Latest News on Tamil Cinema

[manojsmba]

அஜீத் + விஷ்ணுவர்த்தன் + யுவன் !
'பில்லா 2' படத்தினை தொடர்ந்து விஷ்ணுவர்த்தன் இயக்கத்தில் நடிக்க இருக்கிறார் அஜீத். இப்படம் குறித்து பல்வேறு தகவல்கள் வெளியாகியுள்ளன.

இந்நிலையில் இப்படத்தின் தயாரிப்பாளர் ஏ.எம்.ரத்னம் " எனது அடுத்த தயாரிப்பிற்கு நடிகர் அஜீத் மற்றும் இயக்குனர் விஷ்ணுவர்த்தனை ஒப்பந்தம் செய்து உள்ளேன். யுவன் சங்கர் ராஜா இசையமைப்பாளராக ஒப்பந்தம் செய்யப்பட்டுள்ளார்.

நாயகி தேர்வு நடைபெற்று வருகிறது. அனுஷ்கா நாயகியாக ஒப்பந்தம் செய்ய பேச்சுவார்த்தை நடத்தினோம். ஆனால் மற்ற படங்களில் நடிக்க தேதிகள் ஒதுக்கியுள்ளதால் அவரால் இப்படத்தில் நடிக்க இயலாமல் போய்விட்டது. இப்படம் இன்னும் ஓரிரு மாதங்களில் துவங்கும்.

'பில்லா' படத்தில் அஜீத்தை வித்தியாசமாக காட்டிய விஷ்ணுவர்த்தன், இப்படத்தில் அஜீத் ரசிகர்கள் கொண்டாடும் வகையில் இப்படம் வரவேண்டும் என்று முனைப்புடன் பணியாற்றி வருகிறார். இப்படத்தின் ஆக்ஷன் காட்சிகள் வித்தியாசமானதாக இருக்கும் " என்று தெரிவித்துள்ளார்.
http://cinema.vikatan.com/index.php?...news&Itemid=63

[manojsmba]

மீண்டும் கமலோடு !

'விஸ்வரூபம்' படத்தினை நடித்து இயக்கி வருகிறார் கமல். இதுவரை தமிழ் திரையுலகில் ரஜினி நடித்த 'எந்திரன்' திரைப்படம் தான் அதிக செலவில் எடுக்கப்பட்ட படமாக இருந்தது.

ஆனால் 'விஸ்வரூபம்' படத்தின் பட்ஜெட் 'எந்திரன்' படத்தின் பட்ஜெட்டை தாண்டுமாம். இந்தியா, அமெரிக்கா, ஜோர்டன் போன்ற நாடுகளில் நடப்பது போன்று கதையை உருவாக்கி இருக்கிறாராம் கமல்.

எப்போதும் ஒரு படத்திற்கு அடுத்த படத்திற்கும் அதிக கால அவகாசம் எடுத்து கொள்ள மாட்டார் கமல். 'விஸ்வரூபம்' படத்தினை தொடர்ந்து மீண்டும் ஆஸ்கார் பிலிம்ஸ் தயாரிக்கும் படத்தில் நடிக்க இருக்கிறார்.முன்னதாக 'தசாவதாரம்' படத்தில் கமலும் ஆஸ்கர் ரவிச்சந்திரனும் இணைந்திருந்தனர்.

இதுகுறித்து ஆஸ்கார் ரவிச்சந்திரன் கூறியிருப்பது " கமல் சார் என்னோட தயாரிப்பில் ஹீரோவா நடிக்கப் போறது உண்மைதான். நிச்சயமா நீங்க எதிர்பார்க்காத இன்ப அதிர்ச்சி அந்தப் படத்தில் காத்திருக்கு. முக்கியமான ஹாலிவுட் ஆர்ட்டிஸ்ட் ஒருத்தர் கமல்கூட நடிக்கிறார். டைரக்டர், ஹீரோயின், மியூஸிக், டெக்னிஷியன்ஸ் பத்தி இந்த வருஷத்துல அறிவிக்கப் போறேன். " என்று தெரிவித்தார்.
http://cinema.vikatan.com/index.php?...news&Itemid=63

[manojsmba]

பவர் ஸ்டார் Vs (ரஜினி + விஜய்+ etc..)

2011ம் ஆண்டில் சூப்பர் ஸ்டார் ரஜினிகாந்த் நடிப்பில் எந்த ஒரு படமும் வெளிவரவில்லை.

