-
Nadigar Thilagam Sivaji Ganesan - Part 7
நடிகர் திலகம் சிவாஜி -பாகம் 7
Nadigar Thilagam Sivaji Ganesan - Part 7
[html:2bc7346a10]
http://www.thefaceofsouthindia.com/w.../10/sivaji.jpg
[/html:2bc7346a10]
நடிப்புலகின் ஒரே நாயகன், தாதாசாகேப் விருது பெற்ற, ஆசிய ஆப்பிரிக்காவின் சிறந்த நடிகர் என்ற பெருமை பெற்ற ஒரே தமிழன், ஆருயிர் அண்ணன் நடிகர்திலகம், பத்மஸ்ரீ, பத்மபூஷண், செவாலியர், டாக்டர் சிவாஜி அவர்களின் திறமையையும் புகழையும், பெருமையையும், சாதனைகளையும், மனிதாபிமானத்தையும், நட்பையும் நல்லுறவையும் பேணிக்காக்கும் பெருந்தன்மையையும் பாடும் அவரது திரியின் ஏழாவது பாகத்தைத் துவக்கி வைக்கும் வாய்ப்பினை, வேண்டுகோளாக அல்ல, கட்டளையாக பிறப்பித்த அன்பு உள்ளங்களுக்கு என் மனமார்ந்த நன்றிகள்.
இந்த இனிய தருணத்தில், கடந்த 600 பக்கங்கங்களையும் அவற்றில் ஆயிரக்கணக்கான பதிவுகளையும் இட்டு, நடிகர்திலகத்தின் புகழை உலகுக்க்குப்பறைசாற்றும் அரிய பொக்கிஷங்களை அள்ளி வழங்கிய, வழங்கிக்கொண்டிருக்கின்ற, இன்னும் வழங்கவிருக்கின்ற "அத்தனை" நல் இதயங்களுக்கும் என் பாராட்டுக்கள், வாழ்த்துக்கள், நன்றிகள்.
'நடிகர்திலகத்தின் திரைப்படங்களின் விவரங்கள் வேண்டுமா?. இந்த திரிக்கு சென்றால் கிடைக்கும்' என்கிற அளவில் இத்திரியை செவ்வனே வழிநடத்திச்செல்லும் அனைவருக்கும் நன்றி... நன்றி.. நன்றி...
இத்திரியைப்பற்றி பெருமையாக தங்கள் தனிப்பட்ட வலைப்பூக்களில் குறிப்பிட்டிருக்கும் அன்பர்களுக்கும் மேலான நன்றி...
வாருங்கள் ஏழாம் பாகத்திலும் ஆருயிர் அண்ணனின் புகழ் பாடுவோம்... அவர்தம் பெருமையை பறைசாற்றுவோம்.... நடிகர்திலகத்தின் ரசிகர்கள் / பக்தர்கள் நாங்கள் என்று பெருமைபட முழங்குவோம்.
(எழுபதாவது பாகத்தையும் நானே துவக்கி வைக்க வேண்டும் என்று இப்போதே முன்பதிவு செய்துகொள்கிறேன்)
நன்றியுடன்
உங்கள் சாரூ.....
-
Saradha madam, thank you :D
-
Hearty Congrats to all 'Singathamizhan NT' Fans, for successful entering in to Part 7.
I wish to take this oppertunity to submit my sincere thanks to one and all, for the successful completion of SIX Parts with valuable and wealthy informations about NT.
Expecting more information about re-release of NT movies in this new part.
-
சங்கீத ஸ்வரங்கள் ஏழு - ச வில் ஆரம்பித்து நி யில் முடிவது போல், ஏழாம் பாகத்தை ச (சாரதா) ஆரம்பிக்க வேண்டும் என்று நி (நீங்கள்) அனைவரும் இட்ட அன்புக் கட்டளையை அன்புடன் ஏற்றுத் துவக்கி வைத்திருக்கும் அன்பு சகோதரி சாரதா அவர்களுக்கு நம் அனைவரின் நன்றியும் பாராட்டுதல்களும் உரித்தாகட்டும்.
நம் அனைவரின் உயிரிலும் இரண்டறக் கலந்து விட்ட நடிகர் திலகம் எனும் மாமேதையின் உன்னத காவியமான மகாகவி காளிதாஸ் திரைப்படம் ஜீ தமிழ் தொலைக்காட்சியில் சற்று நேரம் பார்க்க நேர்ந்தது. உடனே நமது ஏழாம் பாகத்தை சகோதரி சாரதா அவர்கள் துவக்கி வைக்கும் பதிவைக் காண ஆவலுடன் வந்தால் ... ஆஹா... என்ன ஒரு மன ஓட்டம்.. அவர்கள் துவக்கி விட்டார்கள்.
யார் தருவார் இந்த அரியாசனம் என்று நடிகர் திலகம் கேட்குமுன்னே அவருக்கு நமது இதயத்தில் சரியாசனம் தந்து அமரவைத்து விட்டார் சாரதா அவர்கள்.
இந்த 70வது பதிவு மட்டுமல்ல, 100 வது பதிவையும் அவர்களே துவக்கி வைக்க வேண்டும் என்பது நம் ஆவல்.
அன்புடன்
ராகவேந்திரன்
-
[html:163770629f]
http://images.paraorkut.com/img/grap...congrats12.gif
[/html:163770629f]
To all fans for completing 600 pages of discussion and stepping into the 700th!
-
ஏழாம் பாகத்தில் நுழையும் இந்த திரி மென்மேலும் வளரவேண்டும் என்று வாழ்த்துகிறேன்.6ஆம் பாகத்தைவிட இதை விரைவாக முடிக்க இந்த திரியின் தூண்களான முரளி சார்,ராகவேந்தர் சார்,பம்மல் சார் மற்றும் சாரதா மேடம் தலைமையில் உறுதிமொழி ஏற்ப்போம்.
இந்த பாகத்தை தொடங்கி வைக்க சாரதா மேடம் மிக மிக பொருத்தமானவர்.அவர் ஆசைப்படுவது போல 70ஆம் பாகத்தையும் நடிகர்திலகத்தின் அருளாசியோடு நிச்சயம் அவர்தான் தொடங்கி வைப்பார்.
முரளி சார்,
சாய்பாபாவின் சிலை அன்னைஇல்லத்தில் பூஜிக்கப்படும் செய்தி பெரும் மகிழ்ச்சியை கொடுக்கிறது.மற்ற மாநிலத்தை சேர்ந்த யாருக்காவது இந்த பெருமை கிடைத்திருந்தால் அந்த மாநிலத்தின் முன்னனி பத்திரிக்கைகளிளெல்லாம் அதுதான் தலைப்பு செய்தியாகியிருக்கும்.அது அந்த மாநில மக்களுக்கு கிடைத்த பெருமையாக கருதி எல்லோரும் அவரை கொன்டாடியிருப்பார்கள்.ஆனால் இங்கே அது கடைசிபக்க செய்தியாகவும் வரவில்லை என்பது வேதனையிலும் வேதனை.எப்போதும் சொல்லுவதைப்போல நடிகர்திலகம் தமிழகத்தில் பிறந்தது அவர் செய்த துரதிருஷ்டம்.
-
சகோதரி சாரதா,
உலக அதிசயங்கள் ஏழு! எட்டாவது அதிசயமாகத் திகழும் நடிப்புலக ஏஞ்சலின் அத்தியாய அதிசயங்களும் தற்பொழுது ஏழு!
ஏழு அதிசயங்களைப் போல், நமது ராகவேந்திரன் சார் கோடிட்டுக் காட்டிய ஏழு ஸ்வரங்களைப் போல், வியத்தகு பெருமைகளைக் கொண்ட எண்ணாம் ஏழு - அமையப் பெற்ற ஏழாவது அத்தியாயத்தை(பாகத்தை) தாங்கள் எழுச்சியோடு, தங்களது திருக்கரங்களால் வெள்ளிக்கிழமையான இன்று (6.8.2010) மிக மிக மங்களகரமாகத் தொடங்கி வைத்துள்ளமைக்கு பல கோடி நன்றிகள்!!
எழுபதாவது பாகம் என்ன, எழுநூறாவது பாகத்தையும் தாங்களே துவங்கி வைக்க, எல்லா வல்ல இறைவனும், இதயதெய்வமான கலையுலக இறைவனும் தங்களுக்கு என்றென்றும் துணையிருப்பார்கள்!!!
[நமது நடிகர் திலகத்தை, எட்டாவது அதிசயம் என்று இங்கே நான் எழுத்துநடைக்காகக் குறிப்பிட்டாலும், அவர் நமக்கெல்லாம் ஏழு அதிசயங்களையும் விஞ்சிய முதன்மையான ஒரே அதிசயமல்லவா!]
பாசத்துடன்,
பம்மலார்.
-
சகோதரி சாரதா அவர்களால் தொடங்கப்பட்ட 7-வது திரி வளர்ந்து நடிகர்திலகம் ரசிகர்களுக்கு ஒரு கலங்கரை விளக்காக, இனணப்புப் பாலமாகத் திகழ வாழ்த்துக்கள்
-
Dear Saradha madam
That was a great beginning for the 7th part. Congrats!!!.
Murali sir -- News on Shirdi Sai statue coming to the Acting God's temple ( Annai Illam) is truly divine...... Thanks for the info.
Got a news from my brother at Chennai that today's "The Hindu" had an article about the re-release of PP at Shanti. Fans, please provide more details on that article.
Regards
Shivram
-
Quote:
Originally Posted by SHIV
Dear Saradha madam
That was a great beginning for the 7th part. Congrats!!!.
Murali sir -- News on Shirdi Sai statue coming to the Acting God's temple ( Annai Illam) is truly divine...... Thanks for the info.
Got a news from my brother at Chennai that today's "The Hindu" had an article about the re-release of PP at Shanti. Fans, please provide more details on that article.
