new serials/programs

**aanaa** · 14th January 2012, 08:08 AM

மீண்டும் வந்தாச்சு `மானாட... மயிலாட...'

கலைஞர் தொலைக் காட்சியில் ஒளிபரப்பாகி வந்த ``மானாட மயிலாட'' நிகழ்ச்சியை நடன ரசிகர்களால் ஒருபோதும் மறக்க முடியாது. பிரபல நடன இயக்குனர் கலா இயக்கத்தில், வெள்ளித்திரை மற்றும் சின்னத்திரை நட்சத்திரங்கள் கலந்து கொண்ட இந்த நடனப்போட்டி, இதுவரை 6 பாகங்களை ஒளிபரப்பியது. நேயர்களின் ஏகோபித்த பாராட்டுகளை பெற்ற இந்த நிகழ்ச்சி நேயர்களின் எதிர்பார்ப்பை முன்னிட்டு, தன்னுடைய 7-வது பாகத்தை நாளை இரவு 7.30 மணிக்கு தொடங்குகிறது.

9 புத்தம் புது போட்டியாளர்களுடன் நடைபெறும் இந்த நடன போட்டியின் நடுவர்களாக நடிகைகள் குஷ்பு, நமீதா பங்கேற்கிறார்கள். பெண் போட்டியாளர்களை பெரிய மற்றும் சிறிய திரை உலகில் இருந்து அழைத்து வரும் இந்த நிகழ்ச்சியின் இயக்குனர் கலா, ஆண் போட்டியாளர்களுக்கும் நேர்முகத்தேர்வு வைத்து இந்த போட்டியில் வாய்ப்பு அளித்து இருக்கிறார்.

நன்றி: தினதந்தி

**Google Adsense** · 14th January 2012 08:08 AM

**aanaa** · 14th January 2012, 08:10 AM

சவாலில் ஜெயித்த அன்னம்மா!

வசந்த் டிவியில் நாளை மாலை 5 மணிக்கு ஒளிபரப்பாகும் `ஆப்பக்கடை அன்னம்மா' தொடர், நடிகை ஒய்.விஜயாவின் இன்னொரு நடிப்புக்கோணத்தை கண்முன் நிறுத்துகிறது.

தெருமுனையின் ஒரு ஓரத்தில் ஆப்பக்கடை போட்டு பிழைக்கும் அன்னம்மாவாக நடிக்கிறார், ஒய்.விஜயா.

அன்னம்மா கடை போட்டு இருக்கும் புறம்போக்கு இடம் அந்த ஏரியா கவுன்சிலரின் கண்ணை உறுத்துகிறது. எங்கே புறம்போக்கு இடம் இருந்தாலும் அது அந்த கவுன்சிலரை தூங்கவிடாமல் இம்சை பண்ணும். அன்னம்மா வியாபாரம் செய்யும் இடத்தை அபகரித்து விற்று காசு பார்க்க விரும்புகிறார், கவுன்சிலர். அதனால் அவளை தனது அதிகாரத்தை பயன்படுத்தி கடையை காலி பண்ண நிர்ப்பந்திக்கிறார்.

ஆரம்பத்தில் கெஞ்சிப் பார்த்த அன்னம்மா, அப்புறம் ஜான்சிராணியாகி விடுகிறாள். கவுன்சிலரிடம் உன் பதவியை பறித்தே தீருவேன் என்று சவால் விடுகிறாள். இந்த சமயத்தில் அன்னம்மாவின் மகள் சிவில் சர்வீஸ் தேர்வு எழுதி வெற்றி பெற்று ஐ.பி.எஸ். அதிகாரியாகிறாள். உயர் போலீஸ்அதிகாரியாக பொறுப்பேற்கும் அவள் அடாவடி கவுன்சிலரை கைது செய்கிறாள். நீதி வென்ற மகிழ்ச்சியில் இப்போது அன்னம்மா.

கவுன்சிலராக வாசு விக்ரம் ,அவருக்கு உதவியாளராக பயில்வான் ரங்கநாதன் நடிக்கிறார்கள்.