ஆனால் ரஜினி படத்தைப் போலவே பரபரப்புக்கு பஞ்சமில்லாமல் படம் வெளியிட்டு தனது பேட்டி, கெட்டப், டிவிட்டர் பஞ்ச் வசனங்கள் மூலம் தமிழ் திரையுலகினர் அனைவரையும் திரும்பி பார்க்க வைத்தவர் 'பவர் ஸ்டார்' சீனிவாசன்.

இவர் நடிப்பில் வெளிவந்த 'லத்திகா' திரைப்படத்தை 200 நாட்களை கடந்து மகாலட்சுமி திரையரங்கில் ஓட்டினார்கள். பேட்டியில் "நான் தான் காசு கொடுத்து ஒட்டினேன்.. அது எனது ரசிகர்களுக்காக " என பேட்டியளித்தார் பவர்.

தன் ரசிகர்களுக்காகவே தன் நடிப்பில் வெளியான 'லத்திகா'வைத் தொடர்ந்து 'ஆனந்த தொல்லை', 'மன்னவன்', 'திருமா', 'தேசிய நெடுஞ்சாலை', 'மூலக்கடை முருகன்' என வரிசையாக படங்களில் மும்முரமோ மும்முரமாக நடித்து தள்ளுகிறார்.

'பவர் ஸ்டார்' சீனிவாசன் என்ற பெயரில் புதிதாக டிவிட்டர் இணையத்தில் இணைந்துள்ளார். இவரது பஞ்ச்களை எல்லாம் பார்த்து இது ' நிஜ பவர் ஸ்டாரா' என சந்தேகங்கள் முளைத்தபோது, அதை முளையிலேயே கிள்ளி, " அது நானே தான் ! " என்று பேட்டியளித்து, 'ரசிகர்'களை ஆச்சர்யத்திலும் இணையவாசிகளை அதிர்ச்சியிலும் ஆழ்த்தினார்.

பல்வேறு வேலைகளுக்கு இடையிலும் தனது ரசிகர்களின் கேள்விகளுக்கு டிவிட்டர் இணையத்தில் பதிலளித்து வருகிறார் இந்த 'பவர்'.

டிவிட்டர் இணையத்தில் இவர் பண்ணிய மெசேஜுகளைப் பார்த்து திரையுலகமே Freeze ஆகி இருக்கிறது. இவர் யாருக்கு எல்லாம் என்ன மெசேஜ் அனுப்பினார், என்ன விஷயங்களை பகிர்ந்து கொண்டார் என்பது குறித்த சில நட்சத்திரத் தகவல்கள் :

* CHAMMAK CHALLO பாடல் பாடிய AKON விற்கு : உங்களுடன் பணிபுரிய ஆசைப்படுகிறேன். இது தான் எனது டிவிட்டர் அக்கவுண்ட்.

* ஃபேஸ்புக் இணையத்தில் சிம்புவிற்கு பிறகு எனக்கு தான் அதிக ரசிகர்கள் இருப்பது எனக்கு மிகவும் சந்தோஷமாக இருக்கிறது.

* ரசிகர்களே.. என்னை பிடிக்காத சில பேர் என்னை தவறாக பேசுவதை பார்த்து கோபப்படாதீர்கள். ஆண்டவன் நல்லவங்களை சோதிப்பான் ஆனா கைவிட மாட்டான் !

* ரஜினிகாந்த் பிறந்த நாள் அன்று : எனது அண்ணன் சூப்பர் ஸ்டார் வாழ்க பல்லாண்டு. நீங்க இன்னும் பல படங்க பண்ணனும், அது எனக்கு போட்டியா இருக்கணும்.. ( சூப்பர் ஸ்டார் 'கோச்சடையான்' படத்தை விரைவாக முடிக்க திட்டமிட்டதற்கு பவர் ஸ்டாரின் இந்த மெசேஜ் காரணமில்லை என்று நம்பத்தகுந்த வட்டாரங்கள் தெரிவிக்கின்றன.)

பவர் ஸ்டார் சீனிவாசனுக்காக ரசிகர்கள் உருவாக்கிய வீடியோ பதிவு :

Dim lights Embed
* மல்லிகா ஷெரவத்திற்கு : ஒஸ்தி படத்தில் நன்றாக ஆடி இருந்தீர்கள். விரைவில் உங்களுடன் ஒரு படத்தில் பணிபுரிய ஆசைப்படுகிறேன்.

