Latest News on Tamil Cinema

**balaajee** · 11th December 2015, 09:34 PM

தனிஒருவன் ராஜாவின் அடுத்த நாயகன்

தனிஒருவன் படம் மூலம் வெற்றியின் உச்சிக்கு சென்றவர் மோகன் ராஜா. இவருடைய அடுத்த படத்தை எதிர்ப்பார்ப்போர் பலர்.
இந்நிலையில் இவர் Rd ராஜா 24AM ஸ்டுடியோஸ் தயாரிப்பில் தன்னுடைய அடுத்த படத்தை தொடங்க இருக்கிறாராம். அதோடு இப்படம் மூலம் சிவகார்த்திகேயனுடன் முதன்முறையாக கைகோர்க்கிறார்.
இப்படத்திற்கான படப்பிடிப்பு வேலைகள் மே 2016ல் தொடங்கி அவ்வருடத்திலேயே முடித்து வெளியிட முடிவு செய்துள்ளனர். மற்றபடி படத்தில் நடிக்கும் மற்ற நடிகர்கள் மற்றும் தொழில்நுட்ப கலைஞர்கள் பற்றி விரைவில் வெளியிடுவார்கள் என்று எதிர்ப்பார்க்கப்படுகிறது.

**Google Adsense** · 11th December 2015 09:34 PM

**balaajee** · 12th December 2015, 01:25 PM

இந்திய அளவில் சந்தானத்திற்கு கிடைத்த

கௌரவம்

தமிழ் சினிமாவின் முன்னணி காமெடி நடிகர் சந்தானம். தற்போது ஹீரோவாகவும் களம் இறங்கி கலக்கி வருகிறார்.
இந்நிலையில் பிரபல பத்திரிக்கை போர்ப்ஸ் வெளியிட்ட டாப்-100 பிரபலங்களில் தனுஷ், ரஜினிகாந்த், சூர்யா ஆகியோர் இடம்பிடித்துள்ளனர்.
இவர்களுடன் நடிகர் சந்தானமும் இடம்பெற்றுள்ளது குறிப்பிடத்தக்கது. ஆனால், இதில் விஜய், அஜித் இல்லாதது ஆச்சரியத்தை அளிக்கின்றது.

**balaajee** · 14th December 2015, 02:36 PM

தாரைதப்பட்டைக்கு முன்பாக சசிகுமாரின் அதிரடி

பாலா இயக்கத்தில் சசிகுமார் நாயகனாக நடித்திருக்கும் தாரைதப்பட்டை படத்தின் படப்பிடிப்பு செப்டம்பர் 15 ஆம் தேதி முடிவடைந்தது. இடையில் ஒருநாள் விட்டு செப்டம்பர் 17 முதல் அடுத்தபடத்தில் நடிக்கத்தொடங்கிவிட்டார்.
வசந்தமணி என்பவருடைய இயக்கத்தில் சசிகுமார் நடிக்கும் வெற்றிவேல் படத்தின் படப்பிடிப்பு விநாயகர்சதுர்த்தியன்று தொடங்கியது தஞ்சாவூரில் தொடங்கிய அந்தப்படத்தின் படப்பிடிப்பு இப்போது தாராபுரம் பகுதிகளில் நடந்துகொண்டிருக்கிறது.

இந்தப்படத்தில் மூன்றுநாயகிகள் இருக்கிறார்களாம். மியாஜார்ஜ் முதன்மைநாயகியாக நடிக்கும் அந்தப்படத்தில் இரண்டு புதுமுகங்கள் நடித்துக்கொண்டிருக்கிறார்களாம். செப்டம்பர் 17 இல் தொடங்கிய அந்தப்படத்தின் படப்பிடிப்பு டிசம்பர் 30 ஆம் தேதியோடு நிறைவடையும் என்று சொல்கிறார்கள்.
பாலா இயக்கத்தில் அவர் நடித்திருக்கும் தாரைதப்பட்டை படம் ஜனவரியில் வெளியாகவிருக்கிறது. அந்தப்படம் வெளியாகுமுன்பே இன்னொரு படத்தை முழுமையாக நடித்துமுடித்துவிடுவார். சசிகுமாரின் இந்த வேகத்தைக் கண்டு எல்லோரும் வியப்பில் இருக்கிறார்களாம்.

**balaajee** · 15th December 2015, 05:30 PM

1 கோடி நிவாரண நிதி அளித்த அக்*ஷய் குமார்

சென்னையில் பெய்த கனமழையால் பெரும் பாதிப்புக்குள்ளான மக்களுக்கு பலரும் நிவாரண உதவிகளை வழங்கி வருகின்றனர். சினிமா நடிகர்களாக சித்தார்த், நடிகர் சங்கம், பார்த்திபன், மயில்சாமி, தெலுங்கு நடிகர்கள் ராணா, அல்லு அர்ஜுன், மகேஷ் பாபு, பவன் கல்யாண் உட்பட பலரும் உதவிக்கரம் கொடுத்து வருகிறார்கள்.

