Nadigar Thilagam Sivaji Ganesan - Filmography, News and Events

[RAGHAVENDRA]

நான் சொல்லும் ரகசியம் நகைச்சுவை அம்சம் நிறைந்த படம். குறிப்பாக சந்திர பாபு வைத்தியராக வந்து அதகளம் பண்ணுவார். ஒரு நோயாளி நாய்க்கடிக்கு வைத்தியம் பார்க்க வரும் காட்சி திரையரங்கில் மிக பலத்த ஆரவாரம் பெறும். டி.வி.டியில் அந்தக் காட்சி இருப்பதாகத் தெரியவில்லை. இருந்தாலும் மற்ற காட்சிகளிலும் அவருடைய நகைச்சுவை சிறப்பாக இருக்கும். நடிகர் திலகத்தின் மிக ஸ்டைலான உடையலங்காரம், சொல்லவே வேண்டாம். பாகம் 11ல் வாசு சார் எழுதி வரும் ஆடைகளுக்கென்றே பிறந்த ஆணழகன் தொடரில் நான் சொல்லும் ரகசியம் இடம் பெறும் போது அதைப் பற்றி விரிவாக அறிந்து கொள்வோம்.

பார்க்க வேண்டிய படம் நான் சொல்லும் ரகசியம். ஜி.ராமநாதன் அவர்களின் இசையில் இடம் பெற்ற கண்டேனே உன்னை கண்ணாலே பாடல் நடிகர் திலகத்திற்கு மறைந்த பி.பி.ஸ்ரீநிவாஸ் அவர்கள் பாடியுள்ள டூயட் பாடல் என்பது குறிப்பிடத் தக்கது.

நான் சொல்லும் ரகசியம் வெற்றிப் படமாகும். 100 நாட்கள் ஓடவில்லை என்றாலும் வசூலில் நல்ல பலனளித்தது. இந்த தயாரிப்பாளரின் மறக்க முடியாத காவியங்களில் ஒன்று தான் நடிகர் திலகத்தின் பார் மகளே பார் திரைப்படமாகும்.

இது வரை நான் சொல்லும் ரகசியம் திரைப்படத்தைப் பார்க்காதவர்களின் தகவலுக்காக நெடுந்தகட்டின் முகப்பு இங்கே பகிர்ந்து கொள்ளப் படுகிறது.

[RAGHAVENDRA]

பாடல் காட்சிகள்

கண்டேனே உன்னைக் கண்ணாலே



பார்க்காத புதுமைகள் - ஹெலன் அவர்களின் நடனக் காட்சி .. ஹெலன் அவர்களின் நடனம் இடம் பெற்ற நடிகர் திலகத்தின் படங்களில், உத்தம புத்திரன், வணங்காமுடி, சித்தூர் ராணி பத்மினி ஆகியவை அடங்கும்.



நான் சொல்லும் ரகசியம் - டி.எம்.சௌந்தர்ராஜன்




ஒரு தொலைக்காட்சிக்கு அஞ்சலி தேவி அளித்துள்ள பேட்டியில் நடிகர் திலகத்தைப் பற்றிக் குறிப்பிடும் காணொளி

[vasudevan31355]

Chevilo Rahasyam 1959 చెవిలో రహస్యం

தெலுங்கில் செவ்வில்லோ ரஹஸ்யம் என மொழி மாற்றம் செய்யப் பட்டது.

[Subramaniam Ramajayam]

The vidieo is wonderful. Kathavarayan one of the movvies I have missed those days, as iwas not impressed by the reports or vimasarnams i have received. I truly regret for having missed the picture after seeing story-clippings in the thread that way this filomography doing good job not only for general public,and alsofor some of our diehard fans like me, thanks to raghavender.
iam not getting the link in you tube for the picture.

[vasudevan31355]

'நான் சொல்லும் ரகசியம்' படத்தின் இன்னொரு சிறப்பம்சம் மனோரமா ஆச்சி அவர்கள் ஒரு காட்சியில் எஸ்.வி.சுப்பையா அவர்களின் மனைவி காமாட்சியாக அதாவது அஞ்சலி தேவியின் அம்மாவாக வருவார். ஒரே ஒரு காட்சி மட்டும். தற்கொலை செய்து கொள்ளப் போகும் சுப்பையா அவர்களை மறைந்து போன அவர் மனைவி காமாட்சி மனசாட்சியாய் வந்து தடுத்து நிறுத்தும் காட்சி. இதில் இன்னொரு வேடிக்கை தெரியுமா? மனோரமாவின் மகளாக வரும் அஞ்சலிதேவியின் பெயர் இந்தப்படத்தில் மனோரமா.



1958-இல் வெளியான 'மாலையிட்ட மங்கை மனோரமாவின் முதல் படம். '1963-இல் வெளியான 'கொஞ்சும் குமரி'யில் மனோரமா அவர்கள் கதாநாயகியாக அறிமுகமான படம். ஆனால் அதற்கு முன்னமேயே 1957-இல் நடிகர் திலகத்தின் இந்தப் படத்தில் மனோரமா தோன்றுவது ஆச்சி அவர்கள் நடிகர் திலகத்தின் மேல் கொண்ட அளவற்ற பற்றுக்கு நமது திலகம் அளித்த ஆசியோ!

[RAGHAVENDRA]

வாசு சார்
நான் சொல்லும் ரகசியம் திரைப்படத்தின் தெலுங்கு வடிவத்தின் நிழற்படம் மிகவும் அருமை. அபூர்வமானது கூட. இதைத் தேடித் தந்த தங்கள் கடும் உழைப்பிற்கு என் பணிவான நன்றிகள். தங்கள் பங்களிப்பினால் இந்த திரியின் மாண்பு மென்மேலும் கூடுகிறது.
பாராட்டுக்கள்.

[RAGHAVENDRA]

நான் சொல்லும் ரகசியம் திரைப்படத்தின் முகப்பிசை, முதன் முறையாக இணையத்தில் நமக்காக.

http://www.mediafire.com/?s035pkpco926x5d

[Gopal.s]

நான் சொல்லும் ரகசியத்திற்கு இவ்வளவு பங்களிப்பா? வேந்தரும்,வாசுவும் என்னை அதிசயிக்கவே வைக்கிறீர்கள்.

[RAGHAVENDRA]

நான் சொல்லும் அதிசயத்தை... சாரி... ரகசியத்தைப் புரிந்து கொண்டீர்களா கோபால் சார்... இந்தப் படத்திலும் நடிகர் திலகத்தின் காஸ்ட்யூம் ஸ்டைல் ,, என்று ஏராளமான விஷயங்கள் உள்ளன. டாக்டர் ஷைலக் .. சந்திரபாபு காமெடி அட்டகாசமாய் இருக்கும். நான் முன்னர் கூறியது போல் அந்த நாய்க்கடி நோயாளி காட்சி அமர்க்களமாய் கிட்டத் தட்ட 3 நிமிடங்கள் ஓடும். ஆனால் டிவிடியில் சட்டென்று முடிந்து விடுகிறது. இந்தக் காட்சியின் போது தியேட்டரில் ஏக அமர்க்களமாய் இருக்கும். படத்தைப் பாருங்கள்.

[Gopal.s]

தேனும் பாலும் கூட கஸ்துரி பிலிம்ஸ் தானே? வீ.சி.சுப்பராமன் -இவர் nt தவிர வேறு யாரையும் வைத்து படங்கள் எடுத்ததாக நினைவில்லை.