KAVICH CHAARAL [ SIVAMAALAA]

[bis_mala]

கொங்கலர்தேர் தேனீ



முன்னிருப்ப தொருநச்சுச் செடியாம்
முனைந்துவரும் தேனீயும் அறிந்தே
எண்ணரிய நறுமணமே பரப்பும்
எழில்மலரைத் தான் நாடி அமரும்!

அஞ்சிறையின் கொங்கலர்தேர் தேனீ
அதுதன்னை ஏமாற்றும் வித்தை
தன் சிறைக்குள் தான்கிடக்கும் மாந்தன்
தாரணியில் கண்டறிந்த துண்டோ?

[bis_mala]

மின்னாற்றல் பயன்படுத்தி,
குளிரூட்டிய அறைக்குள்ளே,
கொசுக்கள் வருவதில்லை;
குறைவில்லா நல்லுறக்கம்!
கொசுக்களையே ஒழித்துவிட்டால்,
குவலயத்தில் உண்டாகும்,
மின்னாற்றல் கால்பங்கு
மிச்சமன்றோ தோழியரே?

[bis_mala]

கொசுப்பெண்ணை நாடிவரும்
கொசுப்பசனைத் திருத்திவிட்டு,
கருக்குலைவு நிறைவுறுத்திக்
கலைபரப்பும் மலையகத்தில்,
வசப்படுமே கொசுவொழிப்பு!
வாழ்விலினி இன்பமதே!
உசுப்பிவிட எழமறுக்கும்
உறக்கமினி சிறக்கவரும்.

மலையகம் = மலேசியா.
பசன் = பையன்.

[bis_mala]

Things Never Prohibited.


"பொட்டுவைத்தால் மெத்தப்பாவம்,
பூவைத்தால் தேவக்கோவம்!!
விட்டுவைத்தால் சமயக்கேடு"
வெற்றுக்கூச்சல் இதுவே பாடு.

அந்தக்காலச் சமயாசிரியர்
அறிந்திராத இவற்றையெல்லாம்
அவர்கள் பேரால் தடைபோட்டார்கள்
அந்தக்கூச்சல் மிகவே பாடு.

[bis_mala]

உழைத்துண்ட எல்லாமே ஒட்டுயிர்க்காய் ஈந்தான்
இளைத்தானே மாந்தன் இழிந்து.

[pavalamani pragasam]

கொசுப்பெண்ணை நாடிவரும்
கொசுப்பசனைத் திருத்திவிட்டு,
கருக்குலைவு நிறைவுறுத்திக்
கலைபரப்பும் மலையகத்தில்,
வசப்படுமே கொசுவொழிப்பு!
வாழ்விலினி இன்பமதே!
உசுப்பிவிட எழமறுக்கும்
உறக்கமினி சிறக்கவரும்.

மலையகம் = மலேசியா.
பசன் = பையன்.

நிசமாவா?

எங்க ஊருக்கும் இதெல்லாம் வருமா?

[bis_mala]

நிஜம்தான்! Madam.

உங்கள் ஊருக்கு இது "வரும்" ஆனால் "வராது"!

[bis_mala]

மேறகண்ட இடுகையில் வரும், வராது என்பதற்கான விளக்க-
ங்கள்:

இந்தக் கொசு ஒழிப்புத் தொழில் நுட்பம், அதற்கான விலையைச்
செலுத்த நீங்கள் தயாரானால், நிச்சயம் வரும். ஆகவே
வருமென்றேன்.

இதற்கு எதிர்ப்பு கிளம்பியுள்ளதாகத் தெரிகின்றது. மரபணு
மாற்றம் செய்யப்பட்ட கொசு மனிதனைக் கடித்து,
ஆடவர்பெண்டிர் இரு பாலாரும் கரு தொடர்பான
கோளாறுகளால் பாதிக்கப்பட்டு, குழந்தைப்பேற்றுத் திறனை
இழந்துவிட்டால் என்செய்வது ? ் அப்படி நடக்காது என்பதற்கு
மலேசிய அரசு என்ன உறுதிமொழி (உத்தரவாதம்) தரமுடியும் ? ....
என்றெல்லாம் எதிர்ப்பு.......

இயற்கையில் இப்படித் தலையிடுவது எப்படித் தகும்? என்றும்
கேள்வி எழுந்துள்ளது.
ஆகவே, வராது என்றேன்.

இப்போது நேயர்களுக்கு நன்கு புரிந்திருக்கும் என்று
நினைக்கின்றேன்.

வேறு அரசுகள், இதில் ஆர்வம் காட்டுவதாகத் தெரியவில்லை...

[bis_mala]

இயற்கையின் அடிமைஇம் மனிதன் -- இவனோ
இயற்கையை மாற்றிடத் தக்க நற் புனிதன்?
இயற்கையைப் படைத்தவன் இறைவன் -- அவனே
இயற்கைக்குக் கட்டளை இடத்தகும் நிறைவன்!.

[pavalamani pragasam]

மேறகண்ட இடுகையில் வரும், வராது என்பதற்கான விளக்க-
ங்கள்:

இந்தக் கொசு ஒழிப்புத் தொழில் நுட்பம், அதற்கான விலையைச்
செலுத்த நீங்கள் தயாரானால், நிச்சயம் வரும். ஆகவே
வருமென்றேன்.

இதற்கு எதிர்ப்பு கிளம்பியுள்ளதாகத் தெரிகின்றது. மரபணு
மாற்றம் செய்யப்பட்ட கொசு மனிதனைக் கடித்து,
ஆடவர்பெண்டிர் இரு பாலாரும் கரு தொடர்பான
கோளாறுகளால் பாதிக்கப்பட்டு, குழந்தைப்பேறறுத் திறனை
இழந்துவிட்டால் என்செய்வது ? ் அப்படி நடக்காது என்பதற்கு
மலேசிய அரசு என்ன உறுதிமொழி (உத்தரவாதம்) தரமுடியும் ? ....
என்றெல்லாம் எதிர்ப்பு.......

இயற்கையில் இப்படித் தலையிடுவது எப்படித் தகும்? என்றும்
கேள்வி எழுந்துள்ளது.
ஆகவே, வராது என்றேன்.

இப்போது நேயர்களுக்கு நன்கு புரிந்திருக்கும் என்று
நினைக்கின்றேன்.

வேறு அரசுகள், இதில் ஆர்வம் காட்டுவதாகத் தெரியவில்லை...

விபரீத விளைவுகள் இருக்குமென்றால் வேண்டவே வேண்டாம், சாமி! கொசுக்கடியெல்லாம் ஒரு கொசுக்கடி போல, கற்பனை செய்ய முடியாத நவீன துன்பங்களை எண்ணும் போது! மரபணு மாற்றிய விதையையும் எதிர்ப்பவள் நான். இயற்கையோடு இயைந்து வாழ வேண்டும், விபரீத ஆராய்ச்சிகள் வேண்டாம் என்பதுவே என் கட்சி!