நீல வானம்(10/12/1965)
http://i.ytimg.com/vi/AUJKwygGd3s/maxresdefault.jpg
இன்று 49 வருடங்களை கடந்து 50 வது ஆண்டில் அடியெடுத்து வைக்கும் நீலவானம் படம், தனிப்பட்ட முறையில் பல சிவாஜி ரசிகர்களின் பிடித்த வரிசையில் இருந்தாலும் சுமாரான வெற்றியையே ஈட்டிய படம். (இந்த மாதிரி வரிசையில் ராஜாராணி,புதையல்,அன்னையின் ஆணை ,செல்வம்,பேசும் தெய்வம்,தேனும் பாலும்,துணை போன்ற படங்களை சேர்க்கலாம்).
இந்த படத்தின் சிறப்புக்கள், கே.பாலசந்தர் -சிவாஜி இணைவு.எம்.எஸ்.வீ இசையமைப்பில் தனி பெயரில் வந்த முதல் சிவாஜி படம்,ராஜஸ்ரீ ஜோடியாக நடித்த முதல் படம்,தேவிகா சிவாஜி இணையாக நடித்த 60களின் கடைசி படம் (70களில் சத்யம்)சாந்தி theatre முக்கிய இடம் பெறும் காட்சிகள் என்று பல.
எனக்கு மிக பிடித்த படங்களின் வரிசையில் ஒன்று. தேவிகா ,கிட்டத்தட்ட கை கொடுத்த தெய்வம் சாவித்திரிக்கு இணையான பாத்திரம். சிவாஜி ,இந்த கதாநாயகி முக்கியத்துவம் கொண்ட கதையில் நடித்தும் ,தனித்து நிற்பார்.தேவிகா ,ராஜஸ்ரீ,சகஸ்ரநாமம் என்று அனைவருமே நன்கு பரிமளிப்பார்கள்.
கிட்டத்தட்ட இரண்டு இணை கோடுகள் கொண்டு நகரும் கதை. சிவாஜியின் வறுமை ,ராஜஸ்ரீ காதல்,காதல் தியாகம்,அது சார்ந்த வெறுப்பு,பழியுணர்வு எதிர்பாரா முடிவு ஒரு track . அப்பாவி தேவிகாவின் கான்சர் , சிவாஜியின் தியாக திருமணம், தேவிகாவிடம் வியாதி சார்ந்த ,தன வாழ்க்கை சார்ந்த விவரணை மறைப்பு, அது வெளியாக நேரும் தருணங்கள், எதிர்பார்த்த முடிவு என்று இன்னொரு track .இரண்டும் இணையும் சமாதானிக்கும்.
முதலில் காதல், நகைச் சுவை என்று பயணிக்கும் கதை, பிறகு தியாகம்,அன்னியோன்யம்,சோகம்,பழி சார்ந்த பரபரப்பு,தேவிகாவிடம் உண்மை வெளியாகாமல் தொடர்ந்த பொய்கள் என்று அல்லல்.
ஒரு நகைச் சுவை (வீ.கே.ஆர்-நாகேஷ்-ISR )track உடன் செல்லும்.
பாலசந்தர் திரைகதை-வசனம் படு இயல்பான புத்திசாலித்தனம் கொண்டது. மாதவன் கூட பாலசந்தர் முகம் வழியாகவே இயக்குனராக அவ்வப்போது வெளிப் படுவார்.
எனக்கு மிக பிடித்த இடங்கள்- தேவிகா வீட்டிற்கு வரும் இடம்,விசேஷம் சென்று சிவாஜி படும் அல்லல், லிட்டில் பிளோவேர் பாடல் காட்சி, சிவாஜி -தேவிகா முதலிரவு காட்சி மற்றும் அன்னியோன்ய காட்சிகள், ஓஹோஹோ ஓடும் எண்ணங்களே, சிவாஜி-தேவிகா குழந்தைக்கு பேர் வைக்கும் காட்சி,உண்மை வெளியாகும் காட்சி,போட்டோ எடுக்க முனையும் காட்சி(சிவாஜி natural -overplay -underplay மூன்றையும் இரண்டே நிமிடத்தில் கலந்து நம்மை அதிசயத்தில் ஆழ்த்துவார்), இறுதி காட்சி என்று அவ்வளவும் பிடிக்கும்.
பாடல்கள் படு பிரமாதம்.
நடிகர்திலகம் ,ஆரம்ப நகைசுவை,காதல்,தேவிகாவிடம் படி படியாக அனுதாபம் பாசமாக மாறும் பரிமாணம்,இறுதி விரக்தி என்று அவ்வளவு பிரமாதமாக நடிப்பார். (ஒரு காட்சியின் குச்சி ஐஸ் சாப்பிட்டு குழந்தை ஒன்றிடம் வழிவது-ஆஹா)
தேவிகாவின் மிக சிறந்த performance என்பதில் சந்தேகமே இல்லை. சிவாஜியிடம் உண்மை மனைவி கூட காட்ட முடியாத அளவு அன்னியோன்யம் காட்டி சிறந்த அண்ணிகளில் ஒருவர் என்று நிரூபித்து விடுவார்.
பார்க்காத ரசிகர்களே ,இந்த மாதிரி under -rate பண்ண பட்ட படங்களையும் முனைந்து பார்த்தால்தான் சிவாஜியின் முழு பரிமாணம் புரியும்.