இந்நிலையில் பாலிவுட் டாப் நடிகர் ஷாருக்கான் ஒரு கோடி கொடுத்தார். இவரைத் தொடர்ந்து அக்*ஷய் குமாரும் சென்னை நிவாரண நிதிக்காக ஒரு கோடி ரூபாயைக் கொடுத்துள்ளார். இயக்குநர் பிரியதர்ஷன் மூலமாக சுஹாசினி மணிரத்னத்தை தொடர்பு கொண்டுள்ளார்.

சுஹாசினி மணிரத்னம் வழிகாட்டுதலில் ஜெயேந்திரா நிர்வாக அறங்காவலரின் பூமிகா அறக்கட்டளைக்கு ருபாய் 1 கோடி ருபாய் காசோலையை அக்*ஷய் குமார் அளித்துள்ளார். பூமிகா அறக்கட்டளை சென்னையில் பாதிக்கப்பட்ட மக்களுக்காக உணவு கொடுத்து வருகிறது. தற்போது அக்*ஷய் குமார் கத்தி படத்தின் இந்தி ரீமேக்கில் ஏ.ஆர்.முருகதாஸ் இயக்கத்தில் நடித்து வருகிறார் என்பது குறிப்பிடதக்கது.

**balaajee** · 16th December 2015, 03:37 PM

விக்ரம் - ஆனந்த் ஷங்கர் படப் பணிகள் துவக்கம் - HINDU TAMIL

புதிய படத்தின் பூஜையில் தயாரிப்பாளர் ஷிபு தமீன்ஸ், இயக்குநர் ஆனந்த் ஷங்கர், விக்ரம் மற்றும் ஒளிப்பதிவாளர் ஆர்.டி.ராஜசேகர்

ஷிபு தமீன்ஸ் தயாரிப்பில் ஆனந்த் ஷங்கர் இயக்கத்தில் விக்ரம் நடிக்கவிருக்கும் படத்துக்கு பூஜையோடு இன்று பணிகள் துவங்கப்பட்டது.
ஆனந்த் ஷங்கர் இயக்கத்தில் விக்ரம் நடிக்கும் படத்தின் பணிகள் தீவிரமாக நடைபெற்று வந்தது. தயாரிக்கும் பொறுப்பில் இருந்து ஐங்கரன் நிறுவனம் விலகிவிட்டதைத் தொடர்ந்து ஷிபு தமீன்ஸ் நிறுவனம் தயாரிக்க பேச்சுவார்த்தை நடைபெற்று வந்தது.

திட்டமிடப்பட்ட தேதியில் படம் தொடங்கப்படாததால் காஜல் அகர்வால், பிந்து மாதவி ஆகியோர் இப்படத்தில் இருந்து விலகினார்கள். அதனைத் தொடர்ந்து படக்குழுவினர் பல்வேறு நாயகிகளிடம் பேச்சுவார்த்தை நடத்தினார்கள்.
இப்படத்தில் விக்ரமுக்கு ஜோடியாக நயன்தாரா மற்றும் நித்யா மேனன் ஒப்பந்தம் செய்யப்பட்டு இருக்கிறார்கள். ஆர்.டி.ராஜசேகர் ஒளிப்பதிவு செய்கிறார். மலேசியா, பாங்காக், லடாக் மற்றும் சென்னை உள்ளிட்ட இடங்களில் படப்பிடிப்பு நடத்த திட்டமிட்டு இருக்கிறார்கள்.

**balaajee** · 16th December 2015, 03:42 PM

ஆஸ்கர் தாமதமாகக் கிடைத்துவிட்டது. ஏ.ஆர்.ரஹ்மானைப் புகழும் ஹைதர் இயக்குநர் - VIKATAN
ஷிஃபாலி புஷன் இயக்கத்தில் உருவாகிவரும் பாலிவுட் படம் ‘ஜுக்னி’. இந்தப்படத்துக்கு இசையமைக்கிறார் இசைப்புயல் ஏ.ஆர்.ரஹ்மான். இப்படத்தின் புரமோஷன் சந்திப்பில் பேசிய பிரபல பாலிவுட் தயாரிப்பாளர், இசையமைப்பாளர், இயக்குநர் விஷால் பரத்வாஜ் ஏ.ஆர்.ரஹ்மான் குறித்து புகழ்ந்துள்ளார்.

இந்திய இசையின் சூழலில் ஒரு பெரிய மாற்றம் உண்டானது எனில் அது ஏ.ஆர்.ரஹ்மான் வரவுக்குப் பிறகே. எனக்கும் நன்றாக நினைவு இருக்கிறது ரோஜா படத்தின் பாடல்கள் வெளியான போது ஏற்பட்ட இசை மாற்றங்களை நன்கு அறிவேன்.

அவருடைய திறமைக்கும் , இசையறிவுக்கும் ஆஸ்கர் விருது தாமதமாகக் கிடைத்துவிட்டது என்றே கூற வேண்டும். இந்திய சினிமாவில் சர்வதேச தரத்தைக் கொண்டு வந்தவர் கண்டிப்பாக ஏ.ஆர்.ரஹ்மானே என புகழ்ந்துள்ளார் விஷால் பரத்வாஜ். இவர் புகழ்பெற்ற ஹைதர், காமினீ, இஷ்க்யா, உள்ளிட்ட படங்களை உருவாக்கியவர் என்பது குறிப்பிடத்தக்கது.