ஜெயா டிவியும் முகூர்த்தம் நெட் திருமண இணையதளமும் இணைந்து ஜெயா டிவியில் ஞாயிறுதோறும் காலை 7.30 மணிக்குநடத்தும் முகூர்த்த நேரம் நிகழ்ச்சியை டிவி நடிகை மீராகிருஷ்ணன் தொகுத்து வழங்குகிறார்.
எழுத்தாளர் பாலகுமாரன் திருமணம் மற்றும் இல்லற சம்பந்தமான விளக்கங்களை அளிக்கிறார். மனநல ஆலோசகர் முனீஸ்வர சாஸ்திரிகள் இந்து மத திருமணம் பற்றி பேசுகிறார். இந்து மத திருமண சடங்குகள், சம்பிரதாயங்கள் பற்றி சட்ட ஆலோசகர் விஜய் ஆலோசனை வழங்குகிறார். திருமணத்திற்கு முந்திய மனோதத்துவ ரீதியான ஆலோசனைகளை மன நல ஆலோசகர் சரஸ்வதி பாஸ்கர் வழங்குகிறார். திருமணம் சம்பந்தமான ஜோதிட ஆலோசனைகள், ஜாதககணிப்பு, ஜாதகத்தில் தோஷம் இருப்பின் அவற்றை நிவர்த்தி செய்ய எளிய பரிகார ஆலோசனைகளும் முகூர்த்த நெட்டில் பதிவு செய்பவர்களுக்கு இலவசமாக வழங்கப்படுகிறது. இம்மாதம் சென்னையில் பிரமாண்ட சுயவரம் நிகழ்ச்சியையும் நடத்தப்பட உள்ளதாக தெரிவிக்கப்பட்டுள்ளது.