Regards
Shivram
இதோ......... From THE HINDU 6.8.2010
-------------------------------------------------------------------------------------
The bird flies high
MALATHI RANGARAJAN
It was a revelation for the makers and the audience alike when ‘Pudhiya Paravai' was released at Chennai's Shanthi Cinemas recently.
--------------------------------------------------------------------------------
The surprise element was the youngsters who watched the film and actually enjoyed it.
--------------------------------------------------------------------------------
AHEAD OF ITS TIMES: Pudhiya Paravai
T he staying power of Sivaji Ganesan is incredible. How else do you explain the re-release of Ganesan's 1964 offering ‘Pudhiya Paravai' running to packed houses at the Shanthi Theatre, in Chennai? “Not just my dad, till this day MGR too commands that kind of a draw. They are a league apart,” laughs son Prabhu, an impressive performer in his own right.
At a time when satellites rule the roost and flicks are just a click away, a four-decade old film doing well at the cinemas is no mean feat.
Recently, when plans for a new release on Friday didn't fructify, the family decided to revive their home production, ‘Pudhiya Paravai,' a much-acclaimed fare in Eastman Colour. “We had a new print of it. As the film was much ahead of its time then and also coincided with appa's ninth anniversary, we decided to release it once again.”
But little did the family expect the overwhelming response it received. “We ran houseful shows during the weekend, and on other days the hall was filled to 60 per cent capacity – a great show even for a new film,” marvels Prabhu.
His daughter Aishwarya and daughter-in-law Ujjaini, who had been to the cinema, found it very engaging. “It's so new and works well in the present scenario,” they said. Just goes to prove the timelessness of the product created 46 years ago!
Timeless appeal
“Elders came in for the nostalgic feel, but the surprise element was the youngsters who watched the film and actually enjoyed it,” says Prabhu.
Said to have been inspired by director Michael Anderson's 1958 film, ‘Chase a Crooked Shadow,' ‘Pudhiya Paravai' is a thriller in the whodunit genre. Dada Mirasi's astute adaptation saw to it that the suspense was maintained till the very end, and the denouement neatly tied up the strands of suspense.
“Dada Mirasi, its director, was a lawyer and my uncle Shanmugham had just returned from a stint at The School of Economics, London. Mirasi's meticulous planning and Shanmugham uncle's suggestions helped and together they gave ‘PP' the sheen and finesse of a classy tale,” says Prabhu. “A lot of research went into the making of each scene,” he adds.
The costumes were tailored and brought from Singapore and England. And both the heroines (Saroja Devi and Sowcar Janaki) made an impact in roles very different from what they had generally done till then. “Casting was a highlight and so was its music,” says Prabhu. Who can forget the everlasting flavour of MSV's expertise that emanated through each and every number, beginning with ‘Unnai Ondru Kaetpaen'!
Viswanathan and Ramamurthy offered about 100 tunes before the ‘Engae Nimmadhi' song was recorded. They are great,” smiles Prabhu. “We can't forget K.S. Prasad's cinematography either.”
He remembers the inaugural puja distinctly. “The song recorded on the first day was ‘Chittukuruvi Muththam Koduthu …' I flipped for it straightway.” Prabhu also informs that an African music band which was visiting the city then was used for the ‘Paartha Gnabagam' song shot on Sowcar Janaki.
It was a disappointment for many when the movie that was raking in the moolah in its re-run was pulled out of the theatre quite suddenly. Such a fiesta ought to be served to yearning Ganesan fans on a regular basis. “We'd love to! Let's see what can be done on that score,” says the son.
-
Thanks Mr.Mahesh, It was very heartening to read the article on PP. Be it 46 years or 460 years, PP will always be fresh and new for all of us and the world. That's the greatness of NT and PP'songs.
Regards
Shivram
-
கலைக்குரிசில், நடிகர் திலகம் அவர்களின் புகழ் பாடும் 7ம் பாகத்தை துவக்கி வைத்த சகோதரி சாரதா அவர்களே ! 70ம் பாகம் என்ன?100 ம் பாகமும் நீங்களே துவக்கி வைப்பீர்கள்.
என்றென்றும் நடிகர் திலகத்தின் பக்தன்.
-
கேள்வி பிறந்தது! நல்ல பதில் கிடைத்தது! - 101
கே: 'பராசக்தி' கணேசனுக்கும், 'என் தம்பி' கணேசனுக்கும் உள்ள வித்தியாசம் என்ன? (கோ.முருகன், மதுரை - 6)
ப: முதல்வர் உதயசூரியன்! பின்னவர் உச்சிகால சூரியன்!
(ஆதாரம் : பேசும் படம், அக்டோபர் 1968)
அன்புடன்,
பம்மலார்.
-
சாரதா,
எங்கள் அன்பு வேண்டுகோளை ஏற்றமைக்கு நன்றி. இத்திரி மேன்மேலும் வளர வாழ்த்துகள். திரியின் பங்களிப்பாளர்கள் அனைவருக்கும் இதயங்கனிந்த நன்றிகள்.
சுவாமி, செந்தில் மற்றும் சிவ்ராம்,
அன்னை இல்லத்தில் சாய் பாபா பற்றிய பாராட்டுகளுக்கு நன்றி. ஆனால் அவை அனைத்தும் நடிகர் திலகத்தையே சேரும்.
NOV,
நான் எடுத்த சாய்பாபா புகைப்படத்தை எனது பதிவிலேயே அப்லோட் செய்ததற்கு நன்றி.
ராகவேந்தர் சார்,
நடிப்பு பல்கலைக்கழகத்தை பட்டதாரிகளுக்கு வழங்கும் பட்டம் போல வடிவைமைத்து நமது நடிகர் திலகம் இணைய தளத்தில் வெளியிட்டதற்கு நன்றி பாராட்டுகள் .
இந்த மகிழ்வான நேரத்தில் இந்த திரியின் முதல் பாகத்திலிருந்து உருவாக்கி, வளர்த்து, யாரும் இல்லாதிருந்த காலகட்டத்தில் தனியாக நடிகர் திலகம் புகழ் பாடிய ஜோ அவர்களுக்கும் நமது நன்றியை சொல்லவேண்டும். பாராட்டும் அதே நேரத்தில் ஜோவிற்கு ஒரு வேண்டுகோள். மனகசப்பின் காரணமாக நமது ஹப்பிலிருந்து விலகி நிற்கும் நீங்கள் மீண்டும் வரவேண்டும். நடிகர் திலகத்தின் திரியில் மட்டுமாவது [இப்போதைக்கு] பதிவிட வேண்டும்.
அன்புடன்
-
congrats to Mr.Raghavendra, Mr.Murali, Pammalar, Nov madam sardha
-
டியர் குமரேஷ்,
தங்கள் பாராட்டுகள் நம் அனைவருக்கும் உரியதாகும், ஊர் கூடி இழுக்கும் தேர் அல்லவா இது. மேலும் பல பாகங்களை எளிதாக கடக்கும் என்பது திண்ணம்.
முரளி சார்,
தங்களுடைய சாய்பாபா தகவலும், படமும் மிகவும் அருமை. தெய்வங்களுக்குத் தன்னுடைய திரைப்படங்களின் மூலம் செய்த தொண்டே நடிகர் திலகத்திற்குத் தற்போது கடாட்சமாய்க் கிட்டி அவர் இல்லத்திற்கு அருள் பாலிக்கிறது. அதே போல் தன்னுடைய திரைப்படங்க்ளின் மூலமும் விளம்பரமில்லாமல் தான் செய்த நற்கொடைகள் நற்காரியங்கள் மூலமும் இந்நாட்டிற்கும் மற்றும் தேசிய இயக்கத்திற்கும் தன் நேரம், பொருள் யாவையும் அர்ப்பணித்த நற்தொண்டுகளும் அவருக்கு நிச்சயம் உரிய முறையில் ஆண்டவன் அருளால் பலனீட்டும் என்பதும் திண்ணம்.
நடிகர் திலகம் ஒரு நடிப்புப் பல்கலைக்கழகம். உண்மையிலேயே அவர் பெயரில் ஒரு நடிப்புப் பல்கலைக்கழகம் அமைத்தால் அதனுடைய இலச்சினை எப்படி வடிவம் பெறலாம் என்ற ஒரு யூகத்தின் அடிப்படையிலேயே இச் சித்திரம் உருவாக்கப் பெற்றது. இதன் பின்னணியில் சில தத்துவங்களும் இடம் பெற்றுள்ளன. அதில் இடம் பெற்றுள்ள இரு முகங்கள் உலக அளவில் நடிப்புக்கான குறியீடுகளாகக் கருதப் படுகின்றன. அந்த இரு முகங்களில் ஒன்று சோகத்தையும் மற்றது மகிழ்ச்சியையும் குறிக்கின்றன. சோகமான முகம் இருக்கும் பக்கத்தில் அதற்கான நிறமாக சாம்பல் நிறமும், சோகத்தைக் குறிக்கும் பூவாக பாரிஜாத மலரும் இடம் பெற்றுள்ளன. அதே போல் மகிழ்ச்சியைக் குறிக்கும் நிறமாக மஞ்சள் நிறமும் அதற்குரிய பூவாக ரோஜா மலரும் இடம் பெற்றுள்ளன.
வாழ்வின் இரு துருவங்களாக உணர்ச்சியில் விளங்கும் மகிழ்ச்சி, சோகம் இரண்டையும் தன்னுடைய திரைப்படங்களில் சிறப்பாக எடுத்துரைத்திருக்கிறார் நடிகர் திலகம். இடைப்பட்ட உணர்ச்சிகள் இந்த இரண்டின் கிளைகளாகவே வருகின்றன. சில உணர்வுகள் ஒரே நேரத்தில் இன்பமும் துன்பமும் ஒரு சேரக் கலந்தும் வந்துள்ளன. இந்த உணர்வையும் அவர் பல படங்களில் காட்டியுள்ளார்.
