kavidhaikku kavidhai matrum Pattuku pattu

[kirukan]

தீபாவளி திருநாள்

உண்மையை உணர்ந்த
நேரம் உயிர் பிரிந்தது
உயிர் பிரிந்த நாள்
உயிருடன் உள்ளது....

அனைவருக்கும் கிறுக்கனின் தீபாவளி திருநாள் நல்வாழ்த்துகள்.

-
கிறுக்கன்

[pavalamani pragasam]

உள்ளது ஒளி கண்ணில்
ஊற்றாக உள்ளத்தில்
உற்சாக வெள்ளத்தில்
உலகம் உருள்கின்றது

[Kajan]

உருளும் உடலிங்கில் ஒட்டும் அழுக்கெல்லாம்
பொருளில் கண்ணேறிப் பொய்யில் வாழ்வதனால்
கருகும் விறகாய் கலியுக மானிடம்
மிருகமே மேன்மையாம் மெய்தான் தெரியுமோ

அன்புடன் கஜன்

[pavalamani pragasam]

தெரியுமோ சொர்க்கம் லேசாய்
தூறல் தொடர்ந்து கேட்கையில்
இதமான இனிய நினைவுகளில்
சுகமாய் போர்த்திய போர்வைக்குள்

[Kajan]

போர்வையாய் இருளிங்கு பொழுது விடிந்தாலும்
ஊர்கின்ற ஆமைகளாய் உத்தமத்தை தொலைத்தவராய்
பார்மீது என்றென்றும் பாவங்கள் செய்பவராய்
நார்மீது நாட்டியமோ நல்லவர்தான் எங்குண்டு?

[pavalamani pragasam]

எங்குண்டு நல்ல குதூகலம்
கண்ணனின் கோகுலம் எது
களியாட்டங்களின் களம்
குழந்தைகள் வாழுமிடமது

[kirukan]

மது உண்டு மதி கெட்டபின்
விதி நொந்தென்ன பயன்.

-
கிறுக்கன்

[pavalamani pragasam]

பயனில்லா ஓட்டம்
பொருளில்லா ஆட்டம்
இங்கிருந்து அங்கே
அங்கிருந்து இங்கே
மாற்றி மாற்றி உதைக்க
மைதானம் முழுக்க ஓடி
களைக்கும் பந்தல்ல பெண்
பந்தயத்தில் வெல்லவோர்
பகடைக்காயுமல்ல அவள்
வாசலில் கிடக்குமோர்
மிதியடியுமல்ல அவள்
தன்னைத் தேய்த்து மணக்கும்
சந்தனந்தான் ஆனாலும்
தன்னை எரித்து ஒளியாகும்
மெழுகுவத்தியேயானாலும்
தகதக்கும் தங்கத் தகமை
தன்னிகரில்லாத தாய்மை
கொண்டவளை குலவிளக்கை
கொண்டாடுவாயா பந்தாடுவாயா
கொக்கரிக்கும் மூட ஆணினமே

[kirukan]

(அடக்கி ஆளுதலில்)
ஆணினம் 50%(முன்பு 85%) எனில்
இதில் இப்போது
பெண்ணினம் 40%(முன்பு 5%)
சமனிலை அன்றும் இன்றும் 10%

ஆணாதிக்கம் தேய
பெண்ணாதிக்கம் வளர
ஆணாதிக்கம் எதிர்ப்போர்
பெண்ணாதிக்க வளர்ச்சி
சரி என்பாரோ

ஓரினம் செய்தல்
தவறெனில்
அதையே மறு இனம்
செய்தல் தவறன்றோ!!!

-
கிறுக்கன்

[pavalamani pragasam]

தவறன்றோ மேற்கில் சூரிய உதயம் தேடல்
கருத்த பாறாங்கல்லில் நார் உரிக்க எண்ணுதல்
வஞ்சகர் நெஞ்சில் ஈரம் சுரக்கக் காத்திருத்தல்
தீர்வுகள் காலத்தே வருமென நம்பாதிருத்தல்