* ஜிம்மில் இருந்து வந்து விட்டேன் மிகவும் சோர்வாக இருக்கிறது. ஆனால் எனது வெறித்தனமான ரசிகர்களுக்காக டிவிட்டரில் பேசலாம் என்று வந்தேன்.

* இயக்குனர் ஷங்கர் மற்றும் விஜய் என்னை 'நண்பன்' படத்தின் இசை வெளியீட்டு விழாவிற்கு அழைத்து இருக்கிறார்கள். ஆனால் என்னால் போக முடியுமா என்று தெரியவில்லை.

* ராஜபாட்டை படத்தில் எனது பேரை படத்தின் பப்ளிசிட்டிக்காக பயன்படுத்தி இருக்கிறார் விக்ரம்.

* ஆனந்த தொல்லை படத்தில முழுக்க முழுக்க ஆக்ஷன் தான். பயங்கரமான வில்லனா என்னை பாக்க போறீங்க!

* பொங்கல் 2012 அன்று விஜய்யின் 'நண்பன்'. போட்டியாக எனது 'ஆனந்த தொல்லை'.

* பவர் ஸ்டாருக்கு கோபம் வராது தம்பி. பாசத்தால அடிக்கிறவன் தான் இந்த பவர் ஸ்டார்.

டிவிட்டர் இணையத்தில் இவரது ரசிகர்களுக்கு இவரை பற்றி பதிந்து இருக்கும் மிகச் சில 'பஞ்ச்'கள் மட்டும் இங்கே :

* ஆனந்த தொல்லை டிரெய்லரே இப்படின்னா, படம் CHANCELESS... ஆனந்த தொல்லை கண்டிப்பாக நண்பன் மற்றும் பில்லா 2 படத்திற்கு தொல்லையாக இருக்கும்.

* பஸ்ல ஹாரன் அடிச்சா சத்தம் வரும்.. என் தல பவர் ஸ்டார் அடிச்சா ரத்தம் வரும்.

* தலைவா.. உங்களுக்கு கத்ரினா கைஃப் தான் சரியான ஜோடி!

* தலைவா.. ஐஸ்வர்யா ராய் கூட எல்லாம் நடிக்க வேண்டாம். அவங்க பொண்ணு கூட நடிங்க. அது தான் உங்களுக்கு கரெக்ட்.

* தல.. கிறிஸ்துமஸ் தாத்தா எனது பரிசு பொருள் கொடுக்கவில்லை என வருத்தப்பட்டேன். நீங்கள் ஆன்லைன்ல இன்றைக்கு வந்துட்டீங்க. எனககு மிகப்பெரிய பரிசு இதுதான்.

* எல்லாரும் அவங்க குடும்பம் அல்லது காதலி போட்டோ தான் பர்ஸ்ல வச்சுருப்பாங்க.. ஆனால் என்னோட பர்ஸ்ல உங்களோட போட்டோ தான் வச்சுருக்கேன். நான் உங்கள் ரசிகன்.. இல்லை இல்லை.. பக்தன்.

லத்திகா படத்தினை தொடர்ந்து ரசிகர்களுக்காக காத்திருக்கும் அடுத்த ஆனந்த தொல்லை:

Dim lights Embed
* நான் நீங்க டிவிட்டர் இணையத்திற்கு வரவில்லை என்று தேம்பி தேம்பி அழுதுகிட்டு இருந்தேனா, டக்குனு பார்த்தா ஒரு வாளி ஃபுல்லா கண்ணீர்.!

* உங்களோட அழகை பார்த்து FAIR & LOVELY CREAM-க்கே வெட்கம் வரும்.

* தலைவா.. WORLD PEACE DAY என்றைக்கு கொண்டாடலாம் என்று சொல்லுங்கள்.. அதான் உங்கள் பிறந்த நாள்...

* படங்களில் கயிறு உபயோகித்து சண்டை போடுங்கள்... உங்களுக்கு ஒன்று என்றால் எங்களால் தாங்கவே முடியாது.

* உங்களை 'நடிகர்' என்று சொல்வதை வன்மையாக கண்டிக்கிறேன். நீங்கள் கமல் மாதிரி ஒரு 'பன்முக கலைஞன்'.