இவற்றைப் பிரதி பலிக்கும் வகையிலேயே இந்த இலச்சினை மாதிரியான படம் உருவாக்கப் பட்டுள்ளது.
எதிர்காலத்தில் அப்படி ஒரு நடிப்புப் பல்கலைக்கழகம் நடிகர் திலகத்தின் பெயரில் உருவாகுமானால் அதற்கு இந்த படம் பயன்படலாம்.
முரளி சாரின் பாராட்டுக்களுக்கு மீண்டும் என் நன்றியினைத் தெரிவித்துக் கொள்கிறேன்.
அன்புடன்
ராகவேந்திரன்
-
Quote:
Originally Posted by Murali Srinivas
சாரதா,
இந்த மகிழ்வான நேரத்தில் இந்த திரியின் முதல் பாகத்திலிருந்து உருவாக்கி, வளர்த்து, யாரும் இல்லாதிருந்த காலகட்டத்தில் தனியாக நடிகர் திலகம் புகழ் பாடிய ஜோ அவர்களுக்கும் நமது நன்றியை சொல்லவேண்டும். பாராட்டும் அதே நேரத்தில் ஜோவிற்கு ஒரு வேண்டுகோள். மனகசப்பின் காரணமாக நமது ஹப்பிலிருந்து விலகி நிற்கும் நீங்கள் மீண்டும் வரவேண்டும். நடிகர் திலகத்தின் திரியில் மட்டுமாவது [இப்போதைக்கு] பதிவிட வேண்டும்.
அன்புடன்
அன்பு நண்பர் ஜோ அவர்களுக்கு என்னுடைய நன்றியைத் தெரிவித்துக் கொள்கிறேன். உங்கள் பதிவு சமீப காலமாக இல்லாததற்கு வேலைப் பளு காரணமாக இருக்கலாம் என்று கருதியிருந்தேன்.
வேறு காரணம் இருப்பினும், நீங்கள் முன்பு போல தொடர்ந்து active ஆக பதிய் வேண்டும் என்று அனைவர் சார்பாகவும், உங்கள் பதிவுகளை விரும்பிப் படிப்பவன் மட்டுமல்ல உங்கள் பகுதியைச் சேர்ந்தவன் என்ற special உரிமையோடும் கேட்டுக்கொள்கிறேன்.
-
டியர் ராகவேந்தர், முரளி, பம்மலார், NOV, ராகேஷ் (grouch), சந்திரசேகர், செந்தில் (Harish), சிவராம், K.மகேஷ், J.ராதாகிருஷ்ணன், குமரேஷ்..... உங்கள் அனைவரின் அன்புக்கும் பாராட்டுக்களுக்கும் நன்றி.
முரளியண்ணா அவர்களால் துவக்கி வைக்கப்பட்ட ஐந்தாம் பாகமும், பம்மலார் அவர்களால் துவக்கி வைக்கப்பட்ட ஆறாம் பாகமும் நடிகர்திலகத்தின் திரைப்பட ஆய்வுகளையும், அவரது சாதனைகளையும், அவரைப்பற்றிய பல்வேறு அபூர்வத் தகவல்களையும், அவரது படங்களின் மறுவெளியீட்டின் சிறப்புக்களையும் தாங்கி வந்து வெகு விரைவாக நிறைவடைந்தது போல, இந்த ஏழாவது பாகமும் விரைவாக நிறைவடைந்து.....
இதன் எட்டாம் பகுதி, 'எண்ணத்தாலும் செயலாலும் அண்ணன் நடிகர்திலகத்தின் புகழ்பரப்புவதே மூச்சாகக்கொண்டு செயலாற்றிவரும்' அன்புச்சகோதரர் ராகவேந்தர் அவர்களின் பொற்கரங்களால் துவக்கிவைக்கப்படும் நாள் விரைவில் வரவேண்டும். அதற்கு உங்கள் அனைவரின் தொடர்ந்த பங்களிப்பு அவசியம்.
டியர் முரளியண்ணா,
நண்பர் 'ஜோ' (Joe) அவர்கள் பற்றி நீங்கள் குறிப்பிட்டிருக்கும் அனைத்தும் உண்மையிலும் உண்மை. அதைப்பற்றி நானே எழுதவேண்டும் எனறு நினைத்தபோது நீங்கள் முந்திக்கொண்டு விட்டீர்கள். இத்திரியின் முதல் இரண்டு பாகங்களைக்கவனித்தோமானால், யாரும் பங்கேற்காத சூழ்நிலையில் கூட, தனியொருவராக இத்திரியில் பதிவிட்டு வளர்த்த பெருமை ஜோ அவர்களையே சாரும். தவிர ஒவ்வொரு பாகம் துவங்கும்போதும், அதன் முந்தைய பாகத்தின் முக்கிய இணைப்புகளை முதல் பக்கத்தில் தருவதையும் ஒரு கடமையாக வைத்திருந்தார். (இப்போது அவர் அந்த பொறுப்பில் இல்லாததால் நண்பர் NOV அவர்கள் அதை நிறைவேற்றுமாறு கேட்டுக்கொள்கிறோம்).
அவரது மனப்புண்ணுக்கு மருந்திட்டு ஆற்ற நாமெல்லாம் இருக்கும்போது, 'ஜோ' அவர்கள் மீண்டும் முழுமூச்சுடன் நடிகர்திலகத்தின் திரியில் பங்கேற்கவேண்டும் என்று விரும்புகிறோம்.
-
Quote:
Originally Posted by saradhaa_sn
(இப்போது அவர் அந்த பொறுப்பில் இல்லாததால் நண்பர் NOV அவர்கள் அதை நிறைவேற்றுமாறு கேட்டுக்கொள்கிறோம்).
ungal mudhal padhivOdu inaikka pattuladhu. paarththu magizhungal :)
-
டியர் நவ் சார்,
சகோதரி சாரதா அவர்களின் வேண்டுகோளை ஏற்று உடனடியாக அனைத்து இணைப்புகளையும் பதித்தமைக்கு நன்றியைத் தெரிவித்துக் கொள்கிறேன். தங்களுடைய உறுதுணையாலும் ஆதரவினாலும் இத்திரி மென்மேலும் பல பாகங்களைக் கடக்கும் என்பதில் ஐயமில்லை.
முரளி சார் சொன்னது போல் நண்பர் ஜோ அவர்கள் நமது திரியில் தொடர்ந்து பங்கு பெற்று தமது கருத்துக்களைப் பகிரந்து கொள்ள வேண்டும் என்று வேண்டிக் கொள்கிறேன்.
சகோதரி சாரதா அவர்களின் எழுத்துக்கள் இந்தத் திரிக்கு ஒளிவிளக்காக வெளிச்சம் தந்து கொண்டுள்ளன. பாராட்டுக்கள். ஒவ்வொரு ரசிகருக்கும் அவர் தரும் மரியாதை மிகவும் பாராட்டுக்கும் வணக்கத்துக்கும் உரியது.
மற்றொரு அவா இந்நேரத்தில் வெளிப்படுத்த விழைகிறேன். நமது ஹப்பில் நடிகர் திலகம் திரியில் பங்கு பெற்று கருத்துக்களை எழுதும் அனைத்து நண்பர்களும் அனைவருக்கும் உகந்த நாளில், இடத்தில், நேரத்தில் சந்தித்து உரையாடலாம். அதைப் பற்றி அனவைரும் தங்களுடைய கருத்துக்களைக் கூறலாம். எதிர் வரும் நடிகர் திலகத்தின் பிறந்த நாளை ஒட்டிவரும் ஏதேனும் ஒரு நாளில் சந்தித்து நேர் அறிமுகம் மற்றும் உரையாடல் மேற்கொள்ளலாம்.
இவ்விஷயத்தில் தங்கள் கருத்துக்களை எதிர் நோக்கும்
ராகவேந்திரன்
-
'பாட்டும் பரதமும்'
[html:a053ed0e67]
http://www.dhool.com/gifs/8511.jpg
[/html:a053ed0e67]
கலை, நாட்டியம் இவைபற்றிய சிந்தனையோ, அவற்றில் ஈடுபாடோ இல்லாத, சதா தன் தொழில் பற்றியே சிந்தனையும் செயலுமாக இருக்கும் ஒருவர், நாட்டியமங்கையின் மீது கொண்ட காதலின் காரணமாக அவரே ஒரு நாட்டியக்காரராக மாறி, கடைசிவரை நாட்டியத்துக்கே தன்னை அர்ப்பணித்து விடுவதாக முடியும் கதை.
தொழிலதிபர் ரவிசங்கர் (நடிகர்திலகம்) சதா தன் தொழில் நிறுவன முன்னேற்றத்திலேயே கவனமாக இருப்பவர். தன் தொழிலைத்தவிர வேறு எதையும் பற்றி சிந்திக்காதவர். அவருக்கு வில்லங்கம் ஒரு பள்ளிக்கூட தலைமை ஆசிரியர் மூலம் வருகிறது. தங்கள் பள்ளியின் ஆண்டுவிழாவுக்கு தலைமைதாங்க அழைக்கிறார். அதற்கெல்லாம் தனக்கு நேரமில்லை என மறுக்கும் ரவிசங்கரை கண்டிப்பாக கலந்துகொள்ள வேண்டும் என்று வற்புறுத்துகிறார். காரணம், பள்ளிக்கூட தலைமை ஆசிரியர் சாமிக்கண்ணு பாணியில் "அது அவங்க அப்பா ஆரம்பிச்சு வச்ச பள்ளிக்கூடம்". ஆகவே மறுக்க முடியவில்லை. நிகழ்ச்சியில், பரதநாட்டியத்தில் புகழ்பெற்ற ராதா (கலைச்செல்வி ஜெயலலிதா)வின் பரதநாட்டியம் நடக்கிறது. அப்போதும் அவர் மனம் நாட்டியத்தில் செல்லவில்லை. (ஆடிட்டோரியத்தில் தன் அருகே அமர்ந்திருக்கும் அத்தைமகன் விஜயகுமாரிடம், "ஏண்டா, நாமும் இதுபோல நாலு ஆடிட்டோரியம் கட்டி வாடகைக்கு விட்டா தனியாக வருமானம் வருமில்லே?" என்று கேட்க அதற்கு விஜயகுமார் 'மாமா, நாட்டியம் பார்க்க வந்த இடத்திலும் பிஸினஸ் சிந்தனையா?").