நன்றி: தினதந்தி

**aanaa** · 22nd January 2012, 01:08 AM

another Saturday serial
Another sudden death
Normally Saturday serials never go to the last episode. Without any notification it disappears.
one more in the list

SIVASANGARI

**aanaa** · 22nd January 2012, 01:35 AM

கலைவாணி-தாமரையின் `ஈகோ' போராட்டம்!

திங்கள் முதல் வெள்ளி வரை தினமும் பகல் 12 மணிக்கு சன் டிவியில் ஒளிபரப்பாகும் புதிய தொடர், வெள்ளைத் தாமரை.

செல்வமும், செல்வாக்கும் நிறைந்த சூரியமூர்த்தி, நேர்மை, நியாயம் என்றால் கிலோ என்ன விலை என்று கேட்பவர். இவருக்கு மகள் தாமரையும், மகன் கதிரும் வாரிசுகள்.

பத்திரிகை என்பது சமூகத்தின் நான்காவது தூண் என்ற லட்சியத்துடன் வாழும் பொறுப்பான பத்திரிகையாளர் ஆதித்யன். இவருக்கு ஒரே மகன் ரவி.

பத்திரிகையில் பிரசுரமான ஒரு செய்தி, சூரியமூர்த்திக்கும், ஆதித்யனுக்கும் இடையில் பகை முடிச்சை போட்டு வைக்கிறது.

காலத்தின் கோலமாக பகைக்குடும்பங்களின் வாரிசுகள் ரவியும் தாமரையும் காதலாகிறார்கள். நெருங்கிய நேசத்தில் தாமரை கர்ப்பமடைகிறாள்.

மகளின் காதலை ஜீரணிக்க முடியாத சுந்தரமூர்த்தி, சம்மதிப்பது போல் நடித்து, ரவியை தந்திரமாக கொன்று விடுகிறார். இதை அறியாத தாமரையிடம் காதலன் அவளை ஏமாற்றி விட்டதாக நம்ப வைத்து வேறு திருமணமும் செய்து வைத்து விடுகிறார்.

தன் மகன் கொலைக்கு சுந்தரமூர்த்தியே காரணம் என்பதை கண்டு கொள்கிறார் ஆதித்யன். ஆனாலும் பணம் பாதாளம் வரையில் பாய்ந்து, அவரது சட்ட போராட்டத்தை சைலண்டாக்கி விடுகிறது.

இதற்கிடையே மகள் தாமரைக்கு பிறக்கும் பெண் குழந்தையை கொல்ல திட்டமிடுகிறார் சுந்தரமூர்த்தி. ஆனால் குழந்தை காப்பாற்றப்பட்டு ரவியின் தந்தை ஆதித்யனின் கைகளில் சேருகிறது. குழந்தைக்கு கலைவாணி என பெயர் சூட்டுகிறார் ஆதித்யன்.

தாமரையின் புதிய வாழ்க்கையில் பிறக்கும் பெண் குழந்தை இந்திரா, குணத்தில் அப்படியே தன் அடாவடி தாத்தா சுந்தரமூர்த்தியை கொண்டிருக்கிறாள். .

கலைவாணியும், இந்திராவும் வளர்கிறார்கள். பருவ வயதில் ஒரே கல்லூரியில் படிக்கிறார்கள். இருவருக்கும் எல்லா விஷயத்திலும் மோதல்... பொறாமை... பகை...

கலைவாணி தனது அக்கா என்பதை இந்திரா தெரிந்து கொண்டாளா? தனது தந்தையால் செத்து பிறந்ததாக சொல்லப்பட்ட மகள் தான் கலைவாணி என்பதை தாமரை எப்போது அறிகிறாள்? தந்தையின் சதி நாடகம் தெரிந்ததா? சுவராஸ்ய முடிச்சுகளுடன் குடும்ப உறவை சொல்லும் அற்புத புஷ்பமாக மலர இருக்கிறது `வெள்ளைத்தாமரை' என்கிறார், கதாசிரியரும் ஆக்கத்தலைமையுமான ஜே.கே.

வசனம்:ஆர்.எஸ்.பாலமுருகன். இயக்கம்: மணிபாரதி-தண்டபாணி. அபிநயா கிரியேஷன்ஸ் சார்பில் தயாரிப்பு: ராதா கிருஷ்ணசாமி.

