மனதைக் கவரும் மதுர கானங்கள் - பாகம் 5

**chinnakkannan** · 8th October 2015, 01:11 PM

ஓவியர் கேஷவ் தினமும் முக நூலில் ஒரு கிருஷ்ணர் படம் இடுகிறார்.. அதற்கு இன்னொரு நண்பர் வெகுசுவையாக விளக்கம் எழுதி வெண்பாவும் தருகிறார்..

இன்று வரைந்த படம்

பின்னணி முழுக்கச் சிகப்பு..அதில் கிருஷ்ணன் கண்மூடி நிற்க கைகளில் ஒரு பசு..அதுவும் கண் மூடித்தூங்குகிறது..

நான் எழுதிப் பார்த்த வெண்பா முயற்சி

அந்தியில் மாடுகளை மேய்த்துவிட்டுத் திரும்பும் கண்ணன் சோர்வுறறிருக்கும் பசுவைப் பார்த்துக் கருணையுடன் அந்தப் பசுவையே கைகளில் ஏந்திக் கொள்கிறான்..அதுவும் கண்ணன் ஸ்பரிசத்தில் சுகமாகக் கண் துஞ்சுகிறது..

வாலைச் சுருட்டிவைத்து வண்ணமுடன் கண்ணுறங்கும்
வேலையைச் செய்திடும் வெண்பசுவே - மாலையில்
கண்ணனின் கைகளிலே கட்டுற நீசெய்த
புண்ணியஞ் சொல்லிவிட்டுப் போ

https://fbcdn-sphotos-f-a.akamaihd.n...71ddb55c207f00

**Google Adsense** · 8th October 2015 01:11 PM

**chinnakkannan** · 8th October 2015, 01:15 PM

இது நேற்று கேஷவ் வரைந்த ஓவியத்திற்கு எழுதிய பாடல்..

https://scontent-fra3-1.xx.fbcdn.net...85743538_o.jpg

இக்கோலம் தான்பார்க்க வேண்டி நின்ற
..இளநங்கை யாரென்று கூறும் கண்ணா
தக்கனவாய் அரசனெனக் கூறும் வண்ணம்
..தங்கநகை மின்னுமுடைத் தோற்றங் கொண்டே
வக்கணையாய்க் கைகளையே இடுப்பி லூன்றி
...வாகாகப் பார்க்கின்ற பார்வை என்ன
இச்சுவையை இங்குதந்தாய் எந்தன் கண்ணா
..ஈரேழு ஜன்மமெல்லாம் எனக்கு இல்லை..

**chinnakkannan** · 8th October 2015, 01:18 PM

இது இரு நாட்களுக்கு முன்பு எழுதிப் பார்த்தேன்..

https://fbcdn-sphotos-b-a.akamaihd.n...7dc86d21579ccb

தனியாக நானாடத் தாங்குமா பூமி
அணியாக வந்த அழகும் - பனியென
இல்லாமல் போனதால் ஏதெண்ணும் பாமர
நல்லதிற்க் காடினேன் நான்..

கோபியர் கூட்டமும் கோமாதா இல்லையென
மேதினியில் என்னையே யாரெனப்- பேசியே
ஆசையாய்ச் சொன்னாய் அரன்நானும் ஒன்றெனவுன்
பாசம புரியுதப் பா..

**eehaiupehazij** · 8th October 2015, 06:25 PM

மின்னல் கீற்றாய் மின்னி மறைந்த மின்மினிகள் !
unsung Artists !

Once seen / One Scene Stars : Who is where? 2

ஸ்ரீதரின் இளமை பொங்கும் காதல் காவியமான அழகே உன்னை ஆராதிக்கிறேன் படத்தில் பிரகாஷ் என்னும் புதுமுக நடிகர் அபிஷேக நேரத்தில் அம்பாளை தரிசிக்க அடியேன் கொடுத்து வைத்தேன் இளையராஜா பாடலுக்கு துறுதுறுப்பாக நடன அசைவுகளை வெளிப்படுத்தி இவர்தான் அடுத்த ரவிச்சந்திர கமலஹாசன் என்று குமுதம் விமர்சனத்தில் பாராட்டுப் பெற்றார் !
ஆனால் இந்த மின்னல் கீற்றும் அடுத்து வந்த படங்களில் பார்க்க முடியவில்லையே !

**eehaiupehazij** · 8th October 2015, 08:09 PM

மின்னல் கீற்றாய் மின்னி மறைந்த மின்மினிகள் !
unsung Artists !

Once seen / One Scene Stars : Who is where? 3

ஆஹா திரைப்படத்தின் அட்டகாசமான துள்ளல் நாயகன் most Handsome ராஜீவ் கிருஷ்ணா !
ஆஹா திரைப்படம் விறுவிறுப்பான காதல் செண்டிமெண்ட் குடும்ப உறவுகளின் விரிசல்களை நேர்த்தியாக வெளிப்படுத்திய படம் !
நாயகன் ராஜீவ் கிருஷ்ணா (ஸ்ரீராம்) இயல்பான இளமைத்துள்ளல் மிகுந்த நடிப்பினைத் தந்து இந்தப் பாடல் காட்சியில் மனம் கவர்ந்தார்!!

