மனதைக் கவரும் மதுர கானங்கள் - பாகம் 4

**eehaiupehazij** · 25th August 2015, 01:24 PM

Shower Stars / Swimming Beauties/ Water Masters!

நட்சத்திரக் கு(வி)ளியல் பாடல்களும் 'பாத்ரூம் சிங்கர்'களுக்கான மதுர கானங்களே!

ஷவர் ஸ்டார் 4 ரவிச்சந்திரனின் குளியல் நெளியல் நடன கீத நளினங்கள்

வெள்ளிவிழா நாயகன் கலர் கதாநாயகன் கலை நிலவு என்றெல்லாம் மிகுந்த எதிர்பார்ப்புக்களுடன் வரவேற்ப்பு பெற்ற ரவிச்சந்திரன் ராமண்ணாவின் இணைவில் பொழுதுபோக்கு மன்னனாகவும் மாறினார்! வித்தியாசமான நளினமான நடன அசைவுகள் அவரது தனி அடையாளமாக இன்றளவும் கலர்புல் பாடல் காட்சிகளில் ரசிக்கப் படுகின்றன நான் மூன்றெழுத்து அதே கண்கள் மீண்டும் வாழ்வேன் அவரது அந்தக்கால கலர் நாயகன் அந்தஸ்தை உயர்த்திய மிக சிறந்த பொழுது போக்குப் படங்கள் ! அவர் பங்களிப்பும் நீச்சல் குளியல் காட்சிகளில்..மதுர கான இசை நடனக் கோர்வையில்.....

அதே முகம் அதே குணம் கண்டேன் ...பாடலில்

**Google Adsense** · 25th August 2015 01:24 PM

**vasudevan31355** · 25th August 2015, 02:03 PM

உருப்படாத சில படங்களில் பாட்டுக்கள் அமைந்துவிடும் பாருங்கள். அந்த மாதிரி அருமையான பாடல்களினாலேயே பத்து பைசாவுக்குத் தேறாத படங்கள் கூட நம் நினைவுகளில் தங்கிப் போகின்றன.

அந்த மாதிரி ஒரு பாடல்தான் இது. இந்தப் பாடலைக் கேட்டாலே ஏதோ ஒரு இனம் புரியாத கலவரம் நெஞ்சில் ஓடுவது தவிர்க்க முடியாததாகிறது. இத்தனைக்கும் நெஞ்சை உருக்கக்கூடிய சோகப் பாடலும் இல்லை. ஆனால் நெஞ்சாங்கூட்டை அடைக்கிறது. ஏதோ சொல்ல முடியாத உணர்வுகள் ரத்த நாளங்களில் பாய்கின்றன. இதற்கு சுசீலா அம்மாவின் குரலும் பெரும் காரணம். சரோஜாதேவி, ஜெமினி நடிப்பெல்லாம் இதற்கு காரணமாகாது. பாடலின் டியூன் குறிப்பாக பல்லவியின் 4 வரிகள் கேட்க கேட்க கண்களில் என்னையுமறியாமல் நீர்த் துளிக்கிறது காரண காரியமே இல்லாமல். என்னவென்றும் புரியாமல்.

'சோகம் பாடும் வீணை தன்னை
பால் போல சேலையிட்டு
பார்த்தாய் என் தெய்வமே'

என்று நாயகி நாயகனுக்கு புகழ்மாலை சூடும்போது நெஞ்சு நெகிழ்கிறது. ஒரு காலத்தில் 'தேடித் தேடிக் காத்திருந்து' அலைந்து திரிந்து கேட்ட பாடல்.

பாடல் துவங்குமுன் சரோஜாதேவி ஜெமினியிடம்,

'ஒரு பெண்ணை அடிமையாக்கக் கூடிய இவ்வளவு பலம் ஒரு ஆணுக்கு எங்கிருந்து வந்தது?'

என்று அணைத்து அழுதபடி வினவ,

பதிலுக்கு ஜெமினி,

'ஒரு ஆணைக் கோழையாக்கக் கூடிய இவ்வளவு சக்தி ஒரு பெண்ணுக்கு எப்படி வந்தது?'

என்று வெதும்ப,

அந்த ஆரம்பக் காட்சி பாடலுக்கு நல்ல பலம் சேர்க்கிறது. (ஆரூரான் இதையாவது ஒழுங்காகச் செய்தாரே!) நல்லவேளை. பாடல் விஜயகுமாரிக்கு போகவில்லை. சரோஜாதேவியிடம் போனதோ தப்பித்தோம். பிழைத்தோம். நன்றி ஆண்டவனே!

கேட்டுவிட்டு எழுதுங்கள். இவள் 'பெண் என்றால் பெண்'. பாடல் என்றால் இது பாடல்.

மனமுவந்த பாராட்டுக்கள் சுசீலா அம்மா!

தேடித் தேடிக் காத்திருந்தேன்
தெய்வம் என்னைப் பார்க்கவில்லை
ஆதாரம் வேண்டி அடைந்தேன்
அய்யா உன் காலடியில்

(தேடித் தேடிக்)

மலருக்கெல்லாம் வாய் இருந்தால்
என் மன்னவன் புகழ் பாடும்
மலருக்கெல்லாம் வாய் இருந்தால்
என் மன்னவன் புகழ் பாடும்
மஞ்சளுடன் குங்குமமும்
உன் மடியில் விளையாடும்
ஆடும்

மேகம் போல ஆடையிட்டு
சோகம் பாடும் வீணை தன்னை
மேகம் போல ஆடையிட்டு
சோகம் பாடும் வீணை தன்னை
பால் போல சேலையிட்டு
பார்த்தாய் என் தெய்வமே

(தேடித் தேடிக்)

ஊஞ்சலிலே நாயகனின் உருவம் விளையாட
ஊஞ்சலிலே நாயகனின் உருவம் விளையாட
ஓர் விழியால் முகம் பார்த்து நாயகி இசை பாட
பாட

வானமீன்கள் பூச்சொரிய
வந்த தென்றல் தாலாட்ட
வானமீன்கள் பூச்சொரிய
வந்த தென்றல் தாலாட்ட
ஆனந்தம் கோடி கண்டேன்
அய்யா உன் மடியினிலே

(தேடித் தேடிக்)