Nadigar Thilagam Sivaji Ganesan - Filmography, News and Events

**RAGHAVENDRA** · 23rd January 2013, 03:35 PM

டியர் பார்த்தசாரதி, வாசுதேவன், சந்திரசேகர், செந்தில்,
தங்களுடைய ஆதரவான வார்த்தைகளுக்கு மிக்க நன்றி. இது நம் அனைவரின் கூட்டு முயற்சியில் இயங்கும் திரியே அன்றி தனி ஒருவனால் அல்ல. எனவே தங்கள் அனைவருடைய அன்பையும் ஆதரவையும் பங்களிப்பினையும் பெற்று இத்திரி முந்தைய திரிகளுக்குத் துணைபுரியும் என்பதில் ஐயமில்லை.

**Google Adsense** · 23rd January 2013 03:35 PM

**vasudevan31355** · 23rd January 2013, 05:51 PM

தலைவரே துணை.

குமுதம் 26-12-2012 இதழில் வெளிவந்த "நடிப்புன்னு வந்துட்டா வெயிலாவது... மழையாவது"...கட்டுரை.

எனக்கு மிகவும் ஏன் நம் அனைவருக்கும் மிகவும் பிடித்த 'துணை' திரைப்படத்தில் நடிக தெய்வத்துடனான தனது அனுபவங்களை கதாசிரியர், வசனகர்த்தா, மற்றும் இயக்குனர் 'வியட்நாம் வீடு' சுந்தரம் அவர்கள் இங்கே பகிர்ந்து கொள்கிறார்.

அன்புடன்,
வாசுதேவன்.

**vasudevan31355** · 23rd January 2013, 06:04 PM

மேற்கண்ட குமுதம் கட்டுரையில் 'வியட்நாம் வீடு' சுந்தரம் தலைவருக்கு நடித்துக் காட்டிய விவரத்தையும், ஸ்டில்லையும் பார்த்திருப்பீர்கள். இப்போது அதே சீனை தலைவர் நமக்கு நடித்துக் காட்டியதைப் பாருங்கள்! அப்பா! என்ன ஒரு expression மற்றும் உடல்மொழி. மலைப்பாகத்தானே இருக்கிறது!

**vasudevan31355** · 23rd January 2013, 06:06 PM

டியர் ராகவேந்திரன் சார்,

'பணம்' படத்தின் அற்புதமான, கிடைத்தற்கரிய பாட்டுப் புத்தகப் பதிவுக்கு என் நெஞ்சார்ந்த நன்றிகள். தொடரட்டும் தங்கள் வெற்றி முத்திரை.

**vasudevan31355** · 23rd January 2013, 06:08 PM

டியர் பார்த்தசாரதி சார், மற்றும் சித்தூர் வாசுதேவன் சார்,

தங்கள் அன்பிற்கு நன்றி!

**RAGHAVENDRA** · 23rd January 2013, 10:23 PM

டியர் வாசுதேவன் சார்,
குமுதம் இதழில் வெளிவந்த துணை படத்தைப் பற்றிய திரு வியட்நாம் வீடு சுந்தரம் அவர்களுடைய நினைவலைகள் நடிகர் திலகத்தின் Perfection ஐ திறம்பட எடுத்தியம்புகிறது. அதனை நிழற்படமாக்கி இங்கு நம்முடன் பகிர்ந்து கொண்ட தங்களுக்கு உளமார்ந்த நன்றி. இது போல் பல அரிய தகவல் தொகுப்புகளைத் தாருங்கள்.
அன்புடன்

**RAGHAVENDRA** · 23rd January 2013, 10:30 PM

rare info and interesting tid bits series
அபூர்வ தகவல்கள் மற்றும் சுவையான துணுக்குகள் தொகுப்பு

நடிகர் திலகத்தின் திரைப்படங்களைப் பற்றிய அபூர்வமான சம்பவங்கள் நிகழ்வுகள் இங்கே இடம் பெறும். இந்தத் தொகுப்பின் தொடக்கமாக நமது வாசுதேவன் அவர்கள் மேலே தந்துள்ள துணை திரைப்படத்தைப் பற்றிய நினைவலைகளைக் கருதிக் கொள்வோம். இதைத் தொடர்ந்து மேலும் பல செய்திகள், துணுக்குகள் இங்கே இடம் பெறும்.

ஞாயிறும் திங்களும் - நடிகர் திலகம் தேவிகா நடித்து கிட்டத் தட்ட முழுமையடைந்த படம். பாடல்கள் சூப்பர் ஹிட். மெல்லிசை மன்னரின் இசையில் பட்டினும் மெல்லிய பெண்ணிது பாடலும் பூமகள் மேனி துளிர் விடும் காலம் பாடலும் அநேகமாக அனைத்து சிவாஜி ரசிகர்களும் அறிந்திருப்பர்.

இப்படத்திற்குள்ள ஒரு சிறப்பு - மெல்லிசை மன்னர் இசையில் கே.பி.சுந்தராம்பாள் பாடிய ஒரே படம் என்பது மட்டுமல்ல. டி.எம்.எஸ்., கே.பி.சுந்தராம்பாள், பி.சுசீலா மூவரும் இணைந்து பாடிய ஒரு பாடல் இடம் பெற்றதாகும். இது மிக மிக அபூர்வமானதாகும்.

.... தொடரும்....