' காம்பியர்களில் குறிப்பிடத்தக்கவர் மஹாலட்சுமி. கடந்த ஒரு வருடத்துக்கும் மேலாக காணமால் போயிருந்த இவர் தற்போது சீரியலுக்கு வந்திருக்கிறார். "அரசி' தொடரில் ராதிகாவின் தங்கையாக நடித்து வரும் இவருக்கு தமிழ் மற்றும் தெலுங்கு வாய்ப்புகள் குவிந்த வண்ணம் உள்ளன.

* நடிகர் ரித்தீஸ் தயாரிப்பில் சுகன்யா நடிப்பதாக இருந்த புதிய தொடரின் படப்பிடிப்பு தள்ளி போய்க் கொண்டே இருக்கிறது. தொடரை ஒளிபரப்ப தயாராக இருந்த கலைஞர் டி.வி.யும் "பவானி' என்ற புதிய தொடரை வாங்கி ஒளிபரப்பி வருகிறது. ஹீரோயின் வாய்ப்புக்காகக் காத்திருந்த சுகன்யாவும் தெலுங்கு சீரியல்களில் பிஸியாகி விட்டார்.

* சினிமாவுக்குப் பிறகு புது மாப்பிள்ளையுடன் அந்தமானில் செட்டில் ஆகி விட்ட நடிகை காயத்ரி ஜெயராம், சென்னை வரும்போது விடுமுறை நாள்களில் ஏதாவது டி.வி. நிகழ்ச்சிகளில் கலந்து கொள்வது வழக்கம். சமீபத்தில் விஜய் டி.வி.யில் ஒளிபரப்பான "ச்சீயர் லீடர்ஸ்' நிகழ்ச்சிக்கு இவர்தான் நடுவர். விடுமுறை முடிந்து விட்டதால் மீண்டும் அந்தமானுக்குப் பறந்து விட்டார். செப்டம்பர் மாதம்தான் மறு விஜயமாம்.

* சன் மியூசிக்கின் பிரபல ஜோடி ஆனந்த கண்ணன், ஹேமா சின்ஹா ஆகியோரை மீண்டும் அழைத்திருக்கிறது சன் குழுமம். புதிதாகத் தேர்வு செய்யப்பட்ட தொகுப்பாளர்கள் யாரும் அந்த அளவிற்கு ரீச் ஆகவில்லை என்பதுதான் இதன் காரணமாம். ஆனந்த கண்ணன் சினிமாவில் பிஸியாக இருப்பதாலும், ஹேமா சின்ஹாவிற்கு வீட்டில் மாப்பிள்ளை பார்த்துக் கொண்டிருப்பதாலும் சன் மியூசிக்கில் தொடர முடியாதநிலை.

* கலைஞர் குழுமத்தின் பிரபல தொகுப்பாளினி ரியா தனக்கு வரும் சின்ன சின்ன சினிமா வாய்ப்புகளை மறுத்து வருகிறார். ஹீரோயினாக நடிக்க வேண்டும் என்ற பிடிவாதம்தான் அதற்கு காரணம். அடுத்த ஆண்டுக்குள் ஒரு படத்திலாவது ஹீரோயினாக நடித்து விடுவேன் அதற்கான தகுதிகளை வளர்த்து கொண்டிருக்கிறேன் என்கிறார் ரியா

**aanaa** · 25th July 2009, 08:05 PM

கவர்ந்த பாட்டு

விஜய் டிவி யில் ஒளிபரப்பாகி வரும் அன்பே வா தொடரில் இடம்பெறும் `ஒரு பார்வை பார்க்கிறேன் புதிதாய் நான் பூக்கிறேன்' என்ற பாடல் இசைரசிகர்கள் பலரின் செல்போன் காலர் டிïனாக இடம் பெற்றிருக்கிறது. இந்தப் பாடலுக்கு இசையமைத்திருப்பவர் ரதன்.