நாட்டியம் முடிந்து விழாவில் ரவிசங்கர் பேசும்போது, 'ஒரு பொண்ணு கையை காலை ஆட்டி நடனம் ஆடிச்சு. எனக்கு அதிலெல்லாம் ஒண்ணும் பெரிசா இஷ்ட்டம் இல்லை. சொல்லப்போனா இந்த நாட்டியம் என்பதெல்லாம் வேஸ்ட் ஆஃப் டைம்' என்று பேசப்போக, அடுத்துப்பேசும் ராதா, ரவிசங்கரை ரசிப்புத்தன்மையையற்ற மனிதர் என்று குத்திக்காட்ட இவருக்கு மனது சுருக்கென்றாகிறது. வற்புறுத்தி அழைத்து வந்த தலைமை ஆசிரியருக்கோ தர்ம சங்கடமாகப்போகிறது. பின்னர் மேக்கப் அறையில் தனியே சந்திக்கும் ரவி சங்கரிடம், அவரைத் தன் நாட்டியக்கலைக்கு அடிபணிய வைக்கிறேன் என்று சவால் விடுகிறாள் ராதா. அது அவளால் முடியாது என்று மறுக்கும் ரவி, இன்னொரு முறை ராதாவின் நாட்டியத்தைக்காணும்போது, கொஞ்சம் கொஞ்சமாக சலனமடைந்து அவள் பால் ஈர்க்கப்பட, வந்தது வினை. ராதாவின் நாட்டியம் எங்கு நடந்தாலும் ஓடிச்சென்று பார்க்கத்துவங்குகிறார். ஒருமுறை அரங்கத்தின் வாயிலில் ஹவுஸ்புல் போர்டு போடப்பட, மேடையின்மீது வந்து நின்று பார்க்கும், ராதாவின் தந்தையும் அவரது நாட்டிய குருவுமான மனோகருக்கு அதிர்ச்சி. அரங்கத்தில் ரவிசங்கரைத் தவிர வேறு யாருமில்லை. எல்லா டிக்கட்டுகளையும் அவரே வாங்கிவிட்டிருக்கிறார்.
ரவிசங்கருக்கு தன்மீதுள்ள அபிமானத்தைப்பார்த்து ராதாவின் மனமும் மெல்ல மெல்ல ரவியின் பக்கம் ஈர்க்கப்பட, ரவி மீது காதல் வயப்படுகிறார். திருமணத்துக்கு முன்பே நெருங்கிப் பழகிய்தன் விளைவாக ராதா கருவுறுகிறாள். ரவி ராதா காதல் மட்டும் ராதாவின் தந்தைக்குத் தெரியவர, அவர் இவர்களின் காதலுக்கு எதிர்ப்புத்தெரிவிப்பதோடு, இனிமேலும் அந்த ஊரில் இருந்தால் ஆபத்து என்று முடிவெடுத்து நாட்டியக்குழுவை வேறு ஊருக்கு கிளப்புகிறார். அவரது எதிர்ப்புக்குக் காரணம், ஏற்கெனவே அவரது தங்கை சுகுமாரியுடன் ஒரு பணக்காரர் பழக்கம் வைத்து பின்னர் ஏமாற்றியதுதான். (அந்தப்பணக்காரர் வேறு யாரும் அல்ல, ரவிசங்கரின் தந்தையாக வரும் மேஜர்தான்).
அப்போது அவரைப்பார்த்து ராதவை தனக்கு மணமுடிக்குமாறு கேட்கும் ரவிடம், தன் மகளை மணக்க விரும்புபவனும் நாட்டியக் கலைக்கு மதிப்புக்கொடுத்து நாட்டியம் ஆடத் தெரிந்தவனாகவே இருக்க வேண்டும் என்று சொல்ல, தானும் நாட்டியம் கற்றுக் கொண்டு வந்து அவளை மணப்பதாக சவால் விட்டுப்போகிறார். ஒருநாட்டியப்போட்டியில் தன் அண்ணன் மனோகரின் மகள் ராதாவை, தன்னிடம் நாட்டியம் பயிலும் ஒரு கத்துக்குட்டியைக் கொண்டு தோற்கடிப்பதாக, அவரது தங்கை சுகுமாரி சவால் விட, அந்தக்கத்துக்குட்டி வேறு யாருமல்ல, ரவிசங்கர்தான். போட்டியின்போது நடனமாடிக்கொண்டே யானையின் உருவம் வரையும் போட்டியில் ராதா வரையும் யானையின் படத்தில் கண் வைக்கத்தவறிவிட, போட்டியில் ராதா தோற்று, ரவிசங்கர் வெற்றிபெற, போட்டியின் நிபந்தனையின்படி ராதாவை ரவிசங்கருக்கு மணம் முடிக்க அவளது தந்தை சம்மதிக்கிறார்.
இதனிடையே இன்னொரு பக்கம் ரவிசங்கர் - ராதா காதல் விவகாரம் ரவியின் தந்தை மேஜருக்குத் தெரியவர, அவர் பணக்காரர்களுக்கே உரிய குறுக்குப்புத்தியில் யோசித்து அவர்களைப்பிரிக்க முடிவெடுக்கிறார். அதன்படி, ஒருபக்கம் ராதா ஓட்டலுக்கு வாடிக்கையாக வரும் பெண்ணென்றும் அதை சோதிக்க வேண்டுமானால் ஓட்டலில் ஒரு நாள் தங்கியிருக்கும்படியும் சொல்லி ரவியைத் தங்க வைக்க, இன்னொருபக்கம் ரவி அழைப்பதாக ராதாவிடம் சொல்லி வரவழைக்க, ராதா ஓட்டலுக்கு வரக்கூடிய பெண்ணல்ல என்று உறுதியாக நம்பும் ரவி, கதைத்தட்டியது யாரென்று திறந்து பார்க்க, அங்கு ராதா நிற்க...... அவ்வளவுதான், ரவிசங்கரின் நம்பிக்கை உடைந்து சிதறுகிறது. ராதா சொல்ல வரும் காரணத்தை ரவி கேட்கத் தயாராயில்லை. (அப்படி கேட்பதாக இருந்தால், முக்கால்வாசிப்படங்களுக்கு மூணாவது ரீலுக்குப்பிறகு கதையை நகர்த்தவே முடியாது).
-
'பாட்டும் பரதமும்' - 2
இதனிடையே ரவியின் தங்கைக்கும் விஜயகுமாருக்கும் திருமணம் நடக்கிறது. ரவியிடம் விவரத்தைச்சொல்ல, ரவியின் வீட்டுக்கு அவரைத்தேடி வரும் ராதா, அங்கு திருமண ஏற்பாடு நடப்பதையறிந்து யாருக்கு திருமணம் என்று அங்குள்ளவரிடம் விசாரிக்க, அழையா விருந்தாளியாக திருமணத்துக்கு வந்த அந்த நபர் 'ரவிக்குத்தான் திருமணம்' என்று தப்பாகச்சொல்ல மனமுடைந்து போன ராதா, தன் வயிற்றில் ரவியின் குழந்தையை சுமந்திருந்த போதும் ரவியை விட்டு நிரந்தரமாக விலகிப் போகிறாள். ரவி ராதாவைத் தேடியலைகிறான். ரவி வீட்டைவிட்டு வெளியேறியதும், அவரது தந்தை மேஜர் மரணமடைகிறார். ராதாவின் நினைவாக நாட்டியப்பள்ளி நடத்திவரும் ரவியிடம், அவரது தங்கை மகள் (விஜயகுமாரின் மகள்) மாணவியாகச்சேர்கிறாள். ராதாவைத்தேடியலையும் ஒரே பாடலில் ரவிசங்கருக்கு மளமளவென்று வயதாகிக்கொண்டு போகிறது. அந்தப்பாடலின்போதே சுகுமாரி இறக்கிறார். மனோகர் இறக்கிறார். ரவியின் மாணவியும் வளர்ந்து பெரியவராகிறாள். (அவர்தான் ஸ்ரீப்ரியா).
வெளிநாட்டிலிருந்து தன் மகனுடன் (இரண்டாவது சிவாஜி) சென்னை வந்திறங்கும் ராதா (ஜெயலலிதா) ஒரு ஓட்டலில் தங்கியிருக்க, அந்த மேற்கத்திய நடன நிகழ்ச்சி நடத்தும் இளைஞன் தன்னைக்கேலி செய்துவிட்டதாக, தன் குருவாகிய ரவியிடம் ஸ்ரீப்ரியா புகார் செய்ய, அதைத்தட்டிக்கேட்கச்செல்லும் இடத்தில் அந்த இளைஞன் தன்னைப்போலவே இருப்பது கண்டு ரவிசங்கர் ஆச்சரியமடைகிறார். அந்த இளைஞனோ இவர் யாரென்று தெரியாமல் போட்டி நடனத்துக்கு அழைக்க, போட்டியில் அந்த இளைஞனை வெல்ல, அப்போது வெளியில் வரும் ராதாவைக்கண்டு திகைப்பதோடு, அந்த இளைஞன் தன் மகன்தான் என்று அறிய, அனைவரும் ஒன்று சேர்வதோடு படம் நிறைவடைகின்றது.