ஆயினும் அவரது திறமைகள் ஏனோ சரியான புகழ் வெளிச்சத்துக்கு வரவில்லை !!

**chinnakkannan** · 8th October 2015, 09:04 PM

//ஸ்ரீதரின் இளமை பொங்கும் காதல் காவியமான அழகே உன்னை ஆராதிக்கிறேன் படத்தில் பிரகாஷ் என்னும் புதுமுக நடிகர் அபிஷேக நேரத்தில் அம்பாளை தரிசிக்க அடியேன் கொடுத்து வைத்தேன் இளையராஜா பாடலுக்கு துறுதுறுப்பாக நடன அசைவுகளை வெளிப்படுத்தி இவர்தான் அடுத்த ரவிச்சந்திர கமலஹாசன் என்று குமுதம் விமர்சனத்தில் பாராட்டுப் பெற்றார் !
ஆனால் இந்த மின்னல் கீற்றும் அடுத்து வந்த படங்களில் பார்க்க முடியவில்லையே !//

அப்ஜெக்ஷன் யுவர் ஹானர் சி.செ.. ஒரு வகையில் நீங்கள் சொன்ன பிரகாஷ் நட்சத்திரமாக மின்ன முடியவில்லை என்பது வாஸ்தவம் தான்..

ஆனால்…

நடன இயக்குனர், கோரியோ க்ராஃபர் என ஃபேமஸ் ஆன ஆளாக ஹிந்தியில் கோலோச்சினார்.. ஆரம்பத்திலிருந்தே அவர் உள் மன ஆசை ஹிந்தியில் பெர்ர்ரிய ஆளாக கோரியோக்ராஃபி எனப்படும் அவை பின்புலக் கலை (ஹை..தமிழ் சரியா இருக்கா) யில் ஈடுபாட்டுடன் இருந்தார்.. இரண்டு மூன்று படங்களில் உதவி கோரியாக்ராபியாக இருந்துவிட்டு ஸ்ரீதர் கண்ணில் எப்படியோ பட்டு இளைஞனாக அழகே உன்னை ஆராதிக்கிறேன் இல் அறிமுகம்.. பட் படத்தில் பாடல்கள் இருந்தும், லத்துவின் அழகு இருந்தும், அவருக்கு ஆட்டம் வந்தும் கூட (ஏற்கெனவே நடனக் கலை கற்றுக் கொண்டிருந்தவர்) படத்தில் கதை என ஒன்று இல்லாததால் படம் தோல்வி அடைய வாழ்க்கை நதிக்கரையில் சோக அலைகள் அவரை முட்ட்டித் தள்ளின..(கண்ணா..ஒனக்கு என்னமா எழுத வருதுடா!)

பின் என்ன.. மீண்டும் பெயர் மாற்றப் படாத பம்பாய் என அழைக்கப் பட்ட மும்பை..

புயத்தை விடுத்தபின் புத்தியை வைத்தே
முயற்சியைச் செய்துவா முன்…

என..சும்மா ச்சும்மா எக்ஸர்சைஸ் பண்ணி வராத நடிப்பு வாழ்க்கையை விட்டு விட்டு புத்தியை உபயோகித்து தனக்கு வரக்கூடிய நடனம், கோரியோக்ராஃபி என சிந்தனை கொண்டு அதில் உழைக்க உழைக்க வந்ததே வசந்தம் வந்ததே அவர் வாழ்வில்..

ஆயிரத்துத் தொள்ளாயிரத்து எண்பத்தெட்டாம் வருடம் (ஸாரி சடார்னு இந்தியன் நியூஸ் ரீல் நினைவுக்கு வந்துடுத்து) ஹீரோ ஹீராலாலில் அவருக்கு முழுக்க முழுக்க கொரியாக்ராபிக்கான வாய்ப்பு வந்துவிட சமர்த்தாய்க் கிடைத்த வாய்ப்பைப் பற்றிக்கொண்டு இறங்க, தொடர் வாய்ப்புகள் வந்தன..

இருந்தாலும் வெகு பழைய க்ளியரஸில் விளம்பரத்தில்… பொண்ணு அழகா இருக்கா…ஆனா முகத்துல பரு…என்பது போல…பையன் வித்யாசமாச் சிந்திச்சு பேக்ரெளண்ட்லாம் போடறான் தான்..ஆனா டபக்குன்னு சொல்லிக்கறா மாதிரி எதுவும் பாட்டு செய்யலையே என பாலிவுட்டில், முணுமுணுப்பு கேட்க ஆரம்பித்தது..

அகெய்ன் முயற்சி..செய்யச் செய்ய..அடிச்சாருங்க ஒரு ஹிட்..

