Nadigar Thilagam Sivaji Ganesan - Part 20

**sivaa** · 12th November 2018, 01:40 PM

**Google Adsense** · 12th November 2018 01:40 PM

**sivaa** · 12th November 2018, 01:43 PM

Rare photo of NT. Thanks to NTFans

(courtesy net)

**sivaa** · 12th November 2018, 01:46 PM

**sivaa** · 12th November 2018, 06:53 PM

நடிகர்திலகம் அரசியலில் வெற்றிபெறவில்லை என்பது சரியா??
காழ்ப்புணர்ச்சியால், மாற்று முகாமில் இருக்கும் பலரும் அரசியலில் சிவாஜி ஜொலிக்கவில்லை என்று சாதாரணமாக, போகிற போக்கில் கூறுவதைப் பார்க்கிறோம். நேற்றுகூட ஒரு தமிழக அமைச்சர், சிவாஜி கணேசன் கூட தேர்தலில் ஜெயிக்கமுடியவில்லை என்று உளறுகிறார். ஆனால், இந்தக் கருத்தை நம்மில் பலரும் ஆமோதிப்பது போல கருத்து தெரிவிப்பது வருத்தமளிக்கிறது.
அரசியலில் ஜொலிப்பது என்றால், அமைச்சர், எம்.எல்.ஏ, எம்.பி. பதவியைப் பெறுவதா? அல்லது, பதவியை, அதிக...ாரத்தைப் பயன்படுத்தி, கொள்ளையடித்து சொத்துக்களை சேர்ப்பதா?
டெல்லி மாநிலங்களவை உறுப்பினராக இரண்டரை ஆண்டுகாலம் பதவி வகித்தபோது, தனது எம்.பி. பதவிக்கான விமான டிக்கெட், இலவச ரயில் டிக்கெட் போன்றவற்றைக் கூட உபயோகப்படுத்தாமல், தனது சொந்த செலவிலேயே பயணங்களை மேற்கொண்டவர் நடிகர்திலகம்.
பெரியார், காமராஜர் முதல் கலைஞர், எம்.ஜி.ஆர் வரை எல்லோராலும் மதிக்கத்தக்க ஒரு அரசியல்வாதியாக வாழ்ந்ததே போதும். அரசியல் நாகரிகம், சுயமரியாதை ஆகியவற்றோடு, எந்த எதிர்பார்ப்பும் இல்லாமல், காமராஜரின் அடிச்சுவட்டை இறுதிவரை பின்பற்றி, யாராலும் குற்றம் சொல்ல முடியாமல் நடந்ததே அவருடைய அரசியல் வெற்றி. அரசியல் என்றால் சம்பாதிக்கும் ஒரு தளம், பதவியை அனுபவிக்க ஒரு வாய்ப்பை ஏற்படுத்தித் தரும் இடம் என்று நினைக்கும், அடுத்த தலைமுறையினருக்கு நடிகர்திலகத்தின் நேர்மையான அரசியலை எடுத்துச் சொல்லவேண்டும்.
அரசியலில், தேர்தல் வெற்றி என்பது மட்டுமே வெற்றி அல்ல. அப்படிப் பார்த்தால், இந்திய அரசியல் சாசன சிற்பியாகப் போற்றப்படும் அண்ணல் அம்பேத்கார் எந்தத் தேர்தலிலும் வெற்றிபெறவில்லை. ஏன், கம்யூனிஸ்ட் கட்சியிலிருந்தாலும் இன்று அனைத்துத் தரப்பினராலும் போற்றப்படும் நல்லக்கண்ணு எந்தத் தேர்தலிலும் வெற்றிபெறவில்லை. இதுபோல பல உதாரணங்களைக் கூறமுடியும்.
கேமரா முன்பு மட்டுமே நடித்து, மக்கள் மன்றத்தில் நடிக்கத் தெரியாத நடிகர்திலகம் அவர் போட்டியிட்டு வெற்றி பெறவில்லையே (அதுவும் ஒரு தேர்தலில் மட்டுமே போட்டியிட்டார்) தவிர அவரால் உருவாக்கப்பட்ட, அவரால் வெற்றிபெற்றவர்கள் பலர். தான் செய்த நற்பணிகளை, பலரை வளர்த்துவிட்டதை, உருவாக்கியதை நடிகர்திலகம் விளம்பரப்படுத்திக்கொள்ளவில்லை. ஆனால், துரதிஷ்டம், அவரால் வெற்றிபெற்றவர்கள், பலன் பெற்றவர்கள் கூட அதனை வெளியில் சொல்லாமல் விட்டதுதான்.
"உள்ளதைச் சொல்வேன், சொன்னதைச் செய்வேன் - வேறொன்றும் தெரியாது" என்று திரையில் மட்டுமல்ல, தன் பொதுவாழ்விலும் மனசாட்சிப்படி நேர்மையாக நடந்துகொண்டவர் நடிகர்திலகம்.
எனவே, நமது ரசிக நண்பர்கள், நடிகர்திலகம் அரசியலில் தோற்றார் என்று யார் கூறினாலும் அதற்கு தக்க பதிலடி கொடுக்கவேண்டும். அதுபோல நாமும் இந்த எதிர்மறைக் கருத்தை தெரிவிக்கக்கூடாது என்பது எனது வேண்டுகோள்.
நன்றி.
அன்புடன்
K .சந்திரசேகரன்.