நன்றி: தினதந்தி

**aanaa** · 25th July 2009, 08:06 PM

ரசிகர்களின் நடிகர்

சின்னத்திரையில் தங்கமான புருஷன் தொடரில் நாயகனாக நடிக்கும் பிரேம்சாய்க்கு ரசிகர்கள் `இன்டியா போரம்.காம்' என்ற பெயரில் ஒரு பேன் கிளப் தொடங்கியிருக்கிறார்கள். இதுவரை எந்த சின்னத்திரை நடிகருக்கும் இப்படி ரசிகர்கள் மன்றம் தொடங்கியதில்லை என்பது குறிப்பிடத்தக்கது. அதோடு தினமும் 20-க்கும் குறையாத மெயில்கள் இந்த தொடரில் இவர் நடிப்பை பாராட்டி வருகின்றன.

நன்றி: தினதந்தி

**aanaa** · 25th July 2009, 08:07 PM

உயிர் பிழைக்கும் கேரக்டர்கள்

ஒரு டிவி தொடர் நன்றாகப் போனால் அதை தொடர்ந்து கவனிக்க ஒரு குழுவை அந்த சேனலில் அமைத்திருக்கிறார்கள். இந்த குழுவினரின் வேலையே முதல் நிலையில் இருக்கும் தங்கள் சேனல் தொடர்களில் எந்த கேரக்டர்களை ரசிகர்கள் அதிகம் நேசிக்கிறார்கள் என்பதை கண்டறிவது தான்.

குறிப்பாக ஒரு தொடரில் குறிப்பிட்ட கேரக்டர் வருவது நின்று போயிருக்கும். ஆனால் அந்தகேரக்டர் மீதான ஈர்ப்பில் ரசிகர்கள் அந்த கேரக்டரை தேடுவார்கள். இந்த தகவலை காதுக்குள் வாங்கிக் கொள்ளும் குழுவினர், அதை தங்கள் சேனலில் தெரிவிக்கிறார்கள். அதைத்தொடர்ந்து ரசிகர்களின்விருப்ப கேரக்டர் கதைக்குள் மீண்டும் இடம் பிடிக்கத் தொடங்கி விடும்.

இதில் ஆச்சரியம், தொடரில் ரசிகர்கள் விரும்பிய ஒரு கேரக்டர் ஏற்கனவே சாகடிக்கப்பட்டிருந்தால் கூட, அதை மறுபடி பிழைத்துக் கொண்டு விட்டதாக ஒரு வசனம் வைத்து மீண்டும் கதைக்குள் கொண்டு வந்துவிடுகிறார்கள். இதனால் தொடரைப் பார்க்கிறவர்கள்தான்அநேகமாக குழம்பிப் போய் விடுகிறார்கள்.

நன்றி: தினதந்தி

**aanaa** · 25th July 2009, 08:11 PM

வெற்றிக்குப் பின்னால்

சென்னைத் தொலைக்காட்சி மற்றும் பொதிகை அலை வரிசையில் ஒளிபரப்பாகவிருக்கும் புதிய தொடர், வெற்றிக்குப் பின்னால்'. வாழ்க்கையில் வெற்றி பெற்ற ஒவ்வொரு கணவருக்குப் பின்னால் மனைவியும், மனைவியின் வெற்றிக்குப் பின்னால் கணவனும் இருந்து வருகிறார்கள் என்பதே தொடருக்கான கரு. இத்தொடரில் திரையுலகக் கலைஞர்கள், இசைக் கலைஞர்கள், அரசியல்வாதிகள், தொழிலதிபர்கள், டாக்டர்கள், அரசாங்க உயர் பதவி வகிக்கும் பிரமுகர்கள் என சாதனை படைத்த தம்பதிகளின் அனுபவங்கள் இடம் பிடிக்கின்றன. சென்னை தொலைக்காட்சி நிகழ்ச்சித் தயாரிப்பாளர் வி.ஜெயசீலன் இயக்குகிறார்.