ஜெயபாதுரியின் ஆத்துக்காரரான அமிதாப் பச்சன் கப்பெல்லாம் வச்சுக்கிட்டு கிமி கட்கர்கிட்ட

சும்மா முத்தம் தாடி
சும்மாச் சும்மா முத்தம் தாடி என்று ஹிந்தியில் கெஞ்ச

முத்தா மாட்டேன் போடா
முத்தா தர மாட்டேன் போடா
என கிமி கட்கர் கொஞ்சுவது ஹிந்தி மலையாளம் தமிழ் தெலுகு என எல்லா ரசிகர்களுக்கும் பிடித்த்துப் போய் மார்க்கெட் ஜிவ்வென எகிறியது…

சரி அந்தப் பாட்ட இப்பப்பார்த்துட்டு அடுத்த ப் போஸ்ட்குப் போலாமா…

(தகவல் உதவி.. சி.க வின் ஞாபக சக்தி, விக்கிப்பீடியா + கொஞ்சூண்டு மசாலா )

**chinnakkannan** · 8th October 2015, 09:28 PM

வேறென்ன் ஆச்சு.. வரிசையாகப் படங்கள் எக்கச்சக்கமாக.. பட் நடிக நடிகையர் மட்டும் தான் நட்சத்திரம் எனச் சொல்லப்படுவதில்லை.. கொரியோக்ராஃபியும் நடனங்களும் தான்..

நாளாவட்டத்தில் நடனங்களில் மாற்றங்கள், காட்சிகளில் மாற்றங்கள் வந்ததனால் சின்னிப் ப்ரகாஷின் நடனங்களுக்கு கொரியோக்ராஃபிக்கு வாய்ப்புகள் வரவில்லை..

இருந்தாலும் ஏ.ஆர். ரஹ்மான் இசையில் தக்ஷக் படத்தில் ரங்க்தே ரங்க்தே என தபு இடையால் மயக்க இடையில் இல்லாமல் பாடல் முழுக்க வந்த கோரியோக்ராஃபி எல்லாரையும் கவர்ந்தது என்று தான் சொல்லவேண்டும்..

2001க்கு ப் பிறகு வேறு எதுவும் செய்யவில்லை போலிருக்கிறது..

ஆரம்பகாலத்தில் சின்னி சம்பத் என்பவருடன் கொரியோக்ராஃபி பண்ணியிருக்கிறார்…சின்னி சம்பத் தான் சின்னி ஜெயந்த்( நடிகர்)தின் தந்தை எனக் கேள்விப்பட்ட ..எங்கேயோ படித்த நினைவு..

மனைவியும் அதே பின்புலக் கலை வல்லவி..பெயர் ரேகா சின்னிப்ப்ரகாஷ்..

இப்போ ரசிகா ஓ ரசிகா பாட் பார்க்கலாமா..ஹச்சோ ரங்தே ஹிந்தி ரசிகா டாமில்.. அறியாமலேயே ஜூகல் பந்தி வந்துடுச்சே..

தமிழ் ஜோ நடனம் பட் choreography சின்னிப்ரகாஷ் இல்லை..

**eehaiupehazij** · 8th October 2015, 10:33 PM

இப்படிப் பெண்டெடுக்கத்தான் சிக மாதிரி ஒரு ஆல் இன் ஆல் பழகுராஜா இந்தத் திரியிலே வேணுங்கறது !
பெட்ரோமாக்ஸ் என்னமா எரியறது !!
கலக்கிட்டீங்க சி க !

**eehaiupehazij** · 8th October 2015, 11:27 PM

மின்னல் கீற்றாய் மின்னி மறைந்த மின்மினிகள் !
unsung Artists !

Once seen / One Scene Stars : Who is where? 4

மந்திரிகுமாரியில் ராஜா காலத்து கார்பரேட் வஞ்சக வில்லனாக ரசிக நெஞ்சகத்தை கவர்ந்து கலக்கியெடுத்த திரு எஸ் ஏ நடராஜன் அவர்கள்!
பிரதான நட்சத்திரமாக மக்கள் திலகம் வசனத்திற்கு கலைஞர் என்றேல்லாமிருந்தாலும் இந்தப் படத்தின் மின்னல்கீற்று நடராஜனே!
திருச்சி லோகநாதனின் அமரத்துவம் பெற்ற வாராய் நீ வாராய் பாடலில் மனைவியை தந்திரமாக மலையுச்சியிலிருந்து உருட்டிவிட நாக்கை துருத்தி உதட்டை ஈரமாக்கிக் கொண்டு வஞ்சக சிரிப்புடன் ஒரு திரைப் பிரளயத்தையே உருவாக்கியவர் கோவை சூலூர்க்காரரான நடராஜன் எனினும் அதற்கப்புறம் பெரிதாக சொல்லும்படி வாய்ப்புகளின்றி மங்கி விட்டார் !!