(courtesy net)

**sivaa** · 12th November 2018, 06:55 PM

நேற்றுதான் குரூப்ஸ் ஆஃப் கர்ணன் நண்பர்கள் முயற்சியில் திரு.பி.கணேசன் அவர்கள் 52 வார தொடர் அன்னதானத் திட்டத்தைத் துவக்கியதுபோல் தெரிகிறது. ஆனால், அதற்குள் ஏழு வா...ரங்களை வெற்றியோடு கடந்திருக்கிறது என்பது ஆச்சர்யமாக உள்ளது.
அதைவிட ஆச்சர்யம்.... உலமெங்கும் பரவிக் கிடக்கும் நடிகர்திலகத்தின் அன்பு நெஞ்சங்களின் ஆதரவில், வாரந்தோறும் நடைபெறும் இந்த அன்னதானத்திற்கு மே2019 வரை முன்பதிவு நடைபெற்றிருக்கிறது என்பதுதான்.!
இந்த வெற்றிப் பயணத்திற்கு எல்லாம் வல்ல நடிகர்திலகத்தின் ஆசிர்வாதங்கள் தான் காரணம் என்பதை நான் மனப்பூர்வமாக நம்புகிறேன். இம்முயற்சிக்கு பல்வேறு ஒத்துழைப்புகளை தானாகவே முன்வந்து அள்ளி வழங்கும் பிரபலங்களையும், அய்யனின் அன்பு இதயங்களுக்கும் என் நன்றியைத் தெரிவித்துக் கொள்கிறேன்
ஏழாம் வாரமாக நேற்று நடைபெற்ற அன்னதான நிகழ்ச்சியின் சிறப்பு விருந்தினராக நடிகர்திலகத்தின் ரசிகரும், நட்பு நெஞ்சமுமான திரைப்பட, தொலைக்காட்சி, மேடை நாடகப் புகழ் திரு. மோகன்ராம் அவர்கள் தலைமையேற்று அன்னதானத்தைத் துவக்கி வைத்தார். அவருக்கு என் முதற்கண் நன்றி!
நேற்றைய அன்னதான உபயதாரர்களான மதுரையைச் சார்ந்த திரு. சந்திரசேகரன், திரு. இன்பசேரன், திரு.JK. ரமேஷ் ஆகியோருக்கு என் மனமார்ந்த நன்றி.
இம்மூவருக்கும் உரித்தான எங்கள் நன்றியின் வெளிப்பாடான நினைவுக் குறிப்பேட்டினை அவர்கள் சார்பாக, திரு.மோகன்ராம் அவர்களிடமிருந்து திரு.முரளி ஸ்ரீநிவாஸ் அவர்கள் பெற்றுக் கொண்டார்.
அய்யனின் நிகழ்ச்சி எங்கு நடந்தாலும், அங்கு தானாகவே முன்வந்து தம் ஒத்துழைப்பை நல்கி வரும் நடிகர்திலகத்தின் அன்பு இதயம் திரு. ML.கான் அவர்களின் பங்களிப்பு இந்நிகழ்ச்சிக்கு விலைமதிப்பில்லா அன்பின் அர்ப்பணிப்பாகும்.
மற்றும், திலகத்தின் நேச நெஞ்சங்களான மிட்லண்ட் திரு.சங்கர், திரு.காமராஜ், சூளைமேடு.திரு. நந்தகுமார், திரு.KS.நரசிம்மன், திரு.ஏழுமலை, திரு.பாண்டியன் உள்ளிட்ட அனைவருக்கும் என் நெஞ்சார்ந்த நன்றி.
ஒவ்வொரு வாரமும் அய்யனின் 90 வது பிறந்தநாளை முன்னிட்டு நடைபெறும் அன்னதானத்திற்கு வருகை புரிந்து பயன்பெறும் பொதுமக்களுக்கும் என் நன்றி!
குரூப்ஸ் ஆஃப் கர்ணன் சார்பாக...
வான்நிலா விஜயகுமாரன்

(courtesy net)