Nadigar Thilagam Sivaji Ganesan - Filmography, News and Events

**kaveri kannan** · 11th February 2013, 10:28 PM

தொடரும் அரும்பணிக்குப் பாராட்டும் நன்றியும் திரு ராகவேந்திரா அவர்களுக்கு

முதல்தேதி விமர்சனம் அருமை..

நான் பிறப்பதற்கு, எனக்கு விவரம் தெரிவதற்கு முன் வந்த நடிகர்திலகம் படங்களின் விமர்சனம் படிக்கும் பொன்னான வாய்ப்பை வழங்கும் உங்களின் இத்திரிக்கு எத்தனை நன்றி சொன்னாலும் தகும்..

**Google Adsense** · 11th February 2013 10:28 PM

**RAGHAVENDRA** · 11th February 2013, 10:30 PM

டியர் வாசு சார்,
முதல் தேதி திரைப்படத்திற்கு மேலும் தகவல்களைத் திரட்டித் தந்து இத்திரியின் நோக்கத்தை நிறைவேற்றும் பணியில் தங்கள் பங்கு மகத்தானது என்று நிரூபித்து வருகிறீர்கள். தங்களுக்கு என் உளமார்ந்த பாராட்டுக்கள்.
அன்புடன்

**RAGHAVENDRA** · 11th February 2013, 10:32 PM

டியர் காவிரிக் கண்ணன்,
பம்மலார் என்கிற ஆவணத்திலகத்திற்கு முன்னால் அடியேனுடைய ஆவணங்கள் மிகவும் சாதாரணம். இருந்தாலும் இருக்கும் கொஞ்ச நஞ்ச தகவல் ஆவணங்களை இங்கு நம்முடன் பகிர்ந்து கொள்வதில் பேரானந்தமே. எனினும் தங்கள் பாராட்டிற்கு நன்றி.
அன்புடன்
ராகவேந்திரன்.

**kaveri kannan** · 11th February 2013, 10:40 PM

பம்மலார், தாங்கள், அன்பின் வாசு - மூவருமே எனக்கு மூன்று கண்களாகத்தான் தெரிகிறீர்கள்..

மறைந்தவற்றையும் பார்க்கவைக்கும் மாயக்கண்கள்.. தீர்க்கக் கண்கள்...

**vasudevan31355** · 12th February 2013, 07:22 AM

டியர் ராகவேந்திரன் சார்,

இன்ப அதிர்ச்சி. குண்டூசி (1955) இதழ் 'முதல் தேதி' விமர்சனத்தைப் பற்றிதான் குறிப்பிடுகிறேன். படித்ததும் பம்பர் பரிசு கிடைத்தாற் போன்று உணர்ந்தேன். மிக மிக அரியதொரு ஆவணம். பம்மலாரும், தாங்களும் இருக்கையில் எங்களுக்கென்ன கவலை. ஜமாயுங்கள். நன்றி கலந்த பாராட்டுக்கள்.

'உலகம் பலவிதம்' (தங்களுக்கு மிகவும் பிடித்த படம் என்று எனக்கு தெரியும்) பட விவரங்கள் உன்னதம். குறிப்பாக தங்கள் உழைப்பில் உருவான அந்த மிக்ஸிங் நிழற்படங்களின் கலவைத் தொகுப்பு கலக்கல். 'ஆசைக்கனவே நீ வா' ஆனந்தமான பாடல். நடிகர் திலகத்தின் Filmography, News and Events பற்றிய இந்த்த திரி தங்களின் பொன்னான சுயநலமில்லா உழைப்பால் ஒரு சரித்திர பொக்கிஷமாக திகழப் போவது உறுதி. நன்றி!

**vasudevan31355** · 12th February 2013, 07:28 AM

கண்ணான கண்ணன் சார்,

தங்கள் அன்பிற்கு நன்றி! தங்களைப் போல நல்லுள்ளங்கள் நவிலும் பாராட்டுக்கள் நாங்கள் மேலும் ஈடுபாட்டுடன் திரியில் பணி செய்ய ஊக்கமளிக்கின்றன. அழகு தமிழில் நடிகர் திலகம் புகழ் பாடும் தங்கள் விசேஷமான தனித்திறமைக்கு நான் தீவிர ரசிகன். தொடரட்டும் தங்கள் பா(ப)ணி.

**vasudevan31355** · 12th February 2013, 08:09 AM

ராகவேந்திரா சார் தொடங்கியுள்ள நடிகர் திலகத்தின் Filmography, News and Events திற்கு பக்க பலமாக தான் நடித்த படங்களுக்கான ஒரு வரி விமர்சனத்தை இங்கு நமது நடிகர் திலகம் நம்முடன் பகிர்ந்து கொள்வார் என்று மகிழ்ச்சியுடன் தெரிவித்துக் கொள்கிறேன். இதுவரை உலகம் பலவிதம் வரை 22 படங்களின் விவரத் தொகுப்புகள், அபூர்வ ஸ்டில்கள், ராகவேந்திரா சார் மற்றும் அன்பு பம்மலாரின் அற்புத ஆவணங்கள் இங்கே வழங்கப்பட்டுள்ளன.

அந்தந்தப் படங்களைப் பற்றி நடிகர் திலகம் கூறியுள்ள கருத்துக்கள் படத்தின் ஸ்டில்லோடு இனி இங்கே பதிவிடப் படும் என்பதனை இங்கே மீண்டும் மகிழ்ச்சியோடு தெரிவித்துக் கொள்கிறேன்.