வாகை சூட வரும் 'வசந்தமாளிகை'

[RAGHAVENDRA]

வருகின்ற 07.06.2013 வெள்ளி முதல் சென்னை ராயப்பேட்டை உட்லண்ட்ஸ் சிம்போனி திரையரங்கில் தினசரி மாலை மற்றும் இரவுக் காட்சிகளாக திரையிடப் படுகிறது, நடிகர் திலகத்தின் சூப்பர் டூப்பர் ஹிட் காவியம் வசந்த மாளிகை. உறுதி செய்யப் பட்ட தகவல்.

[Murali Srinivas]

எத்தனை முறை திரையிடப்பட்டால் என்ன? எத்தனை முறை பார்த்தால் என்ன? அழகாபுரி சமஸ்தானத்தின் இளவரசன் அழகன் ஆனந்தை காண கசக்குமா என்ன? அதுவும் என்றென்றும் நடிகர் திலகத்தை நேசிக்கும் மதுரை மாவட்ட மக்களுக்கு?

இந்த வாரம் திருமங்கலம் - ஆனந்த், மானாமதுரை சீனிவாசா மற்றும் ராஜபாளையம் ஜெயா ஆனந்த் ஆகிய ஊர்களில் காலத்தை வென்ற காவியம் வசந்த மாளிகை வெற்றிகரமாக ஓடியது.

மாவட்டத்தின் மக்கள் மட்டும் பார்த்தால் போதுமா? அப்போது நாங்கள் மீண்டும் காண வேண்டாமா என்ற கேள்வியை மதுரை மாநகர் மக்கள் எழுப்ப, சரி அதற்கென்ன உங்களுக்கு இல்லாமலா என்று விநியோகஸ்தரும் வரும் வெள்ளி முதல் ஒன்றல்ல இரண்டு தியேட்டர்களில் வசந்த மாளிகை திரைக் காவியத்தை திரையிடுகிறார்கள்.

ஆம் வெள்ளி ஜூலை 19 முதல் மதுரை அலங்கார் மற்றும் சோலைமலை திரையரங்குகளில் வசந்த மாளிகை வெளியாகிறது.

அன்புடன்

[Murali Srinivas]

நெல்லை - பம்பாய் திரையரங்கில் இன்று முதல் வசந்த மாளிகை திரையிடப்பட்டிருகிறது. அது போன்றே தூத்துக்குடி ஸ்ரீ முருகன் திரையரங்கிலும் வசந்த மாளிகை ரிலீஸ்.

மதுரையில் வசந்த மாளிகை திரையிடப்படும் அரங்குகளில் ஒரு சின்ன மாற்றம். புதிய தமிழ் திரைப்படமான மரியான் மதுரை சோலைமலை திரையரங்கில் வெளியிட ஒப்பந்தம் செய்யப்பட்டிருந்தது. ஆனால் படம் இந்த வாரம் வெளியாவது சந்தேகம் என்ற தகவல் வந்ததால் வசந்த மாளிகை வெளியிட முயற்சிகள் மேற்கொள்ளப்பட்டன. ஆனால் கடைசி நேரத்தில் மரியான் வெளியாகி விட்டதால் வசந்த மாளிகை மதுரையில் அலங்கார் திரையரங்கில் மட்டும் வெளியாகியிருக்கிறது.

அனைத்து தகவல்களுக்கும் நன்றி திரு ராமஜெயம் அவர்களே!

அன்புடன்

[RAGHAVENDRA]

சென்ற வாரம் 02.08.2013 தொடங்கி ஒரு வாரம் திருச்சி மரியம் திரையரங்கில் வெற்றி நடை போட்ட வசந்த மாளிகை திரைக்காவியம், நாளை 09.08.2013 முதல் தினசரி 3 காட்சிகளாக சென்னை கிருஷ்ணவேணி திரையரங்கில் வாகை சூட வருகிறது.

இந்த இனிய செய்தியை நமக்களித்த முரளி சாருக்கும் ராமஜெயம் சாருக்கும் உளமார்ந்த நன்றி

[Murali Srinivas]

திருச்சி மரியம் அரங்கில் வசந்த மாளிகையின் வெற்றி பவனி மற்றும் சென்னை T.Nagar கிருஷ்ணவேணி அரங்கில் வசந்த மாளிகை வெளியாகும் தகவலை பதிவிட்டதற்கு நன்றி ராகவேந்தர் சார் அவர்களே!

வெகு நாட்களுக்கு பிறகு T.Nagar ஏரியாவிற்கு விஜயம் செய்த ஆனந்திற்கு அமோக வரவேற்பு. கிருஷ்ணவேணி திரையரங்கில் இன்று மதியம் மற்றும் மாலைக் காட்சிக்கு வசந்த மாளிகை படத்திற்கு திரளான மக்கள் கூட்டம் திரண்டு வந்திருந்தனர். இரவுக் காட்சிக்கும் கணிசமான மக்கள் வந்திருகிறார்கள்.

அன்புடன்