* வணக்கம் தலைவா.. நான் உங்களின் தீவிர ரசிகன். எல்லாரும் உங்களின் படத்தை தான் பார்ப்பாங்க. ஆனால் நான் உங்க பட போஸ்டரை 3 மணி நேரம் பார்ப்பேன்.!

* ஆஸ்கர் விருது குழுக்களையும் உங்களது 'லத்திகா' படம் கவரும் என்பதில் சந்தேகமில்லை.

* சார் உங்களது அடுத்த படத்தில் நீங்கள் 6 பேக்கில் நடிக்கணும்.

* தலைவா... உங்கள் முகத்தில் 10 அஜீத், 23 விஜய், 4 கமல் சாயல் இருக்கு.. 2016ல் நீங்க தான் தல சி.எம்.!

* நீங்கள் கண்டிப்பாக அரசியலுக்கு வரணும்.. நீங்க வந்தாதான் பவர் கட் பிரச்னை சரியாகும்.

* தலைவா உங்களுக்கு இருக்கிற அழகுக்கு நீங்கள் ஆங்கில படத்தில் கூட நாயகனாக நடிக்கலாம்.

* வானத்துல இருக்கு பல ஸ்டார்.. ஆனால் இங்க டிவிட்டருக்கு ஒரே ஸ்டார் எங்க பவர் ஸ்டார்.

* தீபாவளின்னா சரவெடி.. எங்க பவர் ஸ்டார்னா அதிரடி!
http://cinema.vikatan.com/index.php?...news&Itemid=63

[manojsmba]

முதல் முறையாக சூப்பர் ஸ்டார் ரஜினிகாந்த் பெயரில் சிறந்த நடிகருக்கு விருது !!


சிறந்த தமிழ்ப் படங்கள் மற்றும் நடிகர் நடிகைகள், கலைஞர்களுக்கு 'எடிசன் விருதுகள்' என்ற பெயரில் ஆண்டு தோறும் வழங்கப்பட்டு வருகிறது. இந்த ஆண்டு

இந்த ஆண்டுக்கான எடிசன் விருதுகள் வழங்கும் விழா வரும் பிப்ரவரி மாதம் 12-ம் தேதி சென்னை சேத்பட்டில் உள்ள லேடி ஆணடாள் பள்ளி அரங்கில் நடக்கிறது.

2011-ம் ஆண்டுக்கான சிறந்த படங்கள், சிறந்த கலைஞர்கள் ஆகியோர் கவுரவிக்கப்பட உள்ளனர். தனி குழு எதுவும் விருதுக்கான கலைஞர்களை தேர்வு செய்யவில்லை. ஆன்லைன் வாக்கெடுப்பு முறையில் உலகம் முழுவதும் உள்ள ரசிகர்கள் வாக்களித்து தேர்வு செய்கிறார்கள் என்பது குறிப்பிடத்தக்கது.

இதற்காக www.edisonawards.in என்ற இணையதளத்தின் மூலம் வாக்கெடுப்பு நடந்து வருகிறது. தவிர, முன்னணி நடிகர், நடிகைகள், கலைஞர்களின் பேஸ்புக், யாஹூ மற்றும் கூகுள் குரூப்ஸ் ஐடிகள் பெறப்பட்டு, அவர்களுக்கு நியூஸ்லெட்டர்கள் அனுப்பும் வேலையும் நடந்து வருகிறது. இதுபோல பல லட்சம் நியூஸ்லெட்டர்கள் அனுப்பப்படுவதா விழா ஏற்பாட்டாளர்கள் தெரிவித்தனர்.

சென்னையில் இணையதளம் பயன்படுத்தாத பொதுமக்கள் வாக்களிக்க வசதியாக 110 மையங்களில் வாக்கு சீட்டு முறைப்படி ஜனவரி 2ம் தேதி முதல் ஜனவரி 30ம் தேதி வரை வாக்களிக்கவும், கல்லூரி, ஷாப்பிங் மால், பீச் போன்ற இடங்களிலும் வாக்களிக்கவும் ஏற்பாடு செய்யப்பட்டுள்ளது.

இந்த எடிசன் விருது வழங்கும் விழா 7 நாட்டு தமிழ் தொலைக்காட்சிகளில் ஒளிபரப்பப்படும். மேலும் மலேசியாவில் அஸ்ட்ரோ தொலைக்காட்சியின் ஏற்பாட்டின் கீழ் மலேசிய நடன கலைஞர்கள், பாடகர்கள், சிங்கப்பூர் வசந்தம் டிவி நடன கலைஞர்கள், பாடகர்கள், காமெடி நடிகர்கள் போன்ற கலை நிகழ்ச்சிகள் நடைபெற உள்ளன.

