மனதைக் கவரும் மதுர கானங்கள் - பாகம் 5

**madhu** · 15th April 2016, 05:26 PM

அலைகள் பற்றிய நினைவைக் கிளறி மனக்குளத்தில் வட்ட வட்டமான அலைகளை எழுப்பிட்டீங்க வாசுஜி..

புகை வண்டியோடு ஆரம்பிக்கும் முதல் பாதி வேகமாக நகர இண்டர்வெல்லுக்கு அப்புறம் மாட்டு வண்டியில் ஆரம்பிக்கும் அடுத்த பாதி அதே வேகத்தில் போவதாக ஒரு பத்திரிகை விமர்சனம் செய்திருந்தது..

ஆனால் கறுப்பு வெள்ளையில் ஏற்காட்டின் அழகை அள்ளி எடுத்து ( அந்த ஏரிக்கரையில் இப்போ எத்தனை கட்டிடங்கள் ... ?? ) வழங்கிய படமல்லவோ ?

இதோ வாசுஜியின் ராட்சசி பாடல்களின் வீடியோக்கள்

பச்சை இலை போலே

வாங்கையா

**Google Adsense** · 15th April 2016 05:26 PM

**vasudevan31355** · 15th April 2016, 05:49 PM

ரொம்ப ரொம்ப நன்றி மதுண்ணா! சின்ன வயதில் ஒரே முறை அலை பார்த்தது. எதுவும் நினைவில்லை. ஆஜானுபாகுவாக ஒரு வில்லன் மட்டும் நினைவில் இருக்கிறார். 'அலைகள்' செல்வகுமார் என்றே பின்னாளில் அவர் அழைக்கப்பட்டார் என்று நினைவு. கொஞ்சம் மனோகரை காப்பி அடிப்பார். குரலும் இரவல்தான். ராட்சஸியின் பாடல்களை ராட்சஸத்தனமாக கண்டு ரசித்துக் கொண்டிருக்கிறேன்.

முடிந்தால் அந்த ஜானகி பாடலும்.

தமிழிலேயே சில அப்லோடர்கள் 'யூ ட்யூபி'ல் டைட்டில் தருவதால் வீடியோ கண்டு பிடிக்க சற்று சிரமமாக உள்ளது.

மீண்டும் மீண்டும் நன்றி மதுண்ணா.

**RAGHAVENDRA** · 15th April 2016, 05:56 PM

வாசு சார்
என்ன சொல்வது.. எப்படிப் பாராட்டுவது.. அலைகள் பாடல்கள் நான்குமே மிகவும் வித்தியாசமானவை. நிச்சயமாக பிரபலமாகாது என்று தெரிந்தே ஸ்ரீதர் கேட்டு வாங்கிய பாடல்கள். ஒரே ஒரு தகவல் கேள்விப்பட்டேன். அது உண்மையா இல்லையா என்பதை இந்தப் படத்தில் பணியாற்றியவர்கள் யாராவது சொன்னால் உண்டு. ஸ்ரீதர் வேண்டாமென்று நிராகரித்த மெட்டுத் தான் கண்ணிலே என்ன உண்டு என்று அவள் ஒரு தொடர்கதை படத்தில் இடம் பெற்றது என்பார்கள். அதற்கு பதிலாகத் தான் இந்த ஊமைப் பெண்ணைப் பேசச் சொன்னால் உறவோ பாடல். இந்தப் பாடலில் மெல்லிசை மன்னரின் உருவாக்கம் பற்றிப் பக்கம் பக்கமாக எழுதலாம். முடிந்தால் பிறிதொரு சந்தர்ப்பத்தில் பார்ப்போம். ஆனால் இப்போதைக்கு இந்த்ப பாடல் காட்சியை பார்ப்போம் கேட்போம்.

**vasudevan31355** · 15th April 2016, 06:14 PM

அருமை ராகவேந்திரன் சார். எங்கிருந்தாலும் நீங்கள் இன்று வந்து விடுவீர்கள் என்று நம்பகமாகத் தெரியும். வந்தது மட்டுமல்ல... மது அண்ணா போல தாங்களும் 'அலைகள்' பற்றி அற்புதமான தகவலைப் பகிர்ந்து கொண்டீர்களே! அதுதான் 'ரசிக வேந்தர்' என்று எங்களை கூப்பாடு போட வைக்கிறது. இப்படிப்பட்ட படங்களைப் பற்றி கருத்துக்களைப் பரிமாறிக் கொள்வதில்தான் எத்துணை மகிழ்ச்சி!