படம் முழுவதிலும் ஒருவிதமான சோகம் இழையோடிக்கொண்டே இருப்பது இப்படத்தின் சிறப்பு. எங்கஊர் ராஜா, ராமன் எத்தனை ராமனடி, பட்டிக்காடா பட்டணமா ஆகிய கருப்பு வெள்ளைப் படங்களை எடுத்து பெரும் வெற்றி கண்ட அருண்பிரசாத் மூவீஸார் வண்ணத்தில் எடுத்த படம் இது. நடிகர்திலகத்தை வைத்து அவர்கள் தயாரித்த கடைசிப்படம். இயக்குனர் பி.மாதவன் இயக்கத்தில் நடிகர்திலகம் நடித்த கடைசிப்படமும் இதுவே. இப்படம் சரியாகப்போகததன் விளைவாக நடிகர்திலகத்தைப்பற்றி, பி.மாதவன் சில வார்த்தைகளை வெளியில் விட, அதனால் திரு வி.சி.சண்முகத்துக்கும் இவருக்கும் மனக்கசப்பு ஏற்பட, நடிகர்திலகத்தை விட்டு நிரந்தரமாகப்பிரிந்தார். 1971-ல் படப்பிடிப்பு துவங்கி இவரது இயக்கத்தில் வளர்ந்து வந்த 'சித்ரா பௌர்ணமி' படம் கூட இறுதியில் இவரது உதவியாளர்களான தேவராஜ் - மோகன் இயக்கத்திலேயே முடிக்கப்பட்டு வெளியானது.
'பாட்டும் பரதமும்' படத்திற்கான பாடல்களை கவியரசர் கண்ணதாசன் எழுத, மெல்லிசை மன்னர் எம்.எஸ்.விஸ்வநாதன் இசையமைத்திருந்தார். பள்ளியின் ஆண்டுவிழாவின்போது ஜெயலலிதாவின் அறிமுக நடனத்துக்காக, வாணி ஜெயராம் பாடிய
'மழைக்காலம் வருகின்றது, தேன் மலர்க்கூட்டம் தெரிகின்றது'
என்ற பாடல். இப்பாடலின்போது உடலமைப்பிலும், உடையமைப்பிலும் கலைச்செல்வி சற்று குண்டாகத்தெரிவார். இந்த நடனத்துக்காக மேலையில் இடுப்பளவு பிரமாண்டமான நடராஜர் சிலை, கண்ணைக்கவரும்.
இரண்டாவது பாடல், நடிகர்திலகமும் ஜெயலலிதாவும் பாடும் டூயட் பாடல். இதுவரை படம் பிடித்திராத அழகான அவுட்டோரில் எடுக்கப்பட்டிக்கும்.
'மாந்தோரண வீதியில் மேளங்கள் ராகம்
மாப்பிள்ளை பெண்ணுக்கு ஏனிந்த மோகம்'
டி.எம்.எஸ்ஸும், பி.சுசீலாவும் பாடியிருந்தனர். (இப்படியும் கூட பாடல்கள் இருக்கின்றன என்று தொலைக்காட்சிகள் தெரிந்துகொண்டால் நல்லது. 'மயக்கம் என்ன', 'மதன மாளிகையில்' பாடல்களுக்கு நடுவே இவற்றையும் கொஞ்சம் தேடிப்பாருங்கள்).
மூன்றாவது பாடல், நடிகர்திலகமும், கலைச்செல்வியும் போட்டியிட்டு ஆடும் பாடல்....
'சிவகாமி ஆடவந்தால் நடராஜன் என்ன செய்வான்
நடமாடிப்பார்க்கட்டுமே - கண்கள் உறவாடிப் பார்க்கட்டுமே
தூக்கிய காலை கொஞ்சம் கீழே வைத்தால் இங்கு
பாக்கியை நான் ஆடுவேன் - அந்த பாக்கியம் நான் காணுவேன்'
இதுவும் டி.எம்.எஸ்ஸும், சுசீலாவும் பாடிய பாடல்தான். மனதை அள்ளிக்கொண்டு போகும்.
இதேமெட்டில் அமைந்த 'தூங்காத விழிகள் ரெண்டு' பாடலை தொலைக்காட்சிகளில் தலையில் தூக்கிவைத்து ஆடும் மைலாப்பூர் காம்பியர்களுக்கு, இப்படி ஒரு பாடல் வந்திருப்பது தெரியுமா?.
-
'பாட்டும் பரதமும்' - 3
நான்காவது பாடல், தன்னைவிட்டு மறைந்து போன கதாநாயகியைத்தேடி நடிகர்திலகம் பாடும் 'கற்பனைக்கு மேனி தந்து கால்சலங்கை போட்டுவிட்டேன்' என்ற தொகையறாவோடு துவங்கும்...
'தெய்வத்தின் தேரெடுத்து தேவியைத்தேடு
தேவிக்குத் தூது சொல்ல தென்றலே ஓடு'
என்ற மனதை உருகவைக்கும் பாடல். டி.எம்.எஸ். தனித்துப்பாடியிருப்பார்.
இப்பாடலின் துவக்கத்தில் இளைஞராக இருக்கும் நடிகர்திலகம், பாட்டினூடே கொஞ்சம் கொஞ்சமாக வயதாகிக்கொண்டே போவார். இதனிடையே காலமாற்றங்களும் காண்பிக்கப்படும். சுகுமாரியின் மரணம், மனோகரின் மரணம் இவற்றை, அவர்களது போட்டோக்களுக்கு மாலை அணிவித்து, காண்பித்துக்கொண்டே போவார்கள்.
ஐந்தாவது பாடல், இளம்பருவ நினைவுகளோடு இரண்டு மயில்களைப்பார்க்கும்போது, காணாமல் போன காதலியின் நினைவு வாட்ட, அவரது கற்பனையில் இருவரும் மயில்களாகத்தோன்றும்..
'உலகம் நீயாடும் சோலை
உறவைத் தாலாட்டும் மாலை'
இனிய அழகான மெலோடி. பாடலின் இறுதியில் பெண்மயிலை வல்லூறு பறித்துக்கொண்டு செல்லும்போது இயலாமையில் ஆண் மயில் பரிதாபமாகப்பார்ப்பதை நடிகர்திலகம் முகத்தில் காண்பிக்கும்போது நம் விழியோரங்களில் கண்ணீர்.
(ஏனோ தெரியவில்லை. இப்படத்தில் மணி மணியான பாடல்கள் அமைந்தும் அவை வெளியில் தெரியாமலே போய்விட்டன. மெல்லிசை மன்னரும், அவர்தம் குழுவினரும் இப்படத்தில் உழைத்த உழைப்பு கண்டுகொள்ளாமலே விடப்பட்டது).
இவைபோக இரண்டாவது நடிகர்திலகத்துக்கும் ஸ்ரீப்ரியாவுக்கும் ஓட்டலில் ஒரு பாடலும் உண்டு
நடிகர்திலகமும், கலைசெல்வியும் ஏற்றிருந்த பாத்திரங்கள் நம் மனதில் பரிதாபத்தை ஏற்படுத்தும் வண்ணம் அழகுற அமைக்கப்பட்டிருந்தன. கூடவே விஜயகுமார், ஸ்ரீப்ரியா, மேஜர் சுந்தர்ராஜன், ஆர்.எஸ்.மனோகர், சுகுமாரி மற்றும் நகைச்சுவை பகுதிக்கு எம்.ஆர்.ஆர்.வாசு, மனோரமா, பகோடா காதர் ஆகியோரும் நடித்திருந்தனர்.
படம் 1975 டிசம்பர் 6 அன்று வெளியானது. நன்றாக ஓடி பெரும் வெற்றியடைந்திருக்க வேண்டிய இப்படம், அந்நேரத்தில் நடிகர்திலகத்துக்கு அன்பே ஆருயிரே, டாக்டர் சிவா, வைர நெஞ்சம் போன்ற படங்களால் ஏற்பட்டிருந்த சரிவு நிலை காரணமாகவும், அதைவிட முக்கியமாக பெருந்தலைவர் காமராஜரின் மறைவுக்குப்பின் அரசியலில் ஏற்பட்டிருந்த அசாதாரண சூழ்நிலை காரணமாகவும் பெரிய வெற்றியைப்பெற முடியாமல் போனது. ஒரு ஆண்டு முன்னர், அல்லது ஓராண்டு கழித்து வெளியாகியிருந்தால் நிச்சயம் பல இடங்களில் நூறு நாட்களைக்கடந்து ஓடி பெரிய வெற்றியடைந்திருக்கும். காரணம், ஒரு வெற்றிப்படத்துக்குரிய அனைத்து அம்சங்களும் நிறைந்த படம் இது.
'பாட்டும் பரதமும்' திரைப்படம் பற்றிய என்னுடைய கருத்துக்களைப்படித்த அத்தனை அன்பு இதயங்களுக்கும் என் நன்றி.
-
அன்புச் சகோதரி சாரதா,
என் உள்ளத்தில் நீங்கா இடம் பெற்ற உன்னத திரைக்காவியமான பாட்டும் பரதமும் படத்தைப் பற்றிய தங்கள் பதிவு நெஞ்சைத் தொடுகிறது. எஸ்.பி.பாலசுப்ரமணியம் பாடிய My Song is For You என்ற பாடலே நீங்கள் குறிப்பிட்ட ஸ்ரீப்ரியாவுடனான பாடலாகும். பல காட்சிகள் இப்படத்தில் மிக மிக சிறப்பாக அமைந்திருந்தன. குறிப்பாக கற்பனைக்கு மேனி தந்து பாடல் அப்போதைய மெல்லிசை மேடைகளில் மிகவும் பிரசித்தம். பல டி.எம்.எஸ். ரசிகர்கள் இப்பாடலை மேடை தவறாமல் பாடியதுண்டு.