முதல் ரஜினி விருது...

இந்த விழாவின் சிறப்பு அம்சமாக, சூப்பர் ஸ்டார் ரஜினியின் பெயரில் சிறந்த நடிகருக்கான விருது வழங்கப்பட உள்ளது. தமிழ் சினிமாவுக்கு உலகளாவிய மரியாதை, வர்த்தக எல்லையை விரிவுபடுத்தியது மற்றும் இளம் படைப்பாளிகளை ஊக்குவிப்பதில் நிகரற்றுத் திகழ்வது என பெருமை சேர்த்தவர் என்பதால் இந்த விருதினை சூப்பர் ஸ்டார் ரஜினியின் பெயரில் வழங்குவதாக நிகழ்ச்சி அமைப்பாளர்கள் தெரிவித்தனர்.

ரஜினி பெயரில் தனி விருது ஏற்படுத்தப்பட்டு வழங்கப்படுவது இதுவே முதல்முறை என்பது குறிப்பிடத்தக்கது. பிப்ரவர் 12-ம் தேதி இந்த விருது வழங்கும் விழா நடக்கிறது. விஜய், தனுஷ், அஞ்சலி, ரிச்சா, கவிஞர் வாலி, இயக்குநர் எஸ்பி முத்துராமன் உள்ளிட்ட முன்னணிக் கலைஞர்கள் இதில் பங்கேற்கிறார்கள்.

250 வெளிநாட்டுப் பார்வையாளர்கள்

இந்நிகழ்ச்சியில் உள்ளூர் ரசிகர்கள், நடிகர்கள், பத்திரிகையாளர்கள் தவிர, வெளிநாட்டு அமைச்சர்கள், வெளிநாட்டுப் பத்திரிக்கையாளர்கள் மற்றும் சிறப்பு அழைப்பாளர்கள் மட்டுமே 250 பேர் பங்கேற்கவிருப்பதாக நிகழ்ச்சியின் அமைப்பாளர் 'மைதமிழ்மூவிஸ்' ஜெ செல்வகுமார் தெரிவித்தார்.
http://tamilcnn.com/moreartical.php?...rent&subcat=11
Hats-off to Rajni sir...

[manojsmba]

2012 தான் பெஸ்ட் : சந்தானம்


2011ல் அதிக படங்களில் காமெடியனாக நடித்தவர் சந்தானம். விஜய்யுடன் ' வேலாயுதம் ', கார்த்தியுடன் ' சிறுத்தை ' ஆகிய இரண்டு படங்களும் மக்களிடையே வரவேற்பை பெற்றது.

'சந்தானம் நடித்து இருக்கிறார் என்றால் படத்தை கண்டிப்பாக பார்க்கலாம்' என்கிற அளவுக்கு தன் ரசிகர்களிடையே பெயர் பெற்று இருக்கிறார்.

2012ம் ஆண்டில் என்னென்ன படங்களில் நடிக்க இருக்கிறார் என்று தொடர்பு கொண்டபோது " 2011ம் ஆண்டை விட 2012ம் ஆண்டு தான் என்னை பொருத்தவரை சிறந்ததாக அமையப் போகிறது.

பல பெரிய பட்ஜெட் படங்களில் நடிக்க இருக்கிறேன். கார்த்தியுடன் 'சகுனி', உதயநிதி ஸ்டாலினுடன் 'ஒரு கல் ஒரு கண்ணாடி', சூர்யாவுடன் 'சிங்கம்-2', கெளதம் மேனன் இயக்கத்தில் 'நீதானே என் பொன்வசந்தம்', சேரன் இயக்கும் படம், சிம்புவுடன் இணைந்து ' போடா போடி ', ' வேட்டை மன்னன் ' என வரிசையாக 15க்கும் மேற்பட்ட படங்களில் நடித்து வருகிறேன்.. நடிக்கவும் இருக்கிறேன்.

எனது திரையுலக வாழ்வில் 2011ஐ விட 2012ம் ஆண்டு தான் சிறந்தது " என்று தெரிவித்தார்.
http://cinema.vikatan.com/index.php?...news&Itemid=63

[manojsmba]

பிஸினஸ் மேனாக போவது யார்?