**vasudevan31355** · 15th April 2016, 06:15 PM

மதுண்ணா! ராகவேந்திரன் சார்,

விஷ்ணுவர்தனுக்கு பின்னணிக் குரல் யாருன்னு இப்போதான் 'அலைகள்' பார்த்து கொஞ்சம் கண்டு பிடிச்சேன். நீங்களும் சொல்லி அது மேட்ச் ஆயிட்டா தொகுதி நிலவரத்தை ஜனங்களிடம் வெளியிட்டு விடலாம்.

**Gopal.s** · 15th April 2016, 06:24 PM

எஸ்வி,

குடும்பத்தினர் நலமா? நீங்கள் போட்ட ஜல் ஜல் பாடல் எனக்கு மிக பிடித்தங்களில் ஒன்று. ஆரம்ப கால ஜானகி பாடல்களில் ஒரு அற்புதம். வண்டி பாடல் என்றால் டி.கே.ராமமூர்த்திக்கு உற்சாகம் பிய்த்து கொள்ளுமே?(சாட்டை கையில் கொண்டு)

முதல் முதல் திருடும் காரணத்தால் முழுசாய் திருட மறந்து விட்டேன்.

கவியரசர் கவியரசரே.

ராமண்ணாவின் நன் முயற்சி சரியான நட்சத்திர தேர்வு இல்லாததால் பிசுபிசுத்து விட்டது. பாசம் நல்ல படம்.

நன்றி எஸ்.வீ.

மாப்பிள்ளை அழைப்பு - ஆஹா இன்னொரு பெயர் பலே ஆனந்தன் கிடையாது.அலேக் ஆனந்தன்.

**vasudevan31355** · 15th April 2016, 07:00 PM

'கண்ணிலே என்ன உண்டு?... கண்கள்தான் அறியும்' என்ற கவிதாவின் கதறலை விட 'ஊமைப் பெண்ணை பேசச் சொன்னால்' அந்த சோகமே தாக்கத்தை மனதில் அதிகம் ஏற்படுத்தும் என்பது என் சொந்தக் கருத்து. அப்படி இருந்தால் ஸ்ரீதரின் முடிவே சாலச் சிறந்தது. ஸ்ரீதர் ஸ்ரீதர்தான் பாடல்களை தெரிவு செய்வதில்.

**Richardsof** · 15th April 2016, 07:24 PM

மக்கள் திலகத்தின் ''பாசம் '' நல்ல திரைப்படம் என்று கூறியதற்கு மனமார்ந்த நன்றி திரு கோபால்
.தங்களின் அன்புக்கும் மிக்க நன்றி .

**vasudevan31355** · 15th April 2016, 07:27 PM

ஒருத்தரு ஏ.எல்.ராகவன் மூடுல இருக்கறதனாலே அவருக்கு இந்தப் பாட்டு.

நடிச்சதும் ராகவனே. ராஜஸ்ரீயை ராகிங் பண்ணுவார். தயாரிச்சதும் அவருதானே! நாயகரோ 'பாடகர் திலகம்'

வழக்கம் போல ராகவனின் நாக்கு பிறழல்கள், தொண்டை கமறல்கள் கலாட்டா உண்டு. (தகதிமிபூபா... தகதிமிபூபா) கூட நாகு வேற. (வழக்கமான கால் முட்டி மாற்றல்கள் உண்டு) சி.ஐ.டி சகுந்தலா உள்ளிட்ட நடன மாதர்கள் பிளாக் பிகினியில் உண்டு. சின்னா தூக்கம் போச்.

வெஸ்டர்ன் கிடார் வெளுத்து வாங்குதே! ஆனா பாட்டு மனசுல நிக்கல. ஹிட்டும் அடிக்கல. இருந்தாலும் பார்த்து கேட்டு வைப்போம்.

'ஐயா ஊரு ஆப்பிரிக்கா காடு
எங்கம்மா வீடு எங்கே?'

இப்படி கூச்சல் போட்டா எப்படி 'கல்லும் கனியாகும்?' ம்...