Nadigar Thilagam Sivaji Ganesan Part 17

**Russellsmd** · 10th March 2016, 09:16 AM

சின்ன வயசின்
சின்னூண்டு மனசில்
பெரிசாய்ப் பதிந்த பாட்டு.

என் ஆசை தவம் மெச்சி,
வானொலி
வரமாய்த் தந்த பாட்டு.

எந்தக் காரணமுமில்லாது
தனிமையின் நிர்மலத்தில்
என்னைக்
கசியச் செய்த பாட்டு.

அழ வைத்த பாட்டு.

தனக்குள் ஆழ வைத்த பாட்டு.

சினிமாக் கதாநாயகியின்
சோகம் தேற்றும்
சூழலுக்காக மட்டுமல்லாமல்,
எது எதனாலோ
சோகித்துக் கிடக்கும்
மனித இதயங்களையும்
தெளியச் செய்த
கவியரசரின்
இலக்கிய நம்பிக்கை
இந்தப் பாட்டு.

உலகத்தில்
எவனுக்கும் வாய்க்காத,
உணர்வுகள் கரகரக்கும்
மெல்லிசை மாமன்னரின்
ஞானக்குரலில்
இப்பாடல் கேட்டு, பார்த்து
நாளாயிற்றே
என்ற கவலையிலிருந்து
"ராஜ் தொலைக்காட்சி"
மீட்டது என்னை நேற்று..!

"எதற்கும் ஒரு காலம்"
வர வேண்டாமா?"