தெலுங்கில் மகேஷ்பாபு, பூரி ஜெகநாத் இணைந்து செய்த படம் 'போக்கிரி'. தெலுங்கில் வசூல் மழையில் நனைந்ததால் இப்படம் தமிழில் விஜய் நடிப்பில் வெளியாகி இங்கும் வரவேற்பை பெற்றது.

தற்போது மகேஷ்பாபு, பூரி ஜெகநாத் இணைந்து இருக்கும் படம் 'தி பிஸினஸ்மேன்'. இப்படம் தெலுங்கு திரையுலகில் பெரும் எதிர்ப்பார்ப்பில் இருக்கிறது. காஜல் அகர்வால் நாயகியாக நடித்து இருக்கிறார். தமன் இசையமைத்து இருக்கிறார்.

கடைசியாக மகேஷ்பாபு நடிப்பில் வெளியான 'தோக்குடு' படம் தமிழ்நாட்டில் வெளியாகி இதுவரை எந்த ஒரு தெலுங்கு படமும் செய்யாத வகையில் வசூல் சாதனை படைத்தது.

'தி பிஸினஸ்மேன்' படத்தின் மொத்த உரிமையையும் கைப்பற்றி இருக்கிறது ஸ்டூடியோ கிரீன் நிறுவனம். படத்தின் வெளியீட்டு உரிமையை மட்டுமல்லாமல் படத்தின் ரீமேக் உரிமையை வாங்கி இருக்கிறார்கள்.

'தி பிஸினஸ்மேன்' படம் வெற்றி பெற்றால் தமிழ் ரீமேக்கில் மகேஷ்பாபு வேடத்தில் சூர்யாவா அல்லது கார்த்தியா என்பது படத்தின் வெற்றியை பொருத்து இருக்கிறது.
http://cinema.vikatan.com/index.php?...news&Itemid=63

[manojsmba]

எந்திரன்… சன் டிவியின் பொங்கல் பிரம்மாஸ்திரம்!


இந்திய சினிமாவின் பிரமாண்ட படம், இந்தியாவிலேயே அதிக வசூலைக் குவித்த படம், தரத்தில் ஹாலிவுட்டுக்கு நிகரான படம் என்ற பெருமைகளைப் பெற்ற சூப்பர் ஸ்டார் ரஜினியின் எந்திரன் படம் பொங்கல் ஸ்பெஷலாக சன் டிவியில் வெளியாகிறது.
இந்த 90 ஆண்டு இந்திய சினிமா வரலாற்றில் ஒரு படம் இத்தனை பிரமாண்டமாய் எடுக்கப்பட்டதில்லை. ஒரு தமிழ்ப் படம் இத்தனை அரங்குகளில் வெளியானதுமில்லை. சென்னையில் மட்டும் 42 திரையரங்குகளில் வெளியான ஒரே படம். தெலுங்கில் ரோபோ செய்த சாதனை மிகப் பெரியது!
கடந்த சில தினங்களாகவே, இந்தப் படத்தை மீண்டும் மறுவெளியீடு செய்தால் நன்றாக இருக்கும் என்று ரசிகர்கள் பரவலாகக் கேட்டு வந்தனர்.
மறுவெளியீடு என்றால் குறைவான தியேட்டர்களில்தான் வெளியிட முடியும். அதனால் சன் டிவி அதிரடியாக பொங்கல் சிறப்புத் திரைப்படமாக எந்திரனை வெளியிடுவதாக இன்று அறிவித்துவிட்டது.
வரும் தை முதல் நாளில் 15.01.2012- மாலை 6 மணிக்கு சன் டிவியில் ரஜினியின் எந்திரனை மீண்டும் பார்க்க வாய்ப்பு கிடைத்துள்ளது.
பொங்கல் அன்று இந்தப் படத்தை டிவியில் போடுவதால், அன்றைய தினம் வெளியாகும் புதிய படங்களின் வசூலை நினைத்து இப்போதே விநியோகஸ்தர்கள் கவலைப்பட ஆரம்பித்துள்ளனர் என்றால் பார்த்துக் கொள்ளுங்கள்!
http://tamilcnn.com/moreartical.php?...rent&subcat=11

[manojsmba]

பெஸ்டிவெல் படங்கள்

இனி ர*ஜினி, கமல், விஜய், அ**ஜீத் படங்களை பெஸ்டிவெல் படங்கள் என்று தாராளமாக அழைக்கலாம். திரைப்பட விழாக்களில் இவர்களின் படங்கள் திரையிடப் போகிறார்களா என்று பயப்பட வேண்டாம். இது வேறு.