அரசியலால் பாதிக்கப்பட்ட நடிகர் திலகத்தின் படங்களில் இதுவும் ஒன்று. திரையரங்கில் இப்படம் பார்க்க விடாமல் பல இடங்களில் மோதல்கள் நடைபெற்றதுண்டு. இப்படம் வெளியான நேரத்தில் தான் ஒரு விநியோகஸ்தர் நடிகர் திலகத்தை விமர்சித்து சுவரொட்டி வெளியிட்டு பரபரப்பூட்டினார் ("கல்லறை காயும்முன்னே சில்லறை தேடிய கணேசா, உனக்கு பாட்டும் பரதமும் ஒரு கேடா") என்ற வரிகள் இன்னும் நினைவிலுள்ளன. அது மட்டுமின்றி சாந்தி திரையரங்கிலேயே ரசிகர்களிடையே புகுந்து நடிகர் திலகத்தை தாறுமாறாக விமர்சித்தவர்கள் உண்டு. இந்த நிகழ்ச்சிகளெல்லாம் உள்ளத்தின் அடித்தளத்தில் அப்படியே தங்கி விட்டன. அப்போதும் நான் நடிகர் திலகத்தின் பால் உள்ள பாசமும் பற்றும் மாறாமல் அவரை விட்டுக் கொடு்க்காமல் பேசுவேன். அது மட்டுமன்றி அவர்களிடம் சவாலும் விட்டிருக்கிறேன். உங்களுடைய அரசியலை நம்பி நடிகர் திலகம் இல்லை. அவருடைய படங்களை உங்கள் கட்சியினர் பார்த்துக் கூட இருக்க மாட்டார்கள். சொல்லப் போனால் இனிமேல் தான் அவர் பல சாதனைகளைப் படைக்கப் போகிறார் என்று கூறியிருக்கிறேன் (இவையெல்லாம் உண்மையில் நடந்தது, வெறும் வார்த்தைக்காக கூறியதில்லை.) அதே சாந்தி திரையரங்கில் இன்றும் நாம் கூடுகிறோம். அதே சாந்தியில் இன்றும் நடிகர் திலகத்தின் படம் வெற்றி நடை போட்டிருக்கிறது. ஆனால் அன்று அவரை இழித்தோரும் பழித்தோரும் காணாமல் போயினர். பாட்டும் பரதமும் படம் மட்டுமன்றி அதைத் தொடர்ந்து வந்த உனக்காக நான் படமும் பாதிக்கப் பட்டது. ஆனால் உத்தமன் படம் பெற்ற வெற்றி ஓரளவு மன சாந்தி தந்தது. 1977ல் தீபம் அடைந்த மகத்தான வெற்றி, அதைத் தொடர்ந்து அண்ணன் ஒரு கோயில் மகளிரிடம் பெற்ற அபிமானம், இவையெல்லாம் தாண்டி திரிசூலம் அடைந்த இமாலய வெற்றி என்னுடை கணிப்பை சரியானதாக்கி இன்றளவும் உள்ளத்துள் அந்த சோதனையான நாட்களை எண்ணிப் பார்க்க வைக்கின்றது.
சகோதரி சாரதா மற்றும் அனைவரும் என்னை மன்னிக்கவும். படத்தைப் பற்றி எழுதாமல் திசை மாறியதாக தவறாக எண்ண வேண்டாம். பாட்டும் பரதமும் படம் என்னுள் ஏற்படுத்திய பாதிப்பின் எதிரொலியே இந்த நினைவுகளின் பரிமாற்றம்.
அன்புடன்
ராகவேந்திரன்்
-
can we discuss on avanthanmanithan
-
டியர் ஜோ சார்,
நமது நடிகர் திலகம் திரியின் முன்னோடிகளில் தாங்கள் முதன்மையானவர். எனவே, தொடர்ந்து தங்களின் மேலான பங்களிப்பையும், மேன்மையான பதிவுகளையும் அவசியம் அளிக்குமாறு மிக மிக உரிமையுடன் கேட்டுக் கொள்கிறேன்.
அன்புடன்,
பம்மலார்.
-
டியர் நௌ சார்,
தாங்கள், திரு.ஜோ அவர்களைப் போலவே, முந்தைய பாகங்களின் முக்கிய இணைப்புக்கள் அனைத்தையும் முதல் பக்கத்திலேயே அளித்தமைக்கு,
முத்தாய்ப்பான நன்றிகள்!
டியர் செந்தில் சார்,
பாராட்டுக்கு நன்றி! இங்குள்ள ஒவ்வொருவருமே ஒரு தூண் தான்!
டியர் குமரேசன் பிரபு சார்,
தங்களுக்கும் எனது நல்வாழ்த்துக்கள்!
அன்புடன்,
பம்மலார்.
-
டியர் ராகவேந்திரன் சார்,
நடிப்பு நுணுக்கங்கள் அனைத்தும் அறிந்த, கலைப் பல்கலைக்கழகத்தின் நிழற்படத்தை, கலை நுணுக்கங்களோடு, பல்கலைக்கழக வடிவ இலச்சினில் பாந்தமாகப் பொருத்திய தங்களுக்கு, இத்திரியின சார்பில் "டாக்டர்" பட்டமே வழங்கலாம்.
டாக்டர் ராகவேந்திரன் வாழக! வாழ்க! வளர்க அவர்தம் திருப்பணி!! வெல்க அவர் புரியும் திருத்தொண்டு!!!
இத்திரியில் பங்களிப்பு நல்கும் நாம் அனைவரும் ஆண்டுதோறும் ஒரு முறையேனும், ஏதேனும் ஒரு நாளில், ஒரு இடத்தில், ஒரு நேரத்தில் நிச்சயம் ஒன்று கூடி அளவளாவ வேண்டும். தங்களது கருத்தை முதல் ஆளாக அடியேன் வழிமொழிகிறேன்!
அன்புடன்,
பம்மலார்.
-
சகோதரி சாரதா,
"பாட்டும் பரதமும்" பற்றிய 'திறனாய்வு' 'விமர்சனம்' எப்பொழுதும் போல் "அற்புதம்" "அபாரம்". நீண்ட இடைவெளிக்குப்பின் வந்திருக்கும் தங்களின் இத்திறனாய்வு, சச்சின் அடித்த செஞ்சுரி போல் செம கலக்கல்!
அன்புடன்,
பம்மலார்.
-
சென்னை சாந்தி தியேட்டர் நிகழ்வுகள் - 7
[புதிய பறவை : 25.7.2010 : ஞாயிறு மாலைக் காட்சி]
பேலஸுக்கு கோபாலுடன் திரும்பும் லதா, தனது தந்தையிடம் கோபாலுக்கு BP இருப்பதைப் பற்றிக் கூறுகிறார். உடனே ராமதுரை கோபாலிடம் காலாகாலத்திலே ஒரு கல்யாணம் செய்து கொண்டா, Happy ஏறி BP இறங்கிவிடும் என்கிறார். மூவரும் உணவருந்த ஆயத்தமாக, கோபாலை மட்டும் தொலைபேசி மணி அழைக்கிறது. திகைப்புடன் கண்களை அகல விரித்து, அதிர்ச்சியுடன் புருவங்களை மேலே உயர்த்தி, மணி அடிக்கும் ஒலியை ராகமாக வைத்துக் கொண்டு, தாளம் தப்பாமல் இரு அடி பக்கவாட்டில் எடுத்து வைத்து அவர் ரிசிவரை எடுக்கும் லாவகம் இருக்கிறதே, ஆஹா! ஒயிட்-அன்ட்-ஒயிட் ப்ரோஃபைல் போஸிலும் தான் அவர் எத்தனை அழகு. 360 டிகிரியிலும் அழகாகத் தெரியக்கூடியவர், மனித குலத்திலேயே இந்த மனிதபுனிதர் ஒருவராகத்தான் இருக்க முடியும். ப்ரோஃபைல் போஸுக்கு பிரமாதமாக கற்பூரம் காட்டப்படுகிறது! காலர் ரங்கன் காலரை பிடிக்காத குறையாக கோபாலை டார்ச்சர் செய்ய, ஃபோனை கட் செய்கிறார் கோபால். திரையில் கோபாலுக்கு அஷ்டமத்து சனி துவங்கி விட்டதென்றால், இங்கே அரங்கில் ரங்கனுக்கு அர்த்தாஷ்டம சனி துவங்கி விட்டது. ஆம், அரங்கில் ரங்கனுக்கு லட்சார்ச்சனை ஆரம்பமாகிவிட்டது.
அடுத்த காட்சி. நெருங்கிய உள்ளங்கள் உறங்காமல் நெருங்குகின்றன. ஏஞ்சலைப் போல இறங்கி வரும் சரோ, அண்ணலைப் பார்த்து, "தூங்கலையா" எனக் கண்களை மூடித்திறந்து கேட்கிறார். அதற்கு அண்ணல் சரோவை, பார்வையில் ஒரு அள அளந்து கொண்டே, ஊஹூம் என லேசாக தலையசைத்து, "தூக்கம் வராம விடியிற வரைக்கும் முழிச்சிக்கிட்டிருக்கிறதும், தூங்கும் போது பாதி ராத்திரியில முழிச்சிக்கிறதும் எனக்கு பழைய அனுபவம்" என சாலிடாக சொல்லிக் கொண்டே, "நீ தூங்கலையா?!", என வினவ,
அபிநயம் : "முயற்சி செஞ்சேன், முடியல"
அண்ணல் : "ஏன்?"
அபிநயம் : "தெரியலை"
அண்ணல் : மௌனம்
அபிநயம் : "இது எனக்கு புது அனுபவம்!"
மணிரத்ன வசனங்களுக்கு, ரத்தினம் போன்ற இம்மணியான காட்சி முன்னோடியோ!
ஹென்றி டேனியலின் ஹேட்சம் குரலோடு இணைந்து பிஜிஎம் பிரமாதப்படுத்துகிறது.
அன்பே உருவான அண்ணலின் சிகை நடிக்க, அவர் சிகரெட் புகை நடிக்க, இனிமையான இசையால் உறக்கத்தைத் தழுவும் கண்கள் நடிக்க, உறங்குவதற்காக மூடும் கண்களின் இமைகள் நடிக்க , அண்ணலின் உறக்கமே நடிக்கிறது.
