கவிதை எழுதுவோம் வாருங்கள்.

[pavalamani pragasam]

ஆசைதான்!முகநூல் வருமுன் இந்த மையத்தில் பல திரிகளில் பல மணி நேரம் செலவழித்தேன். இப்பொழுது ரொம்ப சுருக்கிவிட்டேன். இரண்டாம் குழந்தை பருவத்தில் வித விதமான விளையாட்டுகளில் பொழுதை கழிக்கவே மனம் விரும்புகிறது!

[chinnakkannan]

முக நூலில் நண்பர் ‘மெல்லிய நல்லாள்தோள் சேர்’க்கு வெண்பா கேட்டார்..எழுதிட்டோம்ல..


வாலைப் பருவந்தான் வந்துபோச்சு என்றாகி
காளை வயததுவுங் கண்டாயே - நாளைக்கு
துள்ளும் இளமையது செல்லுமுன் சீக்கிரமாய்
மெல்லிய நல்லாள்தோள் சேர்

**

எத்தனை கிண்ணம் இருந்தால்தான் தானென்ன
அத்தனை ஒன்றே அறிவாயே - பித்தனே
எள்ளி நகையாடும் எல்லோரும் சொல்வதெது
மெல்லிய நல்லாள்தோள் சேர்

**
எங்கே நீங்கள் ட்ரை பண்ணுங்க..

[kalnayak]

சி.க.
வெண்பான்னா என்னங்க? ஏதோ எனக்கு தெரிஞ்சத வச்சு கவிதை எழுதி ஓட்டிகிட்டு இருக்கேன். இப்பிடி பரிட்சை வைப்பீங்கன்னு தெரிஞ்சிருந்தா கவிதைன்னு எழுதி இருப்பேனா?

இருந்தாலும் உங்க வெண்பா கவிதையில அசத்திட்டேள் போங்கோ!!!

[kirukan]

வெறும்பா

இரு காது இருக்காது இருக்கும்
இருப்பு அமைதியின் பிறப்பு.

-
கிறுக்கன்

[chinnakkannan]

அமிழ்கின்ற எண்ணமதை ஆழ்ந்தே அணைத்து
தமிழ்ப்பாலில் தோய்த்துதான் தந்தே - நிமிடத்தில்
துல்லிய மாய்ப்பாக்கள் தூய்மையுடன் நெய்வதற்கு
மெல்லிய நல்லாள்தோள் சேர்

[chinnakkannan]

வழுக்கை எனச்சொன்னால் வாகாய்ச் சிரித்து
நழுவாமல் வெட்டுவார் நன்றாய் - குளுமை
கலகலத்து உட்கார்ந்து கண்சிமிட்டி நிற்கும்
சலாலா செவ்விளநீர் தான்

இங்க சலாலா என்ற இடத்தில் மட்டும் தென்னை மரங்கள் முளைத்துக் குலுங்கும்.. அங்கிட்டிருந்து
தான் ஓமான் முழுக்க இள நீர் சப்ளையே..!

[kalnayak]

நேரசை சொல்லவே தேடினேன் வார்த்தை
நேர் மற்றும் தனியெழுத்தும் நேரசை
குறிளுடன் ஒற்றும், நெடில், நெடிலுடன் ஒற்றும்
குந்தியிருந்தால் மட்டுமல்ல எவ்வொற்றையும்
முன்பிருக்கும் நேரசையுடன் சேர்ப்பின்அஃது
ஓற்றோடு ஒற்றும் சேர்ந்தும் நேரசையாகும்

[chinnakkannan]

நாமென்றால் நானென்றாய் நங்கை உந்தன்
.. நாயகந்தான் என்றுசொல மறுத்தே நீயும்
போமென்றாய் எங்கென்றால் விழித்துப் பார்த்து
..பொழுதிலையோ உமக்கென்றாய் மேலும் நானும்
பூமென்மை புலர்காலை போல இங்கே
...புள்ளினமாய்க் கற்பனைகள் கலந்து கட்டி
பூமியிலே உன்னோடு வாழப் பாடல்
..புனைந்தாலோ சிரிக்கின்றாய் ஏனோ மானே..

[kalnayak]

நிரையசை எனப்படுவது யாதெனின்
குறிலோடு குறில், நெடில் மற்றும்
ஓற்று சேர்ந்து உருவாவதே. இத்துடன்
ஒற்றுக்கள் எத்தனை சேர்ப்பினும்
நிரையசை மாறாதென்பதும் விதியே.

[kalnayak]

ஓரசை சீர் நேர் நிரை எனப் பிரிந்ததால்
ஈரசை சீர் நேர்நேர், நேர்நிரை, நிரைநேர்
நிரைநிரை என நான்காய் பிரியும்.
நேர்நேர் தேமாவாக, நேர்நிரை கூவிளமாக
நிரைநேர் புளிமாவாக, நிரைநிரை கருவிளமாகும்