பெ*ரிய ஸ்டார்களின் படங்களால் சிறு முதலீட்டுப் படங்கள் பாதிக்கப்படுவதால் மாஸ் ஹீரோக்களின் படங்களை திருவிழா நாட்களில் மட்டும் - அதாவது பொங்கல், ஏப்ரல் 14 தமிழ் புத்தாண்டு, மே ஒன்று, ஆகஸ்டு 15, தீபாவளி ஆகிய தினங்களில் மட்டும் வெளியிடுவது என்று முடிவு செய்துள்ளது தயா*ரிப்பாளர்கள் சங்கம். இந்த முடிவு இன்னும் அதிகாரபூர்வமாகவில்லை, ப*ரிசீலனையில் உள்ளது.
http://tamil.webdunia.com/entertainm...20111041_1.htm

[balaajee]

Dhanush and Mallika crowned PETA's hottest vegetarians - Indian Express

[manojsmba]

விஷால் மீது ராதிகா சரத்குமார் அதிரடி புகார்!

பிரபுதேவா அதிரடி ஹிட் படங்களை இயக்குவதாக நிலவிய மாயையில் சிக்கிக்கொண்ட
விஷால் தற்போது பெரும் சிக்கலில் மாட்டிக்கொண்டிருக்கிறார் என்று நடிகர் சங்க வட்டாரத்தில் இருந்து அதிரடித் தகவல் கசிகிறது. விஷால் சமீராரெட்டி ஜோடியாக நடித்த வெடி படத்தை பிரபுதேவாதான் இயக்கினார்.
விஷாலின் அண்ணன் விக்ரம் கிருஷ்ணா தயாரித்தார். இந்தப்படம் கடந்த செப்டம்பர் மாதம் ரிலீசானது. ஆனால் படம் படுதோல்வி அடைந்தது. இந்தப்படத்தை விநியோகம் செய்யும் பொறுப்பை நடிகை ராதிகாவின் ராடான் டி.வி. நிறுவனம் ஏற்றது. இதற்காக அந் நிறுவனத்துக்கு ரூ.12 கோடி தருவதாக விஷால் உறுதி அளித்து ஒப்பந்தம் போட்டு கொடுத்ததாகவும்.
அதில் ரூ. 9 கோடியை தற்போது தர மறுப்பதாகவும் அதிரடியாக குற்றம் சாட்டியுள்ளார் ராதிகா சரத்குமார்.

இது குறித்து நடிகர் சங்கத்திலும், தயாரிப்பாளர் சங்கத்திலும் விஷால் மீது நடிகை ராதிகா புகார் செய்துள்ளார். அந்த புகார் மனுவில் கூறி இருப்பதாவது:
விஷாலின் வெடி படத்தை விநியோகம் செய்து கொடுக்கும் பணிகளை ராடான் நிறுவனம் செய்து கொடுத்தது.
இதற்காக விஷால் ரூ.12 கோடி தருவதாக ஒப்புக் கொண்டார். அந்த ஒப்புதலை கடிதமாகவும் எழுதிக் கொடுத்தார். படத்துக்கான சாட்டிலைட் உரிமை மூலம் ரூ.3 கோடி கிடைக்கிறது. அந்த தொகை போக மீதி ரூ.9 கோடிக்கு விஷால் கையெழுத்திட்டு செக் கொடுத்தார்.

அந்த செக்கை வ*ங்கியில் செலுத்திய போது திரும்பி வந்து விட்டது. இதன் பிறகு பல முறை விஷாலை தொடர்பு கொண்டு பணத்தை திருப்பி கேட்டும் அவர் தரவில்லை. எனவே விஷாலிடம் இருந்து ரூ.9 கோடி பணத்தை வாங்கித் தருமாறு கேட்டுக் கொள்கிறேன். இவ்வாறு புகாரில் கூறியுள்ளார்.

இது குறித்து விஷாலிடம் விசாரணை நடத்த நடிகர் சங்கமும், தயாரிப்பாளர் சங்கமும் முடிவு செய்துள்ளன. இதற்கிடையில் சரத்குமாரின் முதல் மனைவியின் மகளான வரலட்சுமியை விஷால் காதலித்து வருவதாக செய்திகள் வெளியாகி வருகின்றன.