நன்றி: தினதந்தி

**aanaa** · 1st August 2009, 09:24 PM

மீண்டும் லட்சுமி

சின்னத்திரைக்கு மீண்டும் வருகிறார், நடிகை லட்சுமி. இங்கல்ல, கன்னடத்தில். ஏற்கனவே அவர் தமிழ் சேனல் ஒன்றில் நடத்திய `கதையல்ல நிஜம்' பாணியில் ஒரு நிகழ்ச்சியை வழங்க கன்னடத்தின் பிரபல சேனல் ஒன்று லட்சுமியை கேட்டிருக்கிறது. அவரும் ஓ.கே. சொல்லிவிட்டார்.

நன்றி: தினதந்தி

**aanaa** · 8th August 2009, 04:44 AM

மிஸ் மிஸ்ஸஸ் : ஜெயா சேனலில் விரைவில் ஆரம்பிக்க உள்ள நிகழ்ச்சி தான் இது. தாய் மகள் தங்களுக்குள் புரிந்து கொள்ளவும், நிறை, குறைகளை அலசிக்கொள்ளவும் இடம் தரும் வித்தியாசமான முயற்சி. ரேடியோ மிர்ச்சி புகழ் அஜய், ஸ்ரீதேவி தொகுக்கின்றனர். சேனலை பாருங்க; கலந்துக்கோங்க.

***

மண்ணிசை: தமிழ், தமிழ் மணம் மாறாமல், யதார்த்தமான நிகழ்ச்சிகளை தரும் சேனல்களில் முதலில் இருப்பது என்றால் மக்கள் "டிவி' தான். பல சேனல்கள் ஒதுக்கும் விஷயங்களை தைரியமாக நிகழ்ச்சியாக தரும். திங்கள் முதல் வியாழன் தோறும் மாலை 3 மணிக்கு வரும் மண்ணிசை நிகழ்ச்சியில், நாட்டுப்புறக் கலையை வெளிப்படுத்தும் வகையில் ஒளிபரப்பாகிறது.

***

ஜீ யின் கலக்கல்: சரிகமப சேலஞ்ச் போட்டி நிகழ்ச்சியில் ஒவ்வொரு போட்டியாளருக்கும் ஒரு பின்னணிப் பாடகர் என்று நியமித்து இணைந்து பாடுவது வித்தியாசமான முயற்சி. எம்.எஸ். விஸ்வநாதன் முன்னிலையில் நடந்த முதல் கட்ட தேர்வு விறுவிறுப்பாக இருந்தது. போகப்போக களை கட்டுவது நிச்சயம்.

***

சொதப்பல் ஏனோ? : தமிழ் இசை விருதுகள் இதை ஆங்கிலத்தில் சொன்னது, மனம் கவராத டிரம்ஸ், சரள நடை விஜய் ஆதிராஜ் தடுமாறியது, சிம்பு மட்டுமே பெரிய ஸ்டார் என்று கூறியது... இப்படி கலைஞர் இசையருவியின் விருது விழா ஏனோ ஒட்டாமல் ஆகிவிட்டது. அதனால்தான் கலைஞர் "டிவி'யில் ஒளிபரப்பவில்லையோ?

***

விநோத போட்டி : விஜய் டி.வி.யின் சென்னை மிஸ் - மிஸ்டர் போட்டி நடைபெற்ற இடம் கொழும்பு. முழுக்க முழுக்க ஆங்கிலம், புடவை போன்ற ஆடையை மேலாடை இன்றி ஆண்கள் உடுத்தி வலம், கைதட்டல் இல்லாத பெண்களின் பதில்கள் சோபிக்கவில்லையே. இலங்கை தமிழ் குழந்தைகளின் கல்விக்கு நிதி வழங்கியதும், ஒரு அடி உயர "பட்டக்குதிரை' பொம்மையும்தான் கவர்ந்தன.