தெய்வம் இருக்கையில் அனந்த சயனம்! பக்தர் கூட்டம் இருக்கை நோக்கி அமைதிப் பயணம்!
(தொடரும்...)
பக்தியுடன்,
பம்மலார்.
-
டியர் NOV...
** இத்திரியின் முகப்பில் நடிகர்திலகத்தின் மூன்று அற்புத போஸ்களை இணைத்ததற்கும்....
** முந்தைய பக்கங்களின் இணைப்புக்களை முதற்பக்கத்தில் அழகுற தந்ததற்கும்....
** 'பாட்டும் பரதமும்' படத்தின் ஸ்டில்லை இணைத்து, அப்பதிவுக்கு அழகு சேர்த்ததற்கும்....
மிக்க நன்றி.
இத்திரியின் வெற்றியில் தங்களின் பங்களிப்பு மகத்தானது.
-
டியர் பம்மலார் & ராகவேந்தர்...
'பாட்டும் பரதமும்' பதிவுக்கான பாராட்டுக்களுக்கு நன்றி.
பம்மலார்...
தங்களின் புதிய பறவை தொடர்வது கண்டு மகிழ்ச்சி. 'அவரது தூக்கமும் நடித்தது' என்ற சொல்லாட்சி மிகவும் அருமை. ரங்கனை நிந்திக்கத் துவங்கிவிட்டனர் என்ற வாசகம், நடிகவேளுக்கு கிடைத்த பாராட்டு. ஆம், கதாநாயகனுக்கு கைதட்டல் பாராட்டு என்றால், வில்லனுக்கு திட்டுக்கள்தான் பாராட்டு. யாரும் திட்டவில்லை என்றால் அவர் தன் ரோலை செவ்வனே செய்யவில்லை என பொருளாகிறது. படத்தை ஏற்கெனவே பார்த்த அனைவருக்கும் கடைசியில் நடிகவேள் யாரென்பது தெரிந்திருந்தும், 'எங்க அண்ணனை டார்ச்சர் பண்ணுவதா?' என்ற கோபம்தான் வசவுகளாக வெளிப்படும். அதுவும் நிச்சயதார்த்தத்துக்கு வந்த விருந்தினரை விரட்டியடிக்கும் காட்சி ஒன்று போதும், நடிகவேளின் நடிப்பை பறைசாற்ற.
தொடருங்கள்.... காத்திருக்கிறோம்....
-
டியர் முரளியண்ணா...
அன்று அவசரத்தில் படித்த உங்களின் 'விளையாட்டுப்பிள்ளை' ஆய்வுக்கட்டுரையை மீண்டும் நிதானமாகப்படித்தேன். தங்களுக்கே உரித்தான சுவையுடன் எழுதியுள்ளீர்கள். ஐம்பதுகளிலேயே காலாவதியாகிவிட்ட கதைக்களத்தை எழுபதின் துவக்கத்தில் தந்தது ஒன்றே சற்று நெருடல். மற்றபடி, நடிகர்திலகம் அதுவரை செய்திராத பல வித்தைகளை அதில் பரீட்சித்திருப்பார்.
படத்தில் இடம் பெறாத, ஆனால் வானொலிகளில் ஒலிபரப்பான பாடல் "வாழ்ந்திருந்தோம் ஒரு காலத்திலே". இப்பாடலை பி.சுசீலா பாடியிருப்பார். சோகப்பாடல் என நினைக்கிறேன்.
-
சகோதரர் ராகவேந்தர் அவர்களுக்கு....
'பாட்டும் பரதமும்' ஆய்வுக்கட்டுரைக்கு நீங்கள் அளித்துள்ள பதிலுரையில் பல நிகழ்வுகளைச்சுட்டிக்காட்டி, பழைய நினைவுகளைக் கிளறிவிட்டுள்ளீர்கள். அவை என்றென்றும் ரசிகர்கள் நெஞ்சில் மாறாத நினைவுகள் என்பதைவிட ‘ஆறாத வடுக்கள்’ என்பதே பொருத்தம். குறிப்பாக இந்தப்படத்துக்கு எதிராக நடந்த சதிகள் நிறைய. டாக்டர் சிவாவும், வைர நெஞ்சமும் அவர் முடிவெடுக்கும் முன் வெளிவந்து பல நாட்களைக் கடந்து விட்டன. அதுபோல 'உனக்காக நான்' வந்தபோது சூடு சற்று ஆறிப்போய் விட்டிருந்தது. ஆனால் 'பாட்டும் பரதமும்'தான் மிகவும் சிக்கலான தருணத்தில் வெளிவந்து, தாக்குதலில் மாட்டியது. அப்போது அண்ணனுக்கு உறுதுணையாக நின்றது அவரது ரசிகர் கூட்டம்தான். ஆனால் அதிலும் கூட பிளவு ஏற்பட்டிருந்தது.
தமிழகம் முழுக்க இப்படி சிக்கல் என்றால், திருச்சி - தஞ்சாவூர் விநியோக ஏரியாவில் கூடுதலாக இன்னொரு பிரச்சினை. பிரச்சினை என்பதைவிட சதி, வியாபாரக் காழ்ப்புணர்ச்சி என்பவையே சரியான பதங்களாயிருக்கும்.
ஏ.வி.எம்.நிறுவனத்தின் பல கிளைகளில் ஒன்று, திருச்சியில் இயங்கி வரும் 'ஏ.வி.எம்.லிமிடட்' என்ற விநியோக நிறுவனம். 'பாட்டும் பரதமும்' பாதித்தயாரிப்பில் இருக்கும்போதே விநியோகஸ்தர்களுக்கான காட்சியைப்பார்த்து விட்டு, அப்படத்தை திருச்சி, தஞ்சாவூர், புதுக்கோட்டை ஏரியா உரிமையை வாங்க முயற்சித்தனர். ஆனால் அதைவிட கூடுதல் தொகைக்குக்கேட்ட வேறொரு விநியோகஸ்தருக்கு படம் வழங்கப்பட்டுவிட்டது. இதற்காகவே படம் வெளியாகும் நாளை எதிர்பார்த்து, நடிகர்திலகத்தின் 'தில்லானா மோகனாம்பாள்' படத்திற்கு அந்த ஏரியா உரிமையை A.V.M.Ltd (Trichy) வாங்கி, சுமார் ஏழெட்டு புதிய பிரிண்ட்கள் எடுத்து 'பாட்டும் பரதமும்' படத்தைத் தோற்கடிப்பதற்காக, அதே 1975 டிசம்பர் 6 அன்று திருச்சி, கரூர், புதுக்கோட்டை, தஞ்சாவூர், கும்பகோணம், மயிலாடுதுறை, பட்டுக்கோட்டை ஆகிய நகரங்களில் 'நாட்டியமும் நாதசுரமும்' என்ற தலைப்பை பெரிதாகப்போட்டு அடைப்புக்குறிக்குள் சிறியதாக (தில்லானா மோகனாம்பாள்) என்ற தலைப்பிட்டு பெரிய பெரிய போஸ்ட்டர்கள் அடித்து வெளியிட்டனர். அதுமட்டுமல்லாது திருச்சி 'தினத்தந்தி' பதிப்பிலும், கடைசி பக்கத்தில் முழுப்பக்க 'பாட்டும் பரதமும்' விளம்பரம் வெளியிடப்பட, அதே இதழில் முதற்பக்கத்தில் கால் பக்க விளம்பரமாக, நடிகர்திலகம் நாதசுரம் வாசிக்க, பத்மினி நாட்டியமாடும் போஸுடன், இன்றுமுதல் 'நாட்டியமும் நாதசுரமும்' என்ற தலைப்பிட்டு விளம்பரம் செய்திருந்தனர். அதாவது, புதிய படத்தின் விநியோக உரிமை கிடைக்கவில்லை என்பதற்காக, நடிகர்திலகத்தின் கையை எடுத்தே அவர் கண்ணைக் குத்தினார்கள். அதிலும் பெரிய கொடுமை, பட்டுக்கோட்டையில் 'தில்லானா' படம் திரையிடப்பட்ட 'நீலா' திரையரங்கின் உரிமையாளர் ஒரு காங்கிரஸ்காரராம். (பாட்டும் பரதமும் 'முருகையா' என்ற தியேட்டரில் வெளியானதாம்).
அதுபோக தமிழகம் முழுவதும் இப்படம் ஓடிய அரங்கின் முன் பா.ராமச்சந்திரன் தலைமையிலான ஸ்தாபன காங்கிரஸார் கூடி நின்று, 'படம் டப்பா, போகாதீர்கள்' என்று படம் பார்க்க வந்த பொதுமக்களை திசை திருப்பிவிட்டனர். காங்கிரஸ் இணைப்பு மாநாட்டுக்கு முன் எமர்ஜென்ஸியில் தமிழகத்தில் தி.மு.க.ஆட்சி கலைக்கப் பட்டிருந்ததால், அவர்களின் எதிர்ப்பும் நடிகர் திலகத்துக்கு எதிராக அமைந்தது. எதிர்வாதத்தில் ஈடுபட்ட நடிகர்திலகத்தின் ரசிகர்களை அடித்து விரட்டினர். எந்தவித சப்போர்ட்டும் இல்லாத ரசிகர்கள் அடிதாங்க முடியாமல் விரண்டோடினர். சென்னையில் மட்டுமல்ல, மதுரை சினிப்ரியா அரங்கின் முன்னும் தினமும் இதே கலாட்டா நீடித்ததாம். (முரளியண்ணா விவரிப்பார் என்று நம்புகிறேன்). ஆனால் மதுரையில் ரசிகர்படை சற்று பலமானது என்பதால் எதிர்ப்பு அவ்வளவாக எடுபடவில்லை. இருப்பினும் கலாட்டாவுக்குப் பயந்த மக்கள் இப்படம் ஓடிய தியேட்டர்களுக்கு வருவதைத் தவிர்க்கத்துவங்கினர். எதிர்ப்பாளர்களின் எண்ணம் பெருமளவு நிறைவேறியது.