நன்றி: தினதந்தி

**aanaa** · 22nd January 2012, 01:39 AM

கலக்க வரும் நடன ஜோடிகள்

ஞாயிறு தோறும் இரவு 10 மணிக்கு கலைஞர் தொலைக்காட்சியில் மீண்டும் புதுப்பொலிவோடு வலம் வரத்தொடங்கி விட்ட `மானாட... மயிலாட...' நடன போட்டியில் இடம் பெற்றுள்ள நடன பெண்மணிகள் அனைவருமே வெள்ளித்திரையிலும், சின்னத்திரையிலும் தடம் பதித்தவர்கள் என்பது குறிப்பிடத்தக்கது. விண்ணப்பங்கள் பரிசீலிக்கப்பட்டு தேர்வு பெற்ற போட்டியாளர்கள்: சந்துரு-அஸ்வதி, சூர்யா-அங்கிதா, பாபி-சுவர்ணா, விஸ்வாக்-ஆனந்தி, அரவிந்த்-சுவாதி மற்றும் புவியரசு-அனுஷா ஜோடிகள் மோதும் இந்த நடன போட்டியின் நடுவர்கள் குஷ்பு மற்றும் நமீதா.

நிகழ்ச்சி இயக்கம்: நடன இயக்குனர் கலா.

ஞாயிறுதோறும் இரவு 7.30 மணி முதல் 10 மணி வரை ஒளிபரப்பாகிறது இந்த நிகழ்ச்சி.

நன்றி: தினதந்தி

**aanaa** · 22nd January 2012, 01:42 AM

திரும்பிப்பார்க்கிறேன்

ஜெயா டிவியில் திங்கள் முதல் வியாழன் வரை தினமும் இரவு 10 மணிக்கு ஒளிபரப்பாகி வரும் திரும்பிப்பார்க்கிறேன் நிகழ்ச்சியில் இந்த வாரம் எடிட்டர் மோகன் இடம் பெறுகிறார். இவர் டைரக்டர் ராஜா, நடிகர் ஜெயம் ரவி ஆகியோரின் தந்தை என்பது குறிப்பிடத்தக்கது.

தனது திரை வாழ்க்கையின் சுவாரசியங்கள் பற்றி இந்த நிகழ்ச்சியில் மனம் விட்டு பகிர்ந்து கொள்கிறார்.

நன்றி: தினதந்தி

**aanaa** · 28th January 2012, 03:40 AM

30-01-2012 தொடக்கம்

தியாகம்

**aanaa** · 28th January 2012, 07:21 AM

சரித்திரம் படைத்த ஜான்சிராணி

ஜீ தமிழ் தொலைக்காட்சியில் 2 ஆண்டுகளாக ஒளிபரப்பாகி வந்த ஜான்சிராணி தொடர், ராணி லட்சுமி பாயின் வீர மரணத்துடன் நேற்று நிறைவு பெற்றது. குழந்தைகள் முதல் பெரியவர்கள் வரை அனைவரும் இந்ததொடரைக் கண்டு களித்தது குறிப் படத்தக்கது. குறிப்பாக பள்ளிக் குழந்தைகள் ஜான்சி ராணியின் வரலாற்றை முழுமையாக தெரிந்து கொள்ளும் வகையில் இத்தொடர் அமைந்திருந்தது. அதனால் ஏராளமான பள்ளிகளும் மாணவர்களுக்கு இத்தொடரை பார்க்கும்படி அறிவுரை வழங்கின.

தமிழகம் முழுவதும் உள்ள பல்வேறு பள்ளிகள் மற்றும் குழந்தைகளின் விருப்பத்தை ஏற்று, ஜீ தமிழ் தொலைக்காட்சி இத்தொடரை மீண்டும் 50 நாட்களில் முடியும் வகையில் ஒரு சிறப்புத் தொகுப்பாக ஒளிபரப்ப இருக்கிறது. இந்த சிறப்புத் தொகுப்பு வரும் 30-ந் தேதி முதல் இடம் பெறுகிறது. திங்கள் முதல் வெள்ளி வரை தினமும் இரவு 8.30 மணிக்கு தொடரை காணலாம்.