நன்றி: தினமலர்

**aanaa** · 8th August 2009, 04:48 AM

டெலி சிப்ஸ்

ஸ்ரீப்ரியா ரேவதி நிரோஷா நளினி
"மானாட மயிலாட' நிகழ்ச்சிக்கு நடுவர் பொறுப்பு ஏற்றிருக்கும் குஷ்புவும் கலைத் துறையில் இருந்து விலகி இருக்கும் ஸ்ரீப்ரியாவும் கலைஞர் டி.வி.யின் நிகழ்ச்சிக்காக இணைகிறார்கள். முழுக்க முழுக்க பெண்கள் மட்டுமே பங்கேற்கும் இந்த நிகழ்ச்சியில் இருவரும் பெண்களின் பிரச்னைகளுக்குத் தீர்வு சொல்லப் போகிறார்களாம்.

---
பல்வேறு சின்னத்திரை சீரியல்களில் வித்தியாசமான கேரக்டர்களில் பிஸியாக இருக்கும் நளினி, இப்போது சினிமாவிலும் பிஸியாகி உள்ளார். தெலுங்கில் இருந்து தமிழுக்கு ரீமேக் ஆகும் "கிக்' படத்தில் முக்கிய கேரக்டரில் நடிக்கிறார். இதில் "ஜெயம்' ரவி ஹீரோ. அபிஷேக் இயக்கும் "கதை' படத்திலும் நளினிக்கு முக்கிய கேரக்டராம். இவற்றைத் தொடர்ந்து பெரிய பேனர்கள், பெரிய இயக்குநர்கள், நடிகர்கள் படங்களில் நடிக்க முடிவு எடுத்திருக்கிறாராம் நளினி.

---
திருமுருகன், பத்ரி, அபிஷேக்கை தொடர்ந்து சேத்தனும் படம் இயக்கப் போகிறார். சத்யஜோதி பிலிம்ஸ் நிர்வாகத்திடம் கதை சொல்லி விட்டு ஒப்புதலுக்காக காத்திருக்கிறார். படம் இயக்கும் கனவோடுதான் சென்னைக்கே வந்தேன். நினைத்தது ஒன்று; நடந்தது ஒன்று; பத்து ஆண்டுகளுக்குப் பிறகு சினிமா கனவு நிறைவேறுகிறது என்கிறார் சேத்தன்.

---
"சின்ன பாப்பா பெரிய பாப்பா' என்ற நகைச்சுவைத் தொடருக்கு பின் சீரியலுக்கு வராத நிரோஷா, நீண்ட இடைவெளிக்குப் பிறகு "சிலம்பாட்டம்' படத்தில் நடித்தார். அதன் பிறகு சில பட வாய்ப்புகள் வந்தபோதிலும் சீரியலில் நடிக்கும் முடிவால் சினிமாவில் அவரைப் பார்க்க முடியவில்லை. தற்போது மீண்டும் ஒரு நகைச்சுவைத் தொடரில் நடிக்க இருக்கிறார். இதில் அவரது கணவரும் நடிகருமான ராம்கியும் நடிக்கிறாராம்.

--
ஜீ டி.வி.க்காக ரேவதியும் ரோகிணியும் இணைந்து சொர்ணமால்யாவை நாயகியாக்கி தயாரித்து வரும் சீரியல் "யாதுமாகி நின்றாய்'. ஷூட்டிங் தொடங்கி இரண்டு மாதங்கள் ஆன பிறகும் இந்தத் தொடர் டி.வி.யில் ஒளிபரப்பாகவில்லை. இந்த சீரியலுக்காக ஒதுக்கப்பட்ட நேரத்தை வேறு ஒரு சீரியலுக்கு நிர்வாகம் தந்து விட்டதுதான் காரணம் என்கிறது சீரியல் யூனிட்.

நன்றி: தினமணி