அந்த நேரத்தில் இப்பட வெளியீட்டைத் தவிர்த்திருந்தால் படம் நிச்சயம் பெரிய வெற்றியடைந்திருக்கும். அதற்கான அனைத்து அம்சங்களும் படத்தில் உள்ளன. இப்படத்துக்காக நடன மேதை கோபிகிருஷ்ணாவிடம் நடிகர்திலகம் குறுகிய காலம் பிரத்தியேகமாக நடனம் கற்றுக்கொண்டார் என்பது கூடுதல் தகவல்.
-
anbu sagothara-sagotharigalE, neengal enakku nandri solla thEvai illai. neengal ellOrum seyyum paniyil oru 1% kooda naan pannavillai.
ellaa pugazhum nadigar thilagaththukkE. :D
-
[size=12]மற்றொரு அவா இந்நேரத்தில் வெளிப்படுத்த விழைகிறேன். நமது ஹப்பில் நடிகர் திலகம் திரியில் பங்கு பெற்று கருத்துக்களை எழுதும் அனைத்து நண்பர்களும் அனைவருக்கும் உகந்த நாளில், இடத்தில், நேரத்தில் சந்தித்து உரையாடலாம். அதைப் பற்றி அனவைரும் தங்களுடைய கருத்துக்களைக் கூறலாம். எதிர் வரும் நடிகர் திலகத்தின் பிறந்த நாளை ஒட்டிவரும் ஏதேனும் ஒரு நாளில் சந்தித்து நேர் அறிமுகம் மற்றும் உரையாடல் மேற்கொள்ளலாம்.
இவ்விஷயத்தில் தங்கள் கருத்துக்களை எதிர் நோக்கும்
ராகவேந்திரன்
[/size]
டியர் ராகவேந்தர் சார்,
உங்கள் கருத்தை வரவேற்கிறேன்.
-
சாரதா,
பாட்டும் பரதமும் அலசல் அருமை என்று சொல்லவும் வேண்டுமோ! நீங்கள் குறிப்பிட்டுள்ள விஷயங்கள் பற்றிய செய்திகள் நாளை எழுதுகிறேன். அதற்கு முன் கொஞ்சம் புதிய பறவை.
இன்று மாலை பாரத் அரங்கத்தை ஏன் அந்த ஏரியாவையே ஒரு குலுக்கு குலுக்கி விட்டார்கள் ரசிகர்கள். வாண வேடிக்கை என்ன, பாண்ட் மேளங்கள் என்ன ஒலிபெருக்கியில் நடிகர் திலகத்தின் பாடல்கள் என்ன என்று ஒரே திருவிழா கோலம். இது தவிர வழக்கம் போல் ஏராளமான மாலைகள், சூட தீப ஆராதனைகள் எல்லாம் நடந்தேறியன.
டிக்கெட்கள் Rs 50 /- என்று இருந்த போதிலும் ஏராளமான கூட்டம். அரங்கத்தின் உள்ளே அமர்க்களம் மிக அதிகமாகவே இருந்தது. சாந்தியில் சூழ்நிலை நிர்பந்தம் காரணமாக சில நேரங்களில் அடக்கி வாசித்த ரசிகர்கள் இங்கே அணை மீறிய வெள்ளமாக பாய்ந்தனர்.
வடசென்னை ரசிகர்கள் வெறி அதிகமாகவே இருக்கும் என்று சுவாமி சொன்னார். அப்படியே நடந்தது.ஆனால் யாரும் எல்லை மீறவில்லை. பாரத் அரங்கம் இப்போது குளிர்சாதன வசதி செய்யப்பட்டிருப்பதால் உள்ளே சூடங்கள் அனுமதிக்கப்படவில்லை. அரங்க நிர்வாகத்தினரே அதை ஈடு செய்யும் பொருட்டு ஒவ்வொரு பாடல் காட்சியின் போதும் திரையை சுற்றி அமைக்கப்பட்டிருக்கும் சின்ன மின்சார விளக்குகளை எரிய விட காட்சிகள் ஜெகஜோதியாக விளங்கின. சிட்டுகுருவி முத்தம் கொடுத்து மற்றும் பார்த்த ஞாபகம் இல்லையோ பாடல்களுக்கு நடந்த ஆரவாரத்தை பார்த்தால் இன்று முன்னணியில் இருக்கும் நட்சத்திரங்களே தங்களுக்கு இப்படி ரசிகர்கள் இல்லையே என்று ஏங்கி போவார்கள். எங்கே நிம்மதி பாடலுக்கு இதை விட அதிகமாக நடந்திருக்கும் என நினைக்கிறேன். நாங்கள் அதற்கு முன்பு கிளம்பி விட்டோம்.
இனி சில தகவல் துளிகள்
நடிகர் திலகத்தின் முதல் படத்தையும் கடைசி படத்தையும் வெளியிட்ட பாரத் அரங்கின் உரிமையாளருக்கு மன்றங்களின் சார்பாக சால்வை அணிவிக்கப்பட்டது.
சாந்தியில் புதிய பறவை ஒரு வார வசூல் Rs 3,40,000 /- . இது பழைய பட மறு வெளியீட்டில் புதிய சாதனை.
மறு வெளியீட்டிற்கு தயாராக இருக்கும் படங்களைப் பற்றி செய்திகள் அங்கே கிடைத்தன. அவை சவாலே சமாளி, வசந்த மாளிகை, கெளரவம்[அநேகமாக சாந்தியில் வெளியாகலாம்] போன்றவை. அது தவிர எந்த படங்கள் வெளியிட்டால் நன்றாக போகும் என்பது பற்றியும் விநியோகஸ்தர்கள் நமது சுவாமி, ராகவேந்தர் சார் போன்றவர்களிடம் கேட்டு தெரிந்துக் கொண்டனர்.
தியேட்டர் புகைப்படங்களை சுவாமி மற்றும் ராகவேந்தர் சார் உங்களுக்கு வழங்குவார்கள்
அன்புடன்
-
அன்பு சகோதரி சாரதா அவர்களுக்கு,
பாட்டும் பரதமும் பற்றிய பழைய நினைவுகளில் தாங்கள் அளித்துள்ள தகவல்கள் பல ரசிகர்களுக்கு புதியதாயிருக்கும். நடிகர் திலகம் எத்தனை இடர்பாடுகளையும் துரோகங்களையும் சந்தித்து வளர்ந்துள்ளார் என்பதற்கு இது ஒரு சான்றாகும்.
டியர் பம்மலார்,
டாக்டர் பட்டத்திற்கு என்றே பிறந்தவர் நடிகர் திலகம். அவருடைய நினைவையும் புகழையும் போற்றும் பல கோடி பக்தர்களில் நானும் ஒருவன் அவ்வளவே. தங்கள் பாராட்டுக்களுக்கு நன்றி.
டியர் பம்மலார், ராதாகிருஷ்ணன் மற்றும் நண்பர்களுக்கு நன்றி, என்னுடைய விருப்பத்திற்கு ஆதரவளித்தமைக்கு. அது சீக்கிரம் நடந்தேறும் என்று நம்புவோம், அதற்கான முயற்சியில் இறங்குவோம்.
இன்று 8.8.10 ஞாயிறு மாலைக் காட்சியில் பாரத் திரையரங்கையும் நம் மக்கள் விட்டு வைக்கவில்லை. சாந்தியை நாங்கள் மிஞ்சுகிறோம் பாருங்கள் என்று போட்டியில் இறங்கி விட்டார்கள். ஒரே ஒரு வித்தியாசம் சாந்தியில் பெங்களூரு ரசிகர்களால் போடப் பட்ட ராட்சத மாலைகள். இருந்தாலும் இவர்களும் விடவில்லை. பிரம்மாண்டமான எலுமிச்ச மாலை அணிவி்த்து அசத்தி விட்டனர். தொலைக்காட்சியில் மிகவும் பெரியாய் விளம்பரப்படுத்தப் பட்ட நிகழ்ச்சியையும் மீறி மக்கள் திரையரங்கில் கூடி அமர்க்களப் படுத்தி விட்டார்கள். கிட்டத்தட்ட 70 சதவீதம் அரங்கு நிறைந்தது ஒரு பெரிய விஷயமாக திரையரங்கு நிர்வாகத்தினராலேயே கருதப் படுகிறது. தொலைக்காட்சியில் ஒளிபரப்பப்பட்ட ஒரு நிகழ்ச்சியினால் சிறிது குறைந்துள்ளதாகவும் அது இல்லையென்றால் இங்கும் அரங்கு நிறைவு பலகை மாட்டப் பட்டிருக்கும் என்றும் கூறினர்.
பாரத் திரையரங்கு அளப்பரை பற்றி விரிவாக அடுத்து வரும் பதிவுகளில் அலசலாம்.
அன்புடன்
ராகவேந்திரன்
-
Dear Mr.Ragavendra/Mr.Murali Srinivas
Many thanks for your update on PP at Bharath. Looking forward to your detailed report.
It is all the more heartening to note that some of our Deivam's evergreen movies are ready for a re-release and take chennai by storm.
regards
Shivram
-
Dear Mr.Murali Srinivas
I just read your postings on NT's political journey in 1980's and how he was betrayed by certain ungratefuls.
Since I was a school student those days, the recordings & postings of such events is very interesting. It was also painful to note how our NT was back stabbed by once close associates.
I had also heard those days that NT got an appointment with Rajiv Gandhi at Delhi and as his practise, NT was present half an hour before appointment but was made to wait for more than an hour to meet Mr.Gandhi. Getting frustrated over the wait, NT had walked out and headed to Airport. Coming to know of this, Gulam Nabi Azad called up NT to pacify him and informed him that Rajiv Gandhi was not aware that NT was waiting for him!!!.
Was our TN Congress ungratefuls behind this miscommunication???.
Kindly clarify.
Regards
Shivram