நன்றி: தினதந்தி

**aanaa** · 28th January 2012, 07:23 AM

நடிகை குஷ்புவின் `பார்த்த ஞாபகம் இல்லையோ'

கலைஞர் தொலைக்காட்சியில் திங்கள் முதல் வியாழன் வரை தினமும் ஒளிபரப்பாகவிருக்கும் `பார்த்த ஞாபகம் இல்லையோ' தொடரை நடிகை குஷ்பு தயாரிக்கிறார். தனது அவனி டெலிமீடியா நிறுவனம் சார்பில் தொடரை தயாரிக்கும் குஷ்பு, முக்கிய கேரக்டரிலும் நடிக்கிறார். திரையில் இதுவரை சொல்லாத ஒரு கதைப்பின்னணியில் இந்த தொடரை உருவாக்கி வருகிறார், குஷ்பு.

நன்றி: தினதந்தி

**aanaa** · 28th January 2012, 07:24 AM

ஆண் பாவம்

திங்கள் முதல் வெள்ளி வரை தினமும் இரவு 10 மணிக்கு சன் தொலைக்காட்சியில் ஒளிபரப்பாகி வந்த `இதயம்' தொடர் நிறைவு பெற்றதைத் தொடர்ந்து, புதிய தொடராக வருகிறது "ஆண் பாவம்.'' இதயம் தொடரைத் தொடர்ந்து சத்யஜோதி பிலிம்சின் புதிய தொடர் இது.

ஆண் பாவம் எந்த மாதிரியான கதை?

ஊருக்குள்ள பொதுவா ஒரு சொல் உண்டு! ஆம்பள புள்ளைய பெத்தவங்க கொடுத்து வச்சவங்கன்னு! ஆனா? உண்மையில் ஆம்பள புள்ளைய பெத்தவங்க படுற பாடும், அந்த ஆம்பள புள்ளைகள கல்யாணம் பண்ணின மனைவிமார்கள் படுத்தற பாடும் புதிய கதைக்களமாக இத்தொடரில் வைக்கப்பட்டுள்ளது.

இன்னக்கி இருக்கிற சூழல்ல பெத்தவங்க, புள்ளைங்க எதிர்காலத்தபத்தி ஒண்ணு நினைக்கிறாங்க! ஆனா புள்ளைங்க தங்களோட எதிர்காலத்தபத்தி வேறொண்ணு நினைக்கிறாங்க!

பெத்தவங்க எண்ணமும், புள்ளைங்க எண்ணமும் ஒரு புள்ளியில் சந்திக்கும்போது என்ன ஆகும்கிறத பத்தின கதைதான் "ஆண் பாவம்'' தொடர்.

இதில் அப்பாவாக ராஜேஷும், அம்மாவாக மீரா கிருஷ்ணனும், புள்ளைங்களாக, பரத் கல்யாண், ராஜ்கமல், வெங்கட், கதிர் ஆகியோரும் நடிக்கிறார்கள். இவர்களின் ஜோடியாக, ஜெயஸ்ரீ, மேகி, கவுரி லட்சுமி, ஐஸ்வர்யா, மற்றும் முக்கிய கதாபாத்திரத்தில், அழகன் தமிழ்மணி பாம்பே பாபு, சுஜிபாலா, பாண்டி, மகிமா நடிக்கின்றனர்.

கதை-வசனம் பொன் காந்திராஜன். ஒளிப்பதிவு: எம்.டி.சரவணகுமார். இசை: கிரண். திரைக்கதை, இயக்கம்: டி.சி.பாலா. கிரியேட்டிவ் ஹெட்: டி.ஜி.தியாகராஜன்.

அடுத்த மாதம் 6-ந்தேதி திங்கட்கிழமை முதல் "ஆண் பாவம்'' தொடர் சன் டிவியில் ஒளிபரப்பாகிறது.

தயாரிப்பு: `சத்யஜோதி' பிலிம்ஸ் டி.ஜி.தியாகராஜன்.

நன்றி: தினதந்தி